陳通記

營業中

休息中

Bookmark咗呢間名物超級耐！終於預啱時間去長洲 一落船就即刻去食😂作為肥牛派嘅我 一見到有得揀沙嗲肥牛就毫不猶豫落單😎另外加錢雙拼揀咗雞翼😆成件事係好啱我口味 沙嗲味濃 但又未至於成個湯杰撻撻 香濃而不膩👍🏻米通嘅口感極好 比起喺出面食到嘅厚身少少 軟滑彈牙 好鍾意！雞翼都醃得好入味 炸得啱啱好 漲卜卜🥰個份量比我想像中多好多 食到勁飽 完全無肚再食其他嘢😂建議兩個人share一碗～烘得香脆唔乾硬 煉奶俾得好多 一路食一路流出嚟🤤好滿足！．*粉麵無跟餐 飲品散叫 凍飲正價$18-21不等～

🍴 陳通記🥄• 今次嚟到位於長洲嘅陳通記✨一直都想食好耐但係咁啱早兩三次去長洲都冇開🥺今次夾啱時間你終於可以試到！！😋聽講佢嘅沙嗲湯底好濃郁！一於試吓係咪真係咁出色🤩————————————————❶ 沙嗲雞翼米通 $34沙嗲湯底的確好濃郁 好香花生味 仲飲到少少一粒粒嘅花生🥜 米通索晒啲湯汁 而且煙煙韌韌 幾特別加上坊間好少見🥺個人覺得米通值得一試‼️ 雞翼大約有四件 有輕微煎香 但普普通通冇咩特別🤣 整體份量好多 而個沙嗲湯都算唔錯 幾出色😋嚟嘅時候好期待會唔會好驚艷🥺 但係覺得有少少過度吹捧 未去到咁誇張地好😂個人覺得都係榮記沙嗲煲仔好食啲🤣🤣❷ 鮮牛蛋治 +烘底 $24麵包烘完之後有點焦香 入面嘅雞蛋和牛肉好嫩滑牛肉首先搗亂再和雞蛋煎成一塊🥪 煎完後夠晒厚實 而且仲有少少蛋汁✨❸ 沙嗲鮮牛肉出前一丁 $40牛肉脂肪唔多 但係入口一啲都唔韌 亦都冇筋🐮會食到牛肉嘅質感😋 同埋米紙訪問時老闆話冇加鬆肉粉 而且用新鮮牛肉👍🏻但個人覺得牛肉同個湯底有啲分離咗🥺可能因為牛肉唔多沙嗲味😢 不過整體性價比都好高 因為牛肉份量非常多✨ ➍ 西多士 $24 可以揀咖央或花生醬 今次我哋揀咗花生醬😋

當日剛剛行完山,食完餃子之後,再繼續食好西~男友帶我來陳通記我黎左咁多之長洲都唔知原來對出粥鋪,再行入黎呢個大排檔有咁多野食可能之前黎o既時候多數都係夏天,所以無諗住選擇去大排檔~男友點左個沙嗲牛肉米通,好可惜當日無牛肉...只好點沙嗲肥牛米通滿滿一大碗,同伙記吹下水,都幾nice!個真係從來都無食過沙嗲湯底係咁濃~平時去普通茶記都係淋少少沙嗲汁就算呢度真係好有熱誠呀~連個湯底都好多花生碎,就算我唔食得辣,但個湯底完全唔辣呀,食完又唔會好口乾,真係好有心機~~肥牛同米通的份量都好多,米通索晒個湯底,再放入口咀嚼,真係超入味呀!!好耐無食過呢種米通,之前在台灣餐廳食過通心米粉.但細細條o既米通就真係無食過~~奶茶好滑,茶味好香濃~~咸牛肉治我都好耐無食過,滿滿的餡料,真係好滿足~~~食完又唔會口乾,唔重味精~~好在我地3點45左右黎到,我地食到差唔多4:15問我地仲有無野加,當我地食到4:30有其他食客想入來食,已經話關門了...我地真係好好彩呀~

