阿拉麵館 (已結業)

星期日出呢度食Lunch, 我同老婆叫個雪菜雞絲湯麵、阿拉麻辣湯麵、阿拉湯包。個麻辣湯麵普通d啦，冇乜麻辣味，花生又多得制。個湯包皮厚d，唔係好熱。雖然人多，但都幾快，侍應又keep住加水，整體都算ok既。

星期二晚十時半, 因為把位, 所以一試, 窗口梳化位幾好坐, 招呼就好機械化.宵夜不想食太飽, 兩個人叫了阿拉湯包, 雪菜肉絲蝦仁麵和雜菇炒毛菜, 湯包無什味道, 湯麵就幾好, 炒毛菜都OK。因為無人, 環境就唔錯, 不過如果要排長龍等位就一定唔會去。

每次去開世貿都經過這間餐館, 昨天終於有時間去試一試.. 七點半羅飛, 八點鐘就有位. 唔算等得好耐. 裝修既犘登又富中國特色, 不過, 首先這間餐館要改善就係冷氣系統. 冷氣完全不足, 真係一路食一路出汗. 本來想叫火鍋試下，　但真係太熱，　所以無叫.如果第一次去，我推介大家要叫"阿拉全盒飯餐(兩位用)" 因為有兩碗菜飯，加四款"食送", 十分抵食。兩人至四人，可以樣樣都試下食，唔洗叫大大碟又食唔晒蔥燒羊肉配薄餅很好吃，不太蘇，而且都算大碟，幾抵食.阿拉湯包，就麻麻地，皮太厚，始終不是專做小籠包的餐飽

今晚睇完一套令我滿意既戲--"無痛失戀",心情異常暢快,同女友決定到價錢貴dd既食店慶祝一下,於是選了阿拉麵館~由於己經十點半,所以無需等位進店後侍應安排了普通座位,由於女友見有空置卡位,於是要求轉位,侍應亦爽快答應~同女友研究餐牌係每餐既指定動作..經精挑細選後終於可以落order 了..蔥燒羊肉配薄餅($65)order 後不足五分鐘上桌,速度奇快~京蔥向來係本人愛將,此店炒得不錯,熱辣辣,味濃之餘又不覺太油(只係感覺),不俗~可惜羊肉一點不穌,味道糢糊欠缺個性,有點失望~不過若將此肉混蔥配薄餅確係十分之夾~此味小菜令我們對此店加分~隨著而來係醬蹄($35),一客有十餘塊,味道中規中舉,屬試一次就可以既菜色,下次可以不選了~第二款前菜麻辣腰花($35)比想像既少(被menu圖片誤導),由於只得一隻辣椒,所以辣味不強,連本人都受得了,相信大家亦可以放心~聞說腰花個性強烈,若洗得不徹底會留有異味,此處既並無異味,只有淡淡既辣味,加上鋪底既青瓜,味道清新醒胃~最後係二人用既阿拉全盒菜飯($75/假名,因為唔記得),由於用一大盆盛載菜飯菜一齊上桌,所以感覺頗豪華.菜有梅菜扣肉,紅霞白雪,汁

想試呢間上海餐廳好耐, 今日經過世貿順便一試, 約點幾鐘去到, 唔洗點等位, 地方幾大同幾舒服, 叫左:1.蔥油燒肉伴麵($35): 個汁好杰, 算係多油, 不過汁味奇怪地一d都唔濃, 燒肉其實好似扣肉咁上下, 幾鬆化但幾肥下. 麵質幾好, 有口感. 不過醬汁都幾多同杰, 唔討好.2.蔥燒羊肉配薄餅($65): 羊肉一般, 唔算穌, 配薄餅亦唔覺特別, 而可能蔥燒關係, 好多油, 唔夠野味.3.阿拉湯包(5隻$30): 即小籠包, 個皮包得d汁幾實, 而且亦唔算厚, 而肉質亦鬆軟, 唔錯, 不過d汁似乎真係用湯去包, 明顯深色同埋無咩油, 不過湯汁既味道似乎同本身肉質唔夾, 有d怪怪咁.4.高力芒果奶皇(6隻$45): 成餐最特別係呢個甜品(見圖), 炸得好金黃, 同芒果奶皇配合得幾好.價錢方面, 其實都偏貴, 2個人埋單連加一近$200, 比同類型餐廳貴.服務方面, 真係好過別, 可能d野食好重味, 所以我地飲茶飲得幾多, 不停要酙茶, 大部份都好禮貌的幫我地. 點知有一次唔小心問著一位黑色制服既女士(可能係高級店長), 點知佢一個面黑, 即時轉頭對住另一位侍應好惡咁話:"同我酙杯

