陶源酒家

Sushi & SashimiSashimi同係香港食差唔多, 無冰鮮雪藏怪味Sushi款式比較多. 創作壽司, 必食之選海鮮吃放題自助餐當然少不了鰻魚, 生蚝, 車海老, 蜆啦樣樣都好新鮮,.剛好look到有個菜式叫有機野菌…查看更多

年廿七有事北上，晚飯就選擇到陶源。來到門口…好嘈吵，原來不知那間公司正在春茗，還請來幾個明星仔唱歌匯演，正煩惱緊是不是成間餐廳都包下時，侍應姐姐見到我們就行埋黎..問幾多位…然後帶路去就坐，初頭都怕會不會太嘈，但原來那間匯演的廳跟做晚市的分開了，而且有門可關起，所以就不會太影響到其他食客。首先點了普洱茶後，就研究餐牌了，不過原來陶源自我要求都幾高，不合時宜的菜式是會暫停的，是晚選中的幾款...都差不多停了 ！這樣只好進而求其次了，而且兩個人…眼闊肚窄，都不敢叫太多。蒜香炸子雞 ~ 細細隻，但炸得幾好脆，不過雞肉太瘦了，亦咸了些。時菜 ~ 豆苗，清清腸胃之選。炒飯(忘了名稱) ~ 飯炒得好香，醬汁味好濃，令到炒飯咁可口。今餐最好味的就是這個，聽聞是雲南菜式，一片雲南式薄皮，包住煎香了的火腿，青瓜，再點上桂花蜜糖包住進食，非常好味，甜甜咸咸的再加上青瓜的冰涼感覺，很特別，原先只落了兩件，最後忍不住要再order一次！ 下次來一定會再點的食物。食飽飽就埋單，埋單後就會送上水果，西瓜加話鹽，酸酸咸咸的很消濟 ！…查看更多

又是一個跟朋友北上的日子,今次算是一個小局,又不想食得太飽,找個地方飲飲茶,聊聊天都不錯.其實深圳的點心水準已經逐漸追上香港的酒家,有部份更有過之,陶源一直都以貴價海味作主打,誰不知點心時段亦非常旺場,而出品又令人稱心.上年曾同阿火兩夫婦試足幾味特色茶,今次卻沒有,只簡單的要了普洱及香片,論茶並不太出色,色水深,但香味淺,相信是將價就貨吧!點心紙是正反兩面,大大小小足足近八十款,要選擇是一點都不難.陶源鮮蝦餃皇 : 簡單不花巧,搓工不錯,表皮柔韌有彈性,畸嫌摺數少,師傅有點懶,蝦肉夠爽口,有水準但未至於要押上店名,有點托大.蟲草花蒸燒賣 : 巧立名目,蟲草花食不出味,燒賣肉過於結實,令人失望.紫金醬鳳爪 : 用上花生一齊炆,夠腍又入味,尤其是花生比主角更惹味.南翔小籠包 : 一籠四件,每件獨立用鍚紙兜盛放,明顯是師傅信心不足,怕穿怕爛,肉汁不多,一般上海小店水平.鮑汁腐皮卷 : 炸過的腐皮用鮑汁燴過更惹味,不過包得未夠緊密,不過不失.特色流沙包 ; 包皮鬆軟,流沙充滿蛋香,亦做到流沙的感覺,但仍可以滑一些.沙鍋京蔥包 : 其實是生煎包,只不過先用砂鍋炒香京蔥,再將包放上面,好讓香氣散發,出發點是不錯,而且煎得微焦,帶點脆口,不錯鮮蝦脆春卷 : 餡料用上鮮蝦,比起香港只當是下價點心有誠意得多.酥皮焗蛋撻 : 用牛油搓的酥皮夠鬆化,充滿牛油香,雖然色澤偏深,但絕不會影響其味道.金網鍋貼餃 : 賣相得意,其實是煎好後反轉朝天,即叫即煎,香脆,入口肉汁充斥,可以一試.叉燒焗餐包 : 以為是港式出品,相信是店方從香港引入深圳點心之一,包皮軟熟,叉燒份量雖然不多,但個人不喜歡醬汁太多,而今次是做得到.夏威夷木瓜酥 : 食過多次,都是以車公廟站的金悅軒水準最高,店方刻意加上芝麻,但木瓜本身的香味足以蓋過芝麻味,而且炸得色澤深黃,入口有點油膩.陳皮牛肉腸粉/蜜汁叉燒腸/韮王鮮蝦滑腸粉: 比起上次好得多了,至少腸粉皮夠薄,亦夠滑,但米香不足,用料足,陳皮味輕柔,牛肉反而是醃得太多.叉燒本身的甜味能令腸粉變得更惹味,而蝦腸用料新鮮,豉油帶少許甜味,個人幾喜歡.香煎骨腩粥 : 骨腩雖然有用火灸過僻腥,但成效不大,反而粥底是廣東粥煲法,米是開花,粥底夠綿,下次都是轉粥料好了.山西紅棗糕 : 雖然是特價點心,但煙煙韌韌,微微帶點果甜,令人有點驚喜.南京桂花鴨 : 鴨肉不會太結實,又滲入了少許桂花味,又真的幾特別,相信是杭州菜的變奏.雞絲粉皮 : 唔得,粉皮太厚,麻醬香味平平,雞絲又是無味道,一邊食,一邊後悔.整體而言,服務周到,座位之間寬敞,就算是假日亦坐得舒服,不會出現椅背接吻的情況,又不用預早訂位,有機會可以試試.P.S : 越來越多出名酒家北上插旗,就連西苑亦在附近開業,相信會令食物水準不斷提高,是一個好現象,同樣地,大家可能要面臨食貴野的日子了...:(…查看更多

