阿元來了 (鴻圖道)

營業中

休息中

「阿元來了」的大名一早已聽過，但對於九龍東的居民我來說，西環店始終太遠了。所以在觀塘開分店後，一直都搵機會要去食！星期五晚來到，門口長長人龍，估唔到過左一段時間，阿元依然受歡迎！天氣炎熱，店子挺貼心提供紙扇給排隊的人。工廠區巷子內等了30分鐘，才能入座。這次點了爆蛋雞肉飯、魯肉飯、大腸拼小腸，和甜品九份芋圓冰。食物質素很不錯，對得起價格。最印象深刻，最好味的是魯肉飯，跟在台灣吃到的味道很接近，魯肉入味，粒粒分明，亦不會過膩，大讚

即興去左阿元，之前一直聽友人推介，心郁郁想食蛋餅，點知去到已經六點無得食唯有叫魯肉飯加左杯野飲同甜不辣，本身見咁嘅價錢應該有一定份量，個飯一上黎，嘩，小朋友碗🙄🙄🙄🙄 杯野飲太普通，唔記得左係咩， 甜不辣同我喺台灣食嘅完全唔同，好油，好多味粉，得魯肉飯正常少少，味道都ok，但食完唔夠飽。。。。。。 結果又嗌多左個魚羹，以前喺台灣住都幾鐘意食，鐘意佢個味清清地，魚味鮮甜，點知中伏 一入口，頂，酸辣湯？勁酸，個湯底完全唔掂！！！ 試下個魚條，都ok, 係即炸仲脆脆地放入湯入面， 即刻拯救左d魚條出黎，費事俾個湯底玷汙佢，結果放棄左個湯羮😑😑😑個環境，服務都ok,但食物試過一次就夠😩😩😩

禮拜六晚同朋友兩個人約左試呢間台式餐廳, 6:45PM到達, 時間算早, 但都要排隊排左20分鐘左右~~被安排座位前店員會俾張餐單我地預先選擇食物, 入到去覺得成個裝修好靚好特別, 好似真係置身台灣咁😍我地叫左個魯肉飯, 刈包, 酥炸魷魚同芋圓, 野食都好快就上左👏我自己本身好中意食刈包, 因為D麵包好鬆軟, 而且裡面舊肉又入味, 夾埋一齊好好食! ☺☺魷魚都係熱辣辣, D炸粉唔會太厚~~!👍🏻魯肉飯份量適中, D肉入口都好淋至於個芋圓呢, $30大大碗, 好抵又好味!! 朋友仲忍唔住打包一個第2日食🙈呢間台式餐廳絕對要俾個LIKE佢! 難怪咁多人排隊.... 👍🏻👍🏻👍🏻

自從觀塘開左分店阿元之後，隔無耐就會去食，佢地d滷肉飯同鹽酥雞真係會令到我食上癮，每次去都係必點！之前係工業區食過一次另一間台式野食，叫小時x,網上吹到好好食，嘩，食完勁難食，果次食完令到我更加想食阿元，果間同阿元真係無得比。真係見到老闆係好俾個心出來，佢地d食物你真係食得出，同埋d服務員態度好好，唔似得果間小時x,幾個著校服後生仔囡，坐係度自己搞牙較，懶到死。阿元我會繼續來食😋祝老闆繼續開分店，令到更加多人食到你食物。

其實都唔係第一次嚟阿元來了，第一次嚟既時候撞正佢爆水喉定唔知咩，冇開門😕明明睇住佢ig profile打既地址嚟都唔見佢有講話維修唔開，搞到山長水遠嚟到冇飯食，附近又係工廠區夜晚冇咩食肆開門，唔知要去邊度搵食。第二次嚟到又係夜晚，係條後巷排左好耐先終於有位，仲要係同對情侶搭台，一張小方桌坐4人都咪話唔尷尬😅好多人嚟到都係影下佢既裝修打個卡，但可能只係食個芋圓做甜品。我地嚟食晚餐既當然就叫左個焢肉飯啦，嚟到發現份量意外地細，男仔食絕對唔夠，仲要油令令咁😰個麵線就不過不失，想食台灣野呢個價錢香港有更多更好既選擇

返學前約埋同學仔出嚟食嘢，四個人一齊去食啦，平時路過都唔覺眼呢度有間臺灣食店，因為入口唔係正門，記得要走後門呀， 同學仔話都見過好多人等位，5:45PM入去食應該唔使等位。估唔到工廠區裏邊有間佈置得幾骨子嘅臺灣小食。每樣餸菜，粉麵都係細細碗，大家要有心理準備。同學仔話佈置比起食物好好多，呢間食店，應該仲有改善食物進步嘅空間, 仲話睇咗好多人嘅食評，可能因為咁抱過高祈望來試。香菇肉羹麵線 + 楊桃汁走冰。肉羹好似係豬肉碎，落調味再煮返一舊舊，所以覺得啲肉比較腍，呢碗係粗麵線，打芡湯多，麵線少同比較腍，無咩咬口，每人分到一兩啖，楊桃汁祇有輕微楊桃味。柯仔大腸麵線，加熱茉莉綠茶。呢碗係幼麵線，比較好食，柯仔都多幾粒, 大腸乾淨, 茉莉綠茶嘅茉莉比較香，綠茶味需要加多一點啊! 但係都幾好飲。三色水餃併熱芋圓。白色餃子裏邊個餡係椰菜，味道一般，皮比較厚, 黃色餃子裏面有粟米，芋圓寫係臺灣直送，芋圓似糯米粉團，同珍珠一樣咬落煙韌，因為食咗一細啖覺得較甜，所以無再食。後加鹽酥雞，雞比較細粒，雞皮薄，炸得香口，微鹹，好味。再加個柯仔煎，滷肉飯。望落去屙仔煎個樣係靚嘅，食落去冇乜味道，木薯粉勁多，好似食

