阿糊米線

咁男朋友放lunch就求其搵間黎食啦。一入去，店員係飛個餐牌過黎已經嬲嬲地，都算啦。之後上米線都冇咩問題嘅，男朋友個套餐有素鴨，就等得耐佐小小嘅。上到黎得3件，但係張單就話有4件嘅，男朋友就嗌啦，話點解得3件，少佐一件wor。佢地就話改佐，係得3件，咁我地都算啦。佢地另一個後生啲嘅員工就不斷望住我地，好似好唔滿意咁。到比錢個陣啦，個後生嘅員工就攤開手板啦，算咩意思？個陣男朋友再講改佐就講聲啦。佢就話改佐就改佐架啦，已經切大塊佐啦。勁嬲囉，服務態度差到咁。走佐之後男朋友就話其實佢一直望住我地，講我地壞話，好似唔服氣咁。…查看更多

過年行花市行到肚餓，就係附近隨便搵間食肆醫肚！阿糊----個名幾特別！試下先！食物都幾有特色！金湯略嫌不夠濃郁，但番茄湯夠茄味👍小食豆腐丶春卷、羊腩好吃！但最值得一提的是當晚雖然人頭頭湧湧，大家都忙過螞蟻，但仍然😄面迎人，很🈶️新年氣氛！我的一個小女兒，見到咁多人，唔想食，坐低後有要求多多，發晒脾氣，但最值得一讚👍是嗰位長頭髮店長，很有耐心，態度很好去應付我呢嗰要求多多的小女兒！令我不至於過一個不開❤️的年卅十下次年宵燈會再度嚟！…查看更多

同個frd諗住食個quick dinner就即刻衝入年宵花市行就選擇左呢間米線(因為其他都爆曬)首先介紹呢個金湯雞米線啦表面上叫金湯 其實上左之後一食原來喺嘞沙湯底感覺就好似東南亞馬來菜cross over米線雖然感覺上有啲奇怪 但係味道唔差嘅而且用材都ok 滷蛋唔會好硬好無味雞件有雞弈同埋都幾嫩加埋豆卜可以索下啲湯連埋米線食入肚不過啲湯唔唔喺特別濃郁 甚至可以話想有少少淡都幾好味嘅 不過有少少貴啦呢個58HKD一碗第二就係牛肉炸醬酸辣米線依然都喺秉承第一碗啦就喺個湯底唔夠濃 雖然喺酸辣但食落去唔夠進擊同惹味勝在都喺用材算喺唔錯牛肉唔會要唔開太硬 軟得嚟都食入左好多滷汁:)因為太肚餓嘅關係叫多左一個HKD38嘅烤羊腩叫嘅時候見到侍應生大聲問廚房仲存唔存在羊腩心頭一震就喺 唔知喺賣得太好斷貨定喺其實已經無人再食呢個小食而無入貨(解釋翻：因為我住附近所以都唔喺第一次嚟食，咁我記得佢啱啱開張我地全家都會叫羊腩米線覺得呢個先喺佢地招牌，但係今次再嚟食已經換左招牌菜式而且唔會再賣羊腩米線...變左小食)不過好開心嘅就喺佢依然味道不減同當年啱啱開張一樣咁好味最後就喺佢晚上會哎dinner set送一款小食咁佢喺set死左星期一到日送邊一款我覺得喺bonus嚟嘅對於我呢啲餓鬼嚟講雖然麵包糠有啲厚 雞有少少肥但係堅持新鮮炸出嚟就開開心心啦做開胃小食還是不錯的…查看更多

拿杯水食藥都唔比 員工態度惡劣苦口苦面 原來要杯水都咁難唔會再幫襯食物ok 平而入 間餐廳 但垃圾級嘅態度令人氣憤如果唔係午市間間爆哂人 都唔會入門口放個捐錢箱都無用 啲態度咁樣…查看更多

冬至日，四圍都係人我一個人想吃點普通和簡單的食物，所以選擇了這個。這間餐廳人很少，食物種類像譚仔一樣，不過就健康一點。入到餐廳，見到餐牌，就覺得有點伏，因為佢個麵底都唔平。譚仔一款料+麵底要大約26蚊，但佢咩都唔加已經要25蚊，我加左兩款料和可樂一支，總其要40蚊。點完食物，突然隔離食客和店員吵架，食客已經講明會投訴，四周的食客都話店員為什麼這麼沒禮貌，店員成日都話自己好忙，食客詢問就成日話唔得閒，但其實佢又無事可做，有時還和熟客傾計。講返食物，我沒想過酸菜係呢隻😫我想食譚仔個隻囉，算啦，係我唔知道。個喇沙麵底都可以。不過花枝丸只有三粒，我係加左錢的呀！可樂加5蚊都算平。我唔會再試，費事下次比不禮貌對待，自問自己都係有要求的人。…查看更多

