陳漢記 (已結業)

20190628 今日特登揸車入嚟大埔搵嘢食，當然唔少得要去幾十年老字號嘅（陳漢記），天氣熱辣辣，一入嚟即刻叫枝支裝汽水飲下好似$12一支，透心涼爽簡簡單單，叫碗水餃米，有3舊水餃份量足，夠大件又爽身而家已經比以前裝修左 環境好咗好多

經開大埔，見到好似好出名既陳漢記，所以就想去試下。10點4x分到達，但店員堅持未夠鐘，未能入內，一兩分鐘後，零星熟客仔可以入去，但生面口的本人卻仍未被允許入內，令人無奈，真是大牌呀。在門口見到墨魚丸大大粒咁，所以叫左個墨魚丸豬肉丸麵。墨魚丸真係好足料好彈牙，麵就普普通通，豬肉丸似乎都係平時食開的差不多，吃不出大分別。豬潤腸同魚片腸腸粉皮非常薄，點埋醬油更是出色。豬潤足料、爽口，魚片，不是類似魚蛋個種魚片，是真的一片片的魚肉，非常新穎吧，本人也是第一次試，跟腸粉很夾，魚肉的滑和腸粉的滑相映成趣，令人難忘。總結：粉麵無甚特別，腸粉作為本店招牌菜，卻是對得起這店的名氣。倒是服務質素實在不敢恭維。

中午黎大埔行，就問個大埔朋友到食個lunch, 咁佢就推介左呢間老字號「陳漢記」，諗住去試一試。去到嗰時未到繁忙時段，唔使等位直入，入到去坐位都唔算太逼，咁我就叫左個雞粥同埋豬潤腸粉。之前食過元朗發記嘅雞粥就迷上左，發覺呢間嘅雞粥，一碗用嘅雞冇咁多，粥底嘅雞味亦都冇咁濃，但呢碗粥勝左雞比較滑，冇咁老。到腸粉啦，我本身麻麻地豬潤，但見到openrice 上面咁多人講，所以都想試下，但我果然都係麻麻地，但呢個豬潤的確做到好爽。

半夜搵食必選 如果太夜未食飯，就會去呢度食煲仔飯同腸粉。首選公司臘味煲仔飯，將不同臘味切碎放入飯度，加埋煲仔飯豉油同飯焦好香啊！試過好多間煲仔飯始終都係最中意陳漢記

陳漢記係大埔好出名的街坊食店，今晚六點幾黎到已經見到鋪內坐左一大半人。當晚見到唔少人叫煲仔飯，但我地想食得清淡啲，所以只係叫左粥同腸粉。粥底係偏稀，食落都幾綿，內臟的份量都多。另外仲落左好多薑絲同蒜頭，可以辟味之餘仲令碗粥更加香。黎到陳漢記一定要試下佢地最出名的玻璃腸粉，今次叫左豬潤腸，好足料，豬潤的份量多到撐爆左條腸。腸粉皮好薄好滑，點埋豉油確實係幾好味。不過腸粉就偏細條，要叫多幾碟先夠😅下次有機會要試埋佢地的煲仔飯。

星期日睇完戲，大王提出去陳漢記。上次想吃煲仔飯不獲批准，今次終於可以一試了。今日點了排骨雞飯，味道不錯。來到陳漢記，當然要吃腸粉。皮仍然很薄，但是比較易爛，有點退步了。見到隔離枱點炸水餃，貌似不錯，但因為兩個人吃不了那麼多，所以點了小份的炸雲吞。臨近尾聲，發現了爽滑魚皮，但是因為太飽了，沒有點。過了三天仍然念念不忘，所以再與大王前來。爽滑魚皮果然又爽又滑，送酒一流。今次試了炸两和炸鯪魚球，果然不負眾望，非常美味。

陳漢記絕對係深夜飯堂，食過好多好多次。都見過謝安琪張繼聰等等好多藝人去食。白鱔煲仔飯係必食之撰。但講到最好最好食既，一定係簿到透明既腸粉，好味到一個人食3-4碟都不是問題。所以區外朋友來大埔我都推介佢地黎，不得不試

