阿部屋日式板燒．豚肉專門店

營業中

休息中

落大雨唔想出街買餸，奈何肚餓到死就落街來堂食，今日來到唔使排隊，即刻就有得落order。汁燒格陵蘭比目魚配麵豉湯配日式蒸蛋同味素珍珠飯先68蚊，好抵食喔！格林蘭比目魚食落好新鮮，非常嫩滑唔會overcooked,燒汁亦都啱啱好，好有滋味。面豉湯同日式蒸蛋都幾好蒸蛋嫩滑我好中意。沙丹豬扒好大件喔！好香口多汁，煎蛋撈埋醬汁同飯一起食落好正算系好靚嘅一餐頹飯吖！夏日果物系哈密瓜，好甜多汁，作為餐後甜品健康又好味。

今日來商場shopping，結束之後想簡單食個午餐，就揾到阿部屋啦。見好多人推介後就點咗慢煮醬油雞翼香蔥醬油撈麵，加8蚊就可以配凍飲。分量真系好大，配有四個豉油雞翼，嫩滑鮮甜，完全停唔到，一口氣就兩個雞翼落肚！撈面口感好好，唔會太硬，每一根都裹住晒醬汁，唔知系唔系我太肚饿，一啖又一啖，全部扫晒，好味！對於呢個價位嘅餐廳，環境都好唔錯啦！座位都好寬闊，系一次好滿意嘅lunch！

家庭休息日冇人想煮飯就來試下阿部屋，lunch time好火爆a,排隊都要一陣架！三個人點咗兩個撈面，一個飯，都幾好味！我最中意慢煮醬油雞翼香蔥醬油撈麵  53$ ,蔥油豉油醬汁咸淡適中，撈面QQ嘚，豉油雞翼都好入味，嫩滑多汁，好正啊!炭燒厚切豬扒秘製蔥油飯配韓國餐肉煎蛋 55$ 好抵食喔，分量好足，炭燒豬扒非常厚身，但系咬落去一d都唔會難咬，好軟嫩，同煎蛋午餐肉一齊撈埋醬汁，一大啖滿是料嘅撈飯真系大滿足！另外一個撈面系十勝厚切豬扒香蔥醬油韓國麵  58$ 另加10$ 配夏日之果物,都幾唔錯，豬扒好好味，生果揀咗哈密瓜，好甜，一d都冇失望，好味！

同事呢排日日来食午餐，今日我都同佢一起来！我食招牌厚切吉列豬扒飯配洋風咖哩汁，吉列豬扒食得出系厚身的豬裡脊，炸衣香脆，肉質鮮嫩，好对我胃口！空口食豬扒就已經好有滋味，一啖接住一啖，完全停唔到口！猪扒饭嘅咖喱汁亦系我中意嘅味道，猪扒同咖喱汁一齐捞饭食落就系另一個level，好送飯a!食晒真系好饱好饱，美味又抵食吖！

近排身邊有好多朋友推薦呢間嘅厚切豬扒飯，今日特登過嚟食啦，經典沙丹豬扒配珍珠炒飯，真係唔係講笑，個豬扒好大件，仲要係T骨嚟嘅，未見過豬扒飯見唔到飯嘅？，沙丹汁一睇，就覺得好濃郁，切開個豬扒好厚度，可以食得出係新鮮豬扒，唔黐牙，個肉質比較爽脆嘅，切嗰陣時都唔會覺得非常之難切，珍珠炒飯粒粒分明，都幾有水準，不過爭少少鑊氣，秘製蔥汁配豬扒韓國餐蛋飯都唔錯，個醬汁好出色，齋食蔥汁都已經可以直接攞飯食晒成碗飯，加埋個太陽蛋攪勻一齊食，正。

想來阿部屋試下好耐啦，今日終於都有時間過來食過lunch。我好中意我點嘅汁燒格陵蘭比目魚配麵豉湯，仲配有蒸蛋同埋珍珠飯，對於一個女仔來講真系超級大份量！格林蘭比目魚肉質好靚，食落系新鮮嘅，唔錯！我中意個醬汁，同魚肉好配，擠上少少檸檬汁又系另一番滋味，好fresh！面豉湯無功無過，蒸蛋嫩滑鮮甜，同白飯好配，非常送飯！另一道豬扒包都好唔錯！豬扒好大件，非常軟嫩多汁，side dish系蘋果沙律，仲ok啦！食完勁飽，CP值好高 lol！

唔知食乜午餐就來阿布屋了，求其係menu揀咗個未食過嘅炒飯：懷舊經典沙丹厚切豬扒配珍珠炒飯，都幾驚喜喔，炒飯粒粒分明，唔會太硬口又唔系爛飯，火腿切得好大塊，一啖炒飯一啖火腿蛋食落去好爽，仲有大件嘅厚切豬扒，軟嫩多汁，大啖大啖嘅豬扒肉搭配炒飯好滿足，好抵食！

今日day off，唔想煮饭系屋企附近食午餐。点咗一个秘製慢煮醬油雞翼香蔥醬油撈麵，分量好大吖！醬油撈面色澤首先就過關啦，豉油醬汁色澤十分誘人，整碟金燦燦咁！雞翼同撈面亦都夠曬入味，好中意上邊嘅炸金蒜，同撈面一起食十分香口，好加分！整碟都食曬！好味道性價比高嘅一餐，好推介！

