陳儀興玫瑰餐廳

營業中

休息中

朋友約黎玫瑰餐廳度食晚飯，左望右望都唔見餐廳名，但咁大個玫瑰花招牌應該都無錯啦。時間尚早未多人，入去揀個卡位坐先。坐低店員送上一壺潽洱，但天氣太熱真係要叫凍飲，先來杯凍檸茶同凍檸樂，個杯超大呀，多冰夠哂凍，正。點左芫荽蠔仔炒蛋，叫就叫炒蛋，但黎到有啲似煎蠔餅，又有啲似泰式嘅鐵板蠔仔蛋，點都好，離遠都聞到香味。入面勁多蠔仔同芫荽，正呀，芫荽超香口，蠔仔肥美，呢樣勁好味。跟住有老乾媽四季豆，大大碟㗎。炒得乾身不油膩，微微辣很香口，好味好味。再來有味菜炒大腸，呢個一上枱就聞到香。超惹味好正呀，呢樣真係可以送到幾碗飯，肥美大腸吸飽汁無得彈。最後仲有椒鹽鮮魷，成座山咁樣。略微炸粉有點厚，咬落覺得魷魚有點小了，哈哈，但香口野即炸係幾好味，多少少椒鹽更好。原本都無諗住叫飯，但啲餸咁正真係要送下飯。埋單無雜費，小菜取價公道，抵食。

🍴乾炒海鮮烏冬56 蚊🍜炒得好入味既烏冬 老抽上色靚 甜咸度適中 烏冬粗幼適中 比較爽口 有洋葱 好多魷魚粒 同蜆肉 好夠鑊氣🔥 🍴椒鹽雞軟骨72 蚊🐥椒鹽味香 雞軟骨出面好香脆惹味 入面好彈牙 軟骨好爽彈 🍴水煮滑雙牛 78 蚊🐂🌶️好多胡椒辣椒 仲有葱花木耳等等做成水煮湯底 底層好多入味既芽菜同金菇 吸哂辣汁😈 仲有足料既肥牛同滑牛 就甘食或者撈飯都好好味👍🏻 🍴香酥黃金蝦118 蚊🥚🦐,咸蛋黃味好香咸 有 d葱花増加香味 整到蝦殼食得夠哂鑊氣 🔥而蝦肉都保留少少 juicy彈牙 好味 🍴金銀蛋浸西洋菜 68 蚊🌿西洋菜新鮮 咸蛋 皮蛋 葱花 薑 蒜 夠哂香 湯底吸哂菜同蛋汁 要黎撈飯正#西洋菜 #金銀蛋 #黃金蝦 #咸蛋黃 #烏冬 #海鮮#雞軟骨 #椒鹽 #水煮牛 #肥牛Score 平均分 <8/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻Decor&Hygiene 環境衞生：👍🏻👍🏻👍🏻Value for $ 性價比：👍🏻👍🏻👍🏻👍🏻👍🏻Service 服務：👍🏻👍🏻👍🏻👍🏻~~~~~~~~~~~~~#陳儀興玫瑰餐廳新蒲崗爵祿

收工近近地過黎食飯，呢度有小菜同打邊爐，最後比個花膠雞鍋吸引住，一於叫半隻黎試下。✨滋補濃湯花膠雞窩： 碟花膠同雞份量都幾足。未加料之前先試下個湯，味道清甜得黎仲有d 唐芹香味， 裏面杞子紅棗好滋補。✨個雞都幾滑，花膠薄身煲左唔係好耐都好夠淋，同埋索晒湯底既精華，跟鍋仲送生菜。✨手打三寶丸： 最好食係蝦丸，超彈牙同有d 芫茜香，入邊仲有d 蝦米。豬肉丸都係爽彈啖啖肉，鯪魚丸就偏淋左d.✨脆鯇魚腩： 厚切啖啖肉夠爽甜。✨響鈴有層次索埋湯汁好好味。✨芫茜粟米餃：超大粒，新鮮粟米夠爽甜，豬肉饀多彈牙紮實，加埋芫茜好香好好味。✨最後食埋菜同烏冬飽到上心口。

