陳家廚房

營業中

休息中

經友人介紹之下，知道呢到有特別嘅菜式，講緊嘅係五道菜牛之廚師發辦，另一半係嗜牛人士，自己都係，專食牛嘅Omakase 聽到都覺得好吸引！環境中、西式混合，燈用上西式，但格局擺位同有裝飾又用咗中式，望落去柔和好舒服，加上位置大，坐得好寬鬆。 五道菜牛之廚師發辦 $529/位 話明係廚師發辦，每次都有唔同嘅菜式，而今日就有餐湯、牛肉他他、燒牛肉片、無煙炭爐自助燒牛肉及甜品。至於呢個set係任食任添薯條！另外加$199仲可以任飲五款紅白有氣酒，我哋都加咗😋餐湯 是日有粟米湯，味道清甜唔會太濃稠漿口。任食薯條 除咗任食吸引之外，仲左成六款醬汁比你配薯條，分別有茄汁、蜜糖芥茉、是拉差、松露白汁、辣千島及川味白汁。當中嘅辣千島及川味白汁都比較特別，而且真係幾辣，估唔到配薯條又幾好食。牛肉他他選用韓國牛肉，肥瘦肉皆有，令他他口感豐富，再加上生蛋黃，令肉味更突出，肥肉比例佔多，因此有煙韌質感。由於份量都多，食得多少少較易有膩嘅感覺。 燒牛肉片另一款則選用澳洲封門牛，即橫膈膜部份，相對上脂肪比例少，店員提醒口感比較實同質感相對較粗糙。果然肉質好瘦，帶煙燻味，但實得嚟唔係咬唔斷果種，肉味都突出，前盤後、主

☆ 陳家廚房灣仔灣仔道209-210號銅鑼灣利景酒店地庫1樓✦ 中西合璧下午茶有d咩食我就唔打出黎啦，大家可以睇相，相亦都有menu。食物整體都ok，咸點個幾樣味道不錯，不過就乾左少少，配返個醬比食客會好d。鬆餅熱辣辣個時食幾好，凍左就有少少硬，不過佢比咁多clotted cream同jam好好(〃ω〃)甜點還好，係個紅石榴慕絲好怪個味，我地食左一啖之後真係食唔到落口，埋單嘅時間同侍應傾計，佢都同我表示佢地知道呢個有好大進步空間，咁知都好過唔知嘅╮(╯_╰)╭不過食物質素同佢個價錢其實都成正比，同埋其實幾好坐，環境都靜，所以我覺得試下都無妨。

日本料理食OMAKASE就試得多大家又試過食牛肉OMAKASE未呢？位於利景酒店嘅呢間餐廳最近推出咗牛の廚師發辦 （每位$529）是日菜式由廚師精選，食盡多國靚牛🥩而且仲有薯條任食及包有自家製青檸雪葩甜品喔！愛酒之人亦可升級享用free flow🍾加$199就可以任飲紅白酒、白酒及氣泡酒喇！-🍟薯條幼切薯條即叫即炸，口感香脆伴有6款醬汁...分別係辣味千島、黑松露蛋黃﹑川味蛋黄、蜂蜜芥末醬﹑美式煙燻蕃茄醬及是拉差辣酱🔸中式竹笙湯湯水清甜仲有湯料食到喔！🔸日式生牛肉他他選用優質澳洲牛翼板肉製成他他生牛肉上加咗鮮蛋黃及有日式伴菜入口牛肉軟嫩鮮味更帶有濃郁蛋香🥚🔸澳洲封門牛柳沙律封門牛柳即係牛橫隔膜肌肉，牛味香濃愛牛之人必定鍾意呀❤️火箭菜新鮮爽脆伴上泰式醬汁，酸新開胃呢🌶🔸無煙炭爐自助爐端燒由廚師精選數款靚牛，每日不同！當日有美國肉眼(rib eye)、澳洲牛小排(short rib)及比利時牛肉前腰脊(Striploin)將牛肉放係炭爐燒...可隨喜好放入不同款式嘅海鹽牛肉入口有陣陣炭香，非常吸引呀💯當中比利時Striploin牛味最濃郁😋

