阿珠嬤 (已結業)

被好朋友邀請去食晚飯，當然一口答應，皆因他是識食之人，跟著他一定唔會好錯。先來一杯台式黑糖珍珠鮮奶，未飲已被它美美的賣相吸引，一口渴下，嘩大大粒彈牙黑糖珍珠和新鮮香滑的鮮奶入口，正到不能用言詞來形容！川香麻辣牛肉麵，重點是那個麻得很香的麻辣湯底很野味，牛肉超‘林’身味道香濃，刀削麵很有咬口，讚。金牌紅燒牛三寶麵，這裡以牛做食材的食物做得很出色，下次可以再anchor。冰烤番薯，很清甜，冰涼得來又很可口，幾特別！黑橋牌香腸，之前去台灣特登去買黑橋牌豬肉乾，現在喺餐廳食到佢嘅豬肉腸，回味無窮。 餐廳雖小五藏佢全，裝修佈置優雅，梳化枱坐得很舒服。食了一餐很開心的晚飯。

今晚去西營盤食咗一餐豐盛嘅台灣菜，好開心滿足。食物真係有台灣嘅味道，飲品都好好飲。 黑糖珍珠鮮奶的珍珠彈牙，鮮奶飲得出唔係奶粉開 。朋友嘅青梅綠茶，我試咗少少，入面有好多青梅肉，好清熱順喉。而我嘅冬瓜檸檬都好清新解渴。 食物方面，試咗蕃茄牛肉麵，陽春麵好彈牙 ，湯底香濃。我哋仲試咗好多小食，冰烤蕃薯又甜又冰涼，軟綿綿好好味。黑橋牌香腸亦非常美味，我哋爭住食，唔夠喉要再order一份。牛蒡絲，竹筍絲等小食都唔錯，又可以補充纖維，令到呢餐營養更均衡。 餐廳環境都唔錯，價錢又實惠，所以覺得好值得推介，下次會再嚟。

很久沒有到台灣去了，因此我拉住朋友去吃這一家新開的台灣菜。點了筍子、蔥油撈麵、滷水拼盤、鴨舌和炸物拼盤。筍子是台灣菜的特色，爽爽脆脆的。拌麵有點偏軟身，但是蔥油很香口，蛋入味而且呈半熟微融的狀態。兩個拼盤的種類也不少，有葷有素，我最喜歡是炸物有帶蒜片，馬上能回味台灣時吃鹹酥雞的味道。香腸油香，地瓜球有點驚喜，裡面是帶餡的。飲品則是點了蘋果西打和黑糖珍珠鮮奶，回味一下台灣的飲品。珍珠十分的彈牙，不會太甜。最後加點了一份豬手，皮香不會太硬太軟，十分入味，份量也剛好。

I love Taiwanese food and this restaurant didn’t let me disappointedTasty and Yummy西營盤咁多美食 要揀一間心水既餐廳都花多眼亂今次去左試阿珠嬤 聽個名以為係韓國菜其實唔係 係台灣菜佢地個環境好舒服 好有無印感覺食物方面都好有驚喜 無諗過係香港都食到台灣既味道特別推介:金牌紅燒牛肉麵: 啲牛好新鮮 煮得唔會太老 同湯底個味都好出@azhumataiwanskitchenLocation: Sai Ying Pun Price (5 is max): 2.5/5Yummy (5 is max): 3.5/5

