阿里山 (逸酒店) (已結業)

朋友食過覺得正，推介俾我😘 呢間人氣🔥蛋糕店總鋪係紅磡，嚟緊仲會喺👉🏻銅鑼灣開分店喎🤩 對我嚟講更加就腳😁佢地蛋糕強調每日新鮮出爐、天然健康美味😋粒粒朱古力味賣相好靚， 上面嘅圖案好有藝術感😍仲有一粒粒朱古力。 蛋糕好鬆軟，有香濃朱古力味，最吸引係個啲幼滑嘅朱古力🤤。朱古力控嘅我食到停唔到口🤭日本🇯🇵柚子柚蜜味用左日本🇯🇵柚子皮、柚子汁，配合台灣桂圓峰蜜同日本麵粉，柚子味香濃突出，食落甜甜哋仲食到柚子皮😋幾有口感。阿里山古早味（原味）原味就係要食佢嘅蛋香，果然蛋味十足。蛋糕夠哂鬆軟濕潤🤤

古早味蛋糕每日有5同款。今日限定揀左至尊海苔肉鬆 （$95）。海苔肉鬆台灣直送香港🇭🇰 肉鬆用料好足、口感鬆化, 加埋面頭嘅紫菜同芝麻, 香味同層次就更為突出。雖然疫情期間無得去台灣，但呢個古早味蛋糕就足以填補我對台灣嘅一份情懷一解「鄉」愁。除左今次食嘅海苔肉鬆，如果有指定味道想食，可以早啲打電話order☎️ 原味、黑芝麻、綠茶紅豆、肉鬆、芝士🧀、榴槤、柚子蜂蜜🐝、椰香紫薯、雜錦果仁。我下次最想試係䄂子蜂蜜🙋🏻‍♀️蛋糕儲夠十個印就可以免費送一個蛋糕，星期一仲有得儲2倍印花！另外蛋糕6點後做6折！認真抵食😋

「古早味」食就第一次食，但聽就聽得多😌in general 就係用傳統製法，比海綿蛋糕sell口感更綿密、蛋味更重的蛋糕。但Jenny就係中意越級挑戰，試試打卡-able朱古力味！𝙁𝙤𝙤𝙙🍫朱古力古早味蛋糕 $85面頭有啲朱古力粒同花紋，幾靚仔😙蛋糕又勁大份，迫爆咗成個盒😆由於Jenny去到咁岩新鮮出爐，拎上手仲暖笠笠😍蛋糕氣孔細而且密，的確比一般海綿蛋糕更軟更濕潤。切開時滿滿嘅流心朱古力，證明佢唔係淨係擺幾粒朱古力扮野🤎而最開心嘅係，佢係真·朱古力😍😍唔係用朱古力粉或者假朱古力，所以食落去朱古力味夠香夠濃，更加有黑朱古力嘅微苦😱正野！Jenny一路食一路停唔到咁享受，連朋友都不斷confirm佢好好食🤤呢間絕對係Jenny會回頭嘅店，聽老闆講之後會喺銅鑼灣開分店，整埋印仔卡買滿10個送一個蛋糕。Jenny覺得今次真係會做有腳嘅雀仔儲印仔🤣(@hungry_meanjen)好食到忍唔住幫它影左輯靚仔相🤣食過嘅朋友快啲介紹Jenny試咩味好🤤

阿里山有好多唔同口味嘅古早味蛋糕，買咗西班牙橙粒朱古力古早味蛋糕，西班牙橙粒朱古力$100，每日新鮮出爐。一件蛋糕都可以分到四大件，好抵食！濕潤鬆軟，用咗西班牙嘅香橙粒，真材實料表面灑滿朱古力粒粒同香橙粒粒，真心正！加左香橙粒，味道清新香氣四溢，好好食！濃郁朱古力既香氣同味道，食到舔舔脷。原來阿里山有印花卡，儲滿10個印花可以換到一件蛋糕，銅鑼灣分店會係4月底新開張，有更多產品推出同優惠，真係令人好期待！

早前真係好多不同古早味蛋糕店出現，特別一個紅磡已經最少有三間古早味蛋糕店，當然佢哋嘅味道質素分別都幾大，但位於逸酒店地下嘅阿里山真係比較之下真係最好。當中蛋糕店有超過十款口味選擇，蛋糕有鹹有甜真係好多選擇，而且舖頭有個大透明玻璃，可以睇哂蛋糕製成嘅整個過程。今次我就點了椰香紫薯古早味蛋糕蛋糕相當濕潤又鬆軟唔會乾身而且紫薯相當足料每啖都有椰香紫薯味道層次感十足而且優惠卡儲夠十個印仲送免費蛋糕真係值得再去。

好開心前排中到搞既giveaway，可以試到佢地既招牌古早味蛋糕😋😋佢地既蛋糕都有好多選擇，今次就揀左柚子蜂蜜味🙆🏻‍♀️🙆🏻‍♀️-📍日本柚子蜂蜜蛋糕面頭有d柚子皮，聞落仲有淡淡既柚子香味～～我第2日食之前拎左去叮熱，口感keep到鬆軟濕潤😋😋雖然話加左蜂蜜，但食落唔會太甜，唔錯👍🏻👍🏻食食下會食到d柚子粒，整體感覺好清新❤️❤️

Half price cake at night, bought matcha redbean flavour which sounds very atteactive! But the redbean is minimal, can barely find it....the matcha flavour is ok, but not very strong. The cake texture is soft as usual, but as the flavour wasn't too strong, it seems similar to the original flavour. However, I like that it didn't has strong milk and butter taste. Maybe I shall try another flavour next time.