今日嚟咗呢度食火鍋🍲，起初都冇乜嘢大嘅期望，但係食完之後，發現呢度嘅火鍋除咗抵食之外，火鍋配料亦都好大份，質素亦都好好。一開始我就糾結緊究竟要乜嘢雞煲，除咗普通嘅辣雞煲之外，我亦都想食藥膳，但奈何朋友唔鍾意，所以我哋就叫咗一個大家都可以嘅椰子雞。椰子雞煲，以前喺大陸 ，食開嗰啲，都係用椰青水 去煮嘅雞，但係香港🇭🇰就當然唔係走呢種玩法啦；喺🌹玫瑰餐廳 食椰子雞煲，內裏係用#椰漿 整成嘅煲底，雞肉要煮一陣先會熟，但係幾嫩👍，最鍾意係面頭充滿着芫荽；芫荽；同芫荽。雞煲另外亦都會附送蔬菜，生菜同埋菇，非常新鮮。餐廳亦都會附上調味料，油渣蒜蓉、蒜蓉、辣椒、蔥同埋豉油。佢呢度其中一個最出名嘅係佢哋嘅蝦滑，除了好大粒自由度玩一粒影到咁上咗幾舊蝦仁🍤，再混入鯪魚肉打成，好食😋之後我哋都叫咗個肥牛煲，但係今次就唔食沙嗲，反而食呢度嘅特色：咖喱。肥牛煲送到黎嘅時候熱辣辣，牛肉好食，咖喱汁亦都好香，撈飯嘅話非常唔錯。呢餐飯食咗咁多重口味嘅嘢，一路食嘅時候一路飲可樂👍

來到新蒲崗，區內人仕對於陳儀興這個名字應該不會陌生！單單圍繞這個小區，已有多間陳儀興的姊妹店。今次是第一次來到這家陳儀興玫瑰餐廳，餐廳主打火鍋和粵式小菜，晚市小菜價錢取價公道，份量足，選擇多元，鑊氣火喉兼備。椒鹽百花大腸（HK$118)👍👍👍👍👍這道懷舊功夫小菜不是很多地方可以吃到，除了工序繁複，尤其清潔大腸的步驟甚為耗時，火喉的掌控也要拿捏到位。將蝦膠釀在大腸上，炸至大腸外層香脆、蝦膠彈牙，配合椒鹽的鹹香，加上酸甜的醬汁，令味道更突顯。避風塘魚雲（HK$108)👍👍👍👍👍相比上面的椒鹽百花大腸，這道避風塘魚雲絕對沒有被比下去！魚頭切成大件，炸得很乾身，沒有多餘的油份，既香脆可口嘅同時又有避風塘的蒜香和香辣。鐵板啫啫通菜（HK$72)👍👍👍👍鐡板上到枱時，吱吱的聲響和騰騰的熱氣不斷湧出，鹹鮮的馬拉盞令通菜的味道大大提升。油鹽水浸大蜆（HK$98)👍👍👍👍👍大蜆雖然是主角，但充滿胡椒香氣的湯底味道令大蜆的味道更突出，裡面的粉絲索滿湯底的精華，更是一條都無得留低！Storefront Menu

位於新蒲崗嘅實力派火鍋店，樣樣嘢都好新鮮，而且價錢公道，大大碟。超正頂級肥牛， 鮮嫩，肉厚，多汁， 入口即溶， 軟淋淋， 肥瘦均勻，無根 的完美肥牛去邊度搵? 嚟新蒲崗 玫瑰餐廳就可以搵到啦!打邊爐配肥牛係定律嚟嘅， 如果 打邊爐 食到，一種完美等級肥牛的話 絕對係人生的頂級享受。 玫瑰餐廳的手切肥牛 絕對係招牌之中的招牌 肥瘦均勻的雪花紅色 一睇就知道好吸引。刀功用開邊的方法， 令到肥牛嘅面積更大。 食過就知道， 呢一餐肥牛會係你人生肥牛火鍋 排第一位!其他配菜都係一啲都唔簡單， 配菜都非常新鮮 , 你睇下啲菜嘅 新鮮綠色就知道。最重要嘅湯底 個人極力推薦芫茜湯底， 芫茜湯底要做得好味其實非常之難， 材料並唔係因為多就得，而係份量同埋未到嘅配搭。 想知道點樣配搭先至能夠做出一個出色嘅芫茜湯底過嚟玫瑰餐廳你就可以試到啦。芥末芹菜餃都好箋鬼，辣辣地，新口味出邊食唔到！其實湯底咁正，叫簡單食材都已經好好食！下次要一大班friend黎食先得

陳儀興玫瑰餐廳（新蒲崗）本身係打算去食方榮記既，但佢夜晚話東主有事，無得食咁難得同同事約到食晚飯，吊腳少少都去啦！間野個名係有少少台灣feel，又有啲「🌹🌹我愛你既feel」🤣一睇menu，淨係湯底定煲都實在唔知揀咩好🤷🏻‍♀️，花多眼亂😍最後揀左椰子雞煲🥥（半隻🐓），個煲一到超級香😙個汁好似椰漿咁濃，真係未食過咁濃郁，咁香既椰子雞💘 啲雞好多，食唔晒咁濟！個肥牛都好正，又稔又無筋👍🏻👍🏻👍🏻麻辣餃都正❣️大大隻爆晒餡，如果醬料選擇多少少就好啦😊連GG咁深閏都覺得可以encore，打呢篇食評都仲好掛住佢啲椰汁🤪 #係魔力