算落來已經系第三次來阿布屋食午餐啦，系心中近期性價比第一嘅lunch spot。同我partner兩個人一齊點咗個十勝厚切豬扒香蔥醬油韓國麵 同炭燒厚切豬扒秘製蔥油飯配韓國餐肉煎蛋，撈面系我嘅摯愛！蔥油香味十足，撈面Q彈，豉油醬汁稍帶甜味，食齋面撈醬汁就已經好好味啦！厚切豬扒系真嘅好厚身，咬落去鮮嫩多汁，全部食晒好飽肚！Partner嘅飯睇落都好香，料多分量足，下次我都要試下個飯。白桃果汁都幾唔錯，我覺得好飲過蘋果個只。

未試過晨早流流就食個切豬扒脆豬，不過講真係真係幾爽，大大塊豬扒應該係炸嘅，但係睇落有啲似煎嘅，脆豬酥脆，一啖好結實，豬扒炸得啱啱好，嫩滑，睇落仲以為會好硬，但係出乎意料，唯一個缺點就係冇蔬菜，如果夾埋啲生菜就更加好啦，可以再加$6加多個輕量嘅火腿通，或者係辣肉醬米粉，份量都幾OK，不過我冇加，因為個豬扒包份量都OK嘅，原來早餐食過十勝厚切豬扒豬仔包加杯嘢飲都好滿足嘅～叫咗凍奶茶，比較淡啲，不過奶香味OK。

Lunch一開始俾餐厅嘅菜單鸡翼香蔥豉油面嘅相吸引到，個面係比較粗身啲嘅，有啲似油面，但係冇油面咁硬，慢煮豉油雞翼肉質好嫩，夾咪該香蔥豉油面香蔥味好香，個豉油係真係有啲功底整嘅，油面掛汁，但係又唔會太鹹，啱啱好，記得一定要加配信州蘋果汁，之前飲開日本嗰個完熟蘋果汁，同呢個完全唔同，呢個會比較清啲，甜度相對比於日本蘋果汁來講，呢個會再淡啲，咁當然啦，日本完熟蘋果執行比較甜嘅，所以呢個配餐嚟講係比較適合啲嘅，開胃啦又順喉，同事個豬扒飯果然係招牌蛤，豬扒好大件，夾埋昭和辣肉醬好正，我鍾意食辣，但係呢個辣度對於廣東人嚟講非常之可以接受到，記得叫老細加多醬，多飯，你一定食得晒！

燒餃子湯拉麵，比較鍾意嘅係餃子，同埋個拉麵係分開裝嘅，拉麵湯少咗啲，可能係因為我鍾意到湯嘅面掛，哈哈哈，拉麵就比較中規中矩啲，餃子唔錯，煎焗得火候啱啱好，入邊仲會有汁嘅，面上林嘅燒汁都好食，帶少少甜口，唔鍾意食甜口菜嘅朋友都可以接受到嘅，拉麵一定要趁熱食，凍咗會有少少膠喉，咁當然啦，係因為佢哋比足料先會咁樣嘅啫，溏心蛋就差啲功夫啦，豬扒香蔥豉油韓國麵，服務員都好推薦呢一個，見到隔籬枱叫得最多嘅就係豬扒，豬扒厚切，爽口嫩滑，唔韌，果然係招牌蛤，面底可以轉嘅，見佢哋近排推桃汁、蘋果汁，就加咗桃汁同埋青提汁，都幾唔錯，最重點係可以解到膩，酸酸甜甜好爽口，甜度都啱啱好。

中午收工食個’頹飯‘，豬扒飯配七味炸雞，黑椒汁另上，返工咁攰，中午要食多啲肉，大大塊豬扒好厚實，黐住豬骨骨架啲肉係特別好食㗎，成塊豬扒仲大過手掌🖐️，肉質爽脆同埋表面帶少少焦脆，好香口，炸雞有成四五舊咁多，外酥裏嫩，仲有少少汁，入曬味，黑椒汁中規中矩，其實唔點汁都OK嘅，但係比較驚喜嘅係啲米飯其實都好食㗎，煙靭但係又唔硬，粒粒分明，如果唔夠食嘅話，記得同老細講要加飯呀，凍檸茶少甜多冰！一碗飯一杯嘢飲，中午又可以叉滿電繼續返工啦，午市時間呢度都幾多人。但係呢度有單人嘅卡位，所以中午過嚟食飯都唔使覺得要同人搭台覺得尷尬。

未試過早餐食咁大個豬扒包，厚切豬扒包脆脆豬！$41，豬扒仲大嗰個麵包，第一啖都淨係食到豬扒食唔到個包🤣豬扒好有Juice，麵包係豬仔包，煙靭，有嚼口，夾埋豬扒一齊食好香味，再飲啖凍啡，真係好滿足；蛋沙律三文治，麵包比較濕軟，夾埋個蛋沙律，蛋香味好濃，唔會膩，鹹味啱啱好，仲會搭埋件生果，一啖生果一啖麵包，再嚟多一杯熱奶茶，奶茶都ok，茶膽夠香，奶香味都好濃，不澀，香滑，要拉出咁嘅奶茶冇啲功底，真係做唔到😋

烏冬配胡麻醬，都幾新潮嘅食法？😄手打冷烏冬煙煙韌韌，好有彈性，爽口，淋上胡麻醬配黃瓜絲同埋雞絲口感好豐富，仙台手打豬肉丸湯，份量唔大，但係個豬肉丸好有Juice，湯先味比較濃郁；個脆皮芝士雞翼，外酥裡嫩，帶少少芝士味，鹹淡適中，三重芝士蕃茄焗牛脷意粉，聽個名都知道重料啦，三到4塊大大塊嘅牛脷鋪面，啖啖芝士拉絲，不過個芝士再多啲就更加好啦，兩個人食食到好頂肚出門口、份量都幾大，餐廳都幾大，有埋室内外，座位比較多。