阿閒泰 (K11購物藝術館)

營業中

休息中

😋之前經過見到呢間泰國菜已經好想過黎試吓嚕😚餐廳裝修好時尚😍枱與枱之間空間感十足✅係朋友聚會嘅好地方呀💯🐣棕櫚糖炭燒三黃雞：半隻嘅份量夠曬兩个人食呀✅炭燒雞嘅雞肉係超嫩滑💯而且入口味道仲有陣陣香茅同埋魚露香味🔥加埋果仁一齊食味道好豐富✅側邊仲擺咗好多新鮮嘅烤過嘅菠蘿添🍍勁惹味呀🥳🐮和牛濃汁牛丸船麵：和牛船麵個湯底好濃郁✅而且仲越食越開胃🤤和牛份量都好多😍牛肉嘅質地好滑🥳加埋彈牙嘅牛丸❤️加曬分🐷豬肉肉丸濃湯船麵：呢個船麵超級豐富呀👍啱晒我哋咩都想試下噃🍜麵嘅口感好彈牙順口😋入面仲有豬肉片、豬肉丸同埋炸豬皮添❤️夠晒大碗呀🥳🦐炭燒虎蝦串燒：炭燒咗嘅虎蝦上枱嘅時候已經香噴噴嚕🔥仲係好大隻添👍蝦頭仲好多膏蝦😋肉好爽口彈牙❤️呢個好推介🥳🍹芒果冰涼特飲：估唔到係咁大杯💯呢杯特飲芒果味道好多芒果肉肉添🥭🥥椰青：hubby食泰國菜最鍾意飲返個椰青✅椰青好大個呀😍仲好清甜、好爽呀🥳

尖沙咀地鐵站一出就到K11購物藝術館，由下而上，一層一層行街，不知不覺由底層行到上2樓，就見到一間充滿熱帶風情的泰國餐廳「阿閒泰」。他們環境簡潔明亮，融合了泰式元素與現代裝潢，絕對適合朋友或家人共享晚餐。香茅豬肉菠蘿米紙卷以米紙包裹香嫩的豬肉，搭配酸甜的菠蘿，口感清新，層次豐富。蟹肉芒果牛油果他他他他中有齊鮮味蟹肉、甜美芒果和滑順牛油果，色彩繽紛，風味獨特，非常開胃。炭燒牛肉串燒經炭火慢燒牛肉串，外焦內嫩，帶有煙熏的香氣，搭配特製醬料，滋味濃郁，讓人回味。泰鹹蛋黃金單骨雞翼雞翼外酥內嫩，而且沾滿了陣陣鹹蛋黃的濃郁咸香，讓人越食越滋味。泰式醉貓炒黑毛豬肉手工卷粉手工製作的卷粉口感非常有咬口，配上獨特的調味，讓人感受到地道的泰式惹味，再有黑毛豬肉的鮮嫩口感，真是啖啖滋味。泰式街頭椰子雪糕甜品選擇了泰式的街頭椰子雪糕，香濃的椰子味道瞬間融化於口，清甜順口，完美地為這餐畫上句號。

呢間泰國餐廳食物同環境都幾唔錯，試咗幾款菜，味道同賣相都做得用心。餐廳有個大月球主題，坐得幾舒服，甜品尤其做得好，令我印象深刻🥰泰鹹蛋黃單骨雞翼（$78）
一碟六件雞翼，炸得金黃，鹹蛋黃香氣好吸引。外皮脆，雞肉嫩滑，鹹蛋黃醬汁濃郁，帶少少甜，味道好平衡。六件份量啱兩個人share，開胃又好食。濃汁泰黃咖喱軟殼蟹（$228）
軟殼蟹炸得啱啱好，脆口唔油膩，配濃濃嘅黃咖喱汁好正。咖喱有椰香同微辣，仲有洋蔥同薯仔添口感。蟹肉新鮮嫩滑，沾滿汁食好滿足，兩至三人share都夠。蟹肉炒飯（$158）
炒飯粒粒分明，略為有鍋氣，蟹肉大舊，食落鮮甜無腥味。加咗蔥花同蛋絲，簡單但充滿海鮮風味，鍾意蟹嘅朋友會中意。泰式椰汁斑蘭河粉（$78）
呢個甜品好清新，河粉軟滑，浸喺椰汁入面，斑蘭香味自然，甜度啱好。冇椰絲同紅豆，食落簡單清爽，似泰國街頭嘅味道，食完好舒服。Tiramisu（$58）
Tiramisu好出色，咖啡味濃，忌廉滑，蛋糕濕潤，仲有微微酒香。上面嘅鹹雞蛋糕係亮點，微鹹嘅味道同甜嘅Tiramisu好夾，食落真是一個驚喜，甜品控一定會鍾意。