在大道西近正街附近這家台式牛肉麵店、名為阿珠嬷，創辦人阿珠，靠双手創業，目标就是以愛心去認真製作美食，希望客人能在軽鬆舒適的氛圍，享受美食之餘，也可以释放一天的勞累和压力！今天晚上就在這店用餐，這店子地方不算大，但十分整潔、店員也很有礼貌，令人感觉舒服！点了一碗金牌红燒牛三寶刀削麪、一碗秘 製滷醬猪脚湯麵、另加一個滷味拚盤！飲品点了一杯黑焦糖珍珠奶茶和一杯青梅綠茶！牛三寳包括牛𦟌、牛肚、牛肋條等，份量極大的材料浸潤在香辣濃湯裡，味道口感極佳！另一碗秘製醬滷豬脚麵也是大大碗的份量，那滷豬腳很腍很入味，完全不覺得肥膩，豬腳入口即溶化，伴菜那溏心蛋也很好吃，配以那刀麵也很合拍！小吃那個滷味拚盤薄切的牛𦟌、牛肚、雞䭔，豆干等等，賣相吸引，吃來也可口！兩杯飲品青梅綠茶和焦糖珍珠奶茶也是甚有水準的製作！

阿珠嬤？原來佢唔係韓國菜，係食台灣嘢嚟架😮西環新開嘅台灣小店，自從阿元搬左之後就好小食，今次一於試下佢。·<🐓府城三杯雞飯>講真賣相真係唔討好，有種好求其嘅感覺😳不過食落其實唔錯差。雞肉應該係雞脾位置，唔鞋，而且幾入味👍🏻本身以為啲雞件會鋪滿飯面，見到咁稀疏有少少失望，不過原來都夠送飯，可能係個碗太大啦🤪雞件有骨，本來我就唔太介意，但斬到有碎骨就食得唔舒服啦🤔唔好睇個飯冇乜色，佢啲汁原來收埋喺底，絕對夠撈成碗飯😋不過個汁都稍油，咁邪惡都係少食為妙🤭溏心蛋都好入味，我鐘意🤤·見到朋友叫左肉臊飯，原本以為會好細碗我會唔夠食所以冇哎到，但原來大碗過阿元嗰啲，目測一個女仔食都可以頂到一個晏晝😉

差不多半個多月沒有相約飯腳飯聚 來到2019年尾 當然要聚一聚 來個細聲講大聲笑來到香港大學附近既西營盤 見到原以為是食韓國菜睇清楚原來是台灣菜既阿珠嬤 正合我倆心意口味 舖面是小店格局 座位不算多 簡約裝飾 光線充足 有別於一般台式食店 阿珠嬤走時尚現代感 非常麼登別以為是一般小店 原來是大有來頭 當中既清燉牛肉麵、紅燒牛肉麵都得過獎 可謂深藏不露再望望餐牌 選擇的確不少 有牛肉麵系列、小食、手路菜系列、私房拌麵、行家精選、國民飲品...青梅綠茶 平日大多會選擇熱飲 不過來到台式食店就想來一點特別 大大杯既青梅綠茶 色澤是呈金黃色 味道是帶點酸酸甜甜既青梅味道 茶味飲落好清淡 大概是青梅味有點霸道吧 最驚喜是底下沉澱左既青梅蓉 青梅蓉份量都不算少 非常重本黑糖珍珠鮮奶上枱時加入黑糖後賣相好吸睛 飲落奶香頗濃 炒過既珍珠爽彈又有咬口 仲可以揀甜度 非常貼心滷味拼盤 一向對滷味有種情意結 加上可以一次性試好幾款 完全滿足對滷味既欲望 一客就有齊牛肚、牛腱、雞鎚、豆干 滷得色澤深沉 牛肚口感柔韌軟腍 牛腱好鬆化而且非常入味 豆干口感實淨有咬口 咬開有

主食叫咗冠軍清燉牛肉麵和金牌紅燒牛三寶麵。兩個都係刀削麵。首先清燉個湯底好清😝，但又唔會太淡，而紅燒個湯底味道正常。而麵好Q，好有咬口。而牛肉幾淋。而牛三寶入面嘅牛肋條，牛鍵和牛肚，一次過食牛嘅不同部位好滿足😋。小食叫咗溏心蛋，有流心！另外叫咗秘製什錦菜，好開胃，啲菜好爽口，好好食🥰！而滷味拼盤份量好多，而且都幾入味。最後有一個鹽酥雞，雞都幾鮮嫩，調味不錯。飲品是黑糖珍珠鮮奶，奶味濃郁，而且唔會太甜。另外有青梅綠茶，綠茶中和了梅的酸味，幾夾😊！