今日去到朋友家探訪，佢帶左我地去佢至愛飯堂《玫瑰餐廳》食小菜，一聽個名就諗起粵語殘片黑玫瑰😂去到見到好多唔同款火鍋，款款都好似好正，不過今日諗住食下小菜傾下計，如果有機會先再試下啦！除左餐牌上既小菜，仲有是期呈獻芫荽菜單，❤️芫荽的我叫左個芫荽蠔仔蛋多芫荽😂😂就咁睇唔算好多芫荽，不過一夾開就發現真係好多芫荽架！好好味，啲蠔仔都好肥美，超好味！另外叫左胡椒豬肚湯，奶白色既湯，夠哂辣，好足料，豬肚爽爽的。椒鹽鮮魷，上枱熱辣辣，好香口，唔會太過咸，食得出新鮮。朋友話小炒皇呢度招牌，我都幾鐘意，啲蝦乾好大隻好好味，仲有好多魷魚鬚仔，同埋草菇都係我好鐘意既！最尾係大漠風沙骨，勁大碟，味道其實又係椒鹽排骨既味，香口好味既！

訂枱，訂枱，訂枱！重點係要講三次！呢檔已經幫襯過好多次，基本上呢度唔訂枱，walk-in 亂入基本上係無枱比你坐低食。餐牌今日先講個湯底係鴛鴦鍋，沙爹配清湯，沙爹夠香但清湯偏咸。湯底足料，沙爹有大葱，豆卜，而清湯就菜同豆腐。牛丸基本上又係必點，彈牙又夠味。菜基本上新鮮就可以。淮山拼響鈴，響鈴脆，最緊要係可以雙拼，兩口子打邊爐嘅食客可以多咗唔同嘅選擇。雙拼餃，兩隻都好味，個人比較鍾意麻辣香芹多於韭菜。好大碟嘅豬雜，粉腸，大腸，潤，肝，肚，玻璃肉等其實幾好味，不過真係太大碟，兩口子食剩大半碟，個人建議超個四人都食豬雜嘅話，必點！手切牛肉，齋睇上面張相：油花滿滿嘅牛肉，賣相已經係無得輸！又嫩又甜又無楂，呢個就係第7次幫襯嘅理由。HKD670咁平又食到咁優質嘅食材，仲無加一，好味！抵食！只係地方比較偏僻。

醒晨早餐😆$29沙爹牛肉麵(走湯)🍜腸仔煎蛋🍳配牛油厚多士🍞連熱咖啡☕️都係睇沙牛關注組介紹🤣咁啱要響個頭開工🙂開工之前食返個豐富早餐先🙃依家真係好鬼鍾意走湯做撈麵🤓沙牛味道都幾好☺️多士本身烘底唔駛加錢😊咖啡奶比較多咗少少😁呢個早餐都幾豐富🤓整體都算唔錯😏但環境就一般般🤓但勝在價錢亦都合理😎附近好多餐廳嘅早餐都過三字頭😣陳儀興玫瑰餐廳 (新蒲崗)新蒲崗爵祿街33A-37A號百勝工廠大廈地下

今天第一次黎依家餐廳試食。我一向都鐘意打邊爐，睇到依家店評分非常之高，就黎試一下。老實講，非常非常非常失望！！！先講服務態度，前台一開始帶位置的服務員態度係ok的。坐低左之後：1. 椅子上有幾滴油和湯（我們自己用濕紙巾清潔了）；都唔緊要啦；2. 不會有熱水提供比你；我問服務員點解d水咁凍，佢用粗口回應，又話擺得耐咪凍囉。... 3.食物質素，我叫咗個麻婆豆腐食咗兩啖非常非常鹹！由於食咗幾口已經口渴難耐，所以叫左一杯凍茶喝... 非常苦！總體來說就是價格都算抵食，但服務和食物質素都完全垃圾，我以後都不會再去。