之前去過這個集團的其他中菜餐廳, 包括中環和尖沙咀的天與地, 水準一盤, 昨日才第一次去這間野, 食之前都估到唔會有驚喜兩個人只叫了全盒菜飯和小籠包先諆小籠包, 個皮ok 薄, d 饀過熟, d 肉過硬個菜飯超鹹, 食到鹽粒, 其他餸無突別, 而且好鹹, 個東坡肉上菜時已經唔熱服務水平一般, 唔差, 亦唔係好環境就幾好, 有海景, 座位都幾舒服如果在銅鑼灣想食上海菜, 大家都係去返小南國或者鷺鷺酒家, d 食物水平高好多

今日下午成家黎食,我都几期待,不過食完只覺一般水準...坐位都几舒適,但服務員水準一般,我地未食過,咁我daddy就問多几句關於d食品0既量,但我爸爸廣東話唔正,問0左几次個waiter都聽唔明,爸爸係問d湯係俾一個人定一大碗一家人飲,之後佢好悔氣咁話"你一個人飲又得,一家人飲都得,睇你點飲,唔洗加錢架!"頂你....佢唔加後面0個句還好,都弱x智架,咁0既服務叫人點會再試呀食物方面,我地叫0左糟豬手,蒜泥白切肉,3碗麵,一個麻辣雞絲,一個阿拉麻辣同一個麻辣排骨湯麵(唔知點解冇人叫菜飯,個個都死係要叫麻辣麵...),另外叫0左個阿拉湯飽同杏汁南瓜湯圓.總共食0左232蚊,唔貴囉,但個別有d食品就唔太抵食.個糟豬手好有花雕味,不過好似勁得濟,有少少苦.個蒜泥白切肉勁好食!!d肉好鮮,個汁好野味,但份量極少!!佢就係我話唔抵食0既一碟,35蚊,但份量係一個人2啖都食得哂....個碟已經唔係大,大概一個普通小學鐵筆盒咁,但食物0既份量只舖了碟子的一半...麻辣麵就ok,都几好食,28蚊-35蚊碗都唔算貴.個阿拉湯飽係計蒜泥白切肉外,另一最好食0既菜.個飽好多湯,d肉都好鮮味,唔錯.個杏汁南瓜

今晚經過試下, 好快就有位入到去個環境都唔錯ar我同女友兩個人叫左個阿拉全盒飯餐(兩位用)再叫多個脆響鈴and 煎餃子個飯餐有兩碗菜飯, 一碟炸魚柳, 一碟豆腐一碟蝦仁蒸蛋, 一碟扣肉唔錯woo 都, 係d 飯凍小小, d �R 都幾好味脆響鈴就只係炸腐皮, 不過佢脆得來又有d 煙und 漿甜甜地又好味, 普通la餃子就比較普通埋單都係$143 , 抵!!!而且d waiter 都好醒目, 又會成日幫你倒水

我夠知要整開個掩啦! 之但係整得開先得架! 我地整左好耐都開唔到，唔係一隻，而係隻隻都係咁! 我地問個侍應佢都話係咁無辦法，於是佢提議我地取消order，連佢都話無辦法咁即係連個侍應都唔識?!

