開心餅店

營業中

休息中

為什麼此篇是番外篇，想知便要查看星級甜品上篇和下篇。很久之前，已經見過有關此餅店的報道，卷蛋口味創新，味濃又少甜。不過，聽聞預訂可能長逹一個月以上，便打消了念頭。如果美食和你有緣，始終會遇上。今天有事經過附近，便特意行過去望下彩數如何，現貨會否已被搶購一空。一般人經過一定以為是一間傳統餅店，賣蛋撻，傳統蛋卷和麵包等；真是很容易走漏眼🧐。進去轉了一圈，什麼也看不見，以為無緣份。店員姨姨開口問是不是找卷蛋，還帶我去門口望一張白色A4紙，上面寫了當天即場賣的現貨和那一款已售罄。字體有點撩草，差一點看不到原來還有抹焙。幸好，多問一聲，抹茶和芝麻也沒有了嗎？不然就是那麼近卻這麼遠地擦身而過。店舖還會提供一包冰，吃完晚飯回家也未完全溶化。立即放入雪櫃冷凍一會先品嚐這殿堂級甜品🧁。一條卷蛋大約可分五片，若以此價錢計算，每片大約32元。茶味真是很濃，如果切開時技巧不夠好，可能會將兩種茶的味道混在一起😅。日本有一間老字號抹茶專門店，將濃度分成七級；雖然我未試過。但這客卷蛋在我心中已可媲美它的第七級濃度，有少許苦澀味，甜度比坊間的少很多。所以絕對是抹茶控而非甜品控的首選。海綿蛋糕口感都算鬆軟，不過抹茶味當

為食既肥妹仔🐷最近見有youtuber 推介依間既抹茶卷蛋，所以肥妹仔決定試一試😤肥妹仔聽講門市好難買到，所以提早預訂😎最近店舖係觀塘加開左門市自取。但要留意觀塘店舖既開放時間喔！😚抹茶海綿蛋糕包住滿滿既抹茶cream🍵，抹茶cream一d都唔吝嗇，質感幼滑，甜度適中，茶味好濃，有抹茶既回甘味。非抺茶控可能會唔仲意🙃而海綿蛋糕好軟，雪左幾個鐘都唔會覺得硬😌仲意茶味既抹茶控朋友必定要試👍🏻😆🔸抹茶卷蛋 $138🔸

一向傳統餅店都係比人覺得舊式、無新創意😮‍💨但係唯獨開心餅店就帶比我另類想法🥳🥳🥳最初初經過哩間餅店都無大太吸引力會行入去買個包或者蛋糕食嘅🎂🍞但係從朋友口中得知💬餅店雖然舊舊地☺️但原來d卷蛋同蛋糕係咁出色架👍🏻👍🏻👍🏻媽咪生日就試試 草莓奶蓋蛋糕🎂6‘草莓奶蓋蛋糕🎂 （$218）6個人食一陣就KO👍🏻蛋糕唔太甜，而且非常鬆軟，表面嘅cream食完都唔覺太有罪惡感😆味道當然無令大家失望啦😎😎😎除左草莓🍓仲可以揀芒果🥭添👍🏻👍🏻👍🏻想食嘅記得記得記得（因為好重要所以要講3次）要提早預訂呀。現場係無得賣架🤣

單睇呢間老字號餅店懷舊嘅外貌完全估唔到佢收埋一件咁好味嘅卷蛋！！！呢排經常搜羅一啲話題小店呢間卷蛋都真係名列前茅 好多人表示有驚喜有網友仲話要提早三個月order先食到適逢今日休息 出街食飯逛逛我load吓IG點知見到佢ig story話有現貨剛好正行過旺角 我就頭也不回衝去買！去到舖頭 完全搵唔到卷蛋要問人 佢先拎張A4出嚟俾你揀味道現場得返三四個味道價錢的確係有啲貴 介乎$100至$150之間抹茶卷蛋 $138我食嘅狀態係雪完2小時 再放室溫10分鐘左右食落口覺得個蛋糕軟綿綿 輕身而濕潤抹茶cream冇粉感 茶味好濃郁微微苦澀 後勁有少少少少回甘抹茶fans真係會上癮…竹炭海鹽Oreo加麻糬（$108+$15）加咗麻糬 令卷蛋層次更加豐富口感唔會過分癡牙 甜度適中呢一款cream富粒粒Oreo碎甜中帶少少鹹 剛好中和甜膩感美其名叫竹炭卷蛋不過就唔太明竹炭其實係咩味但係蛋糕質感依舊很好 不過要留意 呢款卷蛋切片食切嘅時候會有點支離破碎 比較難同人分享食今次呢個卷蛋冇令我失望不過如果要訂三個月先食到 就未免太耐了我建議大家不妨walk in 去門面碰碰運氣整體性價比：🦖🦖🦖🦖🦖