去過港島九龍新界最後都係覺得陳漢記最抵食最好食🥇🏆難怪任何時候都係大排長龍以為早啲去六點幾會冇乜人排隊點知又係起碼有20個人排緊亦都曾經試過九點幾去以為啲人食晒飯點知都係好長條龍👯‍♀️👯‍♂️👯‍♀️👯‍♂️👯‍♀️👯‍♂️👯‍♀️👯‍♂️咁無辦法啦為咗食好嘢 係都一定要排隊㗎啦結果都係排咗一個鐘入去我都係帶咗我最鍾意食嘅白鱔煲仔飯即叫即整 上枱時熱辣辣🍚🍲 大蔥勁香上到枱俾你淋完豉油 就可以焗一焗確保一定一定有飯焦 真心正咖我最愛❤️仲有窩蛋牛飯都好正

適逢週末，所以人流比較多，在店外排隊等了一陣子，終於可以進店，一行五人點了幾個套餐，可以開心分享各款不同類型的美食，牛肉腸粉最為出色，腸粉皮超級無敵薄，晶瑩剔透，入口嫩滑，及第粥很足料而且粥很綿很滑，炸兩和鹹肉糭卻普普通通，沒有什麼驚喜，坑腩都很好吃，腩肉炆得很林很軟熟，很有牛味，炸豬扒都很出色，勁厚肉，炸得乾身但內裏肉質非常Juicy，薯絲蝦口感味道亦不錯，比我想像中不太膩口，薯條炸得香口脆身，總括而言，每樣出品都不錯，我們就在很滿足的狀態下，高高興興地離開，確實滿足

突發奇想，好想嚐食大埔煲仔飯及玻璃膓粉。 聞說『玻璃腸』很有名氣, 粉皮很滑溜溜，又很有味道。 約好了朋友們一起嚐食，不做個自私的人，一起分享美食喔😍……朋友問為何住在大埔，沒有到來食？？這間食店已經在大埔很耐了，也食過煲仔飯，一直都與朋友來，一個人去食是沒有意思的。 多人分享，會開心點。🥢人流都好多，也是很快，食完都好離開。現場見的似是街坊鄰里……🐷🐷🐷🥢等食……加了秘製豉油，焗一焗……等10秒鐘啦…😌😏有耐性的寶寶真的有福了🤣🥢玻璃腸？嚐食就知是否聞說滑溜溜，腸粉透明，粉皮薄的了？答案：是的，但是食完好似一陣風，不實在感覺！🥢食過了义燒腸，再點🦐腸。 🐷🐷🐷一人一條，吃光光了……🥢北菇滑雞煲仔飯 : 朋友很喜歡食雞, 所以在等位的時候, 已經下了訂單點給她吃的。 🥢白鱔煲仔飯 : 🏸新🌟點了白鱔，魚很新鮮, 沒有草青味, 食的很滋味。 🥢抽筋菜，又名甕菜、蕹菜、應菜。 當時一刻, 只記得"抽筋菜".......食療 : 具有降低高血壓的食療功效。今次美中不足的，是食不到爽滑魚皮，限定發售的，所以供應量不多。食魚皮都要看大家有沒有緣份了！ 食宵夜, 簡單食煲仔飯, 玻璃腸粉, 二人好

呢間野由細食到大由唔知幾時開始要排長龍就好少食有日突然好想食煲仔飯就去左食熱辣辣 有飯焦正呀佢d腸粉係特別好味又滑汁又好味又足料我最like叉燒腸另外牛腩河d牛腩又淋又入味成日一食完 第二日就想食

肚餓，行左好耐唔知食咩好，見到陳漢記，咪入去食碗牛肚麵啦。佢選用金錢肚，個湯底都幾好味，整體可以啦。都好好味嘅，湯底算濃，見到其他人食鵝腸、煲仔飯等等，睇到好似都唔錯。

一個煲仔飯.... 沒有飯焦、找不到飯香，有如落水太多架白飯一煲！名過於實！ 排長龍等食.... 爽滑魚皮... 油味 + 水味，說不出的味覺（連相都賴得拍）以上純粹為本次的個人不良揾食經驗！

昨晚朋友帶我第一次來這店，排隊等左15分鐘，排隊嘅時候可以先落單，點了臘腸排骨煲仔飯，炸墨魚丸和炸兩。個人覺得煲仔飯同炸墨魚丸好好食，三個人食咗$400，下次一定會再嚟。

朋友夜媽媽約食宵夜 講到明想食煲仔飯🤣係大埔 第一個諗到就係呢度好彩2丁友等左一陣就有位 叫左個田雞臘腸飯同埋臘味滑雞飯+潤腸對臘味有迷之喜愛😂😂😂呢度啲煲仔飯夠干身 唔會好似某d舖整出黎咁濕 而且重點係 食到最後係有飯焦嫁D飯索埋啲臘味油 個種油香簡直非普通飯能夠比較