睇店名以為是韓國菜館，誰不知原來是台灣菜，哈哈.....！姨生女喜歡台灣菜，約她來到試一下。地點非常方便，距離地鐵站只兩三分鐘。極品創意蕃茄牛肉刀削麵是得奬名單之一，點都要試。湯底清甜，牛肉軟腍多句入味，刀削麵非常有嚼勁，整體真的不錯，難怪榜上有名。另點了一些小吃，份量少少，適合一人或兩人可試多幾款。冰烤蕃薯好特別。香甜可口，綿綿質感，冷盤之選。每次食台灣菜我都會食黑橋牌香腸，有肉香，有𡁻口，好味。酥炸花枝丸也是指定要食，爽口彈牙。青梅綠茶，飲落有點似加入了話梅，酸酸甜甜，清甜透心，好飲。

昨天和老公來西營盤吃 Weekend Brunch，回程時在區內四處逛逛，無意中發現這間主打台灣牛肉麵的餐廳「阿珠嬤」。瀏覽過網上食評，見風評不俗，加上之前有食友幫襯過，應該係信心嘅保證，今晚就一於再來西環開餐。。餐廳面積不大，只可以坐到大約八檯客，不過裝修唔錯，新淨企理。拿起店員送上的點菜紙，食物一共有六個大類，而選項就分別為：牛肉麵系列、手路菜系列、私房拌麵、饕客最愛、行家精選及國民飲品。牛肉麵是每次吃台灣菜必點之物，再加多客炸物拼盤，滷鴨翅及燙青菜，應該足夠兩人分享。先來的炸物拼盤 ($58) 份量十足，碟上共有四款小吃，包括香腸、花枝丸、鹹酥雞同地瓜球。台灣香腸向來有水準，因為味道偏甜，好易入口，再加上配埋切片生蒜，更能帶出新鮮台灣豬肉的鮮甜味！花枝丸炸至金黃色，彈牙味鮮。鹹酥雞粉漿很薄身，炸得夠曬香口，而內裡雞肉亦很嫩滑，啖啖  juicy。地瓜球有黃蕃薯同紫蕃薯兩款，食落幾有蕃薯嘅香同甜味，而且面層炸得好脆，內帶少許煙韌。滷鴨翅 ($35) 一客有齊鴨翼同鴨翼尖各兩隻，鴨翼非常健壯、大大隻，肉質飽滿，吃起來鴨肉緊緻有嚼勁，滷水味很香，但又不會過鹹，用手揸住食更加滋味！燙青菜

史無前例的台灣麺店……幸好没有點太多。碟鹽酥鷄！！！！見到之後已經冇胃口。污黑黑的顏色從油淋淋的炸皮下若隱若現……食落口的感覺更不堪，要即刻吐出來。貢丸湯……簡簡單單應該唔會差得去邊，但個湯竟然味道好似煑麵水咁……台灣食物可以整到咁難食……為此店獨尊！

今日與同事去西環做野，收工大家想搵飯食，網上搵到一間評價不錯既台灣野，我地決定去試店內環境清潔。飲品先到，我揀左凍檸茶，茶味唔錯，幾好飲。同事叫左黑糖珍珠鮮奶，佢話黑糖味濃，而且奶夠滑，唔錯主角出場，我叫左麻辣牛三寶麵，有牛肋條，牛腱，牛肚，份量十分多，牛肋條啖啖肉，牛味重而且軟腍，牛腱原汁原味唔會鹹，牛肚夠爽，湯帶少辣但不會死辣，岩晒我另外同事叫左炸排骨麵，排骨即叫即炸，夠晒香脆可口，而且豬扒新鮮肉汁夠，同事讚好我地仲叫左小食，豬腳有2件，大大件，骨膠原十足，而且夠腍，咬落去油脂出晒黎，好正溏心蛋，調味時間岩岩好，醬油味不會太濃，蛋味夠濃，流心都可以，幾好埋單我地食左$228，我地食到好飽，份量多，岩晒我地大男人去食