這個推廣活動至8月尾截止喇！未試嘅，不用猶疑！個人較喜歡西式五道菜！每道也有特別之處。上枱的造型跟介紹的相片無異樣，完全不是 " 相片只供參考" 的那種！感受到廚師的精心炮製！份量不少，細食之人應該吃不完啊！$599 二人晚餐送$388 二人tea set，在一個月內再一次享用美食，好抵食啊！總之，好食、好坐、好抵啊！還有幾天呀！爭取機會啦！

以前去開好多年既利景酒店地牢餐廳裝修，等左好耐裝修完靚左好多，行高級路線，做背景影相好靚。平日中午唔多人，坐得好舒服。雖然話係半自助餐，但其實拎一次沙律🥗都夠。無左以前好多小食既沙律bar，只有菜同烤雞，可加芝士煙肉，沙律醬好多選擇。湯我覺得好飲，加埋黑胡椒好夾，中間係芝士長法包。蝦餅好厚肉，蝦肉又多。蕃薯條食到停唔到口。炸魚薯條條魚好大條，係出面既兩倍，炸粉又唔厚，魚肉又滑。主菜有進步，值回票價。

陳家廚房位於酒店地庫，最近翻新重開，由懷舊酒吧轉型為中西合璧嘅餐廳。裝潢典雅舒適，相當寬敞。無論早、午、晚、下午茶，都有中西菜式供選擇，價錢合理，服務唔錯。Lunch Set就包左任食沙律、湯、餐包、主菜、鮮果茶。Menu定期都會轉，唔會食嚟食去都係得個幾樣，平日嚟到都幾多西裝友幫襯~🍴𝘿𝙖𝙞𝙡𝙮 𝙎𝙚𝙩 𝙇𝙪𝙣𝙘𝙝 (1200-1430)~ 𝙎𝙖𝙡𝙖𝙙 𝘽𝙖𝙧 ~自助沙律吧 除左有新鮮沙律菜，亦有兩款特別嘅沙律：紫薯沙律、黃金菠蘿沙葛沙律。紫薯綿密帶顆粒，入口天然紫薯香甜。旁邊仲有中式嘅涼伴茄子，香辣惹味。除左最基本嘅橄欖油、意大利陳醋，亦有士拉差沙律汁、黑芝麻醬等8款醬汁供選擇。大家仲可以按個人喜好加上煙肉、芝士、香脆麵包糠。~ 𝙎𝙤𝙪𝙥 𝙤𝙛 𝙩𝙝𝙚 𝙙𝙖𝙮 𝙨𝙚𝙧𝙫𝙚𝙙 𝙬𝙞𝙩𝙝 𝙗𝙧𝙚𝙖𝙙 ~羅宋湯 大大碗幾足料，西芹紅蘿蔔煲得軟腍，帶點香辣，仲有少少牛肉添。香草麵包 烘得外脆內軟，沾湯一流。~ 𝙈𝙖𝙞𝙣𝙨 ~▪️海南炸子雞配蒜香飯 $169炸子雞嘅雞皮香脆透薄唔油膩，連平時唔食雞皮嘅我都忍唔住食晒！雞肉嫩滑多汁，骨位富鹹香，某部分嘅雞肉就較為淡味。旁邊好似海南雞咁附上蒜蓉同酸

見多好評，又係新餐廳，一於試下6月19日父親節前夕；仍有Daily Set Lunch見酒店網頁既餐牌，同今日去的不一樣唔知幾耐轉一次餐牌沙律吧好有誠意，尤其大愛柚子沙律今日餐湯係周打蜆湯，阿媽飲光主菜炒飯炒米，以為一般至極，估唔到非常有驚喜，好食過好多五星酒店出品，而且有大粒帶子、好多蟹肉（鮮甜的）羊柳及配菜一流好味道、磨菇、薯蓉亦超水準連甜品及飲品都好用心製作難得阿媽讚口不絕，值得再帶佢黎食而且服務水準非常好👍

