阿四快餐

營業中

休息中

呢間"阿四"呢, 之前係我同Edm仔嘅飯堂(十點幾得返好幾間有得選擇, 呢間算OK), 但隨著尖咀不斷有新食肆加入, 都有好一陣子冇去食...裝潢 - 普通餐廳, 有兩部掛牆電視, 座位有D逼, 不過呢度燈光充足...食物 - 普通餐廳, 唔係好貴, 但都唔平, 午餐要三十幾, 晚餐都要成四十幾...是日叫個鐵板餐, 有羅宋湯(唔太稀), 焗飯(白汁,面上有D火腿同芝士), 珍寳腸+牛扒仔+急凍帶子... 一個餐倆口子食都OK...個人鍾意佢D焗飯, 配咖哩汁...

中午, 金鐘的確冇乜好食, 而且中、上環, 灣仔又沒有什麼心水既平價餐廳吸引我. 是日一個人食飯, 就不過坐一個站, 過海黎到尖沙咀, 尋找美食.上日已經留意到呢一間簡陋的快餐店. 而且仲要係24小時營業. 本來覺得睇完波來食最好. 但看球賽當晚, 完場後都係覺得飽飽地. 於是決定改日再來. 而是日星期五, 中午得得閒, 一個人, 便過海, 來試一個究竟.格局同服務都幾80年代, 先購票, 後俾一個牌仔你, 然後等那回音極重的廣播叫號碼. 拿了快餐, 就自己找位. 同現代快餐不同的是, 食物以中式為主, 選擇多. 感覺上幾似國內的快餐店. 所以一有人入黎, 店員永遠先以國語打招呼. 店子說自己馳名南洋美食, 亦標榜其海南雞. 而且, 是日快餐也有海南雞配白飯. $36, 連湯連飲品, 都算幾經濟. 先說湯, 我要了羅宋湯, 料足, 又濃又杰, 味道亦不錯, 只是槳粉太多, 搞到個湯成碗羹咁款, 不是不想飲, 而是太多茨粉, 飲哂真係頂肚, 結果飲了半碗, 不然, 可能會令到我食唔落飯.雞, 失望的因為雞味不足. 不過切了肶位給我也好, 因為隻雞都幾好肉, 而且份量也不細. 看樣字, 足

早幾年前本地的海洋漫畫公司，曾推出過一本名為「赤柱飯堂」的港產漫畫，其故事除貫徹一般港漫的誇張打鬥、似是而非的國際政情之外，較特別的是用上「烹飪」這少有的創作元素。觀乎全作，雖然其食物處理場面，多屬「惡搞」的噱頭，倒是對其點題的食品「餐肉雙蛋飯」有點期望。究竟這簡單至極的飯品，能否如故事中的主人翁，感動到自己的心頭?! 答案就在尖沙咀的「阿四快餐」中尋找，位處晚餐時份，這樣的一個飯，可要收你三十餘元，購了票後等廚房弄好，招呼欠奉，不過看份量又確是物有所值，大大的一碟飯，除有餐肉數塊之外，其荷包蛋竟然有三隻之多，無論原隻吞下，還是搗爛來送飯，悉隨尊便。煎蛋雖然是一道隨意找到的食品，要弄得似樣也要有一定的功夫，油份、手勢和火侯都要掌握,恰當，單面的太陽蛋雖然美觀，總覺欠上香口，這兩面也煎香的荷包蛋，沒有多餘的油膩，換來的是豐富蛋香，插下其中心，仍然流出溏心的蛋黃汁，搗碎後再配上淋上面頭的甜豉油，用來撈飯，比甚麼珍饈百都來得美味。後鑊功夫確是不錯，試完其上佳的煎荷包蛋，其餐肉表面也弄得微焦，味道略帶鹹味，做慣乞兒懶做官，曾有一段時間追求貴價的食材及花巧之作，對這兒時的送飯之物，竟然冷落了一段

　當個細佬仔行去拎野食個到.... 冇啦啦係地下有水...... 地下冇放上{小心地滑}的指示牌..... 令到一個細佬仔跌低, 員工冇問一下情況如何... 冇安慰細佬仔.. 只係企係到睇住.. 對唔住都冇聲.這足以證明員工服務態度不佳及不善處理突發事件及衛生程度低! -----------------------------------------------------------------------------------------------------------一碟干燒伊麵太多油, 應該減少油既份量.一碟海南雞飯太辣, 唔岩細佬仔食, 應該係餐牌上寫住{小辣/ 辣/ 大辣}.