嚟長洲除咗掃街，食大魚旦或者食海鮮之外，都可以食下啲長洲地道茶餐廳。陳通記就連長洲嘅街坊都推介，舖頭有啲似大排檔feel，需要自己搵位，衛生環境差少少，但風味十足，冇阻小編食好嘢嘅心情。沙嗲肥牛米通粉（🌟85.34/100）💲34呢個係呢度嘅招牌菜，一嚟到就聞到濃濃嘅沙嗲味，湯底十分濃郁，勁多炸蒜同花生碎，但係吾會太咸；米通粉唔係度度都有得食，小編都係第一次食，食落去好煙韌，好掛湯，而且中間係通窿嘅，可以吸埋啲湯，但係唔知係咪煮得唔夠耐，好多都黐埋一舊舊，好硬☹️；肥牛，軟硬度適中，薄薄嘅一片，唔會煮得太耐而搞到好韌。凍奶茶（🌟12.33/100）💲18嚟到茶記就一定要試吓舖頭沖嘅奶茶，先會睇得出水吧有冇料到🤣🤣飲咗一啖後，即刻甜到嚇死，淨係飲到糖漿味，完全飲唔到奶茶味🙁但係小編嘅朋友叫咗熱奶茶，佢完全冇加糖，好飲好多，但係奶味偏重，值得一試。

⛴今個weekend 終於岀左去離島抖抖，番番黎長洲探下啲美食🤤陳通記呢個名近年聽就聽得多，話哂馳名沙嗲牛肉麵喎！可惜對上幾次入去都無機會試，今次一於book mark 左你，無論點都要試下你有幾巴閉🤔陳通記位於長洲海旁路熟食中心入面，十分隱蔽，未黎過嘅朋友真係要捐窿捐隙先搵得到😬睇落就只係一間平平無奇嘅茶餐廳，但所有客人相信都係慕名佢個沙嗲牛肉而來。🍜沙嗲牛肉米通 $➌➍可能你會話：沙嗲牛肉就梗係配公仔麵㗎啦，點解會係米通？我初初都有呢個疑問，但見個個人都介紹，即管試試佢。原來米通係指一款通心米線，口感勁滑。中通嘅米線可以完美地掛到啲沙嗲湯，真係無介紹錯！至於佢個沙嗲湯的確係有料到，用左花生醬同花生粒去煮，已經令到個湯極香！湯雖然煮得好濃味，但稀稠度較得岩岩好唔會稠到飲唔落咁！加上落左適量嘅辣椒碎，令到沙嗲湯微微帶辣，味覺更加立體，真係忍唔住食下飲下成碗清哂😂🥪鮮牛肉蛋治 $➋➍同沙嗲牛通一樣，用上新鮮薄切牛肉製作。牛肉腍身重牛味，無醃製嘅梳打粉味，不惜工本落足料勁多片牛肉🙇🏻‍♂️連埋雞蛋炒香再夾係方包之中，新鮮製作熱辣辣上枱👍🏻下次再黎，希望可以畀我試到今次無哂嘅咖央西多士🥺📍陳通

入嚟長洲之前，梗係搵定有咩好食啦！我見好多人都推介呢間嘅米通，一預同朋友仔黎試試佢😊😊😊- 沙嗲牛肉米通 $34份量十足，好大兜。牛肉都多，肉質腍唔乾。佢個沙爹醬重花生味🥜🥜🥜仲有埋啲花生粒，所以湯底嘅顏色會比平時嘅偏黃，似花生醬嘅顏色。米通，佢似通粉咁空心嘅，食嘅時候吸埋湯汁，口感彈牙，似食緊米線咁。😋😋😋🙌🏻推- 西多士 $24又係份量十足。口感上，冇外脆內軟。味道上，食到好似用用過嘅油炸出嚟。🙅🏻‍♀️🙌🏻個人唔推