辛苦了一個月，今天決好好地獎勵一下自己，吃一頓好的吧。這間殿堂級食府絶對夠班，門面夠大裝修豪華，還有魚翅挂堂前，單是門口帶位的靚女都有四位木田。還沒坐下，就有旗袍姐姐走來，好温柔地推薦各款泡菜，我都說不要，因為實在不懂得喝茶，來壺普通的就夠。靚女推薦不成，悻悻然地走了。繼而有兩位部長拿了本又大又長的菜譜來，問是否有套餐?女部長很高興地說有呀，推薦二人套餐，每位人民幣八百八十八元，這己經是最便宜的了，當然，有魚翅羹的，共七八道菜，我說不用吃這麼多，散點好了。於是，女部長走了，男部長開始推薦：每人來盅燉湯吧? 我說不要，問是否有例湯，部長面色一沉說: 我們這裡沒有例湯，只有燉湯；那蒸條魚吧，我知道這裡的魚也是很貴的，兩個人實在不必，又說不要。男部長一言不發，頭也不回地走了。我心裡相當不快，我吃我的飯，我點我的菜，不吃貴價菜式就要看你的臉色嗎?:(當然之後再也沒有部長理我們了，我招手叫侍應，寫了四道菜，侍應的態度卻是相當的好。細細粒方型的就是鵝肝，外層好脆，入口即溶，雖然銀芽盖面，仍掩不住鵝肝的香，吸收了它的香味之餘仍保持了銀芽的爽甜；花胶條有手指那麼粗，又腍又滑，作為配菜的鮮露筍把外皮削干淨，吃起來一點渣都沒有，鮮嫩可口，還有雞蹤菌，充滿菌香；凡用那些辣碎做的，都叫避風塘，其實這個豬手一點都不平凡，炸到皮脆但肉還是很嫩的，起了骨切好片，一點也不油膩；叫雜菜煲，真的有很多種菜，西蘭花、西洋菜、白菜、西芹、木耳、腐竹、蝦條，樣樣都很鮮甜且腍得剛剛好，用魚湯浸得很入味。最後連送的果盤都很好，生果不會熟過又甜得剛剛好。吃到心滿意足，早把那面長的臉色忘得一干二淨了。:)…查看更多

辛苦了一個星期，週日過到深圳，想吃餐好的，想起陶源的老火湯，頓時來了精神，風風火火地趕去。去到人還不少呢，拿了號，等5分鐘有位，叫個108優惠套餐:：賣完喎，好啦，貴d既，198午市套餐，又話老火湯賣完，問枸杞豬潤湯好唔好? 諗下豬潤湯(豬潤要熟而不老)都考功夫架，好! 就試下你! 等左一陣，部長來了，說沒有枸杞，菜心豬潤湯好唔好? 咁怪? 唔好:( 搞左一輪，好不情願地換左魚頭豆腐湯，完全無驚喜。當然，高級食府，食物一定有番咁上下水準既，清蒸多寶魚，鮮甜嫩滑；黃金蒜香鷄，皮脆肉嫩；椒盐三文魚腩，油略多了。兩人250埋單，真的不便宜。為左老火湯，還會再來的。…查看更多

