阿波羅 (已結業)

今日係happy friday，食完晚飯好想吃一點甜令自己開心d，經過藍田啟田商場呢間阿波羅，見到佢地雪糕位置一盤盤不同的生果粒，決定來一杯店舖最受歡迎的乳酪雪糕雙色生果乳酪$35，今次選擇左的生果包括士多啤梨同藍莓，每次望住店員倒入生果粒製成乳酪雪糕，都有種期待的感覺，選的是杯裝，乳酪雪糕成品好大杯，顏色與味道都好fresh & 好吸引，在開始入秋的季節，捉緊夏日的尾巴，吃著啖啖生果粒乳酪雪糕，份外滋味，下次要試下其他生果味的乳酪雪糕

呢排天氣咁熱，最適合就係食雪糕㗎啦，而乳酪雪糕相對嚟講，係一個比較健康嘅選擇。剛好經過呢間鋪頭，見佢做緊優惠就買咗支藍莓菠蘿乳酪雪糕嚟試吓。可能因為係夏天，菠蘿比我嘅感覺好refreshing，配上藍莓，整體好清新、食得好舒服。而且欣賞佢嘅係 食嘅時候會食到果肉☺️☺️☺️不過，感到嘆息嘅係真係萬物騰貴，記得以前$25就可以食到，依家要$30。但係就食到童年嘅回憶，抵唔抵就見仁見智啦，而我就會再幫襯的。🥰

依個雪糕係魚形黎架首先依個雪糕外皮個層好薄，而且都好淋，而雪糕同外皮之間有一層朱古力脆脆，個朱古力脆脆個口感真係好脆架，而且朱古力味好濃，仲好甜，而雪糕係曲奇味，曲奇味同平時外面食嘅曲奇雪糕冇乜分別，不過都係好香濃嘅曲奇味，

今日黃氏力牆同太太，食完晚飯之後行街。 突然間見到呢間阿波羅雪糕店，太太就話不如試下，香港後集體回憶雪糕。不經不覺兩味雪糕，已經由最初十幾蚊升到今天三十蚊，同時原來佢哋有做埋期間限定優惠， 所以我哋今次一齊試下蜜瓜冰菠蘿味呢個組合。講返雪糕方面，佢地同今天其他舖頭手作雪糕，最大分別起碼仲可以食到雪糕的果肉 同埋水果嘅香味，而菠蘿蜜瓜呢個組合配搭，又係無死錯既選擇，大家真係得閒去支持下啦。

講起 Yoghurt, 可能會諗到好多大牌子。同埋，價錢唔平，動不動都$40-50。其實阿波羅先係 yoghurt 界既始祖！細細個，好鐘意拉住媽咪揀生果，然後等佢由部機整出來。佢個時好紅架，到到都有。不過而家想食返已經唔係咁易，因為淨返好少分店。難得經過藍田有分店，專誠上去搵下童年失落既味道。佢有特定幾款生果價錢貴少少，可以揀兩種味道。我依然係鐘情芒果味（係指定生果，貴少少）,再另加荔枝味。唔開心時食到，心情會平靜落黎。所以到而家佢依然係我既 comfort food.雖然有咁多其他牌子，但係都搵唔返呢隻味道~~咁多年，依然係咁好味！

阿波羅鮮果乳酪雪糕我細細個就食la。我記得我最初食係$18，對我來説真係奢侈品。人大了總是回味童年味道，有時見到都會買來懷緬一番。其實以前佢專賣雪糕多，現在酸辣粉、魚蛋燒賣都有售。本月雙味乳酪雪糕是芒果和椰子，二隻都係我鍾意味道😍相對來說現在通脹有二個味道都係二十幾元相當合理。佢標榜低卡路里，食左都能自我安慰，唔肥唔肥可以食雖然比生果份量比從前少，仲有不夠甜，但係我同樣食得滋味，有時獨享滋味其實都是簡單快樂。