本人十分喜愛沙嗲牛肉，聽說陳通記在場就非常出名，所以星期六特地搭船去長洲一試究竟，由於疫情關係，每枱只可以坐兩個人，大約12:30到達長洲，第一站便是陳通記，位置找了一會兒，然後發現陳通記有多於一個舖位，座位是需要自己輪候的。我與朋友分別等不同的枱，大約等了45分鐘才有位置。分別是了沙嗲牛肉米通，和沙嗲蛋公仔麵，價錢方面是很抵，30多元一碗，牛肉和麵份量也算是很多，本人比較推介米通，米通比較特別，外面不是每一家店也有，米通亦能夠吸收沙嗲汁的味道，不過對沙嗲汁有點失望，裏面沒有吃到花生粒，和湯底偏鹹。而公仔麵煮的時間太久，公仔麵的麵質過淋，導致沒有口感。牛肉方面，軟硬度適中，很容易咬，不會太’un’，如果把價錢也考慮進去，性價比算是很高。如果大家去長洲是希望掃街，比較建議三人吃兩碗，另外再加小食，因為份量很多，這次我和朋友吃完也要等兩個小時消化完，才能掃街。

-<<🌞🍜>>只要㩒入 #長洲美食 個tag就一定會見到陳通記💛💛平日去到都非常旺場～姐姐好熱情友善🔥亦見到好多街坊幫襯.1️⃣沙嗲牛肉米通 | $33 | 8.4/10梗係要嗌佢招牌米通😌‼️出邊較少見口感彈牙～好索湯又唔會太淋 沙嗲湯底好濃有花生粒🤩辣辣地超正牛肉就唔算多有啲韌🙈不過牛味重收貨份量好多 細食嘅朋友建議兩份分～.2️⃣鹹牛肉蛋治 | $17 | 7/10炒蛋但都幾滑👏🏼正常茶記質素～唔想淨係食通粉咁齋可以試吓! 記得嗌烘底呀👀.📍 陳通記 長洲海傍街熟食中心13號舖.#jacstomach_長洲#jacstomach_港式

岩岩落船就去左位於海傍街嘅陳通記，係熟食中心入面，係外圍團團轉係搵唔到的，要行入去～見咁岩有枱客走左我地就坐低😬🔆炸菜肉絲米通$𝟚𝟠 雖然佢最出名沙嗲牛，但朋友唔食牛所以我地黎試下米通😆個米通粉幾好咬，唔係腍啤啤咁，中間空心仲可以吸到湯😋可能揀左炸菜，個湯有啲鹹🙈🔆火腿蛋治$𝟙𝟠 要左烘底，唔洗加錢😳咬落熱辣辣的😚沒有很特別🤣🐰岩岩落船食碗熱野暖下胃係非常推薦👍🏼唔太確定佢營業時間，OpenRice寫4點就關門，所以就放係行程較前位置📌

•沙嗲牛肉瀨粉牛肉嫩滑 味道同沙嗲豬扒比較起上嚟冇咁濃郁 想食冇咁濃味嘅話 可以就食沙嗲牛肉 可能係佢啲牛肉一早醃好跟住冇另外加沙嗲味道可能比較淡 而且佢嘅瀨粉感覺冇咁入味 但係啲牛肉就真係好嫩滑🤤下次帶咪通可能會比較出色啲！•沙嗲豬扒米通湯汁濃厚 豬扒超入味 嫩口 因為係單叫豬扒再另加沙嗲 咁樣可能就入味啲 呢度嘅米通果然好好食唔同出面普通嘅通心粉！*其實仲嗌左個西多士㗎不過唔記得影相🤦🏻‍♀️🤦🏻‍♀️🤦🏻‍♀️ 太吸引啦 個西多士我都極力力推薦！*我哋大概食咗total$120左右啦 性價比都幾高👍🏻

長洲有勁多出名既野食, 陳通記既沙嗲牛肉應該好多人都聽過, 但食唔食到好似真係睇運數!😏 一向鐘意食沙嗲牛既我, 難得去到長洲, 當然要碰下運氣喇! Yeah! 有開舖, 食得到! 叫左兩碗名物🤣 🍜一碗沙嗲肥牛麵-- 肥牛薄而且肥瘦適中, 麵底超多, 沙嗲味好濃好杰身, 好好味!🍜一碗沙嗲牛肉米通粉!-- 呢碗湯底感覺仲濃郁, 米通粉滑嘟嘟, 撈埋沙嗲湯食, 完全清左成碗! 真係非常滿足!🥰 牛肉厚身但唔鞋唔un, 食幾多都唔夠咁!