搵開飯局食咩，無意中見到尼個港女tea，又令又平咁款就卜左試。食完感覺性價比真係好高！加埋一差唔多四百幾蚊兩人份，食物質素好食！講真佢除左果粒鮑魚仔，就真係無咩貴價食材如黑松露乜肝物乜既，但其實就算無果d, 全部既咸甜點都夠！比較起尼，咸點真係出色D（都可能因為我中意食咸點多d) ，第一口試左牛油果三文魚，每咬一啖都好balance ，真係令人胃口大開中間層蝦多士同墨魚餅都好香口夠味，甜點既甜味都岩岩好，無話超甜，特別中意紅石榴mousse, d石榴粒一睇就知唔孤寒，食落去甜味岩岩好又清新。餐飲都多選擇，揀左荔枝百香果，唔落糖都夠香，浸多陣夠濃，送茶點一流係個地點可能要搵少少路，但其實行過去都唔算太復雜！環境打卡一流，有舊上海中西fusion ，襯未係好多人知，襯早打推薦！

利景酒店底層餐廳全新開業，環境有水晶燈玻璃鏡所以感覺高貴但偏中式，但同時又有酒吧區。今次就試咗依個CP值幾高嘅中西合璧tea set🥰👓Afternoon Tea Set 3:00-5:30 $328/2位加埋一$360兩位 以港女下午茶仲要係酒店環境仲要食物多都質素唔錯黎講 係幾抵👍🏻➡️鮑魚撻➡️三文魚牛油果他他➡️懷舊港式蝦多士➡️椰香炸墨魚餅➡️秘製香煎牛肉薯仔餅➡️巴斯克芝士餅➡️紅石榴慕絲➡️特濃朱古力泡芙➡️焦糖蘋果撻➡️傳統英式鬆餅(原味及提子配果醬及奶油忌廉)➡️有一系列款式嘅coffee同tea可選擇-鹹點甜點大致上質素都唔錯，鮑魚撻純粹一粒迷你鮑魚仔放在一個冇餡料嘅撻殼，都幾有趣嘅；甜品幾好食，例如蘋果撻有少許吉士忌廉，朱古力泡芙真係好濃朱古力，慕絲真係有紅石榴粒沈面，不過巴斯克芝士餅反而拉低左整體分數因為太濕偏淋好似啱啱拎咗佢去蒸甘...-英式鬆餅真係超級超級大個！好似比平時嘅體積大，食完一個已經好飽，所以依個tea set整體好飽肚唔會食完等於冇食。然後好貼心果醬及奶油忌廉各持兩兜，可以同對方各自沾塗。-咖啡質素正常，叫咗mocha重朱古力味，花茶就普通正常。

// 𝘼𝙨𝙞𝙖𝙣 𝙒𝙚𝙨𝙩𝙚𝙧𝙣 𝙄𝙣𝙨𝙥𝙞𝙧𝙚𝙙 𝘼𝙛𝙩𝙚𝙧𝙣𝙤𝙤𝙣 𝙏𝙚𝙖 𝙎𝙚𝙩 🫖 //-Struggling on what’s drool-worthy to savor this weekend!? How about an Afternoon Tea Set but with a 𝐅𝐔𝐒𝐈𝐎𝐍 𝐓𝐖𝐈𝐒𝐓 of combining the contrast of Asian and Western delicacies!?🙌🏻-▪️𝐅𝐮𝐬𝐢𝐨𝐧 𝐀𝐟𝐭𝐞𝐫𝐧𝐨𝐨𝐧 𝐓𝐞𝐚 𝐒𝐞𝐭▪️[𝐇𝐊$𝟑𝟐𝟖 / 𝟐𝐩𝐩𝐥]By blending the culinary traditions of Asian and Western quality eats, this innovativeset features 5 savory bites, 5 desserts, and homemade English scones in plain and raisin flavors to impress your palate!💯☞ 𝘏𝘰𝘮𝘦𝘮𝘢𝘥𝘦 𝘈𝘣𝘢𝘭𝘰𝘯𝘦 𝘘𝘶𝘪𝘤𝘩𝘦Mou