同男友係黃大仙食完晏之後就去左充滿住我童年回憶既黃埔行街，諗住行上紅磡站搭西鐵果陣經過呢間古早味蛋糕，俾佢新鮮出爐既香味同埋裝修吸引左買黎試下😌Ｄ味道多到我都唔知點揀好，好多味都想試🙈好彩可以半件半件咁買👏 掙扎完一輪最後我地揀左半件出面好少見到嘅日本柚子蜂蜜同埋男友好鍾意嘅海苔肉鬆😁呢間蛋糕既用料一啲都唔馬虎！👍👍 日本柚子加埋台灣蜂蜜形成一個超強組合😍 蛋糕食落好香雞蛋味，口感濕潤，鬆軟綿密，柚子味清新，仲食到一條條既柚子😯 配搭埋蜂蜜獨特既香味，清新得黎唔會太甜😋 海苔肉鬆好足料，肉鬆口感偏鬆化，加埋面頭既紫菜同芝麻香味就更加突出， 層次更加豐富😚 其實我不嬲都係一個蛋糕麵包控，但只中意食唔中意煮，而古早味蛋糕成份簡單天然實在太正啦！🤣 除左呢兩款口味，佢仲有好多其他口味都好罕有，例如黑芝麻，榛子果仁，榴槤，椰香紫薯，紅棗桂圓等等😍 下次要再試下～～

這間阿里山台灣古早味蛋糕位於紅磡蕪湖街83號逸-酒店地下5A舖!呢間阿里山店舖位置都幾好!係間酒店附近感覺蛋糕質素都幾好!.黑芝麻蛋糕原味蛋糕.黑芝麻賣相都幾吸引!蛋糕面D花纹好特別🤔!芝麻味道好香好濃郁😙!剛剛出爐同時香噴噴😙!揸到上手蛋糕軟綿綿!真係唔錯👍!.原味蛋糕賣相冇乜特別🤔!去嘅蛋糕份量十足!外表都好金黃!抸到上手食入口蛋糕味道好香蛋味同埋牛油嘅味好重😙😙😙!蛋糕食入口口感好鬆軟!甜度恰恰好!

成日係街到見到啲古早味蛋糕，好似好正咁，今日放學經過 @alisanbakery ，一於去試下😆 呢度嘅口味選擇非常多，有成15款，餐牌會寫明邊啲係新鮮出爐嘅，變相都幫左我地呢啲有選擇困難嘅人😂 蛋糕可以半份半份咁樣叫，咁就可以試多啲唔同嘅口味👍🏻 蛋糕拎上手都有啲份量，而且隔住個袋都聞到香味🤤整體黎講蛋糕嘅口感厚實濕潤，睇到同食得出係真材實料，唔係食空氣，同埋唔乾身💯🧀🥩 芝士肉鬆 $95有巴馬臣芝士、車打芝士、芝士粉、莫薩里拉芝士同埋台灣肉鬆，一次過可以試到咁多配料，感覺好抵🤩 食落鹹香味好正，芝士做到流心效果之餘又唔會太稀，肉鬆都唔係普通係街買嘅貨色，估唔到兩樣嘢加埋咁好食😋🍠 椰香紫薯 $95我好鍾意食紫薯，所以諗都唔使諗，就揀咗呢款，而且仲係新推出嘅口味添！呢款唔會太甜，無罪惡感，係健康之選！面頭鋪滿椰絲，食落仲有紫薯塊，唔欺場👍🏻等候期間可以喺櫥窗睇住老闆好認真咁切蛋糕，係視覺上嘅享受～ 蛋糕好味之餘，待客之道亦令人難忘。老闆好有禮貌，令我諗起去台灣嘅時候嗰種人情味☺️ 買完之後甚至好似日本人咁鞠躬，今時今日係香港真係好難搵到咁好嘅服務態度👍🏻👍🏻 佢哋之前係中秋節免費送蛋糕