✨鐵觀音味蛋卷 $138見到ig story 有現貨 又係抓緊咗食飯時間落街買蛋捲啦哈哈哈揀咗鐵觀音味（其他目測有三重朱古力抹茶同焙茶）好濃鐵觀音味，啲蛋糕比較濕，唔會話好甜好漏，呢個甜品感覺好正氣！啲cream 完全唔漏！儘量限制自己食一舊就收埋。一舊蛋捲可以分五大件咁啦！都偏貴其實～但一試無妨嘅做生日蛋糕是頗不錯的選擇！

🧁黑芝麻花生麻糬卷蛋💰$148😈平時收工去一定買唔到既開心餅店💛今日放假就緊係中午黎買啦見佢IG話有現貨就去試下排今日買到黑芝麻花生麻糬卷蛋🍰佢個卷蛋好鬆軟同個卷蛋口感好似食緊個空氣咁而佢個餡係黑芝麻同花生🤤兩個味我都好鍾意同埋中間麻糬好滑身唔會硬到舊膠咁仲咬落煙煙UNUN😭不過好想試焙茶麻糬個日去到已經賣哂⚠️如果想食都可以訂定或者去撞下有冇現貨岩口味

開心餅店一直都好出名，如果要訂都要個幾月之前訂。今日難得walk-in見倒有幾款口味，就即刻買左未試過既芝麻味黎試。仲有見去開，仲買埋花生朱古力。好鍾意呢一類型既舊式餅店，當新式又現代既餅店開到成行成市，呢類舊式餅店反而有另一種情懷。踏入去好似返返去孩提時代，拉住媽媽嘅手，叫佢買我喜歡吃嘅忌廉蛋糕。之前已經試過抹茶味同鐵觀音味，茶味好香好濃，而蛋糕亦都唔會乾巴巴。今之既芝麻味香滑之餘又唔會好甜，好好味。花生朱古力十分香脆，係一個零食既好選擇。

之前已經食過佢哋嘅黑芝麻麻薯卷蛋，都幾滿意，但嗰段時間想再買就已經預約好耐之後，所以就一直都冇買🥲直到聽朋友仔介紹左花生芝麻麻薯卷蛋都好正，又挑返起條癮想買🤤黑芝麻花生麻薯卷蛋 $148一拎到第一下就心諗：好重啊😮‍💨😮‍💨真材實料超級大條！蛋糕體好濕潤，啲cream爆哂出黎，買之前朋友已經講話花生味會搶左芝麻味，事實係真嘅🤣但其實分開食嘅話兩者嘅味一樣濃郁💓花生cream有粒粒花生，令到口感更加好～麻薯偏向固體啲，唔係好拉絲個種煙韌！呢個配搭聽落可能有啲邪惡，但其實食落真係唔會有嗰種好甜膩嘅感覺！真係可以大啖大啖咁樣享受快樂🤤有一日返工之前坐喺度食，食到唔想起身返工。。。太幸福了，只想靜靜地回味呢份快樂🥲質素一如既往地好，而且而家唔使等咁耐，我早一星期訂就有了～想食嘅話可以趁而家訂黎試😍

之前一直追開佢地IG，一直好想食但又一直冇機會，因為住新界又在港島返工，極少出九龍，星期六終於有事要去旺角，機會黎啦，早幾日係電話打左竹炭海鹽奧里奧口味既卷蛋，蛋糕少油少甜，唔會漏，加上用零卡路里既稀少糖更健康，竹炭蛋糕好濕潤，就算放到第二日都唔會乾，中間既忌廉食得出海鹽既咸味，加上足料既奧里奧餅碎，又真係幾好食，不過價錢就真係唔平，1條$108，平均可以切到5件，睇相片以為好大卷，但實物比想像中細

成日係IG見到呢間人氣高企嘅卷蛋，見到好多好評，都搞到我平時對卷蛋冇太大喜好嘅，都專登去訂～不過話明好出名，所以唔係即訂即有。之前有幾次想試，但一問之下，原來下一次可預訂嘅日子都要個幾月後，最後覺得太耐都放棄左。今次因為朋友生日，佢又好鍾意食，就真係早一個月前book。我訂左2個，1個係抹茶x焙茶 ,另一個係鐵觀音。估唔到IG佢人氣咁勁，原來係一間傳統的面飽店，仲要隱藏係街市之中。拎嘅過程都好快，知道我冇咁快回家，仲要比左幾個乾冰我～幾細心。食評我覺得可能因為本來見到好多人讚，所以對佢期望都幾高，但食耐我覺得又冇d人講得咁好～佢個蛋糕夠鬆軟，中間有濕潤的cream係幾夾。抹茶x焙茶 同埋 鐵觀音 味道都重ge ，幾有茶味，都有回甘味，但我覺得略有小甜。不過今次我冇加到麻薯，可能有ge話，味道會更出！要真係揀ge 話，我會推介抹茶x焙茶多d～ ：）

