阿元來了 (已搬遷) 新店位置

係香港好難食到正宗既魯肉飯😟阿元就算係其中之一😎甜甜地既半肥瘦魯肉勁足料都係廿九蚊😍不過我就嫌肥肉不夠多不夠滑🤔朋友話個肉有少少似叉燒😂😂這裡的鹽酥小雞雞絕對是必食🔥🔥🔥每一顆都炸得香口酥脆，配合味粉且有肉汁🐓充滿台灣的味道😋個人認為鹽酥雞比魯肉飯更好吃更值得吃👍🏻

時間不停走，人會到處走，我的假日 brunch 新去處，已從中上環區向西移，因為自從新樓盤及地鐡通車後，西營盤一帶已經變天，斜斜的上山路已經阻不了途人，扶手電梯設施已備，亦可選擇在地鐵站般咸道出口出閘，然後向下走，高街已不再高，第三街不用走過三條街，駕車人仕更有好消息，咪錶位或者暫泊路旁不擋路。曾經到過Soulmate 及對面的 Chico Chica，今次終於要試阿元小吃，從前路過皆見要排隊，今日亦不例外，只好乖乖在等。舖面佈置已經是台式風格，招牌食品的介紹明顯易見，不必看餐牌，已經知道要來吃甚麼。店外有溫馨提示，希望大家合作，繁忙時間用膳只有半小時，外賣要付盒錢，似乎大家只為味道而來，貼子處處的做法，校園風味濃。店子格局如一夜市排檔，左方開放廚房，菜式列在燈箱上。右方牆身如鐵皮屋，玩嘢地裝上一個台北市警察局的報到箱及街頭標貼。中央是木桌膠椅，客人用餐之地。舗味尚有巷仔位置，可供客人面壁進食。食品款式集中，廚房設備簡單。有特色台灣啤酒供應，但我們沒有把它作為早午餐的習慣。魯肉飯極具台灣特色的民衆小吃，特色在濃郁的醬油滷汁及豐膄的半肥瘦豬肉，這個組合真在難以出錯，除非你跟本就不愛吃肥肉

假日黎到雖則唔使排隊, 不過都坐滿客人. 門外門內都充滿台灣風格, 好似置身係台灣咁~魯肉飯絕對唔少得, 蚵仔煎, 皮蛋豆腐, 滷青菜. 魯肉飯係半肥瘦腩肉, 切粒, 唔同平時出而食係肉碎, 呢種味道真係好似係台灣食既咁~皮蛋豆腐, 原來係攪碎哂既皮蛋撈豆腐, 味道麻麻.....蚵仔煎, 雖則即整, 但唔算好熱, 但蠔仔都算多, 有蠔仔鮮味滷青菜, 好普通既燙小唐菜加豉油整體黎講, 魯肉飯會再黎食~

自從係臺灣返黎之後 就好掛住台灣既食物例如滷肉飯，燉排骨， 各種滷水小食 聽朋友講上環開左一間台式小食既鋪頭，就梗係黎一解相思之苦先叫左一個小食滷水蛋滷水豬耳鹵水蛋非常入味 係蛋上面加上濃汁鹵水豬耳外層就非常冧身，脆骨都keep到我朝思夜想的魯肉飯雖然無台灣好味， 但係都可以拎黎頂住癮先， 滷肉唔夠入味注意： 如果太多人排隊，只可以有30分鐘時間食

好鍾意台式食物。上openrice查西環有咩好的台式餐廳, 見到呢間小店好似好得, 於是沿大道西經正街爬上山搵食。上到去都唔係講笑, 要D體力。見到店外排左7-8個人, 照排。好彩係一個人食LUNCH, 好快有位。排隊時已經點好魯肉飯名不虛傳, 大大碗。魯肉有肥有瘦, 絞勻同飯一齊食, 好味呀! 只係食到最後, 睇返隻碗內有一大層油, 先知大罪惡。大啖大啖飲珍珠奶茶, 想沖散D油, 但理性同自己講:「算罷啦, 咁仲肥呀!」來到台式店, 試下蚵仔煎就知佢得唔得。可惜, 阿元來了亦同出邊D店一樣, 用超大粒蠔, 而且無煎熟, 追求視覺多於味覺。 而且D粉太多。唔正宗!小店內其中一幅牆裝修到好有特色。最後埋單87元, 扣除蚵仔煎, 其實都好抵食, 一定有下次。