位於K11 Art Mall既阿閒泰經常都有等位人龍，今次終於有機會朝聖😍餐廳主打摩登泰式x西式fusion菜，用上唔少泰國空運到港既食材同醬料，充滿創意既菜式唔係度度都食到！餐廳係半開放式充滿空間感，中間仲有個大大月亮裝置非常吸睛🌕🔸泰式醉貓黑毛豬肉手工卷粉餐廳推薦菜式之一，以甜豉油及香料炒成一碟濃香主菜，黑毛豬肉份量完全唔吝嗇！個人推薦配搭手工卷粉，形狀剛好掛汁，而且口感彈牙煙靭，食唔停口🤤🔸勿洞脆脆蠔餅份量驚人既蠔餅，最好同幾個朋友share！蠔仔份量唔少，口感香脆帶鮮味，配上魚露及辣醬令味道層次更豐富🔸炭燒魷魚鬚 炭燒香茅雞肉串燒餐牌上有不同炭燒選擇，其中魷魚鬚口感彈牙，帶微微焦香；雞肉同香茅一齊燒令香氣更濃郁，肉質嫩滑非常香口🔸椰香芒果黑糯米泰菜必食甜品，擺盤就好似一件藝術品，椰奶香氣、芒果鮮甜及黑糯米軟糯口感配搭得宜，仲可以將糖片敲碎拌勻一齊食！🔸泰式鴛鴦冰 泰式泡沫奶茶餐牌上好多特色飲品，其中最愛泰式鴛鴦冰，熱牛奶同黑咖啡份量可以自行調配，倒入奶茶冰上慢慢融化，口感醇厚；泰式泡沫奶茶同樣充滿茶香，甜度剛剛好🥰

行完商場見肚餓，朋友想食泰國菜就揀咗呢間阿閒泰。餐廳入面仲有個好大嘅月球燈飾勁吸睛。呢到嘅菜式擺盤都好精緻，尤其係甜品，有少少西式fusion嘅感覺。椰汁雞湯(1人份) $68叫咗碗椰汁雞湯兩個人share，湯除咗有好香嘅椰汁、香茅、檸檬葉等嘅香料，味道都幾辣，啱晒鍾意食辣嘅朋友。泰式醉貓炒黑毛豬肉手工卷粉 $138手工卷粉好有特色，有d似大片嘅河粉，口感非常煙靭，加埋腍嫩嘅黑毛豬肉片，炒得入味，鑊氣十足。阿閒泰幸運炭烤拼盤 $258炭燒拼盤非常豐富，一上枱已經聞到好香炭火香氣。入面有虎蝦、燒牛肉、香茅雞串、魷魚鬚，仲有燒菠蘿、蕃茄同什菌。虎蝦新鮮爽口彈牙，菠蘿鮮甜多汁。最特別當然係香茅雞串，用雞腿肉捲住香茅嚟燒，雞肉嫩滑得嚟又吸收晒香茅嘅香味。鍾意食辣，仲可以點少少辣汁一齊食。椰香芒果黑糯米 $78黑糯米飯口感煙靭軟糯，飯中間竟然仲有芒果夾層，加埋面嘅芒果肉、脆糖、椰子片同椰汁，每啖都食到酸甜芒果同香濃椰汁味。。。阿閒泰 (尖沙咀)尖沙咀河內道18號K11購物藝術館2樓219號舖。。

假期前夕，又係約朋友吹水食飯時間。 通常搵飯食地方一定要就腳，所以尖沙咀真係不二之選。餐廳都幾休閒舒適，90分鐘限時。 不過今晚的而且確幾多人。整體味道水準都算唔錯，而且份量都唔算細，我地3個人似乎叫得多左，最後要外帶回家😂。

今日黎到尖沙咀行街shopping，天氣開始熱，就想食凍野、酸辣嘢，開胃下。所以諗到食泰菜，仲可以飲泰式cocktail！搵到呢間位於K11 Art Mall「阿閒泰」，裝修以綠植木系為主，帶有熱帶風情。「沙律」🦀🥑蟹肉芒果牛油果他他 $108～新鮮的蟹肉，鮮嫩可口。自然甜美的芒果，增加果香。綿軟的牛油果，增加飽腹感，好適合夏天享用。「小食」🦐泰式生蝦刺身 $98～使用新鮮的海蝦非常重要，以保證食物的安全與口感。呢度泰式生蝦刺身味道酸辣鮮香，口感清新，非常適合夏季或作為開胃菜。「主菜」🐖炭燒叉燒 $138～軟腍叉燒，不肥不柴，炭燒的烹飪方式使得叉燒外焦里嫩，肉質多汁，口感非常豐富。「甜品」🥭椰香芒果黑糯米 $78～一道甜而不膩、口感多樣的甜品。椰奶賦予了這道甜品濃厚的奶香和椰香，增添了熱帶風情。「Cocktail」🍸Difa Fever $78

