陳儀興玫瑰餐廳

營業中

休息中

打邊爐再唔局限冬天，夏天開住冷氣打一樣咁正！哩日就約埋班朋友黎哩度食$1冬瓜盅邊爐喇！$1冬瓜瑤柱雞腳湯… 原來七月都仲有哩個優惠嫁！冬瓜愈煲愈入味，所以識食既一定係最後先食，咁先吸收哂所有材料既精華嘛！安格斯肥牛… 雪花分佈尚算平均，只有幾片脂肪位較多，不過牛味好濃郁！肉質又唔韌，真係唔錯嫁松露墨魚丸…點都估唔到原來松露同墨丸可以咁夾，松露味淡淡地唔會搶左墨魚味，而且墨丸仲有唔少墨魚粒，質感仲好彈牙，值得一試！韮菜餃…佢地自製既韮菜餃包得大大粒好足料，菜比肉多，我諗係九比一既比例，所以食起上黎零負擔係健康人士既好選擇！美國桶蠔… 勁大隻😂😂 最大果隻有我隻手心咁大，就算煮熟左都有成隻匙羮咁大，味道新鮮。魚鰾…真係未試過打邊爐食魚鰾，鐘意食既你真係會覺得好爽皮嫁另外仲有炸魚皮同響玲卷，都係新鮮脆卜卜，記得喺湯底綠一綠就食得嫁喇😋

今次輪到我阿爸跟二伯父帶我去 ‪#‎食好西‬ 😋退休前我爸在新蒲崗返工，所以對這區食店好熟這晚就嚟到🌹玫瑰餐廳打邊爐🍲算係小菜飯店形式格局，比較地踎一點😌但千萬別忽略小區小店的誠意剛巧六月份做緊1蚊冬瓜瑤柱雞腳湯底🙊唔係唔叫啊<招牌手切本地肥牛> 🐮$198 (大)雪花分佈平均，牛味適中，肉質嫩滑帶一點少咬口~ ‪#‎唔錯‬<松露墨魚丸> 🍡$98 ‪#‎必試‬成粒丸都好彈牙，一啲都唔粉，墨魚味濃郁足料，食食下仲滲出一點松露味<大白鱔片> 🐟$88我唔見餐牌到有，都係侍應介紹，魚很新鮮，食落有點膠口彈牙仲叫了菜跟響鈴‪#‎3人食剛剛巧‬

新浦崗裏的好選擇！花鵰醉雞煱+安格斯肥牛肉好底食新鮮肥美鵝腸安格斯肥牛肉脹卜卜的九菜餃大粒雲吞安格斯肥牛肉脆脆響玲酒香味濃郁醉雞地方坐得舒服食物夠新鮮下次再試下雞煲

朋友帶我地去左尼間小店打邊爐，$1冬瓜瑤柱雞腳湯，好吸引啊以尼個價錢。小店除左打邊爐仲可以叫送食飯，晏就仲有茶餐、碟頭飯等等。都幾多元化。咁今晚就打下邊爐先。叫左尼個$1冬瓜瑤柱雞腳湯，真係有半個冬瓜啊😍做湯底好似又幾不錯，推廣去到7月尾都有啊。安格斯肥牛$138大大碟尼個價錢確係唔貴，肥瘦部位分佈得好均勻，食落口牛味好重👍而且肉質好嫩同淋，好好食😋黑松露墨魚滑$98平時係街市買墨魚滑都幾貴，今次尼個黑松露墨魚滑真係第一次食，就咁已經好香黑松露味，食落去好彈牙，有粒粒墨魚同松露係入面，幾特別唔錯啊菜肉餃$48 菜比肉多既餃，感覺上更健康呢～雲吞$48桶蠔$148大大大隻蠔，真係好大隻啊有手心咁大，熟左後都唔會縮到好細隻！食落去又真係好肥美啊，嫩滑唔老炸魚皮$28響鈴$28即炸既響鈴，味道又真係ok wo 尼個可碌耐小小，不過食到底就比較油啦！娃娃菜、油麥菜各$18 打邊爐當然要食番d菜，健康ma花甲$88 見到佢地郁黎郁去就覺得超級新鮮啦，仲未死架！不過食落口就有d沙，一般吧整體價錢都幾抵，牛肉正，但打完邊爐就好口喝啊！

聽聞有一間打邊爐麻甩鋪有1蚊鍋底 就約左幾個frd去食，雖然地理位置吾係太方便我地但我都估吾到其實新蒲崗都吾係太隔攝咋喎　我地係鑽石山a2出口出去 行到出大馬路 之後一路向前行都幾多個街口就到啦一泥到點左個湯底先 冬瓜要煲到佢入味架等佢滾緊既同時我地就嗌野食同埋落醬料 發現有好多好特別既野食 豬天梯(豬上顎)豬口喉(豬喉嚨) haha打邊爐必點係牛啦 依個安格斯牛$138 係大size 烚一陣就食得 肉淋 吾會韌 中間位有少少有啲爽口既筋又幾好 之後店員推介花甲 但帶沙既 落左去啲沙先吐 最後啲冬瓜沾滿沙 食冬瓜時面頭煲淋左一浸 有啲沙但下一浸未煲到最淋 冬瓜稍厚所以都難淋透晒 不過幾甜仲有松露墨魚滑 幾正喎 彈牙 有墨魚既咬口 調味都好夠 其實一上枱已經勁香松露味 烚滾左仲係面頭見到有蝦既縱影 更彈牙海鮮仲嗌左桶蠔 肉肥美 勁厚身 啲肉勁滑溜 而裙邊就有啲口感 整體不錯 始終勁大隻食食下見隔離枱嗌左魚鰾先知有 第一次打邊爐有魚鰾既配料 夠晒麻甩 即刻同fd點泥食 要督爆佢先落去滾 督督下都幾得意 細個就係成日爭泥食 依家有甘大條既 吾洗爭 上面部分好爽 其實似生墨魚既口感 下面就淋啲

新蒲崗近工廠區有間餐廳, 有小菜食之外, 仲有得打邊爐....繼上月以$1優惠價食到平價冬瓜湯底, 今個月又推出HK$128花雕醉雞鍋湯底, 仲可以追加一碟HK$38既安格斯肥牛,只係呢個優惠就吸引左我去一試....餐廳內裝修比較簡單平民化, 但內設卡位, 算坐得幾舒服打邊爐仲可以免費混醬tim...------------------------------【花雕醉雞鍋(半隻)】HK$128湯底非常滋補, 淮山杞子紅棗, 仲有當歸既味道....滾起好大陣中藥味, 但食落又唔似食緊中藥既湯底咁, 反而好香同清甜...而半隻花雕醉雞係另上, 擺落去火鍋滾完, 醉雞依然好滑...【安格斯肥牛】HK$38值得推介既肥牛, 色澤紅潤新鮮, 好鮮甜~肉質嫩滑, 厚薄適中而有口感, 正!!【蝦丸】HK$68蝦丸唔彈牙, 咬開比較鬆散, 每粒丸都有幾粒蝦肉, 略帶鮮甜...【黑豚肉】HK$38豬肉肥瘦均一, 容易咬開, 滾完都保持到肉汁~【響鈴卷】HK$28超有驚喜既響鈴卷, 每件響鈴卷都大大件, 而且非常脆口, 浸入火鍋3秒夾起, 中心位仲食到脆口口感, 而且好香既黃豆味, 超正!!!【野生竹笙】