影片
招牌菜
因為外勤來到此地加上與C君約好的時間要改到8:30pm，就在這裡吃點東西吧。這裡不是第一次來，上次的印像很模糊，好像是點的紅薯粉吧，記憶中還是可以的。今天叫了一個牛肚酸辣粉（$32）仍然是紅薯粉。酸辣粉上檯賣相可以，先喝一口湯，是沒有放湯骨的清水湯，淡淡的湯水配著淡淡的牛肚及其它配菜，紅薯粉煮得很軟；配了味粉、醬油及酸醋所滾的清水湯不酸也不辣。吃了大半碗粉覺得口寡寡的於是再叫一個香口點的「台灣香腸」，上檯的樣子還好但吃入口，全無肉味與我們在旺角街頭所吃過的完全不同，更不能同台灣所吃的過的相比。最後查看餐牌令我有點不明白，同樣的酸辣粉配一樣沒味道的牛肚與台灣香腸為何會有$5的差價呢？
繼續閱讀
由於這間餐廳, 附近有數個示威熱點, 已經係第二次同朋友黎呢度食由於黎到已經接近晚上9:30, 而佢係標示了10pm關門的, 所以我們一行大約8人都有位置全店只有大約廿多個座位, 因為坐位之間空位不太多, 店舖亦比較細, 相信午飯時間會很逼由於太肚餓的緣故, 我決定食飯, 不食麵這個是套餐的Menu $35-$45, 就有飯+飲品+小食想用少d 錢, 於是決定散叫一個飯咖哩薯仔嫩雞飯 $30飯的份量有少少唔夠, 咖哩味少少辣雞肉的確幾嫩口~~雞肉的份量跟飯的成正比, 所以都係有少少唔夠以西環的價錢黎講, $30一個飯, 算可以啦!
繼續閱讀
同aeris lunch,近近地去左喱間食,成日搭叮叮都經過,不過就未入過去食~!叫左set ,一個飯+飲品+小食,喱d價都係咁,同aeris一樣都係叫左肉燥飯,肉燥唔算太多,味道較淡,不過份量都ok,整體普通~!炸帶子,急凍野,味道普通~!台式腸,味道反而ok點,少少甜~!綜合來講味道好普通,價錢算係咁~!
繼續閱讀
因為工作関係來到西環,見到有間特式餐廳，名字叫"阿佘台式湯麵'.試試先.可能係中午関係非常之禁多人.本嚟諗住是但食D野, 嘩 個餐牌中午都禁多野揀,唔似得D茶餐廳錦一味就A B C D E. "依"最驚喜竟然仲有我最愛的.........咖喱.......... 最後我叫左個海鮮咖喱飯餐..仲送多個特色小食又有野飲.......需然人多但8分鍾就有得食...哈哈 我初初抱住懷疑嘅態試第一口 '掂' 個咖喱汁 超 好食,D海鮮又做得好有心思.再加個小食"台灣腸".嘩............點解CWB無呢間野.如果有就好羅. 最我就叫多左一份套餐外賣.呢間店我一定會再嚟.
繼續閱讀
平時返工放工都會經過呢間台灣野~ 一直都冇黎試, 直到今日星期六, 同同事去左試呢間台灣野~ 一直以黎, 食過咁多間台灣野, 都覺得係香港食台灣野都比較貴! 呢間阿佘, 真係令我喜出望外~同同事一行3人各叫左一個LUNCH SET, 28蚊係西環黎講有小食又有麵線又有野飲, 算抵架啦!值得推介既係肉燕餃, 真係好得~ 而鯊魚丸都幾好食! 珍珠奶茶同出面既差唔多, 好香香竽味又唔甜~雖然地方唔大, 但都算多位~ 出D野都算快, 唔洗等好耐就有得食!下次真係要再黎呢間野先得!
繼續閱讀