長虹海鮮酒家 (已結業)

有位女性朋友結婚！邀請我做姊妹！心感榮幸又開心！ 就算要我當日早上 7:30 走到上環亦在所不計！由於，他們將會於下午 3:00 在長沙灣一間教堂行禮！ 因此，午餐選址同區的 <長虹海鮮酒家>。地點較為方便！這間位於商業大廈的酒樓，一走入去，見到酸枝椅配上貝殼雕花，手工精細！但說到環境，這裡的枱很密，給人感覺較焗促！裝修普普通通！一般酒樓格局！幸好！我們被安排到酒樓深處的兩張大枱！好讓我們可靠牆擺放婚禮所用的物品！餐具以葡萄圖案作點綴！打破沉悶的框框！鄰枱為我們這枱點上點心及其他美食！大家真是可以大飽口福了！ 我們這枱除了部分兄弟及姊妹之外，還有，攝影師及攝錄師！攝影師及攝錄師跟大家分享之前在婚禮上遇到的趣事！ 氣氛融洽輕鬆！食物及點心送上的速度算快！先送上炒粉麵，然後點心大廈陸續有來！當日，我食的東西不多！只要夠飽便算了！況且，還要趕去教堂幫手！雪菜肉絲炒米即叫即炒！一夾起仍是熱辣辣的！ 米粉炒得乾身爽口之外，因為加了各款配料如雪菜、紅椒、青椒及肉絲，味道層次感變得豐富！ 鹹味剛好！加上這是第一碟上枱，相信大家已經收貨！蝦餃蝦餃皮煙韌又薄！略帶晶瑩剔透！餡料若隱若現！

今早9:15 約了朋友飲茶, 試試一些非大型集團經營的酒樓, 這間酒樓平時搭車好多時經過, 但附近以住宅及工商業為主, 故好少會親臨嘗試, 今日有機會到來一趙 。這裡是一間商業大廈,樓層不高, 但酒樓都不是大派頭果款, 普普通通的裝修 。但食客都多, 但屬於不佔枱模式, 行埋去以為無人, 原來一份唔完整的報紙加一張已開咭的單已經表現到 :這裡已有人佔左位, 我們由街頭行到街尾, 很不容易才找到一張細枱, 剔了點心, 係無待應理會, 只有一名阿叔好親切的笑容過來取單, 但我們估計 : 唔通係老闆 ? 真係無人知 。兩個人選了棉花雞、煎釀茄子、長虹蝦餃、魚翅餃 、煎鍋貼、煎腐皮卷, 南瓜粟米粒作為甜品, 先按次序講講:棉花雞: 不過不失, 雞都有3件, 幾滑, 棉花夠大及汁味濃, 冬菇一小件, 唔錯 !煎釀茄子: 簡單三件, 煎釀料好少, 清但內無乜料, 無意見 !長虹蝦餃: 4件, 熱、皮都少少厚, 但餡料ok魚翅餃: 4件, 乾, 味精重, 有口感煎鍋貼: 唔夠燶, 少少黃皮都無, 夠大肉汁濃, 但味精都多煎腐皮卷: 不過不失, 脆但又係唔覺裡面d料南瓜粟米湯: 唯一無選錯, 食得好

今日係清明節, 我哋一行三大一B掃完墓, 諗住去飲茶. 次次都係去好彩, 新星, 今次就去呢間酒樓試下喇去到11:15, 要等四張枱, 但都好快.入到去無人帶枱, 算啦自己搵囉, 坐低咗, 叫極都無侍應開茶, 一係話等陣, 一係當見唔到聽唔到,咁惟有一路寫點心紙, 一路舉手叫侍應開茶啦, 點知到寫完點心紙都仲未有人同我哋開茶. 攪到我成個傻婆咁舉住張點心紙係咁撥, 真係火都嚟 撥咗都10分鐘, 先至有人埋嚟我哋叫咗8個點心鮮蝦腸粉--啲蝦夠大隻, 夠鮮幾爽, 唔錯!川醬金錢肚--辣辣哋, 幾冶味. 唔錯!薑蔥牛柏葉--OK, 幾好味!叉燒飽-- 唔錯!鮮竹卷--OK燒賣皇--幾大粒, 味道都唔錯!生滾及第粥X2--用煲仔上, 個樣好似唔錯, 但一"畢"落去, 得兩片豬潤, 兩舊豬肚, 一粒貢丸, 係咁多, 粉腸都無條再食落去真係"把鬼", 都唔係生滾嘅, 似白粥加啲及第料咁, 完全唔得!茶錢$7.00一個 (如果多人嘅話都幾貴), 埋單$154.00總括嚟講點心味道都可接受, 惟可能侍應人手唔夠, 無論開茶同埋單都要等好耐, 理應改善!!