想買啲雞蛋糕畀屋企人試下, 又唔想平時咁普通喺麵包舖買嗰啲😝 行過黃埔呢度見到台式古早味蛋糕, 有好多款唔同嘅口味‼️就試下啦‼️店員話佢哋新推出紫薯芋頭味, 我又對佢哋嘅四重芝士好有興趣🤭所以就叫咗雙拼～ 其實今次係我第一次食台式古早味蛋糕🤫因為話曬都唔係平價蛋糕, 所以都有同店員傾多兩句, 8掛多少少, 佢好nice呀👨🏻‍🍳仲解答我問題, 話啲雞蛋每日新鮮到貨, 蛋糕係即場喺舖頭製作嘅, 同埋佢哋所有蛋糕都唔落防腐劑～ ▶️椰香紫薯古早蛋糕切開裏面真係有一粒粒紫薯😲加咗芋頭製作,所以望落去係深紫灰色, 蛋糕面頭用咗椰絲😋 鍾意佢唔會太甜～▶️四重芝士古早蛋糕加入咗幾種唔同嘅芝士, 仲有少少流心添呀😋兩種口味都口感綿密, 蛋味好濃郁👍🏼大人細路都鍾意食呀🥳

見到特價時段提早左6:00，經過見就夠鐘就等多一陣，買啲蛋糕返屋企食啦。之前買過一次原味，覺得好有蛋香味，幾好食，今次就揀左兩款唔同口味。蛋糕新鮮出爐，成間舖頭都好香蛋香味😳唔同時段都有唔同嘅味道出爐！🔸濃郁朱古力個人比較鍾意朱古力味，買嗰陣就係正正見到佢整緊朱古力味，未食已經聞到好香嘅朱古力味，個底有啲朱古力醬，好濃郁，面頭亦有朱古力粒及朱古力醬，蛋糕質感好鬆軟同埋濕潤，食落唔會個口乾晒😂味道亦都啱啱好唔會好甜👍🏻🔸椰香紫薯面頭有好多椰絲，所以聞落好有椰香味，蛋糕好鬆軟！一切開，見到有一粒粒的紫薯，鍾意食紫薯嘅朋友唔好錯過！

呢個星期 WFH，加上凍咗幾日，好自然想揾多啲嘢食。最近上網睇到呢間的古早味蛋糕好多人讚，忍唔住要帶番兩底試吓。看下門前的 menu，款式可真不少，有啲仲係未見過的。店舖是以 open kitchen 設計，雖然地方細細，不過好乾淨，加上咁啱師傅剛焗好一底，真係好香。我好開心咁帶咗兩款我從來沒食過的口味，就係新口味嘅海苔肉鬆和柚子蜂蜜。先講蛋糕底，打得非常綿密，而且好軟滑，口感有少少似 cheese cake，真係好驚喜。海苔肉鬆的量唔算少，兩者的味道都好突出，跟蛋糕好夾。柚子蜂蜜有點甜甜地，仲食到一條條柚子皮，味道帶著小清新。連阿仔見到都忍唔住要拎著來食。

屋企附近開咗一間古早蛋糕🍰 之前係因為見到佢有成14種口味好吸引但係其實就算要咁多種口味 每一次我都係食原味😂😂就好似雞蛋仔無論有幾多種味我都係食原味 不過今次心思思想食埋紫菜肉鬆 成個蛋糕都舖滿肉鬆正呀 😛😋Lucky Me去到嗰時啱啱有呢二種味道 返到去 蛋糕係超級鬆軟好有雞蛋味好香重點重點系店員服務態度非常好👍🏻超級有禮貌 蛋糕口味可能好多地方都大同小異但係店舖人員嘅禮貌態度 真係會令你有好嘅感受 所以我再食古早蛋糕 就會記起呢一間🙂🙂🙂

屋企人好鍾意食古早味蛋糕，而見阿里山好出名，所以就買咗兩種口味同屋企人share食😝。阿里山同滄浪亭好近，都係係蕪湖街，係黃埔站行5分鐘左右就到。四重芝士 ($85)因為之前上網見到佢嘅芝士🧀味好吸引，咁啱又有出爐，所以二話不說就揀咗佢。四重芝士包括巴馬臣芝士、車打芝士、芝士粉同莫蕯里芝士😻，絕對啱晒鍾意食芝士嘅家姐。蛋糕面鋪滿咗即刨芝士，充滿鹹香。蛋糕入面就有唔少芝士，佢唔係就咁鋪一層係中間，而係係蛋糕中穿插，每食一啖都可能會發現芝士山窿😂🧀。蛋糕口感鬆軟，亦富有蛋味，成個芝士蛋糕都好出色。西班牙橙粒朱古力 ($100)呢款蛋糕定價比較貴，到底佢好唔好食呢？！蛋糕表面灑滿橙粒🍊同朱古力粒粒🍫，仲有朱古力拉花，個樣真係好吸引。蛋糕朱古力味濃厚，同芝士蛋糕一樣咁鬆軟。而內層除咗有一層厚厚嘅流心朱古力底，仲會有唔少朱古力山窿🍫🤤，足料。可能因為天氣凍，流心朱古力凝固咗，變成一層香濃朱古力夾心，超正🤩。另外，蛋糕內亦有橙粒夾雜，帶點甜甜酸酸，同朱古力好配，成個蛋糕絕對唔會太甜或膩，反而係吸引我愈食愈多😋。總括嚟講，呢兩款蛋糕都好出色又足料，比平時嘅芝士味、朱古力味特別👍🏻。店員亦好友善咁介紹