今日去返工展會去吃午餐就行去最近的天后，見到有間阿糊雞都幾吸引，價錢都係四十幾蚊都吾錯就入去試下（原來同原碗大約一半份量），見到有特飲都係加$5，男人就叫左一杯特飲而我要豆漿，加2個套餐先！！～食完全完只可講係一試就夠，吾會有下次。阿糊金湯餃子雞米線…餃子冇味，雞有4舊都多肉而肉質都吾錯夠滑身，湯感覺似淡的喇沙味道可以，但米線偏淋身吾好食。金銀蛋素鮮菌芫茜湯米線…講真這個湯底好難吾得，事實都係吾錯而足料，但米線係勁淋身（仲淋過雞米線）完全冇口感，一甲即爛失望。小食叫左糖醋排骨，份量夠但吾太入味。豆腐夠熱吾油味道吾錯。飲品特飲同相相差太遠吧，紅豆少味道正常，奶茶偏甜似台式奶茶，涼粉冇口感完全吾得。豆漿正常味吾太甜吾錯。…查看更多

是晚第一次試下食，點了餐唔夠30秒想改(其實只係唔要果兩隻雞翼），店員話落左唔可以改，我堅持要改，店員堅持話唔改得，差不多講到鬧交。等食時，旁邊食客好驚咁叫左出黎，我問咩事，原來佢地見到隻會飛小強走左出黎。即走！…查看更多

又係星期五, 又係天后...今次係去食米線....一心以為雲南米線, 或者係....譚仔....原來來了....星洲米線乎?點了個....招牌米線..金牌米線（喇沙湯底！）跟汽水~~先講湯底.....好少湯, 真係好少湯....下次加湯....喇沙湯底, 感覺好新鮮, 椰香味不重, 辣度適中。只係...好少湯, 好少湯....我又唔記得要走芽啦.........由於食雞, 跟粉上時送上骨碟一隻, 非常細心。米線好淋, 好好食, 好透, 非常喜歡這個口感, 無得頂呀~~~雞都好滑, 好香, 有無雞味就唔知了, 但一食就一定知係雞law....感覺夾埋幾好食, 再加半邊蛋, 好入味, 成件事都係好食。唔記得影埋個小食, 跟餐的, 我點了陳醋排骨。好香的陳醋味, 醋加肉, 一個好淋的配合, 真係好淋, 好入味, 再加少少軟骨, 非常好食, 而且份量也不少。順帶一提, 送汽水, 當然會送上飲管一支, 但因為環保的原因, 我主動唔要飲管。其實飲汽水唔需要一定用飲管的, 你有口的, 可以用口飲就成了。多謝支持環保。…查看更多

我初初見呢間餐廳食物的價錢平,所以就想試下。我叫了一碗豬大腸+肉碎+蛋米線,份量都算大,味道都OK,但沒有太大的驚喜;我仲叫了一碟蒜香炸豬手,但豬手唔掂話明係炸豬手,但一D都唔似有炸過,因為D皮軟淋淋,唔香唔脆好後悔叫了這碟豬手 服務態度方面,更加完全唔掂!有個高大肥肥地單眼皮的男侍應平時邊做野邊發夢都算(有客人叫咗佢幾次,佢都可以聽唔到冇反應),坐我隔離有兩位打扮時髦+化哂妝的女士,當她們食哂D野叫埋單時,個男侍應就行過去佢地個位到俾張單佢地,佢地就係個位到埋單;但當我食完野之後叫埋單時,個男侍應就即刻叫我自己行出去埋單,於是我同佢講:「但係頭先隔離位果兩個人係係個位到埋單架喎」 個侍應答:「你出去埋啦,我地間店的規則係要出去埋單的」 呢個時候我真係著 我問:「規則?咁點解呢個規則唔apply落頭先果兩位客人到?大細超?」佢答:「我宜家比較忙,你出去埋單會快d」他繼續堅持要我出去埋,我話佢咁樣既態度,點解連一句道歉都冇,於是佢就敷衍我say sorry,但仲要繼續反駁! 離哂大譜!就算幾抵食都好,但如果一間餐廳的服務質素差劣,顧客以後都唔會再幫襯的 …查看更多

