長發茶餐廳 (已結業)

路經此地，本來哩一帶對我黎講實在有太多選擇，有對面街新開o既「四川麻辣米線」，行落幾條街o既「譚仔」同「雲南」，但卻偏偏揀番長發。差不多六點，趕頭趕命無非為佢個抵食特餐o者，雖然又係一般公仔麵餐、絲襪奶茶，但我依然咁捧佢個腿蛋治場。好可惜，唔知係咪因為「禽流感」關係，o的雞蛋煎全熟，有少少失望添！好在食左幾啖友人果碟咖哩雞扒飯補番數，雞扒雖硬崩崩，但o的咖哩薯仔好淋好入味！哩度o的咖哩唔係乜差正宗，純粹以碟頭飯黎講，我覺得咖哩薯仔確實o岩我口味。丫，唔知澳洲牛奶公司果邊o的半生熟炒蛋有冇變全熟呢，搵日去試下先！

我都算係‘間唔中長沙灣’街坊，佢o的餐同一般茶餐廳一樣有湯意粉跟炒蛋／煎雙蛋／蛋治／腿治，午餐好似係可以跟腿蛋治添！講真，真係好夠份量o架，有時都要打包，最抵死就係我至愛o既半生熟炒蛋哩，趁熱食，正！佢o的咖哩（豬扒／雞）飯都好好食o架！好多街坊，工人幫襯．．．若要食‘環境’o既朋友未必o岩喇，咪以為衛生差呀，都好乾淨o架，伙計都幾玩得o架（可能我係街坊啦）！記住，係六點收工，要食趁早～

推薦這裡的蛋治, 麵包鬆軟, 蛋也有夠份量, 很厚, 可能是用了兩隻蛋去煮, 這裡的下午茶餐也很抵食, 可惜下午六點半便收舖, 晚了便不能嚐到它的美食.蛋治之外, 奶油多士和西多士也是推介之列.