開餐達人

營業中

休息中

我地4個都系沖住有得整雞蛋仔同整棉花糖來既。最後終於如願以嘗，整個痛快。平時食棉花糖見人地整得好簡單，但到自己親手整，原來都需要技術...整左幾個失敗之作之後先開始識得玩，哈哈雞蛋仔就比較容易整，只要跟住步驟去做，就可以整到好靚既雞蛋仔。環境認真唔錯，懷舊既裝修，配合柔和既燈光，加上懷舊既廣東歌，好似用哆啦A夢既時光機回到80年代，哈哈。食物方面有大大塊8安士牛排任食，對於愛好牛扒既我，認真食得爽。打邊爐丸既款式同外面唔同，都幾特別。最得意系竟然有Minions 公仔圖案既丸食，朋友話有d唔忍心食左佢落肚。不過有一樣也要彈既系，有d汽水唔夠凍。整個氣氛唔錯，有其中一個個店員招呼好好，不過唔知佢叫咩名。食完我地都被d懷舊玩具吸引住，幾個大細路玩到唔捨得走😂

在網上看見店鋪廣告，晚市４.5小時任飲任食，就決定為朋友在這慶祝生日。我們預先透過電話訂座，原本訂了五人，但其中一位友人臨時來不了，結果變成四人。當天我與一位友人先到拿位置，女店員原先安排我們坐一張較大的台，但因為變更了四人，結果安排我們坐在角落一個卡位，那時我和友人也沒有為意會逼就接受了。我們兩人先點了一輪小食，上菜速度還算快，但只來了食物一半就再沒有食物送來，等到我們都吃完了還未送來，於是就問店員，但她竟說不見了我們的單？所以她便憑記憶送我們曾點過的食物，那時也覺得很奇怪，為何會無緣無故不見了？就算真的不見了不應跟我們告知一聲？算了也沒有理會於是我們再點了一次。等到另外兩位友人來了，我們便開始吃火鍋，等一碟碟食物送上我們才意識到不夠位子放，店員送上也知道，我們見當日四周圍還有很多空位，所以向她反映希望可以調到比較大的位置坐，但她就開始不太耐煩，說如果現在調位子要重新set過d野，總之都係嫌煩，更說道你們應該一早說出？火鍋爐近得只在你面前，蒸氣對你撲面而來，但卡枱位置細得動彈不得，從沒試過這個情況打邊爐，縱然我們也有問題，但你一開始安排卡位給我們時沒有考慮過這個問題嗎？而且態度不佳，

朋友見有香港懷舊小食及有得自製雞蛋仔就預先早幾日book定位。。一試香港懷舊小食來到星期日下午茶時段，由於是3小時任飲任食小弟留咗肚 來餐廳一次過食飽佢一入到去環境都比較懷舊，燈光偏暗，我們被安排在卡位。有理冇理，點晒啲想食嘅香港懷舊小食(碗仔翅，生菜魚肉，西多士，長州魚蛋等等)嘢食上菜速度都比較快影相到如下，已經不想再影落去首先去過長洲嘅一定有食個大魚旦，但係佢嘅大魚蛋同普通蘿蔔魚蛋，基本上都係大小、味道都一樣，失望跟住係個雞腎，難咬個牛肉乾，叫咗兩串，牙肉都軟埋係個一口西多士， 味道尚可以仲有叫左碗仔翅，因為碗仔翅係香港特色小食，點知。唔好食到唔知點形容又唔可以叫做難食嘅(只係冇乜味，同埋個濃度唔夠高)我建議可以增加粉絲而提升口感🤔我食咗幾樣有魚肉嘅產品，朋友和我都覺得魚肉帶酸既，茄子釀魚肉，生菜魚肉都無再食了去到戲肉，就係一嘗親自做雞蛋仔第一次還算成功，不過而家先發現整雞蛋仔都幾高學問，要做到外脆內軟都不是一朝一夕的事😳味道比出邊偏甜，口感比較(煙銀)💁🏼‍♂️因為餐廳員工冇教點樣做雞蛋仔，如果雞蛋仔機旁有指示牌教導就好了，起碼知道幾多分鐘要轉， 或者幾多分鐘可以食得總括而言，價錢

