阿元來了 (已搬遷) 新店位置

今晚來到阿元來了，一嚐寶島風味，8時多還有十數人排於門外。餐廳內位置雖然不多，但我們等了不足半小時便可入座。原來小店於繁忙時段設立30分鐘限食規矩，以減少食客的等候時間。店內外都配以台灣特色的裝飾。店員上菜超有效率，不消幾分鐘已將菜餚一一送上。第一道魯肉飯是小碗份量，但以價格而言，確是物有所值，碗面上佈滿魯肉，肥肉佔多數，肉汁充滿整碗飯，是不過不失的台灣地道飯。同伴點的蚵仔麵線份量十足，味道尚可。魯味拼盤有豬耳，魯蛋，豆腐，雖然只提供3款，但以$29的定價，仍是不錯的小食選擇。炸雞味道普通。點薑茶時忘了選擇少甜，結果來的薑茶味道略甜。

男朋友最近經常提到要同我去西環食魯肉飯，話好出名好多人食好想試下，今日收工我地八點幾左右去到排第7.8個左右，裝修係幾有特色嘅，服務生態度亦ok，一入到去坐底，叫既野唔洗5分鐘統統黎齊，即刻拿拿林試下先...首先講下招牌魯肉飯 $29賣相好吸引，滿滿半肥瘦豬肉醬汁足夠撈哂成碗飯，味道屬於比較簡單，唔似台灣出名既魯肉飯食得出有少少其他香料，雖然未必係最正宗台灣魯肉飯，但其實碗飯味道係唔錯，同白飯配搭鹹度適中，係瘦肉部分比較硬身。蚵仔大腸麵線$40 可以話非常失望，蠔雖然大隻但有d腥而且仲食到有蠔殼，味道好淡唔好食！40蚊我覺得非常唔值。鹽酥雞$35 鹽酥雞外皮都算脆，但雞肉好乾一d都唔juicy，味道亦麻麻。<另外唔記得影相食物>皮蛋豆腐$30係我想像到嘅味道，無咩驚喜，就係皮蛋同豆腐打埋一齊，而調味略鹹。珍珠奶茶$23 真係無諗過珍珠奶茶都有得彈，味道無咩好講，重點係珍珠唔煙un，出邊十蚊杯o既珠奶都做到最基本嘅黎一點啦！總結：只有魯肉飯合格，但亦唔值得專程過黎排隊食黎碗魯肉飯，而我地點其他食物真係好麻麻，擺得入口，但唔會想再食第二次咁囉！咁嘅質素咁嘅價錢亦唔算合

今晚一個人到西營盤做完野夜工已經九點，上網查一下發現呢間台式食店，即刻加快腳步到來。門口多個招牌很容易認，雖然離打烊時間重有45分鐘，但店內坐位差不多全滿。待應對我說的是國語，口音應該是台灣人，被安排坐上bar檯。店舖雖然小，但不擠迫很衛生，反而有種熱鬧的感覺。點了魯肉飯和青香奶茶，不消一刻很快就奉上，效率之高，難怪繁忙時間限定30分鐘內用膳。魯肉飯口感不膩不沾，細碎的豬肉帶少許肥肉，飯的硬度適中帶黏，肉汁滲入飯內味道恰到好處，很有台灣地道風味青香奶茶帶綠茶味道，加上重奶味，感覺清新淡雅整體來講，小店充滿台灣本地味道，逗留短短廿分鐘內，已經有三四人外賣自取，可想而知此店大受歡迎，希望繼續保持水準！

下班已是八點多 去到接近九點也大排長龍等了約半小時便入座環境:店面很小 內外都佈置得很懷舊儘管座位跟座位間很狹窄 問題也不大而且店員都很友善 味道:點了獲得一致好評的魯肉飯 炸花枝丸 香菇肉羹和珍珠奶茶先說魯肉肥瘦肉夾雜 飯量跟肉量成正比 底下的飯也早已拌好肉汁 不會只得面頭有味 很貼心!香菇肉羹十分足料 香菇芽菜肉條分量十足 肉羹味濃 十分抵吃特地問了店員珍珠是從哪裡進口的 她說是從台灣入口 珍珠用了蜂蜜和黑糖 所以即便我們只點了三分甜也剛好 而且用的是小珍珠十分有嚼勁 必喝!由於太晚的關係 蚵仔煎一早售罄 下次要早點來才行!