知道利景酒店餐廳重開，就約埋同事一齊去試！覺得「陳家廚房」個名特別親切，好似嘢食係屋企廚房整出咁！一入到去裝修環境裝修幾特別，帶啲復古同elegant元素，而且餐廳梳化位幾多，燈光偏暗，整體空間感同私隱度好夠，一坐低已經覺得好舒服。今次午餐Menu更新咗，就試「慢煑薑蔥鮑魚燴扁意粉」，同事試咗「烤M5和牛肉眼扒」，意粉份量好足，鮑魚都食到鮮味，不錯不錯～
而最最最期待就Scone同藍莓cheesecake，鬆餅香外面微脆，軟唔乾身，有明顯奶香。莓果醬唔會太甜太「結」，令鬆餅味道更豐富，點上一流！作為「Cheesecake控」一見到是日蛋糕有Blueberry芝士蛋糕已經心心眼！Cheesecake芝士味濃郁，口感綿滑而且牛油香同奶香並重，加埋藍莓醬中和芝士油膩感，完全無令我失望。值得一讚waitress服務態度好好，一定會再encore！

❀ 利景酒店陳家廚房 #灣仔 ❀❗️酒店內剛翻新餐廳 中西合璧兼有任食沙律❗️——————————————————位於灣仔利景酒店地庫，唔講未必知道原來佢哋剛剛新裝修，推出左一系列新嘅早、午、晚、下午茶餐，價錢合理，味道亦唔錯🥰最欣賞餐牌中菜西餐皆有，而且兩者都烹調得幾好，仲有超好食嘅甜品！餐廳以金色做主調，內擺放復古水晶吊燈，配上少許中式畫作，貫徹餐牌中西合璧嘅風格，雖然位於地庫冇景色可言，但係環境都算幾舒適典雅，服務亦唔錯，係間酒店級數性價比高嘅餐廳✨！.✷𝑀𝑒𝓃𝓊✷☞ Mix and Match Semi Buffet Lunch ♥ Unlimited Salad Bar (4/5)選擇唔算好多，但係味道唔錯😆。除咗一般嘅沙律菜之外，亦有三文魚粟米沙律、紫薯球(超好食)、鮮蝦腰豆、麻辣青瓜等。.♥ Soup of the Day & Bread (3.9/5)當日係南瓜湯，超大碗， 應該有平時餐湯嘅兩倍🤯，南瓜味都幾鮮甜。配上意大利focaccia，乾蕃茄加上香草好香(私心鍾意focaccia多過sourdough其實)，就咁食都得😋反而個牛油就冇咁香。.♥ Mains✦ 烤M5

餐廳裝潢和餐桌都好有懷舊色彩但餐牌上面嘅嘢食一啲都唔「懷舊」。餐廳為多國菜餐廳。我哋屋企book 母親節前夕都食晚餐，縱然我好多要求(麻煩友)餐廳都盡量安排。當晚我哋家有個小朋友，餐廳仲特登同我講可以叫個炸魚薯條俾小朋友，唔使一定要叫本身set dinner嘅嘢食！員工態度好好！又同我家小朋友傾吓偈氹小朋友食！而且屋企人都話餐廳嘢食好味😋我哋本來另外係餐廳訂咗個蛋糕🎂，但係食完set dinner入面嗰甜品(士多啤梨撻配雪糕)已經好飽好飽啦！所以我就同餐廳職員講，我想拎走個蛋糕🎂。隔咗一陣，個經理話不如拎個蛋糕出嚟幫我哋影相📸️先，之後再幫我pack走。勁好人囉！之後影相先至係重點！本來我哋諗坐喺度影幾張相就算，個經理好熱情咁話「你哋會唔會想行多幾步去前面影靚啲」(門口附近有幅牆有古典畫嘅背景) 又幫我哋睇埋咩位好，又幫忙搬咗2張櫈俾我家2老坐整體來說，餐廳嘢食好食，甜品係一定要食！服務態度非常好👍價錢相宜