呢間野，起碼值六個喊臉第一，普洱茶葉好差，色水就好深，茶既香同味都冇，都唔知係咪染色茶第二，點心真係好差，鳳爪係有酸餿味，雞札舊雞係得勁大舊骨同丁屎咁多肉繼續，煎腸粉可以仲林過D煎腸粉，一D都唔香口，D蝦米仲臭臭地我問個侍應有冇沙律醬，佢答有，咁我叫佢比碟我佢就答我沙律醬唔係用黎點呢D咖喎(指住碟春卷)我就再講多次，唔該比碟我啦佢就再問，你要黎做咩既先?你要黎點呢D?呢D唔係點沙律咖喎我就再忍，講多次總之你比碟我啦唔該佢就話得冇問題講真我係客人，佢係侍應我唔係話睇唔起佢份工定點只係佢做得呢份工就盡佢本份客人要求佢比，佢唔抵觸公司規定比得咪比囉有冇需要一而再再而三咁反駁同教我點食一碟春卷呢?重點黎喇!!佢果碟根本唔係正宗有豬肉木耳粉絲既春卷而係有蝦有九王既春卷咁我點SALAD CREAM有咩問題先????最後就係埋單好慢，等左三個字正想催佢就見到佢拎住成棟10本夾單果D簿阿姐你做唔到就咪拎咁多啦想等死其他人咩一次就夠，以後都唔去P.S 仲有，佢D裝修真係好不知所謂用個鋁合金既框框住張三英戰呂布

尋日本來諗住去長虹飲下午茶~~~~人多要等位~~~~~~~點知等到位又俾人指東指西,唔知要安排邊張台俾我地~~~~~~安排左台,以為唔駛搭台仲好開心tim~~~~~~點知等左好耐都冇侍應黎執嘢~~~~~叫左佢地好多次都要繼續等~~~~~~最後我地決定走人~~~~~~~上次已經覺得佢d食物質素差左好多,例如d薄餅有"叔"味~~~~~點知連d服務水平都差埋,以後都唔會再去~~~~

有火煱和小菜, 2者都試過, 合格.這裡平日到晚上10點就會好靜下, 但伙記不會過來趕你走, 所以在這聊天都是幾好.說回食品, 一向這裡的龍井都好香下, 而好食的有 茶香鷄友人話上次的好似用了潽洱, 但今次就用了龍井, 回汁甜甜地但好有茶香味, 而茶葉再加了點沙糖去炸一炸放上面, 食入口又香又甜.另一款是 焗魚腸 : 又是做得好好食, 魚腸又多混在蛋汁中, 焗到熱騰騰就即時送上枱, 每次我都必叫.可惜今次就退步了. 蛋和魚腸焗到好硬, 品嚐不到混在魚腸鮮味的焗蛋, 一點汁都沒有.而且沒加果皮下去. 好失望下~~~

長虹酒樓, 係正我公司樓下, LUNCH想飲茶唔揀佢, 可以揀邊度 ?但, 佢既水準呢排差左好多, 點心好多油有些如春卷, 咸水角, 沙律蝦角, 又一早炸定, 來到只係微暖燒腩仔水準一時時, 有時超咸炸九肚魚都係一樣, 有時超咸連招牌既茶香雞, 可能轉左用冰鮮雞, 亦無乜雞味了中午飲茶, 平均每人約 70-80, 唔算抵環境方面, 廁所超超超凍, 唔知有無18度, 一年四季如是過了夏天, 想飲茶的話, 都係行多幾步, 去荔枝角...

紅日大中小點也不過是$9.8至$13.8，而且另外還有幾款平價點心選擇。6個人食了11樣點心，都是普通款式，包括叉燒包、千層馬拉糕、皮蛋瘦肉粥、柴魚花生粥、椰汁蒸饅頭、山竹牛肉、芋角、珍珠雞、椰絲薄餅，雞絲粉卷及梅菜肉餅飯，水準不過不失，其中較喜歡鬆軟的馬拉糕；薄餅卷有椰絲之外，還有花生，不過香味不足；珍珠雞則嫌分量太小兼偏乾硬；肉餅飯就肥肉太多，梅菜甚少。雖然茶錢$6一位，又有加一，但埋單只是$152，算抵食吧。