一向知道阿元來了要等位才可以吃到！有一次跟弟妹來潮聖，竟然不用等候可直接入座，太神奇了！我們點了珍珠奶茶、鹽酥雞、蚵仔煎及鹵肉飯。先說份量，所有食物份量都很少，我是女生也吃不飽😓鹵肉飯跟台灣吃的完全不一樣，像肉碎飯，而且完全沒有汁，令這一小碗鹵肉飯很乾，很難把它吃完。鹽酥雞、蚵仔煎及珍珠奶茶水準僅合格而已，並沒有驚為天人的味道，不可稱之為招牌菜。你問我吃完阿元來了有台灣的味道嗎？沒有，我只想到台灣吃吃當地的古早味。

上一次經過這裡......是排長龍的！今日午後再經過，不用排隊，當然要試試！我們點了魯肉飯。看似細細碗，其實都有點膩的，可能是因為有肥肉和醬汁的關係吧！魯肉帶肥同甘香，醬汁甜甜地，配珍珠米粒粒飽滿有米香！另一個點了雞絲飯⋯⋯味道比魯肉飯遜息了點，但沒有這麼膩的！我們也點了蚵仔煎，蛋底比較少了一點，薯粉多了點，所以不重蛋味，蚵仔份量Ok！估不到這個飲品給了我很大的驚喜⋯⋯台灣啤酒綠茶！台式綠茶加了啤酒，消暑解渴，帶點啤酒香又沒有啤酒的苦味⋯⋯大讚

本人一向都好中二食台灣野 特別係魯肉飯不過好老實講係香港搵到好食既魯肉飯真係少之有少今日 終於比我搵到間又平又好味既魯肉飯啦!魯肉飯唔係好大碗 不過對於女仔黎講已經夠飽男仔可能真係要食碗半/兩碗先得D魯肉望落好肥好似好油不過本身個飯唔係好多汁果type食落去一啲都冇油膩既感覺D飯有少少豬油好香魯肉既嫩度岩岩好 唔太濕不過亦唔乾整體真係好香好好食絕對係必食之選! 鹽酥雞炸得好好唔係果D炸粉好勁唔會好油 D雞肉亦都好嫩幾好!珍珠奶茶茶味好香好飲不過珍珠就略為較甜冬瓜茶既甜味好清香 好飲!哩間絕對可以再幫襯!

遠道而黎為左呢碗肉燥飯 排隊都排左差唔多半個鍾 入面座位好小 再搭台 都真係幾逼佢都好細碗 小朋友入量 一碗都真係唔夠 佢既味道超香 d肉好林 好滑 入口即溶咁制 當然都有好多肥膏 不過唔會好油膩 食呢碗超開胃

因為和朋友到西環食甜品後看見這間很出名的台灣餐廳阿元來了所以就排隊去食了大約等了一會兒就可以進來入面不算太多座位大約15-20個位入面環境很舊式的很多都是用木做的包括桌子及椅子而入面的店家都是說普通話的所以有如到了台灣食飯一樣而且入面都有一些台灣的poster所以可以更加了解台灣我和朋友叫了3款食物包括有魯肉飯，鹽酥雞及冬瓜茶埋單都只是＄＄84魯肉飯SIZE是台灣的SIZE一碗飯的分量對男生可能不足夠但我覺得對女生可以已經足夠了因為魯肉都是肥的但真的好好味而且飯粒粒分明好好味乾濕度都剛好店員都說這個飯是最出名的冬瓜茶比起一般的會較清淡一點不會那麼甜我覺得甜度是剛好的很適合夏天喝的