今晚本來打算回家食飯的，與同事收工時經過爵祿街的玫瑰餐廳陳儀興，被陳儀興的小菜吸引住了。現在天氣開始涼，有很多人正在打邊爐食火鍋，不過我今晚選擇了食小菜。薑蔥桶蠔$158薑蔥桶蠔真是很大隻，連面上的炸粉都有味，整個蠔外脆內軟，食落啖啖肉，連香蔥一齊食就更滋味！！香脆咕嚕肉$88 咕嚕肉材料用了一片片的豬頸肉，豬頸肉很爽口，酸酸甜甜，令整個菜式更添惹味。水煮牛肉$78水煮牛肉非常大份，裏面材料豐富，除有牛肉外，還有金菇、雲耳、豆腐、芽菜及薯粉……，水煮牛肉麻辣度與正宗四川菜一樣，所以一定要食得辣， 想不到這裏還可以食到正宗川菜味道。蒜蓉油麥菜$68蒜蓉油麥菜是一個簡單的清炒菜式，但卻顯示廚師的手藝 ，蒜蓉油麥菜炒得夠鑊氣又爽口，好味！！

收工跟行家吃飯，找了工廠區裏的一朵玫瑰。起初看到剛上桌的玫瑰黃金磚，以玫瑰命名到底是怎樣的一道菜，怎料一吃外層香脆內裡超級嫩滑，口感跟蒸豆腐般滑溜。這道小食已為廚師顯功架。椒鹽脆肉鯇外層香脆惹味，以大量的紫洋蔥、 大蒜、乾辣椒等濃味的一起乾炒而且亦不會油膩。脆肉鯇外層炒過後口感保持爽脆，肉質保持淡淡的魚肉味。玫瑰小炒王不失招牌的美名，以韭菜花、炸花生、白飯魚、蝦乾及草菇等炒成。香口不油膩，口感複雜，顏色賣相一流， 韭菜花很幼嫩入口無渣，送飯一流！胡椒豬肚湯很大碗，湯料很足。胡椒湯底恰到好處，胡椒味不會太搶，於秋涼時節暖胃最合適。 有酸菜及辣椒令湯底味道不會單一，每口湯配豬肚，正！驚喜是這裡的凍檸茶， 搽底厚檸檬數量多又夠冰凍 基本上一杯外面茶記的價錢，這裡的份量足夠兩個人飲。

兩年前嚟過打邊爐，茶記咁嘅環境，開頭都冇咩期待，但個手切肥牛真係一試難忘，咁耐以來都心心念念想再嚟，見轉涼就訂咗位嚟多次。蕃茄薯仔魚雲湯底 ($88)本身滾起時飲一啖都唔算好特別，就係屋企嘅味道。 不過蕃茄薯仔魚雲越滾越出味，去到後期真係超鮮甜，湯底料就咁食都好好味好新鮮，魚雲啖啖骨膠原，平時少食魚頭都覺得完全唔腥好鮮味。 想要養生清新湯底嘅一定要試，好飲唔口渴。招牌手切肥牛 (大) ($258)上次嚟叫咗個細嘅手切肥牛一路後悔到而家，豪氣地叫咗份大嘅，一上枱其實覺得冇想像中咁大，不過肥牛舊舊都厚切大片，淥熟咗亦都唔會縮水，價錢合理。 平時食嘅手切肥牛只要有牛味又淋淋地都已經好收貨，但呢度嘅肥牛完全唔同級數，油花好靚，熟咗之後喺燈光下見到半透明嘅紋理真係好吸引，入口甘香軟滑，可以話係媲美和牛。 不過平時都少見人嗌，其實係滄海遺珠，我會再訪都係為咗佢而黎。芝士墨魚丸 ($98)一入口就食到粒粒鮮味嘅墨魚，咬開更加見到一點點流心芝士，難得地好貼題，所用嘅芝士亦都鹹香有奶味。韭菜餃拼鮮蝦雲吞 ($50)自家製嘅餃類係幾唔錯，韭菜餃充滿新鮮爽口嘅韭菜，菜肉比例控制得唔錯，鮮蝦雲吞亦都有大大粒鮮

位於工廠區內的茶餐廳，聽朋友介紹去食很有驚喜。食物質素很高和食物份量超大的！！玫瑰小炒王98好香噴噴既韮菜花和魚干味，全部小菜份量基本上係鰂魚涌中環區的一倍！ 仲食出有菜譜和花生，層次都十足, 水準之作。 咕嚕魚柳78新鮮菠蘿加上洋蔥紅青椒炒成，魚柳粉漿岩好，熱辣辣的，沾上甜酸醬，無論是上漿定炸的油溫都很有功架。水煮滑牛$78份量又一嚇死人，滑牛份量滿意，仲有足料金菇，薯粉 ，黑木耳，仲有凍豆腐。夠辣覺得可更麻，食到有d辣椒籽既位要飲下飲品先得。金銀蛋西蘭花時蔬有10幾款可揀，我揀左西蘭花，份量也多。凍檸檬茶$21又係普通茶餐廳既一倍容量，成半隻檸檬係度凍奶茶$21呢個顏色很有層次。總結：100％回頭率，很想下次試佢既火鍋同雞煲。