Carol 提意一試, 一班朋友又一次出動去食. :)五谷腰豆浸鮮貝 - 好少菜式用紅腰豆, 都幾新穎, 味道都ok, 不過鮮貝就好難先搵到一粒. 什果沙拉盞 - 又係一個幾新穎嘅菜式, 裡面有生菜, 西蘭花, 甘筍, 重有紫芯蕃薯添, 都唔錯.黃菌翡翠蟶子皇 - 呢味菜, 上枱時有d失望, 因為分量少, 而且蟶子唔可以叫"皇"囉! 一般.燒青魚 - 喜出望外, 呢個燒青魚好好味, 外皮重係脆既, 掂!堂煎清酒安格斯牛柳粒 - 即場煎嘅一道菜, 安格斯牛味濃, 而且好juicy. 正!茄汁焗海中蝦 - 中蝦新鮮, 個茄汁做得唔錯.鮑汁蝦籽遼参煲 - 遼参又係寥寥可數, 不過都可以啦!素池艷影 - 清清地嘅冬瓜加上竹笙, 雲茸, 髮菜, 唔差.後記 : 其實喺深圳呢間酒家並唔平, 不過佢哋嘅服務真係唔錯, 連帶我哋想飲紅酒, 佢哋都有個wine gallery重用埋decanter添, 真係細心.最後祝Carol生日快樂! 身體健康! :)…查看更多

每個月有幾餐一定系來陶源開飯，皆因陶源每個月都會有新菜式推出，來呢度食，就唔使擔心來得多，食來食去都得果幾味的問題，次次來都可以試新野！每次食左好味的新菜式，都想上來同大家分享，可惜次次都懶，再加上每日三餐都有值得分享的美味，要不就想全部記錄下來，否則就不如唔寫算了，每次就系呢個原因，所以已經有好耐無上來寫食評。今餐試左陶源的新菜式“堂煎xxxx牛肉”，唔好意思，唔記得左個名，但去到打開新菜牌就知是哪一道菜，好似88元例牌，好好味，D牛肉煎得火候剛剛好，我本來不太愛吃牛肉的都覺得好好味，牛肉咬落唔會覺得韌，但亦絕對食不到有用任何松肉粉“拿”過的那種口感，（最怕有些食肆，無論什么牛肉，都喜歡用松肉粉將牛肉“拿”到無曬牛肉的質感，認為那樣就是嫩滑），牛肉煎得不會太干身，整塊放入口，你會食到濃濃的牛肉汁，很香的牛肉味，再吃一塊爽脆的蓮藕配菜..........整道菜絕對讓人回味無窮！！還有一道值得一試的涼菜：“口水雞”很早前吃過一回，印象深刻，因為未曾食過甘好味的口水雞，可惜后來幾次去到都說已經沽清，很失望！:今日坐低便叫部長第一時間先下單一份口水雞，很好彩，這一次終于可以吃到，依然是那種鮮香麻辣的味道，只是聞一聞，就足以令人垂延三尺！今日選擇的甜品原來也是新品，名字記不清楚了，大概叫涼瓜汁芝麻湯圓，是用涼瓜汁拌進湯圓的面粉里，所以湯圓是綠色的，外皮炸得脆口，里面是芝麻容餡，不會太甜，感覺搭配很健康，廚師實在夠心思，值得再吃的甜品！今次還吃了脆皮雞，雞沒什么特別，值得一提的反而是搭配的醬油，看上去顏色很深以為會很重味，但原來好鮮甜，不是一般那種醬油的鮮甜，色澤像老抽，口感很特別。尤幸這仍有一間保持水準的食肆！！…查看更多