大家對阿波羅既乳酪雪糕都不會陌生吧👻呢個係小妹既童年回憶黎架，因為呢個係細個既高級雪糕🙈要乖乖先有既奬勵黎架👆👆👆所以嗰時食佢真係會覺得特別大杯同特别好味😂😂話曬佢都算係香港froyo始祖呀🙊🙊上次經過見到蜜瓜+哈蜜瓜做緊優惠就心思思去食返枝⬅細個嗰時都唔會揀呢兩隻味🙈🙈✨ 蜜瓜哈蜜瓜乳酪雪糕 （hkd $25）拎上手都幾重手嫁，顏色天然有淡淡既淺橙黃色，感覺好fresh😍雖然個脆筒好脆好好食，但個雪糕真係無乜🍈🍈味😔仲要好多好多碎冰，打得唔夠滑身😢😢完全食唔返細個嗰時既感覺.......好彩係優惠價，當平平地食個乳酪冰囉👉👈留意返：係乳酪冰而唔係乳酪雪糕👉👈-所以都真係未必會再買黎食嚕，就等回憶的味道留係美好既記憶入面就夠：)

阿菠蘿兩球雪球 $20.放假一天當然要hea下食個雪糕先心息🙋石板街雪糕麻麻地 其實都係想食夾係雪糕裡面沾滿朱古力味既綿花糖😛太少啦 不過朱古力味算濃反而cookie n cream永冇中伏感 係我至我既香濃奶油cream同曲奇 雖然口味選擇較少 但雪糕質素並不差 入口香滑 不過太易溶啦

今日既然係情人節兼係初七人日，咁係買完餸路經APPOLO有啲細細粒嘅雪糕蛋糕，見到都只係$38，又唔算好貴，所以就買個返屋企同小小豬嚟個開心下午茶啦。依個小雪糕蛋糕好似叫『紅粉天使』(係小小豬話佢記得個名，我買嘅時候完全冇留意添)，依北海道雲尼拿牛奶雪糕再加士多啤梨雪糕，睇個外觀都幾靚呀~ 切開嚟睇，原來係以雲尼拿牛奶雪糕為主，外層就包住粉紅色嘅士多啤梨雪糕~ 味道方面我就覺得麻麻地，個士多啤梨味唔太重，基本上都可以話食唔出個味。不過入面嘅雲尼拿牛奶雪糕就有少少驚喜，佢個嗰份牛奶味都算香濃，所以整體上都算合格啦~ 平平地一個普通雪糕蛋糕，就足以令小小豬開心一個下午，所以話小朋友其實只要做佢鐘意，真係咩都會開心啲！我見APPOLO仲有幾款唔同嘅雪糕蛋糕，有機會等我再買過同小小豬齊齊開心一返啦！

自從yoghurt 店開左好多間之後，已經好耐冇食過阿波羅乳酪了，對上一次食已經係5年前，今日突然想懷勉一番。原來而家一杯已經要$35，我揀左$40既雜莓味。係由好多種莓mix埋一齊: 藍莓，草莓，紅桑莓 etc 個賣相幾吸引，好大杯，個顏色好鮮豔，但食落味道比較酸，要食個筒甜甜地先中和到，比較滿意係唔會好快溶。下次我都係會揀返食yoghurt店嗰d比較合我口味。

阿波羅又一新驚喜 雪糕旦糕 見到已經覺得驚訝。價錢都係百零蚊 都幾精緻 所以決定試下見佢牌子寫住 見到佢有芒果雪糕 朱古力 有幾個唔同嘅款最後我都揀左呢個 貪佢芒果味 夠特別 反正朱古力已經成日食。。。其實幾好喎 買果陣都無留意 佢原來入面先係芒果雪糕 有啲蒟蒻外面係cream包海綿旦糕。同之前食嘅雪糕旦糕完全唔同 起初仲以為要好大力 攤好耐先切到黎食添下次等我買埋朱古力味試下先~^^