事源係見到有某ig食評話呢間仼食火鍋的牛肉好食，又好似好多選擇同自己整雞蛋仔咁，見可以打邊爐4.5hrs仼食仼玩好似好抵，一心同朋友抱住希望去食⋯⋯以為星期日晚應該好多人，但一入到去間野比想像中少人。職員帶位後坐底後，見到點餐紙選擇唔係話少既，但好普通的野咁，不過都預左，有驚喜的係，d串燒好似都不錯。咁之後就點左d丸類、菜類、串燒同埋一d用錫紙包住的燒物，以下就是伏的食物：湯底：有d淡，尤其蕃茄同青紅蘿蔔肥牛：質感不太好，滾幾秒剛熟放入口舊牛肉好乾身，好似食緊滾左10分鐘的牛肉咁‘鞋’🤦🏻‍♀️平時我勁中意食牛，一食會食勁碟，呢個我食五六片度就停手火焰燒錫紙包肥牛金菇：呢個d肥牛稍為好少少，但我地起初係以為是一卷卷的金菇肥牛卷，來到有少少失望，而且入口完全無味，我地另外自己加豉油蒜，先稍為好dd牛油娃娃菜：完全無牛油味，係好普通的烚娃娃菜🤷🏻‍♀️糖水自助吧：完全見唔到娃娃菜：唔係好新鮮，有黑邊稍為好d的食物：雞肉翠玉瓜串燒：雞肉配的醬汁幾好食～沒有了～其他就是丸類很普通，最無奈我地大約七點半入座，九點零佢地已經話小食last order了之後雞蛋仔機都收埋，我地整都未整，咁就無得食了（說

懷舊主題餐廳下午茶放題,見fb有好多comment話好難食,同朋友都有諗過試唔試好,可能我地要求低,覺得食物大部份都係正常味道,串燒仲幾好味,除左娃娃菜同碗仔翅較鹹,另外DIY糖水吧只得兩款材料有點失色,玩左幾款game,地方闊落,$98任食任玩坐3個鐘,仲有得DIY雞蛋仔,都算超值啦

#四個半小時瘋狂任玩任食即製掃街小食加火鍋糖水放題(HKD178)✏️ 有得食 有得玩 有得整雞蛋仔 既港式情懷主題放題😎✏️ 蕃茄薯仔豬骨湯底、青紅蘿蔔粟米豬骨清湯底、沙嗲湯底都算清甜✏️ 肥牛果d基本啦 牛味意想不到都ok濃😱 仲有40cm 特長串燒 火焰燒錫紙包金菇肥牛/燒汁蒜蓉茄子/牛油娃娃菜 咖喱魚蛋豬皮蘿蔔 糖水DIY自助吧 雞蛋仔自助吧 自己都可以整到外脆內軟既雞蛋仔😛 練多幾次就唔洗整到變毛巾🤣⭐️ 價格：$178/位 (1830-2300)⭐️ 仲有3小時下午茶放題 可以選擇 $98/位 剩係冇邊爐～⭐️ 學生優惠：星期一至四 五人同行 四人價

其實我很愛吃火鍋，根本上任何天氣和時間都阻止不到我吃火鍋。普遍的火鍋放題都是限時一至兩小時，但這家卻是有四個半小時！怎能不過來試試！看著點單紙以為只有一款湯底，結果來的是三拼湯底！泰式冬蔭公湯，只酸不夠辣；蕃茄濃湯，吃起來每一口都是濃濃的蕃茄蓉；豬骨濃湯，跟出前一丁的九州豬骨濃湯是一模一樣的，配上任何食材都適合！看過食評後，我選擇直接跳過唯一的熟食 - 美國西冷牛扒，要留些空間給接下來的火鍋。這裡有大約三十款火鍋食材，丸類佔了一半，其中有不少都是少有的台灣款式。而其他的都是蔬菜、海鮮和肉類。丸類這種冷藏品就是普普通通，不會太難吃的。蔬菜也算新鮮的。海鮮也是一般。肉類推薦牛舌，肉質很嫩，煮久了也不會嫩嫩的。而飲品就只有平價的汽水，不要抱太大期望。整體服務都是還好，環境也沒有太差。裝修也是以懷舊作主題，想懷緬過去的朋友應該會滿喜歡。相同的價錢，在食材方面可以有更好的選擇。但如果只是一群人來玩玩卡牌和board game、聊聊天，不太注重食物的話，這裡也是其中一選擇。

