影片
是日, 沒有離開大埔區, 但因為一田的大減價, 我們兩口子就過來大埔中心, 同人迫. 去迫之前, 太太說大元邨那頭開了一間新的素食店. 我為了一試一寫, 雖然她說不甚好食, 但我也要嚷著, 要食過究竟.長霞素食, 在門口拿了宣傳的單張, 才知道這店是長霞靜院辦齋的一個新地方. 小店, 簡單的經營, 充滿佛光佛氣的環境. 但服務的, 就是簡單的三餸飯同一些炒麵, 蘿蔔糕. 平平地, 為區內的素食者及長者, 提供服務. 在唔知頭唔知路下, counter阿姐叫我選個三餸飯就三餸飯. 素生炒骨, 蘑菇素蝦仁, 同素班球. 雖然, 好明顯是雪藏料, 但知道這個是寺院辦的非牟利食店, 當然, 也不想係食材上同味道上, 多加要求. 說味道好, 就要說那個生炒素骨了, 甜酸汁味道並重, 而且素骨, 似模似樣的, 不過, 中間的一條 "骨" , 過往見過的是香茅, 這兒的, 竟是素火腿, 我們一於連骨都食埋. 而素班球, 味道清香, 也是缺得不錯, 蝦仁, 就如常的, 沒有味道. 因為兩個人食, 另外叫了一個銀針粉同蘿蔔糕. 蘿蔔糕是值得表揚的, 純素的蘿蔔糕, 好有蘿蔔味, 而且即叫即煎. 夠熱夠味. 銀針粉, 是一個炒定出來的炒粉麵類. 店員裝好, 就拿去 "叮". 結果叮唔夠熱, 要返叮. 味道又唔夠, 有點失敗. 真正格局, 非常之自助式, 埋counter點食物後, 自己拿, 自已去找餐具, 自己找茶水. 最好, 當然是收埋檯俾返人啦. 味道普通, 但勝在是一個服務大眾的心.
繼續閱讀