第一次光顧，有驚喜！因為病所以冇得食金牌米線（喇沙湯底！），揀咗蕃茄湯底。蕃茄湯底好醒胃，米線好順，牛腩好淋！美中不足係豆腐唔夠吸收湯底，味道較淡。加$3叫咗杯豆漿，都幾濃味！有機會會再來試試個金牌米線！…查看更多

叫了招牌金湯米線和蕃茄米線，「金湯」其實是喇沙湯，入口鮮味; 蕃茄湯感覺清新，因個人不喜歡餐廳用濃濃的茄膏。兩者味道不錯，米線口感亦佳，材料算是新鮮。但吃完回到家味精開始發作，十分口渴。價錢方便，淨米線配特色湯底才賣廿多元，加一款餸八元，份量足，價錢算大眾化，算是抵食。…查看更多

第一次食，無諗過會有意外驚喜，好小米線店可以有咁多岩我既選擇，今次試左呢個蕃茄雜菜湯底，真係好濃好出色，仲有個金銀蛋湯線未似應該唔錯，個素鴨仲好食過好多素食店添。…查看更多

一向不太喜歡食米線，覺得米線的口感滑滑的，難以夾起，雖比瀨粉好些，還是米粉比較易夾起來食，更何況，還有河粉、麵條等更喜歡的選擇。所以，即使有名氣如「譚仔三哥米線」或「譚仔雲南米線」，我都是幾年才幫襯過一兩次。這一次，我竟然會在這間店子吃米線，實在算得上是異數。這一天，因事來到天后附近食午餐，發覺附近的食店，一是價錢不便宜，一就是餐牌中的食物看來太普通或不吸引，見到這間「阿糊米線」後，依稀有點印象好似還不錯，便沒有細想，入內幫襯。這店子不大不小，雖有數檯客人正在吃東西，店內仍有不少座位，光猛的店舖坐得尚算舒服。在餐牌的五款口味，食材、湯底各異的午餐中，點了其中一款有星星推介的「川味酸菜鮮菌烤骨湯米線」（$40）。這米線的材料不是太多，雖然烤豬肋骨有三件，但肉不太多，味道和口感也只是過得去。腐竹是挺入味的，但是太少，菰菌和酸菜也不是太夠，吃完整碗米線，飽是飽的，也算抵食，不過如果材料份量再多些會較好。這米線的湯底既酸且辣，挺開胃的，初喝一兩口，確是不錯。但愈吃下去，問題便來了，這辣度因為沒有調教過，不是小辣或微辣，而是正常的辣，所以吃不多時，我便已在不住冒汗，初進店子時感受到的冷氣，也彷彿突然失去功效。都怪自己不好，在看餐牌時低估了這款米線除了有星星推介外，還有辣椒冰示警，讓不吃得辣的我吃得滿頭大汗，眼淚鼻水齊出，需要動用多張紙巾拭抹，好不狼狽。幸好這午餐有可樂伴吃，不然便一定吃得更涕淚交零了。…查看更多

上興趣班前先吃一個簡而快的晚餐，因不想吃太飽，看到這店吃麵的，又不多人就決定試一試這店有飯吃有麵吃，不過店名有米線兩字，應該是主打米線的店舖光猛，座位闊落，麵店來說，環境不錯的麵款近雲南菜式，大大碗，亦有以配酸菜及蔥為主的我的是招牌湯底「阿糊金湯」 (本身有鹵蛋、豆卜、洋蔥及芽菜)另我加了牛展和貢丸雖然自己不太能吃辣，不過招牌菜就嘗試一下叫少辣吧因為人暫時不多，很快便有東西吃了上台後，看落其實餸料不算特別多(吃到一半先發覺原來少了蛋和芽菜兩樣配料，笨了:() 可能是碗比較大，自己一個吃的都夠飽湯底沒什麼特別(可能本身已經不是原本我叫的湯底??) 喇沙湯 但偏淡餸料的比例都可以的，酸菜不是太多但足夠開胃口麵連同另外叫的豆漿，50元有找，在這區來說一點都不貴(不過自己下次要睇真點先得)…查看更多

晚上吾想食咁heavy~就決定食米線啦~先上是日小食~係炸豆腐~金黃色熱辣辣~本身豆腐係無味嘅~配埋個醬一齊食~材料睇落好豐富~有雞、餃子…顏色都好吸引~味道吾錯~朋友好食得辣~加辣都覺得未夠辣因為有d熱氣…我叫左呢個試下~呢個配搭就好似平時飲嘅“皮蛋芫茜魚片湯”d湯飲落去就係呢隻味啦~口味清淡~幾好…查看更多