阿來泰式地道風味

營業中

休息中

最近差唔多每個禮拜都要去旺中入貨，今日入空貨肚餓，又想食泰菜，見到呢間”阿來泰式地道風味”，就係隔離街好方便，餐牌又多選擇，所以試吓。星期四晚都要排少少時間，全場滿座，不停有客入同出，仲見到好多apps嘅riders拎外賣送，睇嚟係呢區都幾熱門。太熱好口渴，即刻叫咗一人一個椰青先，好清甜同好大個多水，抵飲。之後叫咗個小食拼盤，蝦餅，春卷，鷄翼，魚餅，乜都有齊，滿足哂貪心嘅我，仲要係熱辣辣，即叫即整，好香口。扮健康少少，叫咗個清炒通菜，大份，炒得爽口。仲叫咗個菠蘿炒飯，好足料，好叫。價錢抵食，性價比高，有水準，食到好飽，會再encore。

香港高質泰國菜飛天通菜惹味帶有泰國菜及中國菜風味 整道菜非常開胃惹味👍🏻菜份量相當多 香濃泰式炒菜，非常開胃泰式炸蝦餅🍤蝦餅🦐得乾身爽彈蝦肉肉質厚實點埋泰式辣醬非常惹味，非常地道的一道泰國必點菜，令人食指大動呢！阿來泰式芒果蟹肉炒飯芒果🥭用上大量新鮮果肉 酸甜味十分之夾炒飯，蟹肉嫩滑無比，鮮味甚濃；炒飯飯色澤金黃，香氣撲鼻濃郁，整個炒飯惹味非常；個人覺得飯有點太多太經濟實惠👍🏻👍🏻😂

熱辣辣的天氣出左旺角買嘢，幸好有老友陪我。買完野就即搵野食，見有間#阿來泰式地道風味 ，知老友喜歡食泰菜，餐牌野食款式都唔錯，價錢實惠都抵食，雖然多人排隊，但好快都可以進入去開餐🤓。柚子鮮蝦沙律🥗，蝦🍤肉質彈牙，柚子清新又醒胃，新鮮份量多又爽口。阿萊海南雞轉白飯，加$10轉髀位，雞皮薄滑我都忍唔住要食埋佢，雞髀大件很嫩滑，點埋個酸酸地的醬汁，拌勻飯食更加美味😋。泰式鐵板蠔仔蛋，上枱就聞到香噴噴，熱辣辣有好多蠔粒，整碟份量超多的很抵吃，相當唔錯，讚👍。泰式鮮蝦炒金邊粉，好喜歡吃的泰菜之一，熱辣辣炒得唔會太乾身，大蝦堅爽彈，調味剛好，一d都唔覺油膩感。飲品-凍檸茶&青檸梳打都夠凍。質素唔錯👍，份量足夠，亂入都可食到咁正嘅泰菜，泰讚啊！

📍阿來泰式地道風味🗺️旺角通菜街97號地舖去旺角拎完應援就喺附近搵食，見到呢間泰國餐廳價錢親民，好多人食就入去試下，原來店鋪有兩層～ 想講客人真係無停過，一枱接一枱😆⚡️泰式炸蝦餅 $88炸蝦餅分左六件，口感偏硬實，蝦味重🦐⚡️海南雞 例牌 $88海南雞雞油味幾香，大部分都起曬肉方便食用，配埋秘制醬汁😌⚡️泰式香芒蟹肉炒飯 $73炒飯有蟹肉同芒果，芒果嘅甜味加埋蟹肉嘅鮮好夾，飯亦唔會炒到太乾🥭🦀️⚡️泰式咸魚炒椰菜苗 $78揀左比較少食嘅椰菜苗，口感脆偏硬，下次可能揀返通菜😆 不過鹹魚炒係惹味嘅！😋⚡️椰汁三色冰 $25椰汁椰味濃郁，加埋一條條嘅三色啫喱增加口感，喜歡🥰

收工想食泰國野上openrice搵到呢間價錢相宜即管同同事試試去到都差不多9點但人依然多都等左一陣先入去-泰式火山排骨 -$118排骨唔只得骨 仲有超多肉大大條加上底部既泰式汁超好味 加上我又鍾意食芫茜😍 朋友唔食芫茜都話因為個汁太好咪影響唔到👍🏻-火山軟殼蟹法包 -$158咖喱軟殼蟹包 包入面好多黃咖喱湧晒出黎好似火山溶漿咁軟殼蟹大大份 好抵食-泰式香葉肉碎煎蛋伴白飯 -$68去到邊間泰式餐廳都好鍾意食香葉肉碎飯肉碎炒得好香帶點甜超好送飯 lunch過黎食都唔錯