位於銅鑼灣利景酒店的陳家廚房，是一間翻新重開的中西Fusion餐廳。餐廳設在酒店地庫，地方寬敞，裝潢典雅高貴。裝修具有金碧輝煌的氣派，同時又能帶給客人咖啡廳的舒適優閑感覺。陳家廚房同時供應中餐和西餐，就算你與同行者分別想吃不同國家的菜式，也絕對沒問題啦! 在中午12時至2時光顧，客人可選擇吃半自助午餐，包含自助沙律、餐湯、餐包、主食、鮮果茶、切餅和咖啡。 沙律吧相當豐富，有自選沙律、紫薯沙律、雞肉菠蘿雜椒沙律、日式漬物等等。每款沙律都非常新鮮，配搭的醬料繁多，總有一款合你口味。而我最愛紫薯蓉，甘甜軟糯，我一口氣吃掉三大球呢~是日的餐湯是燉牛肉湯，牛香非常濃郁，肉量也很足夠，搭配微暖的香草麵包，不錯呢。 薑蔥鮑魚花膠麵 $228 滋補花膠配上彈牙鮑魚，矜貴十足。粗麵用薑蔥去炒，麵底不油膩，吃多也不怕哦~ 烤M5和牛肉眼扒 $278 香氣撲鼻的M5和牛肉眼扒，烤至剛剛好的七成熟。牛扒肉味濃香，肉汁豐富，以薄酒萊紅酒汁調味，味道更完整更完美。 中西合壁下午茶 $328/2位(特價) $388(原價) 下午茶用三層𣕧呈上，適合女生打卡拍照唷! 餐點包括: 5款鹹點、4款甜點 和 2款口味的鬆餅

利景酒店底層餐廳全新開業🎊，餐廳融合咗中式擺設，同時又有西式裝修，另外仲置有酒吧區，環境幾幽靜。新開業，陳家廚房推出午市、晚市同下午茶全新餐牌。今次我哋先試下午茶🫖，提供半鹹半甜中西合璧嘅餐點，即刻睇吓草根嗰日食咗啲咩啦💁🏻‍♀️。.📍中西合璧下午茶（$328/2位)下午茶提供嘅時間係3:00-5:30p.m.，提供5款鹹點、4款甜點同埋每人2件 scones 。鹹點有鮑魚撻、三文魚牛油果他他🐟🥑、懷舊港式蝦多士🍤、秘製香煎牛肉薯仔餅同椰香炸墨魚餅🦑。最有心思莫過於要一早炆煮嘅鮑魚撻，鮑魚非常入味，撻皮酥脆😋。另外，三文魚牛油果他他味道清新🌿，好開胃🤤。蝦多士上面放滿芝麻，香脆可口🍤又唔油膩！.甜點有巴斯克芝士餅🧀、紅石榴慕斯🧁、特濃朱古力泡芙同焦糖蘋果撻🍎。泡芙口感屬於硬脆型，朱古力味非常濃郁🍫。仲有而家大熱嘅Burnt Cheesecake，質感比想像中輕盈，夠濕潤又夠香好好食🍰。最後一款甜品加入紅石榴造成慕絲杯，平日比較少見。最後佢地嘅Scones真係值得一讚💯，口感唔會過乾，做到外脆內軟，再塗自家製帶有果肉嘅果醬🍓，酸酸甜甜更開胃。.另外每人配有一杯飲品，可以揀花茶或者係咖啡☕️。