由細到大都對『公司』系列特別有好感，凡有公司二字的食物都會秤先。原因是材料必然豐富，一定吃得飽足，而且永遠估不到材料是什麼，增添一份神秘感。來到阿四，本來想食我喜愛的港式漢堡，誰知佢沒有漢堡供應。再睇下餐條，有公司三文治，就要一份，加多杯可樂。這裡有幾部電視，可以邊食邊觀賞，難怪咁多麻甩佬幫襯。公司治例牌是製作需時的一樣東西，等上了近十分鐘才有得食。一份四件的三文治，眼見有咁多材料已經十分滿足。裡頭的餡料有火腿、煎蛋、生菜、蕃茄和雞扒，與我想像的大致相同。餡料太多，吃得幾狼狽的。雞蛋煎得香口，火腿味香，生菜爽脆，蕃茄鮮甜不會酸，雞扒煎至皮脆肉嫩，即使麵包也是經過烘製，增加口感，絕不會馬虎了事。正如之前所講，吃一份公司治已經飽足。快餐店的打汽可樂，不用多說了。平平地的一餐，也可以食得開心滿意。

放工行過見到呢間嘅裝修環境好似以前的快餐店,諗住快餐店應該會平啲卦,但係望落個餐牌一啲都唔平,焗飯都要三十三蚊,特別啲嘅炒粉麵要三十六蚊,鐵板餐梗要四十八蚊,雖然價錢等於一般的餐廳,但以這裡無乜裝修,自己買飛,自己捧餐嚟講就有點貴.金必多魚翅炒飯 -- 很大碟,不過獅子狗很硬,魷魚ok,魚翅都有很多條,整體上只是一般的炒飯,無特別.椰汁鮑魚焗豬扒飯 -- 日式鮑魚有三塊,不過比較硬,豬扒幾大塊,亦算淋,焗飯一般,但無乜椰汁味.雖然以上包熱飲或湯,可惜杯熱奶茶超難飲,無奶茶味,澀的,個湯(冬瓜湯)仲衰,醎的.唯一可取之處,就是無乜人食,可以揀個靚位睇東張西望.

媽媽今晚沒有煮飯於是去買了一個咖哩豬扒飯作我的晚餐.豬扒好淋有肉味,最好就是夠大塊,咖哩汁亦有好香的椰香味,最好就是只有小小辣,正呀!:我最欣賞有菜,有肉有菜夠晒健康

同小牛黎呢度食飯,係因為唔知去邊度食好,一心諗住求求其其又一餐,又估唔到食到好味既海南雞飯!一個海南雞飯餐$43,加凍飲就變左$45,碗飯好大碗呀!一個人都食唔晒!不過唔似油飯。但係呢,個餐最好味唔係碗飯,而係碟雞,估唔到雞肉咁滑咁好味,又夠多肉,可惜係雞皮好肥呀!所以一定唔好連皮食,不過雞肉唔多唔少黏左好多肥膏,要自行剔走,總之係肉質幾好啦!另外要個菜遠牛肉湯麵,原來都好大碗架!而且料足,多菜多牛肉,唯一唔好係個湯底,成浸油淨晒係面,食完又飽又膩,牛肉唔多筋但係略肥...