天氣熱熱地，朋友話唔想食飯，放工去旺角買少少嘢，最後選擇左阿來泰國菜。金柚子鮮蝦沙律 $78泰式鮮蝦冬陰功湯 $78泰王咖喱火山軟殼蟹法包 $158椰汁三色冰 $25首先食泰國嘢，一定會揀冬陰功湯，細份都有3隻蝦咁多，好鮮味，仲有啲蝦油浮上面，辣辣地，好開胃，個friend 本來又話淨係食少少，點知見佢好鍾意個湯，飲左兩碗仔 😂第二樣就係食柚子沙律，一放低已經聞到好惹味，炸乾葱碎、炸蒜片功不可沒，柚子甜不在話下，啲炸花生好鬆脆，食得出佢啲調味料都幾複雜，應該有辣椒、魚露、椰糖、青檸等等。夜晚想做「無飯」之人，講到明唔食飯，所以叫咗個咖喱軟殼蟹法包，有4件軟殼蟹，份量好足，而且頭先食完柚子沙律，胃口大開。 相對比剛才嘅冬陰功湯，呢個咖喱冇咁辣，個咖喱汁屬於香濃嗰款，而且發包又好鬆軟，好彩店家好慷慨，咖喱汁勁多，洋蔥配料都好足，十分邪惡，搞到我哋食咗好多法包 😂 食完已經好飽，好彩冇order甜品，飲埋個椰汁三色冰，剛剛好。

我日去左泰式餐廳到食飯，味道又唔錯。首先叫左鮮蝦柚子沙律。鮮蝦味道鮮美，口感彈牙，而柚子果肉酸酸甜甜，令整道菜清爽開胃。然後佢仲加咗好多辣椒，所以味道好豐富主食就叫咗 義式SUKI炒粉絲 (雞肉)，雞肉炒得剛剛好，唔會太老或太嫩。整體味道鹹香適中，偏辣。第三道菜就係豬頸肉炒通菜，豬頸肉炒得外脆內嫩，搭配咗通菜嘅清甜。通菜炒得啱啱好，保持咗原有嘅脆度。飲品方面，我哋就選擇咗可樂同龍眼冰，飲完一杯之後覺得解渴。

好耐未食過泰菜喇，同朋友黎到旺角，搵到呢間超人氣、超多人like 既傳統泰菜「阿來泰式地道風味」，真係要試一試佢😋餐廳地理位置真係好方便，旺角地鐵站一出行幾步路就到👍🏻入到去，吾好以為佢好細，其實佢哋仲有上層去招呼客人嫁☺️睇睇menu,有廚師推介、有泰式小食、有湯品、海鮮類、招牌小菜、粉麵飯、炒菜類、飲品同甜品🍮真係花多眼亂。我地懶得諗，快快手叫左個好岩我地2個女仔食既二人餐A二人餐（A)$328🔸泰式海南雞（例牌）佢個海南雞整得超嫩滑，就算係雞胸位置，都係咁嫩，一啲都吾鞋口，同埋，我好少會食雞皮，但呢個雞一定一定令人忍唔住連埋雞皮食，口感非常好，再點埋個甜酸醬，甜甜酸酸好食開胃，撈埋飯食更加絕配。🔸咖喱炒蜆一上到黎，份量真係超級大份，有勁多蜆，裡面仲有青椒、香蔥。聞落去超香咖喱味，同埋呢個咖喱一啲都唔辣，仲要有蜆既鮮甜味，真係吾錯👍🏻🔸馬拉盞炒通菜通菜好翠綠，完全吾老身，食落好爽口，仲有啖啖蒜香味同辣味帶出，鹹度剛剛好，推薦👍🏻🔸油飯2碗油飯好香好金黃，配咖喱汁一齊食，送飯一流😋🔸飲品-青檸梳打 & 椰汁三色冰🧋整體黎講，餐廳都係行大眾化路線，碟碟份量都係超多，我同朋友都飽到攬住個肚