尖沙咀行完街食埋飯先返屋企，K11 artmall餐廳環境好舒適，見呢間好多人食就入去試下啦，最推介，泰鹹蛋黃金單骨雞，價錢合理，食物都幾大碟，值得一試！☺️🐷泰式醉貓炒黑毛豬肉手工卷粉 $138手工卷粉好有口感，掛滿濃濃醬汁，黑毛豬肉好爽口，好味🐥泰北咖哩雞 $158咖哩微辣帶點甜，超多雞肉，雞唔乾幾滑，配埋印度薄餅食好好味，建議叫兩份印度薄餅，好多咖哩汁呀！🐥泰鹹蛋黃金單骨雞 $78炸得好香脆，入面仲好juicy，單骨雞食得好方便，鍾意佢鹹蛋黃份量岩岩好唔會過多而好膩🌶️阿閒泰虎蝦冬陰功湯 $78冬陰功好香椰汁味，味道微辣，同出面飲既唔同係冇咩酸味，好足料有兩隻大蝦同青口，好飲🫓印度薄餅 $28薄餅正常發揮，必點配咖哩食！

🍃同𡃁妹幾耐無見？難得一見，熊妹就帶𡃁妹食好西喇！📌好耐無同𡃁妹食泰國野🇹🇭？熊妹之前同家人試過《阿閒泰》銅鑼灣店，食物味道夠大眾化😋，擺款精緻，價錢又唔貴，今次就同𡃁妹一嚐尖沙咀店。📌位於K11 2️⃣樓，一上電梯就係。成間店鋪佔據2️⃣樓一個角落，地方好開揚，一個個長型或圓形卡位包廂，坐得好舒服。沙律醬烤粟米條，$58泰國菜來講好少見到呢款小食，又幾特別喎！粟米一開四，烤熟後撈上帶辣味的沙律醬，灑滿芝士粉🧀，酸甜沙律醬帶少許辣味再滲出鹹香芝士味，確實好惹味！紅菜頭芒果米紙卷，$58 賣相紅紅黃黃好吸引！米做的米紙皮包裹住粒粒芒果粒🥭、紅蘿蔔絲🥕同埋紅菜頭絲，無添加醬汁就係食食材的原味！芒果粒夠甜有汁，紅菜頭夠軟身，夾埋一齊食感覺好清新💫。泰魚露炸單骨雞翼，$78單骨雞翼有十隻，奇脆炸起好夠脆無油益味，加點魚露多點鹹味，成隻單骨雞翼放入口再原條單骨拉出來，就係近期單骨雞翼咁受歡迎的地方。泰式醉貓炒黑毛豬肉手工卷粉，$138主食點了這款手工卷粉，餐牌話係皇牌之選👑。手工卷粉一卷卷一舊舊，食落有咬口，掛上醬汁一舊舊食，係粉類的另類食法。配料有紫洋蔥絲🧅，豆角粒，蛋碎同豬肉片，濃汁味濃，炒埋一碟好

係附近睇完藝術展覽，行到有啲攰想早少少攞位食嘢估唔到傍晚6:00去拎位都要排隊等位，都等咗一段時間，雖然有啲攰，但見咁受歡迎都想試試叫咗碟泰式醉貓炒黑毛豬手工卷粉，卷粉嘅形狀好特別，將份卷成好似貓耳朵咁，都幾彈牙，唔會太腍，但係黑毛豬嘅部份，喺份量上相對較少，主要係麵同配菜比較多，賣相都唔差然後仲叫咗碟炭燒叉燒，原本以為係港式叉燒嗰種叉燒樣，點知出到嚟個叉燒樣貌同心目中諗嘅唔一樣，但識落味道非常之唔錯，有「腍叉」嘅感覺，但佢唔係偏甜嘅，不過味道非常之好食極唔停口仲有呢碟通菜份量非常之多，如果想食菜又驚太少嘅話呢一間啲份量算係良心

其實呢間餐廳都屹立咗喺K11一段時間，今次終於第一次有機會試吓呢間餐廳。星期日夜晚都唔使等位，但都接近滿座，限時90分鐘。整體環境衛生都算唔錯，只不過係二人枱可能就會細咗少少。我同另一半就叫咗四份嘢，包括冬陰功米粉、蟹肉芒果牛油果他他、燒魷魚同埋泰式生蝦。賣相就請參考我嘅照片，味道嚟講就係預期之內，燒魷魚味道幾好，有炭燒味，至於個蟹肉芒果他他就好清新，可以幫手消滯，至於個冬陰功米粉同埋泰式生蝦就中規中矩。埋單$400都唔使，幾物超所值。

