陶園餐廳 (已結業)

天時暑熱，加上素女又想keep fit，奈何周圍食肆都是肉肉肉...... 好在！這兒有走肉下午茶沙律大大碟，連埋杯(重手)凍檸檬茶只$30，巧巧味又cheap。有得走棧就最盞 咯(實在，都唔明何解一般食肆的沙律餐必然跟炸雞腿、吉列豬扒、炸乜炸物，肥X人又上火谷暗瘡，吃完很多後遺症，討厭！)！

地方寬敞，聚腳好地方。羊腩煲及麻辣火鍋🍲好正,期待下次再食。又食炸生蠔，蠔大隻鮮甜配以碑酒，慢慢品償美食之如，又可與一班朋友唱所欲言，結果到了差不多打烊，人家收工才離開,玩得盡興,下次再約朋友來此店聚會✌️

是日嗌左個沙嗲牛肉米線、牛油厚多士、火腿加炒蛋配熱奶茶！個粉份量都唔少，沙嗲味唔算濃，撈均個粉都叫夠味，但系啲牛肉食得出用牛肉精粉醃過既味道，個人感覺個味比較單一，蒜香味亦欠奉！唔突出熱奶茶正常夠滑但茶味不足！牛油多士夠咸香不過唔夠脆，個蛋中間都叫有蛋汁，總體黎講價錢唔貴 質素唔差，不過味道可以更好！

就算食完午餐，做完場運動，好似都消化晒!係時候又要填肚子喇!其實，剛剛食依間開張的時候，我已經試過早餐，味道都可以。之後有次打算再來，但竟然閂門左一段日子（不清楚係內部裝修，還是有其他問題原故）見到再開番，決定走來幫襯個下午茶!一如以往，我地二人都揀左自選扒餐吉豬/吉魚/炸雞翼/炸雞脾，拼沙律或薯餅（$30）以即時炸的效率，都算幾快上枱。吉列魚柳唔腥，炸到脆卜卜，配上少許千島醬。炸雞腿即使唔算大，但炸得夠香脆。不過好似醃得唔夠入味，好彩外皮有撒上淮鹽。30蚊有炸雞腿餐已經買少見少，都唔可以有太高要求。唔想熱氣食薯餅，揀沙律就啱。不過沙律份量一般，內有菠蘿、桃、椰果、車厘子，我地就覺得偏甜左少許。

四大三細，晚餐點了六人餐五百蚊出頭，唔貴！有六個送，燒鵝（推薦！）避風塘炒蝦，蒸魚，粉絲蝦米節瓜煲，咕嚕肉（推薦！），牛柳粒炒西蘭花，中湯好喝，無味精，後加單點左避風塘炒茄子（超級好吃😋推薦👍份量大，抵食，和新鮮出爐乳豬（肥左少少），每碟菜份量都大，最後吃唔曬要打包，價錢合理，性價比高，小炒味道滿分💯，美中不足服務員可能因為新開唔夠人，太忙。但不得不提吧台飲料一流，點了杯熱奶茶香滑，金橘檸蜜不會太甜好飲，值得再去幫襯

最近有朋友介紹左這一个新開的餐廳，試过几次，味道真的很可以，而且份量十足，最喜歡那个咕嚕肉，外脆內又juice，還有果个燒味拼盘，真的不比大酒店差，這店離我家不算近，但下次要帶家人過來试一下

晚上同屋企人一家大細一齊黎新蒲崗mikiki行街，行完後大家一致認為不如出外面商場搵嘢吃啦。行行下見大概5分鐘左右發現新開既餐廳，門口有間燒味檔口餐廳，光線充足，睇起生乾乾淨淨，就大家商量後話不如就呢間啦，近近地唔洗拖住又有細行黎行去。餐廳門口企左好多人等外賣，特別多媽媽同家庭客入餐廳後睇左餐牌選擇好多，叫左個伙計推介左晚市6人餐，有6個菜先$5百幾，等左一陣d送就好快開始上啦，首先姐姐就送每人一晚大大份湯，裡面有好多料，長輩話個湯好正唔似有味精。跟著再上左燒味雙拼份量真係好足料，可能大家都餓快快開吃，一下子就清曬跟著其他菜都開始上，條魚新鮮好有屋企煮既味道，小朋友最愛既粉絲鍋同西蘭花牛肉！我個人最鍾意就係個咕嚕肉，唔會太酸最仲要係新鮮菠蘿，肉無骨炸得好好味！今晚必吃特別推薦呢個椒鹽炸茄子，點餐姐姐推薦！真係比手指要粗既茄子，炸得好好！外脆內松呢餐餐廳真係大份夾抵吃！！五百幾蚊咁多送，又有蝦又有魚真係自己煮都唔止呢條數，以後黎親呢頭都會再黎呢間吃

今日經過見到有新開的茶餐廳，店內地方很大，唔洗點等位當然要試下啦！打算好味道下次午餐又可以多一間選擇，可惜… 今日同同事試了午市套餐，味道一般，有代改進。黑椒牛扒腸仔飯：黑椒汁唔得，似中菜的芡汁，份量又過多，太似漿糊，又鹹咗少少，感覺怪怪的；腸仔唔知道係什麼牌子，也是偏鹹一點；還好的，是牛扒係真的牛扒，配飯也可以食飽，否則，我今天要提早下午茶了。梅菜蒸鯇魚飯：梅菜比較少，所以整個餸就唔會太鹹，但剛好這份魚係最多骨的部份，真係要慢慢食先得。