今晚去左接男友放工，大家都肚餓，想搵野食，行過見到有間台灣野，網上見評價不錯，我地就去試下餐廳環境清潔。飲品叫左珍珠奶茶（上），珍珠煙韌好食，茶味濃，唔錯，青梅綠茶（下），酸酸地醒胃，即時食慾大增主角出場了，就係紅燒牛肉麵，牛肉份量十分多，有牛肋條，牛腱同牛肚，最好食係牛肚，十分爽，牛味又濃，配上微辣既湯底另一個主角就係豬腳湯麵，豬腳大大件夠肥，骨膠原十足，入口即化，好有罪惡感小食方面叫左花枝丸同鹹酥雞，花枝丸即叫即製，魚味幾濃同新鮮，鹹酥雞都是即炸，美味可口埋單我地食左$247，我地食到好飽，連男友都話飽到上心口

西營盤內的一間台灣麵店，聞說佢個麵係法國得獎，所以要試試。點左個牛肉麵三重奏同豬腳麵，兩者用的麵是不同，一個是得獎的刀削麵，另一個是普通麵，三重奏是得獎的，一試果然有分別，刀削麵比較彈牙、有咬口。三重奏分別係清湯、蕃茄、紅燒，個人和常識來講記得由淡到濃食，食完先知三重奏是二人份量，怪唔得之咁飽特別想講係花枝丸，個人覺得比台灣一般好食，可能口味吧~~~另外係個飲品，記得記得記得台式飲品要半甜，唔係會好甜，今次青梅綠葉係半甜之下，就好平衡最後想講係其實個滷肉飯真係好抵食，唔洗三十蚊，見人點左，唔會太細碗，咁就有空間再點其他滷味。

美麗嘅誤會通常始於溝通上，不過，有時有啲嘢又確喺好易令人誤會嘅，就好似早前有食友約我食飯，選址位於西營盤嘅「阿珠嬤」。初時都無為意，見個名以為喺賣韓國菜，嚟到先見喺賣台灣菜，幸而台菜都好啱我。走進店內，環境一眼睇晒，店鋪呈深長形，屬小店格局，裝飾簡約光猛，亦富時代感，有別一啲台式餐廳玩古早味。不過，要解釋點解間店叫「阿珠嬤」？其實，真喺有得解，就晌餐牌內頁頭版，就印咗名字嘅由來。而且唔止名字特別，佢哋仲大有來頭，當中嘅清燉牛肉麵、紅燒牛肉麵，都得過獎，可謂深藏不露。食物方面，確有不少選擇，如牛肉麵系列、小食、手路菜系列、私房拌麵、行家精選、國民飲品……等等。鳳梨綠茶 $20平常大多數會揀珍珠奶茶，不過，遇見到一款鳳梨產品，反而，想試試新嘢。大大杯嘅鳳梨綠茶，色澤金黃，定價又唔貴，茶味好清幽，茶味中滲出菠蘿嘅清甜，最驚喜喺底下沉澱咗啲菠蘿蓉，即喺啲菠蘿汁大有可能喺新鮮貨。黑糖珍珠鮮奶 $32友人喺黑焗7粉絲，但意外地擺咗個烏龍，以為喺珍珠奶茶，點知原來喺鮮奶嚟，幸而佢對鮮奶都啱。加入黑糖後，令賣相好吸引，奶香頗濃，珍珠又咬口，更可以揀甜度添。秘製牛蒡絲 $15先嚟一碟牛蒡絲過過口癮，每條