9時許肚子餓了便落樓尋找早餐，也是向樂道的方向進發，依然是榮華最多人但由於早餐品種較少便選擇了第2多人的阿四餐廳，見出面挂著24小時營業的牌如果晚黑肚餓有可能會落離食ge~ 走進餐廳掃jor下墻上的餐牌早餐有10款不同類型，全部都只要20蚊，還不錯~ 想食焉列便要個煎牛扒、鋦豆焉列、餐飽餐發覺原來香港人的習慣與老外是1樣的，早上都均拿住份報紙坐係度睇分別只是港人喜歡奶茶，老外飲的是咖啡~ 這裡的早餐是即叫即整的所以要等上1段時間~ 交完錢後10分鐘左右便熱辣辣上盤，要自己去攞見牛扒的油還在沸騰，很好不是乾爭爭，看上去也不老~ 食落的確蠻嫩滑的，不老不韌，是不錯的薄扒~ 鋦豆焉列也似樣，落足火腿味道的確完全被鋦豆的獨有香味包著，蠻滋味的，感覺很好~相對的餐飽則差了少許，不脆不軟沒有咬頭，非常韌~ 感覺不太好，可能擺久了不過總括來説20蚊食到不錯的薄扒+焉列已是非常值得，幾抵食的~

昨晚沒有到吧飲番杯，改為吃個quick dinner 算數。由於時間趕急，所以到了在公和和這間快餐店門外猶豫了好一會，最終決定一試這間快餐店。要了什扒鐵板餐，餐是即叫即弄，非常「新鮮」，弄好後，由阿姐大喊自取。這餐份量可真是大堆頭，一大兜茄汁意粉，雞、豬、牛、腸仔、火腿各一配上大量薯條和一大砵洋蔥汁，鐵板燒得唔夠熱，所以下洋蔥汁沒有「嗞」一聲的「快感」，豬扒過嚡，但雞扒則不俗，最回味是那大兜茄汁意粉，不會煮得過腍，每條均沾滿醬汁，極美味。

最近早上都會在尖沙咀出沒,一連幾天都經過樂道,試過比較出名澳門茶餐廳同榮華,今朝呢間.唔好睇佢鋪仔細細,原來都係連鎖經營,記得響佐敦都有間.其實早餐食食去都係個D,本來無乜好寫.但係因為近日響同一條街只係相隔幾個鋪位食肆都食過,有感而發而已.以食物質素而言澳門茶餐廳同榮華都比呢間好但係服務就唔得.呢間收銀個阿姐好好服務,見我頭岳岳就好主動指個餐牌俾我,收完錢又去執,服務殷勤.講番食物,今日食牛扒,奄列,餐包同奶茶.本來全部都好普通但係餐包係熱,炒旦同牛扒係即叫即做,響一個冰凍早上,一個普通早餐變成一個窩心早餐,再加上好服務,食完零舍醒晨.

完了街show，找間平宜點的地方吃下午茶，想到阿四，我毫叫了炸雞脾薯條，炸得不錯，又有香脆”溜溜”薯條，好味呀！見到其他人叫咖哩飯，好似好好味，又好大碟，下次要試下．

睇呢度食評，雖然唔多但全部都係笑面，見行開果頭就諗住去試下，一間格局同我樓下間愛群差唔多既快餐店，但係可能因為尖沙咀區關係，價錢我覺得比我想像中都貴唔小，但係貴又點，好唔好食先最緊要，可惜個答案就係唔好食，叫o左個咖哩牛扒麵加腸仔，咖哩湯底唔靚，水還水咖哩還咖哩，個麵又煮得唔好食，腸仔又淋到好似唔知放o左幾耐咁，係得塊牛扒叫做煎得唔錯，加杯野飲$23，我樓下$18就食倒，下次不如還屋企先食好過了。

昨晚又到了這裡吃我的致愛雞翼麵餐,我最欣賞就是那些美味的雞翼呢但那些河粉認真差勁呢!但由於我對那些雞翼情有獨鐘嘛! 所以那就當是下午茶吧!唯有回到家後再買叮叮點心回吃呢!

說真的一句,知道這裡的麵是不好吃,但我就偏偏放工到這裡吃我最愛的雞翼麵餐,昨晚終於忍唔住問可否轉河粉呢? 哈哈!答案是可以呢!而且那款河粉是闊闊的,我就是愛這款河粉咯!雞翼都是照舊的好味道!