喜歡光顧小店，因為不時總有驚喜。 店面很少，座位只有20個，但店員很多，只負責煮食也有5個，所以上餐迅速。 點了魯肉飯，醬汁味濃而不漏。蚵仔大腸麵線，麵線，蚵仔，大腸份量沒有欺塲，糊內沁出淡淡的蒜味，就正是地道的口味。 滷青菜，肉燥一小層舖上青菜上，味道濃淡適宜。 炸花枝丸較為遜色，如果可做到剛炸起的脆面，那整頓晚餐就滿分如在台灣街頭享受小食一模一樣了。 至於飲品，點了酸梅湯及爆珠奶茶，酸梅湯甜味酸梅味屬淡淡的，而奶茶茶味未見香濃，水準一般。 總括而言，誠意正品小店，值得一去。

差不多九點嚟到位於西營盤第三街阿元嘅來了，講咗咁耐終於試到啦！ 舖頭細細，裝修特別，配上木枱木櫈，有台灣味道。 一人一碗魯肉飯，好好味，肉同飯嘅比例啱啱好，食落唔會太膩，連平時唔食肥膏嘅我都食唒！ 椒鹽魷魚酥，炸得好香口！ 雞蛋芝士餅，個賣相幾靚，但芝士唔夠溶蛋亦唔夠滑，有啲失望 最中意呢到樣樣野食都細細碟，就算得兩個人都可以試到多幾款野食！ 提提大家，阿元來了同好多西環嘅餐廳一樣星期一休息的，唔好摸門釘。

其實阿元一早黎左香港好耐，但因為間店實在唔就腳，所以無必要唔會特登去。咁啱朋友住果區，所以食飯有左去的理由。間店其實好細，但裝修好有台灣味，有啲鐵信箱，掛燈，畫咁，堵墻都專登油到殘殘舊舊咁，仲配木枱木凳。排隊人龍唔少，等左食半個鐘先入到。但都坐得好迫。點野食過程好快，野食都上得好快。大概8分鐘到左。鹽酥雞炸得好香口，份量唔算多，但件件都好金黃甘香，醃得好入味。小食拼盤揀左豬耳同大腸，兩者都滷得好稔好入味，好好食。魯肉飯叫左細碗，魯肉帶肥，好甘香，淋係面的醬油甜甜地，配珍珠米，幾match。 整體黎講，呢度啲野食份量細細，但每樣水準都穩陣，可以食到台灣味。但如果要山長水遠黎食佢，就可以不必了。

來到呢間餐廳，裝修幾靚 個蚵仔煎同魯肉飯唔多ok😞 蚵仔煎味好淡，蛋底好似冇咩蛋味，似混淡了才煎。蚵仔份量一般，冇鮮味 同魯肉有d鞋，不太淋，同一般軟淋魯肉分別幾大 鹽酥雞就算ok, 外皮炸得酥脆，雞肉肉質嫩滑 奶蓋綠茶算正常，有茶味，綠茶香，豬血糕ok ，味道易入口，都算滑不過食一次就夠

位於西營盤第三街，唯一排隊人氣小店，就係依間食台灣菜嘅阿元來了。店鋪裝修幾有特色，好似台灣夜市佈置！地方就比較細，用餐時間規定３０分鐘內要食完，如果想同朋友傾多陣食完就要轉移陣地喇。當日黎到係星期六晚上大概７點鐘，人龍未算太長，等左１０分鐘左右已經有檯。但坐低一陣就見到出面人龍越來越長，好彩早左一步到！最出名當然就係依個魯肉飯啦！唔好見佢２９蚊細細碗，可能因為肥豬肉份量都唔少嘅關係，食落都非常飽肚。魯肉汁夠晒多，味道真係做得好唔錯，比起香港好多地方都更加好食！係本地難得一間正宗台灣小店。本來想試埋個蠔仔煎，但店員同我講原來要５點半前先有得食，唯有下次早Ｄ到。另外食左鹽酥雞、藥燉排骨湯、台灣香腸，味道中規中矩啦，首推都係個魯肉飯！