見fb有人賣廣告sell 下午茶放題 點知中哂伏！星期日食1:30 個round $98 難食到嘔！$48 都比多佢首先，環境唔得! 成間鋪都超油煙，冷氣不足，地點偏遠。服務方面，上菜速度 巨 慢 ！等左一個鐘都未黎齊第一張單既order!! 等左半個鐘先黎第一樣野食。侍應態度不好。味道方面，簡直係地獄！九成食物都係無味！所有食物無釀過，真係鹽都同你慳番！真心除左咖喱魚蛋，燒賣，芝士腸，西多，煎釀三寶，其他都全部唔好叫！！！自己煮都無咁難食。 大家可以叫你既ex 過黎食！：）

有時去觀塘做野，知道有間餐廳平靚正，有港式小食，又有火鍋，仲話有得自己整雞蛋仔。食勻所有街頭小食都只係$98😍我同朋友試左幾款招牌小食首先係40cm 特長串燒超大串 ，一個人慢慢拎住食真係好鬼豪再叫左個一口西多，賣相好靚，每件西多已經有糖漿，細細件上面加上鮮牛油，但我覺得唔係好甜又唔油啊可以自己親手整屬於自己嘅雞蛋仔真係好吸引，試一次就已經成功，好脆呀!😂加多10蚊就有大碼超級薄荷檸檬茶夜晚仲有邊爐放題重點推介1. 港式情懷，地道湯底2. 蕃茄薯仔豬骨湯底、青紅蘿蔔粟米豬骨清湯底、沙嗲湯底

我們今晚一行4人去了開餐達人打邊爐！這間餐廳的位置幾方便的，在觀塘地鐵站出口，沿著開源道一直行5分鐘左右就到，行上一樓就找到。我們上到餐廳約7點左右，已有幾枱客人在打邊爐了。這間餐廳的賣點是有任點任食打邊爐及有不同的小遊戲玩。餐廳的裝修也有花心思，有著懷舊冰室的風格，亦有擺放不少兒時玩具，如飛機、巴士模型等。店員帶我們到一邊卡位坐下，枱面上已放了一個火鍋及餐具等，鍋是冷的，店員隨即替我們開爐。是日湯底是九洲豬骨濃湯+泰式冬蔭功湯+西班牙蕃茄湯。先看看餐牌...食物的種類有很有選擇，就連美國西冷牛扒也有，好奇區使我們點了一客試試。至於飲品同調味料就要自己出去拎的。美國西冷牛扒份量也頗大，有接近一隻手掌咁大，肉質幾淋身，不過有點over-cook, 所以食落幾"鞋"，尚有進步空間。火鍋材料選擇幾多，肥牛和豚肉肥瘦適中，入口幾滑。三個湯底入面，我最鍾意冬蔭功湯底，不算辣，好香檸檬葉同香料味；蕃茄湯幾濃味，湯內亦有很多蕃茄肉；豬骨湯在比較下淡味。最後我們點了沖繩海塩雪糕作結。我們吃完火鍋後，店員很主動替我們執拾好枱面，好讓我們玩遊戲。總結，以週末來說$168有任食火鍋，又有小遊戲（如黑白棋，飛