我是看到介紹特別去搵呢間傳聞中的人氣卷蛋。見到介紹, 知道是間傳統的面飽店,但估唔到係隱藏係街市之中,如果唔係睇到報導特登去搵, 真係唔會知道呢間隱世人氣卷蛋店。我無預訂卷蛋, 諗住碰碰運氣。去到見蛋糕櫃一件卷蛋都無,以為已賣晒。好采問問店員阿姐,原來有張A4紙寫上今日有的味道,同店員講就會攞俾你。我揀咗伯爵茶卷蛋。唔知係咪一開始睇到食評一面倒高, 期望超高, 試過反而無期望中的超高質素。外面蛋糕不太濕,感覺其實有少少乾,但好采夠鬆軟,配埋中間滑滑濕潤的cream都ok。整體伯爵茶味不算太突出,可能焙茶同抹茶卷蛋的茶味先試到fb所提到的回甘味。可惜今日兩款都無現貨,我呢個抹茶控無得試。雖然無想像中驚喜,但整體質素不錯,價錢唔算太貴。下次我會試埋其他口味

綠茶x焙茶 / 黑芝麻花生麻糬卷蛋經街坊團購間中可以食到呢款人間美食,每次團購都經常受街坊熱烈搶購,當然係有原因嘅!今次終於食到喇!!!呢間店係良心店不在話下,蛋糕真係好moist軟綿綿咁,綠茶味同埋黑芝麻味蛋糕非常之咁香。綠茶焙茶cream 茶味濃郁、甜度適中，花生餡料一啲都唔漏，入面嘅麻糬仲要係我啲小朋友嘅頭號最愛，真係百吃不厭 🤤🤤🤤之後我一定要試齊晒所有卷蛋啲味期待下次再試新味道💛💛💛

卷蛋一向係我最鍾意食嘅甜品之一呢間超級推👍性價比實在太高💛茶味夠濃 又未去到澀不過中間麻薯又未去到加分嘅感覺😂-‼️由於實在食過太多次啦 總結得出以下排名ヽ(*´з｀*)ﾉ:抹茶=焙茶>伯爵茶>鐵觀音-焙茶抹茶其實好難揀(/ω＼)不過整體來講抹茶比較溫和 平衡少少焙茶陣味實在太出啦(´ε｀ )喺試完呢個兩溝嘅味之後我覺得抹茶嘅味道完全被焙茶蓋住建議初嚐都係試單一口味比較好🤝-至於伯爵茶 茶味偏淡但係好神奇地有一陣陣花香味其實都好食 只係我比較偏好濃茶味(〃▽〃)上個禮拜試埋鐵觀音感覺較普通 冇其他口味咁有特點(´ε｀ )ps想試埋佢地最新既柚香金萱茶味~-如果想食 最好早啲訂啦~雖然佢地間唔中都會有現貨通常個零兩個鐘就會賣哂嫁啦~大家可以留意佢地story updates💛

開心餅店💛真係食咗會開心同埋會令人念念不忘🥺 所以我又再一次訂啦😍 🤎焙茶卷蛋 $128 一向都好鍾意茶味濃既茶味卷蛋 店主好好 一早就提醒左買茶味卷蛋嘅客人 茶味係偏濃 可能會有少少苦味 提示食唔到苦嘅客人就建議買其他口味喇👍🏻 但我偏偏就係鍾意焙茶嘅苦味🤤 食落口係有種回甘既味道 好正好好味😋同埋佢既cream係好濃焙茶味同埋真係好滑 真係一啖又一啖 好快就食完😍 我相信我好快又好想食 又會再訂架啦🤣真係大推🤲🏻💛 題外話 簡簡單單既卷蛋 加個生日牌 再加枝蠟燭已經好靚🤩 靚靚打卡之餘好味又食得開心🥳

📍開心餅店🍰#黃豆食黃店💛-呢間老字號餅店除咗有賣港式包餅 仲意想不到地係有賣日式卷蛋同新式蛋糕😯個卷蛋仲要好高人氣出名好食仲好難搶🥺而今次黃豆就試一試呢個外表好少女 口味夠晒新潮獨特嘅草莓芝士奶蓋蛋糕🥴味道果然無令人失望🤤仲要係低糖低油用0卡稀少糖 食多啲都唔怕😆呢個蛋糕好多時都有現貨 接急單又得 啱晒臨急抱佛腳要買生日蛋糕 或者突然想食個蛋糕嘅朋友仔🤣- 🍓草莓芝士奶蓋蛋糕🎂 (6寸) $208 💕#黃豆飛佛🤤個芝士奶蓋份量多得嚟又好滑 鹹鹹香香 係會食上癮嘅味道! 仲令成個蛋糕唔會咁單一🤤除咗面頭大大粒嘅士多啤梨 蛋糕裡面有兩層士多啤梨 酸酸甜甜夠新鮮 令個蛋糕唔會太膩🤤海綿蛋糕鬆軟 但絕對唔係食空氣嗰種! 🤤忌廉 海綿蛋糕同士多啤梨嘅比例係接近1:1:1 成件事恰到好處 又唔會太甜 正👍🏻😢美中不足係個生日牌嘅字寫得唔太靚 同埋太大塊正面睇遮咗啲士多啤梨🥺建議大家用插牌會靚啲🤣