看到網上介紹，慕名黎到位於西營盤嘅【阿元來了】西環線通車後還沒坐過，今次算係大鄉里出城。由西營盤站B2出發，步行5分鐘左右就黎到目的地，交通尚算方便。當天是星期日，我同老婆下午三點黎到，門口約有十人排隊。等左約20分鐘就有位，算幾快。兩個人叫左5樣野，招牌魯肉飯($29)、嘉義雞飯($29)、鹵水拼盆($25)、冬菇羹($30)、蚵仔煎($35)仲有杯冬瓜檸檬($25)。魯肉飯算幾好，本身係魯肉飯粉絲，香港比較難找到正宗台灣魯肉飯，呢個都有8、9成似台灣味道。嘉義雞飯就比較失色，普通，不及台灣的香。鹵水拼盆都係不過不失，不過鹵水拼盆又好難會一食就嘩嘩叫嘅，都係咁上下味道。冬菇羹就比較出色，又係香港難得的台灣風味。重點黎喇—蚵仔煎，看官應該都明白，想係香港食到原裝台式鼻涕狀的蚵仔煎係一件難事，阿元就比到你喇。味道不錯，感覺好似去左士林夜市食野一樣，掛住台灣又飛唔甩，呢度係一個好選擇。唯一問題係佢唔係蚵仔，係大蚵，如果用返蠔仔，個人會加分，不過相信都有人會鍾意大蠔嘅。冬瓜檸檬口味獨特，酸酸甜甜幾醒胃。兩個人埋單$173, 都算值回票價。假日沒事做，值得到此一遊。

與同事一行7人到阿元午膳。午飯時間多人等位到不得了。等了差不多半小時，正想轉做外賣拎走，就有位了。一坐低，每人order一碗魯肉飯。7碗魯肉飯排排行，好壯觀哈哈哈！雖然好肥好邪惡，但係果種魯肉既香味加埋個汁真係大大碗都食得晒 另外都叫左蚵仔煎同雙蛋煎，食落，佢地個味道有點相似，都算幾煙靱美中不足係個drink，我叫左個凍皇室奶茶，飲落，上面層cream個味道有點怪，整體奶茶味不夠。

聽聞阿元來了很出名，想吃就一定要等位，故約埋朋友一起來開餐，諗住下午茶時段會無咩人等位，結果還是要等。魯肉飯：豬肉不是肉碎，是肉粒，肥瘦分明，好好吃，而且整碗飯都有肉汁，正。雞絲飯：這個相對就比較普通，雞絲有點乾身，味道亦不夠濃。蚵仔煎：似足台灣做法，夠QQ，蚵仔份量都足。鹵水拼盆(豬耳拼豬腸): 豬耳夠脆，豬腸亦好味，不錯。

自從西環通左車, 我地一班同事成日都過黎呢邊食飯, 今日同同事傾開, 佢話開左一間叫阿元來了! 台灣菜好出名, 咁岩我黎呢邊, 所以想試下好有台灣風味呀! 不過門口好多人排晒隊...裡面人超多...坐到滿晒, 因為太肚餓, 所以買左鹽酥雞就走了$35 一大包, 其實味道都唔錯, 而且雞塊好大舊, 但調味唔係好夠, 鹽酥唔夠, 所以食落有D淡口, 如果以$35黎講其實有DD失望嫁...我本身希望佢會有肉汁, 希望佢好脆口, 但都冇...不過服務態度十分好, 有台灣人既傳統, 平民小店都有服務質素, 香港侍應真係要學下!

剛巧路經此地, 所以拜訪這裡薄有名氣的台灣食店◦ 估不到這個位置的店子於平日下午也可已經有一條人龍◦ 可能大多是香港大學的學生吧◦這店子的裝修好像日式小店, 有吧枱的◦ 店員都像台灣人, 說國語的, 而且挺有禮貌, 還問飲品想要的甜度◦由於自己一個人, 不能試多樣菜式, 唯有試最有名氣的魯肉飯 ($27), 其實也好想食雞肉飯 ($27), 因為台灣的雞肉飯令我念念不忘◦ 魯肉飯真的好有台灣地道的味道, 新鮮豬肉, 有肥有瘦, 熱騰騰, 配上醬汁, 鹹度適中, 真的吃完一粒米也不剩◦ 再加 ($10) 要一杯熱百香果綠茶, 滲著百香果的天然水果香, 不會太甜◦很滿意的一個午餐, 而且價錢不貴◦ 如有機會, 會再來◦

自從去完台灣之後一直都好掛住台灣既美食，但係香港搵到一間好食既台灣菜唔簡單架，但今次係西環竟然畀我搵番台灣既味道係店外等位既時候望入去見到鋪頭雖然細細間，但裝修好特別，好似有幾個小攤檔係度，然後唔同既客人係度食野終於等到有位坐，坐係最入，牆上既裝飾都好有心思，會見到一d台灣既車票同台灣傳統特色既野仲有d旗呀等等，好有台灣風味架鹽酥雞($27)食台灣野基本上係必嗌，呢個魯肉飯相當驚喜，佢唔係肉碎而係肉粒，但食落肉質好稔，而且肉既肥瘦分佈岩岩好，每啖都食到肉既油份同魯肉既香，好出色好有置身係台灣既感覺，呢個係目前為止係香港食過最好味既魯肉飯鹽酥雞($35)鹽酥雞都當然唔少得，呢個鹽酥雞望落炸得幾靚雞既Size亦唔會太大，一啖食岩岩好，食落肉質有些少咬口，但同時間佢唔係太炸，感覺唔會好熱氣，而且雞仲有肉汁保留到，加分。蚵仔煎($35)呢個更加係台灣既一大特色小食，呢個係正宗既蚵仔煎，唔係蚵仔蛋餅，會有黏Q既口感，蚵仔大大隻肉好肥美，食落夠哂鮮甜，配埋面頭既醬好鮮味！飲品方面嗌左一杯冬瓜茶($20)，味道唔會假，好清甜冬瓜鮮奶($20)未試過所以嗌左黎試，奶味比較重，幾有特色。呢個就係當日食既