由於不是地舖比地下員工的单張淘了上來,43元的午餐連5元的優惠卷尚算扺食,特色是個紅米飯,我吃了個爸爸的金菇肥牛配紅米飯,外面可能要60元的㷛食菜尚算不錯,如果兩個撐枱腳環境暗暗地都有D浪漫,在觀塘旺區覚得算少客人,見D食評才知晚餐幾有特色,但至抵個餐2:45一5:00$29才有仲要係外賣,人地旺奌都可以堂食啦,如果放寬D午市和下午茶可以堂食能会旺D,地下入口係工厦,看下餐廳環境D相有D轉角遇到愛的感覺

星期六番工嘅傷心日子又到喇，想係傷心嘅日子自娛下，除左食番個早餐滿足下自己之外，都無乜辦法。今日就嚟試左呢到嘅早餐， 上次其實都有試過呢度嘅早餐，但係以外賣嘅形式。外賣嗰陣時候記得幾正，所以今次就想試吓堂食會唔會仲正。但原來唔會。。。平時係傳單見到佢有一個煙肉炒蛋配牛角包，今日一見拒真偽。樣子都算幾好，但係過於普通，個炒蛋唔太好食。煙肉應該係自家制，味道特別d，但有d蘇蘇地嘅味，唔太得。牛角包就太迷你喇，又無跟牛油，確實有d失望。另一個叫左正常嘅火腿通粉煎雙蛋陪配牛角包，佢個火腿通粉非常之大，份量都好多。但係個湯底我覺得佢就想模仿牛奶濃湯，但係佢煮咗出嚟嗰種感覺亦中亦西，再配上四條菜心，感覺好怪。通粉又粉又硬，唔太好食。個煎蛋就正常，蛋黃有流心汁。但個牛角包又係牛油都無搽，又無烘。見到佢曾經改良過一兩次，曾經有一刻早餐都覺得佢有驚喜，但係今次唔知係咪因為星期六嘅關係？冇咁多人所以求其啲？定係佢一貫嘅水準咁樣？

食物質素我唔知！因為根本無食到就走左！早5日之前Book定2位，當日都仲confirm左話到，居然去到臨時執一張門口位既檯仔我地，擺個爐再擺兩隻碗就無位再擺到其他野。我眼見其他2人檯都唔係咁細張，我咪要求換個位，點知話安排下，好，等完最終話full左，安排唔到！咩事呀？我咁多日前book定位，仲當日confirm左，你唔係應該一早預留位置比我咩？做乜去到先執張門口位既檯仔比我？仲要話full左安排唔到？咁你full左唔係應該包括左我既訂位咩？點解人地2人坐得正正常常要我地坐到迫迫夾夾？點都唔會忍，即刻走人！以後都唔會再試！真係要好好檢討一下自己點樣安排訂座位置囉！根本就overbooking！

估唔到工廈都有得打邊爐！上網見到呢間有minions既丸，好得意，所以特登約朋友黎呢度試下！湯底選擇多，通常兩款雙拼湯，但呢度有三款！正！真係超多丸啊！四個人食左勁多！哈哈！乜丸都有！好多都係出面無得食既肥牛就略嫌肥左啲我就中意食墨魚仔，幾新鮮玉子豆腐都有！我中意野飲選擇都多，汽水好齊全，我就飲冰紅茶，呢餐整體都好滿意。如果喜歡食丸既話，呢間值得推介。唯一唔好既就係環境比較細，full場時會有啲嘈吵。

食物。差！環境。差！玩具。差！一心睇到呢間餐廳有懷舊玩具，專程帶小朋友黎一邊食下午茶一邊玩，點知... 玩具好多係壞嘅！😑 想玩釣魚，點知幾架機都冇電！叫人幫忙換電啦，過咗一陣都冇人攞返黎，所以自己出去問下係咪已經換電，佢竟然話「冇喎！冇電呀，公司冇電呀，玩第二樣啦」😒 攞第二樣返黎，都一樣係壞嘅.. 超失望！食物方面.... 難食到完全唔想食！例如串燒係凍嘅、冷麵冇味、韓式泡菜麵完全唔韓式，係求其一個辣辣地嘅麵、雞扒係"so"嘅、滷水雞翼同豬頸肉都超難食😖😖😖 其實都諗唔到有邊樣係好食嘅寫到出黎😓