行過旺角 阿來泰式地道風味，見店內人頭滿滿，就入去試試。呢度嘅泰菜價格都好親民，而且份量十足💕 🔅辣椒膏蝦頭油海鮮炒飯 $68 材料豐富，有蝦肉、蜆肉、蟹柳同魷魚，炒飯炒得夠乾身，加上辣膏，食落爽口又惹味 🔅泰式火山排骨 $118 食店提供手套，用手拎住食就唔會浪費一啖肉。排骨肉軟軟，配上酸酸地的醬汁，食多咗肉仍覺開胃 🔅泰式鐵板蠔仔蛋 $98 鐵板滋滋聲上枱時全場注目。粒粒蠔仔都脹卜卜，底層加左爽脆嘅芽菜，口感好有層次

同朋友👧🏻一齊喺旺角，肚餓要搵嘢食，喺旺角站附近行咗少少，見到呢間泰國🇹🇭餐廳，似乎幾啱胃口，於是就決定入去試吓🤣$118「泰式🇹🇭火山🌋排骨」：排骨大大支一支支豎起晒整到成個火山咁🌋🤩，幾有趣🤣，排骨🐷炆煮得好腍，肉完全離骨，好容易食😋，亦都好好肉🤩，仲加咗大量芫荽喺面，亦都似乎落咗青檸檬汁，少少酸，開胃又好味😋$68「蒜蓉炒椰菜苗」：椰菜苗🥬幾爽脆，蒜蓉🧄炒簡單好食😋$168「泰式明爐烏頭魚」：烏頭魚大大條，肉質結實鮮甜😋；放咗喺冬陰功湯裏邊煮，令味道更加濃郁😋$15「無糖可樂」：凍冰冰😋

又來到食泰菜啦🇹🇭🌶🔥今晚去阿來🇹🇭泰式地道風味位於旺角通菜街97號 地點方便 小巴街呢🚐走時才知有2層，很多張枱又飲青檸梳打💚 (HK$25)呢到有泰象啤🍺 (HK$25)可以啤一啤🍻點都要碗冬蔭公湯細細碗但很足料2人份量叫小的都夠了 ($78)夠濃 夠多料去熬製夠辣🌶 我鍾意喝到最後別忘了吃蝦蝦🦐講起辣🌶 有我大愛的泰式酸辣鳳爪 ($78)酸酸辣辣 十分開胃無骨的👍🏻 有很多隻通菜沒有點辣🌶 ($68)想辣可以選飛天馬拉盞也很濃味泰式炒金邊粉 ($68)超級大碟🥹可以更濃味一點還有蝦🦐🦐今餐食了很多蝦！十分豐盛的一餐像是泰國地道的風味

今日放工約咗朋友行旺角，因為放咗工好肚餓，所以就去食飯先。而阿來餐廳不嬲都係以性價比高嘅泰國菜而聞名。我哋一行四人就入咗去食。今次我哋嗌咗七樣嘢食:炒馬拉盞: 蔬菜非常翠綠新鮮，蒜炒得非常好，看得出師傅嘅功力泰式肉碎生菜包: 一間泰國店好唔好食，就係要睇吓佢嘅肉碎生菜包。簡單嘅肉碎，整得好食嘅話就要睇吓佢嘅香料同埋佢嘅炒嘅功力。結論係香料非常十足入味，而且沒有留下任何豬嘅腥味。包住生菜食，一流。冬蔭功湯: 湯底好粥了，酸辣非常突出，而且非常足料，有好多蝦響入邊泰式炒金邊粉: 傳統泰式嘅酸汁，炒金邊粉，酸酸甜甜，好開胃泰式香芒蟹肉炒飯: 整體感覺非常惹味，芒果配搭減去油膩，蟹肉非常多，係一碟足料炒飯。泰式明爐烏頭魚: 條魚好新鮮，肉嘅質感好彈牙，傳統泰式酸汁非常惹味芒果糯米飯: 甜品時間，向泰國餐廳食飯，有點少得芒果糯米飯。糯米飯非常軟糯，同椰奶配搭好夾，芒果亦好甜。飲品方面，我哋嗌咗兩樣嘢:泰式奶茶: 應該係用阿薩姆紅茶炮製，好有傳統泰式奶茶風味，沉穩得來帶有花香嘅奶茶龍眼冰: 食得泰國餐廳，梗係要飲返杯龍眼冰，響咁多辣嘢嘅情況下飲返一杯龍眼冰，非常解渴阿來餐廳位於旺角市中心，但係價錢