地點有點偏，裝修有特式但冷氣不足，真的像似在夜市一邊流著汗一邊吃，食物好咸好油，份量少，價錢略貴。魯肉飯29元一飯碗份量，但油到吃不到，只能吃一半，碗底全是油，鹽酥雞OK可以，炸花枝丸不彈牙太粉，飲品一般，鹵水拼盆咸到吃完覺得會腎虧。

阿元開咗咁耐都未試過，經常聽同事講佢嘅嘢飲都幾好飲喎🤣同事極力推介黑糖牛奶珍珠，所以經過就買咗杯試吓。講真我平時好怕牛奶嘅味道，但呢杯我飲到喎。黑糖味非常濃郁，珍珠係用黑糖整嘅，好QQ，我叫咗小糖，味道剛剛好。有啲地方買呢類飲品，明明叫咗少甜都好似無少甜到咁㗎嘛😜

每次去到阿元來了，都會有一種去咗台灣嘅感覺，呢度嘅侍應大部份都會講國語，態度非常親切，而且裝潢亦都花咗唔少心思，頗有台灣味道。我最常食嘅台灣菜，唔少得蛋餅。最鍾意蛋餅有一種軟糯煙韌口感，加上香甜醬汁，味道已經極佳。我點左一份粟米芝士蛋餅，整體食落香甜，仲有芝士味做陪襯，不過自己一個食會有少少膩。魯肉飯都唔錯㗎，豬肉鹹香適中，肥瘦得宜，仲有一片酸蘿蔔降低膩感。每次食台灣野，我都會叫一碗貢丸湯。如果加多兩條青菜就好啦。

個裝修好得意，打卡最啱。食物味道可以，吾會好食到要排隊黎食，不過同朋友聚餐傾計環境幾好。我本身喜歡食台灣臭豆腐，佢個臭豆腐味道都好地道。食物份量超小，大胃王吾適合。

上月去了台灣旅遊，念念不忘碗魯肉飯！便特地到來尋味。第一次幫襯，呢度頗大，感覺復古懷舊味濃，都幾特別。我叫咗魯肉飯和冬瓜茶～啲肉鋪滿飯面，肥廋適中，甘香惹味，回味無窮。好正喔！係台灣嘅味道，好地道。

耐唔耐都會黎觀塘，行到攰攰地，想搵d野食下坐下，上openrice搵到呢間台灣餐廳，不過餐廳有d難搵，係工廈入面，摸索左一陣先搵到個門口😂😂餐廳裝修都好特別，有風味，仲可以扮下野影相叫左幾樣野，鹽蘇雞夠香脆，入面唔會好乾身，食完都覺得唔夠喉😂魯肉飯好味，不過略嫌細碗左d🤣🤣如果可以再大碗d就好啦🤤仲有蚵仔煎，唔識形容，同想像中有出入，但都唔錯既最後係最愛既芋圓，夏天食，凍凍地，夠涼快，正

大約六點半 晚飯搵食。星期五冇節目行遠少少搵，google 左依間幾特別，來試下。 裝修特別。右邊牆上有「暖暖車站」裝飾呢~懷舊風。枱上有餐單點菜，叫返啲經典台灣野食　好味！下次再來

Food is good but small place with cramped seats. Reasonable price. However, they require customers eating in during busy period to finish within 30 minutes. I was rushed to finish my dessert after the 30 minutes was up even though there were other seats available. The service wasn’t too bad but 30 minutes is too short, I can’t even have my dinner with a peace of mind. Will consider to only takeaway in future

阿元來了是一間值得再次光顧的台式餐廳。這次去了觀塘那間的阿元來了，點了肉燥飯、鹽酥雞、肉鬆起司蛋餅和珍珠奶茶。肉燥飯的肉是半肥瘦的，吃下卻不會覺得油膩，醬汁的調味更是出色。此外，醬汁份量適中，不會過多影響飯粒口感。至於鹽酥雞表現也算不錯，外表炸得鬆脆，雞肉調味足夠，多口數件也不會太口喝。而肉鬆起司蛋餅更是水準之作，蛋餅內捲入了肉鬆和半溶的芝士，味道一流，令人想一吃再吃。最後更點了一杯珍珠奶茶為這一餐作一個總結。