長發茶餐廳 (已結業)

經常說長沙灣人很幸福，因為區內不乏有質素的茶餐廳，長發是其中之一，但大家要留意，這裡是不做晚市的。由於沒有晚市的關係，我來幫襯的次數亦比其他茶記少，加上樓面人手的變更，今次再來也沒什麼親切感。想吃點開胃的東西，不如來個西炒飯。飯是炒得很香口，鑊氣夠，但未能做到粒粒分明。不過，熱辣辣炒出來的，加上腸仔粒和火腿粒，怎樣也不會太難吃的。膽粗粗試了幾隻蝦仁(因對蝦敏感，所以用膽粗粗去形容)，不鮮甜但爽口，可以收貨。材料合格，還有適量的茄汁，酸度柔和又不失醒胃效果，不錯。凍奶茶冰凍幼滑，可是很甜，連我也覺得過甜，下次叫師傅唔好咁重手。醒起想去一個久違了的地方－保安道圖書館，馬上埋單離開。

相隔幾個月冇來呢間茶餐廳食lunch喇~ 坐底見到兩個樓面伙計已經轉左人喇~ 好似冇左以往既親切感~ 好在廚房師父冇變, 食物水準跟以往一樣~

19蚊有埋飲品..... 好抵架喇~以依個價錢.... 個水準已經好好喇~呢度既奶茶仲好好飲添架~

餐廳已擁有十年以上的歷史，但已奪過數次衛生獎，整明地方及衛生問題是值得表揚的，桌椅是清潔的。叫了一個午餐：1.白菌忌廉湯2.粟米汁伴雙蛋雞脾飯3.熱杏霜忌廉湯濃濃的，罐頭湯的功勞，雙蛋雞脾飯，沒有難度，唯獨是汁料是最重要的，但可以接受，不俗，雞脾是即炸的，若添加鹽炸及少許古月粉，更勝一籌，熱杏霜，一般水準。茶餐廳中學餐水準，不過不失，地方整潔是令人有好印象，若果能夠似之前食家說的侍應招呼得到改善，可以更加得人歡心。

曾寫下「長發」數個蛋治／特餐好評，今天來個她們的「咖喱乜」，地頭龍一族介紹「碟頭咖喱」也稱得上好吃之選。試了這碟紅腸豬扒咖喱意，豬扒炸得香脆（略過火），本人覺得咖喱汁是一般而已，論作街坊生意，便宜的碟頭飯來說，算是交足功課。小插曲：有點不滿意近期新來的店小二，態度其差，告訴她碟裡有隻「小小小小強」，她猶豫地看了數眼，滿不在乎兼懷疑眼光，換第二碟的時候，更加不用那麼誇張「左望右望」那一碟新的，雖則這裡是拿過甚麼衛生獎，我們也不是來「倒亂」罷，用不著那種誇張眼神兼態度來相對哩？！

個日放左日假, 見呢度咁多好評, 就黎試下佢的特餐!沙嗲牛麵, d 麵過稔, 沙嗲牛ok! 炒蛋係全熟的, 多油不滑, 但都幾好味! 麵包就係厚的, 但就平平無奇, 奶茶算係幾好咁! 食完一次無想再食的衝動, 不及維記麵和奶茶吸引!

由於我係附近返工,所以平日間唔中會叫外賣或於星期六堂食!（因平日食lunch經常無位!)最好食係茶餐，我的最愛係沙爹牛肉麵同埋腿旦治啦！！堂食19元一個餐，都幾抵！ｄ職員講嘢 幾搞笑！有次我同事叫外賣俾tips個伙計，佢唔肯收添！

其實系呢間買左個旦治$9---炒旦其滑!麵包厚而軟熟,系我食過最好既一間!

我都係慕名而黎既,要左個招牌餐satay牛米,火腿炒雙蛋,牛油厚多烘底,熱奶茶satay牛米:我從來未食過咁正既satay牛米!!!!!!好好好好好熱,食到尾都係咁熱,米粉爽口,好岩味,好地道呀~!火腿炒雙蛋:蛋就冇澳洲牛奶公司咁滑,係raw d,咩都冇加既傳統口味~!好實在牛油厚多烘底:烘底加~$1,好正,牛油好夠,仲有傳統既檸檬味,正正正熱奶茶:好香濃~!就算飽死我都搏了老命食晒個餐可想而知係幾咁好食呢~!

星期日完了聚會,特登來呢度試試個人人讚既雞蛋三文治,咁就叫左個招牌茶餐($19) 沙嗲牛肉麵(改米粉) - okay炒蛋+ 火腿+麵包- 厚厚的麵包有如"澳洲牛奶公司"-正!奶茶- okay

聽到麥ｏ麥首歌，會諗起長發ｏ既特餐（牛麵）、午餐（叉意）、快餐（碟頭飯），前兩者都係跟煎蛋或腿蛋治，附送奶茶咖啡。成朝捱肚餓兼呆坐了三粒鐘，五點幾去到長發「鼓聲雷響」到不堪，叫了金牌特餐牛麵跟腿蛋治再加碟油占多。若怕澳洲牛奶公司ｏ既rush，不妨到這裡試試她們的「蛋」，一樣是深黃半生熟炒蛋（喜歡煎蛋人士都可一試），一樣是厚厚麵包，好好味ｏ架！油占多無乜特別，用厚厚麵包來烘ｏ既；咖啡奶茶蠻好（幾絲襪ｏ下～）。記住六點前幫襯喎！斜對面就係四川麻辣米線，來一個連環食丫～

由於我係街坊o既關係,都幾經常幫襯o架!佢d 茶餐真係唔錯,特別係個蛋治,塊麵包勁厚,i like it!同埋,d學生餐好抵食,又好味道!

原本好like去哩間野,不過有個staff一次又一次咁迫我叫野食,我就覺得不是味兒~話說我的同學很like去哩度食野,可惜我同佢地空堂時間唔夾,我巳食得飽飽了,佢地先放lunch~(等埋佢地既話我會餓死)每week一次都會陪佢地出去食而自己唔食的~但去親長發佢都遂個指要d咩,次次指到我我話唔洗了,佢就用d好不"涉"既表情話"多謝哂wo!" 嘩!洗唔洗咁串呀!所以我次次都只係夾硬叫野飲..前幾日又係去果度,佢好似認得我咁...唉~我唯一死死地氣叫左碗鮮奶麥片~$14,好細兜..佢用左唔少水去開,只用左好少鮮奶,而且麥片唔多, avg都唔算唔好食既...

食日lunch去左哩度食~有特價快餐$20, 學生重有discount~$18有成7款, choose左黑椒牛扒腸仔飯, 漢堡扒紅腸意粉~個飯d汁好食, 夠黑椒味又唔太辣, 牛扒唔un~個意粉冇咩特別, 都幾好~ 個扒細左d~有兩塊啦~另外叫左杏仁霜~好好飲好香, 又唔太甜

哩間茶餐廳清潔整齊到連食環處都有頒個award比佢地, 可謂食得放心你地知啦冇咩幾何茶餐廳� 哩個award ga佢地d伙計真係好nice 另外d野食都好好推介西炒飯炒得唔太濕足料茶餐都好好最佳係個沙爹牛肉公仔麵d三文治烘底的話重正散叫叫過腸蛋通粉腸仔煎得好正個skin脆脆地的~