人人都推薦陳通記既沙嗲湯底 由於長洲太多野食今次終於有機會輪到佢 我會話真係值得一試 位於熟食中心中間 座位好多好大 平日都仍然座無虛席✨· 沙嗲肥牛公仔麵 $40 [😋7.9/10] ⭐️湯底沙嗲味濃郁 特別係花生味好突出 花生味香濃亦有粒粒花生碎 湯底唔係好稠身 不過味道仍然足夠 同時又唔會膩 私心覺得其實可以更濃更辣 肥牛份量頗多 同公仔麵一樣表現正正常常 · 鮮牛肉米通 $28 [😋7.5/10] 鮮牛肉份量好多 有6-7塊好厚身 肉質有咬口不過有啲筋 米通(係我童年回憶) 坊間好少見 似空心版既米線~ 更加掛汁 若果硬啲帶煙韌感就更好 —————————————————————😋 taste? 7.85/10 🥳 environment? 6.95/10🤑 cp value? 7.9/10🤩 revisit? 7.7/10—————————————————————📍長洲陳通記長洲海傍街熟食中心13號舖

上網見啲youtuber介紹話要試陳通記碗沙嗲牛通，我哋去到長洲咪試下囉。都知間野多人唔堂食，去到外賣落單，收銀位個四眼佬又唔出聲打個🤚🏻手勢，好似阻住佢埋數咁，結果等左一陣先有個待應仔過嚟落單，態度都叫客氣。但個收銀就態度差囉，唔鍾意招呼人咪辭工囉。等左成20分鐘，終於有個takeaway食，打開其實都係普通貨色，鞋牛肉花生醬沙嗲通粉，山長水遠去長洲食碗咁既通粉，幫襯完一次無下單，長沙灣金園茶餐廳和旺角康年好食過佢多多聲啦。

黎長洲次次都係食大魚蛋，今次黎想試下其他新野😎見到好多人推介呢間大排檔嘅港式地道野，係熟食市場入面好懷舊嘅環境呀😛都幾多街坊同遊客黎食，叫左2款大推嘅都真係幾抵又好食👍🏻🔸沙嗲牛肉米通 (HK$34)每一枱都有碗沙爹牛，難得見到有米通🤩沙嗲味好濃郁，花生味都幾濃，配米通好match，索晒沙嗲湯，咬落都好有口感😎🔸咸牛肉蛋治烘底 (HK$18)猶豫左一陣叫西多士定呢個，但見到隔離枱食好香咁就試呢個😁即叫即製嘅多士烘得岩岩好，入面嘅蛋牛料都好足，好味道😋

有冇人會好似小編一樣，次次去長洲之前都會search定要食咩，然後整個to eat list😂去過長洲咁多次，呢間陳通記真係第一次食，可能之前嫌佢污糟掛，又或者有其他嘢想食😮‍💨今次咁岩得咁橋又好想食沙嗲，終於的起心肝試🥜.🫕肥牛沙嗲米通 (+$9 雞翼) $43個沙嗲湯底就真係冇得輸，暫時係食過最好食，可能因為麵底唔係叫公仔麵，一啲都唔覺得濟😍餸個到有勁多款俾你揀，鍾意點配搭都得，竟然有小編最鍾意嘅肥牛、雞翼😋個人認為呢個組合係無敵😚.🥪鹹牛肉蛋治 (烘底) $18份三文治就真係有啲失望嘅，得好少鹹牛肉，所以冇乜味😞同埋餡料比想像中少，定係呢個價錢唔應該要求咁多，咁我寧願貴少少，可以多啲餡😂唯一要讚嘅係烘底唔使加錢😛.🍽味道: 3.5/5 🏙環境: 2.5/5‍👨🏼‍🍳服務: 3/5💧衛生: 2.5/5💰價錢: 4/5