泰式豬頸肉卡邦尼意粉好難食嘅Cabonrana，未食過咁難食嘅卡邦尼意粉。完全唔係卡邦尼意粉應有嘅芝士味同蛋味，佢甚至連港式餐廳嗰種唔地道嘅忌廉味都沒有。成碟嘢嘅賣相好靚，但係個汁好唔掂，冇味道得來杰撻撻。食落去嘅口感好難受，好似食緊一pat滑潺潺口水嘅質感。估計係加左份量太多嘅蛋白，溝到好滑潺潺嘅口感，又完全冇芝士味。至於材料方面，有幾片豬頸肉，煎得勁乾。成碟嘢好難食，唔推介。和牛牛丸泰式船麵船麵都做得非常之唔專業。正常嘅泰式船麵湯底應該係非常濃郁，但係佢湯底好稀，又太甜，完全唔係期待中船麵嘅口感同埋味道。至於材料聲稱係和牛牛丸好似好吸引，但係無論係牛丸或者牛肉嘅質地都好低水準。唔推介。

朋友大力推薦呢間餐廳，見到Menu都幾fusion，今晚俾個機會佢。✨濃湯虎蝦冬陰功麵天氣突然之間急轉涼，叫返一碗麵暖暖胃，份量都唔少，而且特別鍾意個湯底，酸同辣平衡得非常唔錯，大大條虎蝦，再加上雞髀菇、魚片頭、豆芽，配料相當豐富。✨泰式醉貓炒黑毛豬肉手工卷粉必須稱讚佢嘅卷粉，口感真係非常煙靭，每一啖都好惹味，而且唔會俾人感覺炒得好油膩。用上黑毛豬肉，肉質亦都更加爽嫩，確實係推薦！✨焗烤椰菜花配青咖喱椰菜花份量都好多，焗烤完亦都冇過分流失水份，特別鍾意底部嘅青咖喱，所以額外亦都叫多咗一份薄餅🍕去沾配！✨泰式鴛鴦冰呢份飲品小編反而覺得有點中泰混合，先有無糖嘅淡奶以及無糖嘅咖啡，玻璃杯上擺住有糖嘅奶茶冰塊，味道帶少許嘅回甘但感覺卻來得特別清爽。喜歡嘅可以混入合適嘅淡奶，味道隨着自己嘅調配而不停有所轉變。✨柚悠自家製氮氣冷泡檸檬茶，係港式茶底的基礎上加入西式茶葉，並以冷泡的方式將茶味釋出，加入鮮榨嘅檸檬汁並將氮氣打入冷泡茶中，令茶底更幼滑香醇，特別得黎又好飲餐廳主打摩登創意嘅泰式混合西方元素，所有食物都好高水準。

朋友一早預訂位，但在訂位時沒有職員說用餐時間為90分鐘。我們當日到達，職員才跟我們說用餐時間為90分鐘，第一觀感已經扣分，應該要當初訂位時跟我們說，我們也未必選擇這間餐廳。我們進入餐廳，落完單到等待食物來，也等待了一會，我們真正可以用餐時間不多。中途更被某女職員用眼神瞪著我們，並三次走過來態度一般地催促我們剩下多少時間！但奇怪一點那位女職員好像只針對我們這台，其他台的客人，沒見到她走過去催促。最後我們還沒吃完，已被那位女職員「趕走」了😣這次是我人生最差用餐經驗！

泰國菜向來是我喜歡的口味，今天到訪位於尖沙咀 K11 Art Mall 的摩登創意泰西融和菜餐廳「阿閒泰」享用晚餐，以木系作裝潢主調，優雅舒服帶渡假風，當中月球佈置為一大打卡點-🔹椰汁雞湯 $68材料有雞肉、草菇、秀珍菇、車厘茄、香茅、蒜頭、薄荷葉、南薑及辣椒等；順喉微辣帶啖啖椰汁清香，雞肉用醃料調過味，微甜惹味-🔹炭燒叉燒 $138厚切叉燒帶微燶邊，選用帶點脂肪的豬梅頭，肉質嫩滑軟腍，有嚼頭之餘卻不失鬆化，蜜汁甜度恰到好處，更帶淡淡的炭燒香；佐以酸菜可解肉之微膩-🔹紅咖喱慢煮牛肋條 $188份量十足，牛肋條有一定厚度，肉質緊緻帶柔滑的脂肪，肉香不俗，紅咖喱味道濃郁香辣-🔹香辣炒通菜 $88翠綠爽嫩，辣得過癮，油膩感低屬健康之選-🔹印度薄餅 $28口感鬆脆，吃到麥香，配搭咖喱非常滋味