香港甘多間陶源，我最鐘意去食黃浦果間，味道好之余出品穩定，早前聽聞黃浦陶源既廚房師傅來左深圳呢間分店坐鎮，即刻去食晚飯，不過無時間寫食評，甚至連影左的相片都揾唔到系邊今個禮拜六一早來陶源飲茶，估唔到驚喜連連，首先上來系有成半張臺甘長的叉燒腸，首次見到用呢種器皿來裝腸粉，十分有新意，應該頒個創意獎給廚師:)叉燒的蜜汁香味配腸粉的米香味，呢種搭配我最喜愛，食左一份，結果忍唔住加單叫多份。鮑魚滑雞粥，味道很好，只是加左生菜絲我唔系甘鐘意，喜歡甘樣食法的朋友不妨一試。陶源鮑汁叉燒包：好耐無食叉燒包，香噴噴熱辣辣，甘凍的天，溫暖曬接落來的上湯芥蘭一定要試，每一條芥蘭都係精心挑選過的，鮮嫩爽脆，保持芥蘭獨特的菜香味之余唔會好似其他酒樓既芥蘭甘有苦味鮑汁鳳爪：又系一定要食既，花生同鳳爪都燜到入曬味，鮑汁濃到起膠，不過一定要趁熱食，凍左會結舊迷你瑤柱珍珠雞：又一驚喜，從未食過甘細只但甘足料的糯米雞，薄薄一層糯米飯包住豐富既餡料，食第一口已經有濃濃的瑤柱香味，里面的雞肉全部都係用最靚的部位切粒的，成只珍珠雞一D骨都無，可以好放心甘一啖食曬，其他食肆的糯米雞好多都系用埋D雞頭雞尾或者雞亦，無肉食兼勁多骨！日式窩貼餃：豬肉餡香多汁，但係因為煎過的，我略嫌拒多油左D濃湯翡翠浸魚滑：魚滑新鮮，芥菜好甜，面頭加左塊腐皮，令到成個菜式的味道更豐富，絕對值得一試家鄉甜薄餐：因為咳緊唔敢食多，驚熱氣，但見大家都話好正都係忍唔住咬左少少，果然好香仲點左風車野菌餃、碧綠牛肉球、蒸排骨、養生豆漿油條、時間關系，唔寫甘多了食飽飽剛好有豆腐花推介，聽個侍應生話係第一次賣豆腐花，但唔明拒意思系指拒自己系第一次定陶源第一次賣呢？都唔重要，叫返幾碗一試無防，正好作飯后甜品話說第二日即係星期日啦，去左唐宮飲茶，發覺差左好多（其實更早之前去食飯時已經發覺差左），以后轉移陣地，以陶源為未來主要開飯之選了呢度市中心地段，但停車唔算好貴，食飯有免費停車兩小時，但我地由十點鐘食到兩點，超時的要自己給，不過都只係十元，停車方便，出品好，相信來陶源食飯好快要排長龍…查看更多

陶源係香港一向薄有名聲,上到深圳,雖然主打高檔路線,但地點適中,亦有一班支持者.四人先行部隊,見茶博士推介既茶都係十幾蚊一壺,實在比王子國宴合理得多,貪得意之下,就叫左四款唔同既茶,包括:陳年珍藏潽洱,鐵觀音,菊花同人參烏龍.個人而言最鐘意人參烏龍,不單有人參滲出既甘甜,仲有一朕芳香,入口清涼,正.潽洱既濃且滑,菊花清新而鐵觀音茶味濃郁,各自精彩,大家交換品嚐,真係無點錯.講真鮑參翅肚食唔起,點心就可以叫多幾碟.南京桂花鴨:唔貴,三十蚊左右,肉質唔太結實,有點似杭州菜,不過多左朕桂花味,幾好.法式鵝肝酥:用芋絲包裹鵝肝同炸,色澤金黃,時間拿捏得好,鵝肝份量唔多,外脆內綿,香港好少食到.蝦餃:雖然皮有點厚,不過可以有十二,三摺既蝦餃,香港都唔多見啦.工夫黎架.春卷 :只係三蚊左右,唔荒好啦,炸得過火,色澤深黃,唔好叫啦.陶源鮑魚汁叉燒包 :但凡店方用得自己個名,睇怕都好有信心,其實餡料唔多,但肉汁充盈,外皮軟綿.值得一提係叉燒唔多覺有焦,可能特意挑選過.金網窩貼餃:賣相得意唔在講,煎得恰到好處,即叫即煎,脆而不焦,入口肉汁充斥,唔叫唔得.陳皮牛肉腸:唔係咁好,係深圳食咁多年,都係星記腸粉王同鳳凰樓好d,雖然餡料帶有陳皮香,但皮太厚啦,唔鐘意.鮮肉野菌餃:水晶皮,野菌餡再加入鮮肉,理應有火花,但同意阿火講,好多油呀!杏棗皇燉元肉:糖水一類,好足料,唔覺糖水通病........浸水唔足有酸味,反而清甜潤喉,唔錯.點心水準算高,收費亦合理(唔代表平),地點適中,可以試試.小貼士:如果多機會北上,可以買張深圳通,功用同八達通相近,雖然要比二十定三十按金(唔太記得),不過你見到排隊條人龍,仲要排到你同你講只收五蚊紙(經常出現),又要去服務檯換錢,有時又話你張紙幣唔得,你會嬲到想售票機都踢爆,而且仲可以去7仔買野,搭巴士又得,真係幾方便下.…查看更多