田螺更係有塊野掩住啦,要用竹簽撩出o黎食至得嘛

上次經過見到咁多人，於是今晚就諗住同男朋友去試下係咪真係咁好食啦! 我地叫左一個麻辣排骨湯麵、魚翅酸辣湯麵同醬炒田螺。醬炒田螺唔使十五分鐘就上檯，速度快得驚人，但係奇怪既係，果碟田螺一係就得個空殼、一係就食唔到既。點解會食唔到呢? 因為田螺都被果塊「掩」蓋住，根本用手都整唔開，咁樣叫人點食呀? 於是我地同個侍應講，佢話呢d細螺係咁，無辦法，最後我地取消左個田螺。跟住就係麻辣排骨湯麵，排骨非常粉，不過都仲入得下口，至於個湯麵真係完全唔掂，麵裡面既菇凍架! 好似岩岩係雪櫃拎出黎放上麵咁，碗麵亦唔見得熱，我覺得碗麵似係攤凍左咁囉!我碗麵都未算最差最難食，最惡頂都係果個所謂既魚翅酸辣湯麵，成碗麵都腥到痺，根本就同飲血無乜分別，呢碗麵都係熱都唔熱下，我同男朋友食左幾啖已經食唔落，我真係從來未食過咁難食既麵囉! 又腥又凍，唉…間餐廳得個靚字，有鬼用咩?! 食過一次已經bad list呢間餐廳，以後打死都唔再幫襯呀!!!!

我係青衣阿拉的始祖fans,返工係hk,便去causebay呢間,但我覺得佢越來越細碟,次次book位都話full booking,要人地去walk in,但walk in又必定有位,都唔知係咪存心唔比人book位,好麻煩個日三個人食左三百幾蚊,貴花松子魚($95),魚細條了好多!鍋仔辣子雞($50),個D蔥同蒜子重多過雞,搵老襯! 麻辣牛肉面($28)面少,d涷牛肉雪到好硬!唯一抵讚係甜品"芒果奶皇高力" ($40左右有六粒)夠熱同抵食, 涼拌粉皮($30),味道不錯,如大碟一點會更好!

I can't believe I can find so many positive comment on this restaurant. The atmosphere is OK however the food is poor, hope they can improve their food quality as to match the queue expectation.

還以為是日本菜館，進去才知道是吃上海菜的。一碗拉麵約$35 起，不算大碗但味道不錯，我試了燒肉拉麵。目魚﹝冷盆，很好吃﹞和紅霞白雪﹝蟹肉蛋白，很滑﹞都值得推介。

原本諗住去食山頭火，點知早左一日仲未開張，唯有轉移陣地，同個朋友來呢度試一試。七點未夠來到，兩個人已經要等成十張飛，不過等左半個鐘頭左右就可在出面張大四方檯坐低。呢度裝修雅致，連餐具都一絲不苟，杯碗碟盅成set都係棗紅色，配搭頗見心思。餐牌食物選擇很多，價錢亦唔貴。冷盤叫了薰蛋、烤夫、油炆筍同酒糟八件，麵是蔥油開洋燒肉伴麵同麻辣牛肉麵。薰蛋賣相幾掂，非常糖心，但味道就不及賣相好，薰味不夠濃郁；烤夫碟頭不太大，味道卻不錯；油炆筍味道清甜，但唔夠油，可能已調節去遷就一眾新派食客；酒糟八件是豬肚、豬耳、豬手、豬脷、雞腎、雞件、雞肝同雞心，花款夠多，酒味亦香濃，是不錯的冷盤，其中最期望的雞肝反而麻麻地，做得有點硬；我的麻辣牛肉麵就辣多過麻，亦幾辣，麵亦不錯，有水準；朋友的蔥油開洋燒肉麵則完全不辣，開洋即浸水蝦米，係正宗上海菜的叫法，呢度的蝦米無咩味，個麵清清地，朋友都話唔錯。招呼唔錯，唔會話搵唔到人，又無話會催人客埋單。無叫飲野，食左咁多野，埋單二百幾蚊，雖然不算是很正宗的上海菜，但價錢又實在唔貴，加上環境又幾好，坐窗口位仲有無敵海景添！值得一試。