早排去完台灣,好掛住台灣的食物,為了滿足自己,於是專程走到西環一嚐阿元來了的台灣美食用餐時間只有30分鐘,幸好我不是繁忙時間來,可以慢慢食先來一個魯肉飯魯肉肥瘦適中,食落一啲都唔油唔肥而飯加左魯肉汁同少少豬油,令飯更甘香,食落唔會乾同冇味好有台灣風味滷水拼盤總類都幾多,豬耳最爽口蛋雖然老左小小,但都唔錯

要數近期最熱最旺場的台菜店，相信都係呢間。無他嘅，係香港台菜店已經唔多，仲要主打香港人最愛的台式小吃，加埋裝修到成個夜市攤檔咁，自然吸引人流。魯肉飯（$27）用左肥瘦相間的五花肉，切成條狀而非免治肉，比較有咬口，並帶有肥膏的油香，肉質甘腴鬆化。飯量屬台灣式正常小碗分量，醬汁剛好滲透每粒飯，質素不俗。鹽酥雞（$35）略嫌炸得較為乾身，調味亦不足，較為失色。香菇肉羹（$30）感覺好似食緊碗仔翅，湯羹一樣咁杰，只係冇左粉絲，多左肉羹同冬菇。滷味拼盤（$25）係可以自己行出去櫃枱㨂，每碟有少少唔同，可以按自己喜好選。我呢碟有牛肚、豬耳同埋豬大腸，分量唔多，加埋醬油膏都算夠味，只係肉質唔夠腍。值得去指數：

2015.10.17 晚上約6:45，和一位女性朋友到這餐廳，被安排在餐廳最裡面，像吧檯的木檯面坐。朋友來過，我說就點妳上次吃過的就好。我們點了：香菇肉羹、滷肉飯、炸花枝丸、刈包 & 熱酸梅湯。那碗滷肉飯：只比我手掌大一點，一個人只吃這一樣的話，絕對要吃兩碗才飽！再來的香菇肉羹：比台灣任何夜市的水準都差！應該看到有點黏呼呼的湯汁，才正宗！ 再來的熱酸梅湯：是甜味比酸味多，朋友都沒喝完，就放棄了！再來的炸花枝丸：沒有花枝或墨魚味，台灣的花枝丸有碎粒花枝的！最後來的刈包：居然要 $30一個，比我手掌還小！7:15PM時候，一女侍應指著我們面對的木牆壁，說普通話：「我們這裡用餐只有３０分鐘，請妳快點吃完」。我說：「我們還沒吃完，妳要趕我們走？如果我們吃完了，還在聊天，妳可以這麼說，但是現在我們還在吃，妳居然趕我們走？」她馬上走開了！我和朋友說，我會幫他們宣傳，叫人不要來！後來朋友去埋單，我們離開時，那女侍應站在餐廳門口旁邊，我對她說：「我記住妳了，我地沒食完，妳居然趕我地走？！」她完全不敢說話！這種食品差、服務態度又差的餐廳，一定做不久！

聽講阿元來了很有名所以特地拜訪晚上來到已大排長龍等了好一會兒才有座位滷肉飯頗特別用肉粒代替肉醬整碗飯也有汁可以一試 鹽酥雞很普通只能說是不過不失滷水拼盤，不好吃還點了其他食物不過無一一拍下肉躁飯可以一試其他不必了老闆娘的嘴臉也不太好可能唔憂做吧

充滿台灣夜市特色的台式餐廳 夜晚食零舍有氣氛💁🏻今晚再一次到訪 水準依舊。魯肉飯🐽 豬肉肥瘦適中 瘦肉部分較為有啲硬 但味道仍然出色。豐富的魯肉汁 配上味道惹味的魯肉 送飯一流👍🏻👍🏻⋯賣相不太討好的皮蛋豆腐 味道也不太差😄但係賣相真係要執一執 上枱再美美先夠吸引。皮蛋+豆腐。入口冰冰的 味道頗特別😙 清淡的豆腐 加上咸香的皮蛋 味道剛好取得平衡。