102
16
3
開飯介紹
"開心餅店"是一間專門賣麵包同西餅的餅店，而且包餅的種類繁多，裝修簡單而整潔。它們亦會售賣應節食品哩！
繼續閱讀
營業時間
今日營業
05:45 - 20:00
星期一至日
05:45 - 20:00
以上資料只供參考, 請與餐廳確認詳情
食家推介
相關文章
📍旺角 Happy Roller呢間喺卷蛋界好出名🤩旺角同觀塘都有分店，旺角店係一間傳統麵包舖—開心餅店，每日都有現貨買(留意@happyrollerhk story)。𓇠 丸久小山園抹茶生乳卷蛋 $148 𓇠好好彩買到最後一條現貨，唔好彩嘅係前面買咗最後一條4色😟隔日先食，一條可切開4-5件，蛋糕體依然鬆軟、綿密濕潤，少氣孔👍🏻抹茶忌廉用上丸久小山園青嵐抹茶粉整成，食落好濃，帶回甘，忌廉都好幼滑。另外用上稀少糖同少油配方整成，食完都無罪惡感。抹茶控好滿意🍵非抹茶控屋企人覺得苦😂〰️總結：性價比幾高！下次要買開心果牛乳🥛焙茶味☕️PS有得加錢要麻糬，附有乾冰同膠袋，可以留電話自取。▪️類別：#yinkifoodie_matcha #yinkifoodie_bakery #yinkifoodie_dessert🔺味道：4.5/5🔹服務：3.5/5🔸環境：3/5
繼續閱讀
之前見Happy Roller開心果味卷蛋，諗住買1條俾🐠生日食🎂去到店員力推四色卷蛋，貪心小鬼緊係一次過試晒🤭🌊喜歡就記得CLS 再加Bookmark🔖🙂#小胖遊旺角🐠 #小胖遊觀塘🐠 —————————————————🔹四色卷蛋 $178 卷蛋大約12.5cm(比我想像中細少少)，質感鬆軟，真係超級soft又充滿濕潤感，爆餡Cream比例好高，輕盈綿滑，係少糖少油配方制作，所以食起嚟無負擔感☁️▪️開心果x原味真係好好食🥹開心果味好濃厚，而且有粒粒開心果，有牛乳去中和nuts嘅膩，輕盈竹炭蛋糕🖤開心果同奶香細膩均衡，100%必食🥇▪️丸久小山園抹茶麻糬清新之選🍵回甘微澀微甜，茶香四溢🍃，🐠私心大愛之二🫶🏻▪️靜岡焙茶麻糬烘焙香氣特濃，醇香濃郁，比抹茶嘅茶味更重☕️以上2款都有軟糯麻糬，更添口感，茶控一定好喜歡🫶🏻▪️原味牛乳原本無乜期望，但竟然幾正，🥛奶香濃厚，入口絲滑，蛋糕蛋香亦相對突岀，偏甜少少🤏🏻—————————————————🧜🏻口水度：🌕🌕🌕🌕🌗🤑性價比：🌕🌕🌕🌕🌖🧚🏻打卡值：🌕🌕🌕🌘🌑🥰舒適度：/🤤回頭率：🌕🌕🌕🌕🌗.♟Overall♟價錢真係性價比高，靚料整卷蛋☺️如果去旺角店，鋪面睇落好噏耷，其實啲靚卷收埋喺店內，記得問店員😛—————————————————🌴Happy Roller 旺角廣東道1000號地下(開心餅店)觀塘成業街11-13號華成工商中心4樓10室.#小胖遊記🐠 #小胖慶祝🐠 #小胖甜品🐠
繼續閱讀
人氣店舖Happy Roller以售賣爆餡日式卷蛋而聞名，而Happy Roller正正就是這家傳統餅店「開心餅店」的副線。卷蛋必須要預訂才確保有貨～～是日要到旺角區交收，便來開心餅店一趟，選購生日蛋糕為妹妹慶生。第一次踏足旺角店，一派傳統舊式餅店的格局，售賣多款港式麵包和蛋撻。雪櫃內有傳統瑞士卷蛋、糯米糍、芒果班戟等等，原個蛋糕有雜果鮮忌廉蛋糕及黑森林蛋糕之類，當中有兩款新式蛋糕比較顯眼，分別是士多啤梨芝士奶蓋蛋糕🍓及芒果芝士奶蓋蛋糕🥭。士多啤梨芝士奶蓋蛋糕🍓除了面層鋪有原粒士多啤梨外，蛋糕內裡有夾有士多啤梨果肉，用料充足！士多啤梨酸酸甜甜，飽滿多汁！蛋糕外層塗有士多啤梨忌廉，忌廉軟滑，香甜不膩。蛋糕面層淋上厚厚的芝士奶蓋，帶陣陣芝士鹹香，質地比較稠身，切開時未能形成爆漿效果。海綿蛋糕夠濕潤，但可能雪的時間稍長，略嫌口感不夠鬆軟。全家人都滿意蛋糕的甜度～～～舊式餅店的包裝都不太講究，普普通通一個紙盒加一個不是fit size的大膠袋，經歷一段車程後，蛋糕都移位了。但要讚讚店員的細心，知道我回家有段車程，才提供膠袋及冰包給我用來冰著蛋糕，避免蛋糕溶化得太厲害丫～～
繼續閱讀
17-12-2022(Sat)晏晝同喺旺角老公攞完嘢,原來過條馬路就係開心餅店,於是順便買件蛋糕俾爸爸食啦,我見到佢哋有$13.00一件嘅芒果班戟,我想買嘅,但要雪,而我又要買嘢,而且冇帶冰袋同錫紙袋,於是去買完嘢之返轉頭買.買完嘢返轉頭喇,除咗買呢樣外,就係買埋同上次一樣$8.00一件嘅班蘭蛋糕返屋企(食評係2022年2月22日刊登嘅呢篇: https://www.openrice.com/zh/hongkong/review/yeah-%E5%8D%B7%E8%9B%8B%E4%BB%A5%E5%A4%96%E9%83%BD%E6%9C%89%E6%B0%B4%E6%BA%96-e4329796).返到屋企將芒果班戟雪住先,食完晚飯,爸爸竟然未食就瞓,咁件芒果班戟就雪咗一晚.到翌日晚食飯前拎出嚟解凍,到食完飯休息,回復到室溫嘅溫度,就同家人食喇,我哋切開嚟食,睇睇,原來佢裡面有cream之餘重有蛋糕底,食落,班戟皮都夠軟,蛋糕一樣係鬆軟,而成個味道唔太甜,芒果肉亦唔酸,爸爸都讚好味.咁好食,原本唔想寫食評都要寫.
繼續閱讀
推薦指數 4.5/5近排開心果當道 好多地方都見到開心果既蹤影開心餅店都唔例外 本身佢啲卷蛋已經好出名 軟熟又濕潤 久唔久就會想食過返尋味 竹炭戚風蛋糕x 濃郁嘅開心果醬x牛乳cream 係新穎既配搭 咬落去啲cream 會多到湧出來 好幸福哦佢標榜係用咗少油少糖配方 其實食甜品 鍾意少甜先係真正識食 開心果醬香濃綿滑 竹炭味就唔係好食得出 但配搭出嚟嘅顏色真係好吸睛 好有高級想買最好預先預訂 Walk in 係好難買到出名想要嘅口味㗎
繼續閱讀