今天品嚐了一頓平民化又正宗的泰式料理。從泰式鮮蝦冬陰功湯到蒜蓉包，從泰式鐵板蠔仔蛋到椰青，每一道美食都令人回味無窮，猶如置身於泰國當地的平民美食天堂～泰式鮮蝦冬陰功湯（$78，小）這款泰式鮮蝦冬陰功湯色澤濃郁，呈現出暖暖的橙紅色調。湯底以椰奶、香茅、青檸等獨特香料組成，散發出撲鼻的馥郁氣息。經過精心熬製的湯頭，既清爽又醇厚。每一口都充滿了椰奶的濃郁口感與香料的深度。新鮮的蝦肉質緊實，搭配冬陰功湯汁，為這道菜提升了層次感！而且也有很多秀珍菇，相當豐富。菠蘿炒飯（$68）菠蘿炒飯顏色金黃，米飯與菠蘿的組合獨具匠心。每一粒飯都散發著香濃的菠蘿香，入口後，那甜美的菠蘿與略帶辣味的炒飯完美融合，讓人陶醉在這令人驚喜的味道之中。搭配上香嫩的火腿片和脆口的蔬菜如肉鬆、臘腸、蕃茄及青瓜片，顏色更加豐富，口感層次分明。泰式鐵板蠔仔蛋（$98）泰式鐵板蠔仔蛋外觀金黃，蓬鬆可口。蛋內鑲嵌著滿滿的蠔仔和炒過的蔬菜，每一口都能品嚐到蠔仔的鮮美與蛋的滑嫩，有超過20粒蠔仔相當豐富！搭配上特製的泰式酸辣醬汁，味道更加豐富多層次，讓人忍不住一口接一口，沉醉於這道道地的泰式美食之中。蒜蓉包（$38）蒜蓉包外表金黃酥脆，

阿來泰式地道風味（旺角） Location: 阿來泰式地道風味身為油尖旺街坊，今日約左朋友4人行，一探旺角泰菜。七點半左右已有相當多人，所以一定要先訂位，先至精明。鋪頭雖唔算大，一早已座無虛席。泰國菜有十分多菜式想食，四個人可以多點一些，嘗嘗不同嘅菜式。阿來泰菜，炒飯，金邊粉相當值得推介，廚師手藝一流。鍋氣十足，不太油膩，炒飯粒粒分明，唔會太乾，唔會太冧。金邊粉酸甜得宜。四人點了七道菜：主菜1） 泰式金邊粉：酸甜醒胃2）泰式香芒蟹肉炒飯：鹹香蟹肉配合鮮芒果3）明爐烏頭（清湯）：新鮮清甜，魚肉美鮮4）冬陰功湯：香料十足，酸辣分明5）泰式肉碎生菜包：肉香配搭，清爽生菜6）炒椰菜苗：爽口椰菜仔配馬拉盞味道甜品：芒果糯米飯，糯米軟糯，配搭椰奶，令人停不了嘅味道。唔需要去泰國，都可以品嚐泰國地道風味。推介炒粉麵及炒飯十分了得。值得回味。

食物質素差咗好多！仲要好呃稱！幾年前同朋友食過兩次，雖然食肆環境一般，但食物唔錯，之後成日都想再encore，但次次去親門口都排勁多人等位，又冇得book。今晚門口人唔多，等咗一陣就有得入去。（但原來要搭枱）嗌咗 生蝦、馬拉到盞通菜、蒜蓉包、串燒、咖喱炒蟹。男朋友食開蝦，對蝦有啲研究，佢一睇就知d蝦係拎嚟白灼嗰啲品種嚟，佢仲話「尋晚我咪拎呢隻返嚟白灼俾你食囉，我都唔敢用呢啲蝦嚟做刺身，佢竟然會用嚟做生蝦」馬拉盞通菜食到有陣味，唔知係咪類似蝦膏嗰啲濃味。蒜蓉包一咬落去好似食隔夜麵包咁，勁韌，又唔脆。串燒靠個沙嗲醬，啲肉勁鞋勁差dry。凍咗仲難食。咖喱炒蟹 $380 本來都好期待，直情要影相留念。點知⋯⋯ 隻蟹入邊冇乜肉，呢d係「水蟹」，食肆入貨唔應該入呢啲平價蟹。最正常係個 椰青。其實只要好食，我都唔會計較個環境。我坐二樓，上樓梯嗰時見到地下擺咗啲椰汁糕喺度⋯⋯而返屋企途中，我個肚痛到要往生咁滯⋯⋯