長洲鮨雲

本來都唔想去長洲食日本料理但係都中咗入去，OK喎啲食物味道有層次，新鮮食材，好用心，而且係有水準。重點係價錢好恰當好平一個飯，一個烏冬加炸雞，六件卷物，一碟天婦羅加埋先$270 但係味道樣樣都唔普通值得一讚啲茶係熱到辣手辣口👏唔係凍冰冰啲飯調過味，粒粒分明，唔會太濕太硬，溫度適中暖👍同啲三文魚魚子好融合，食材新鮮食一碗飯都夠飽。欣賞佢哋都比好多飯🫶係真係食飽人。芝士卷有五嚿咁多，味道正常呢碟天婦羅good, 有金菇，南瓜，洋蔥，青椒，茄子全部都咁好食…查看更多

呢間日餐中哂伏， 我對於呢間餐廳是否日菜有所保留， 皆因佢餐牌有中菜。 餐廳得兩個人做， 衛生程度非常惡劣， 其中一人， 身兼多識， 既係師傅又是樓面加收銀， 最接受唔到佢徒手執完桌， 收完錢， 然後無洗手情況下， 處理魚生及食材。 可想而知食物有幾「衛生」， 叫左一碟三文魚， 一碟油甘魚， 一個角切丼飯， 魚生係超市級數，最失望係鹽燒牛舌， 竟然用中式做法。 救命， 呢間完全係掛住日菜的名， 裡面係中菜館。 雖然價錢相對廉價， 但大家可以選擇更好的餐廳。 …查看更多

今次入長洲食咗呢間高質日本餐廳。最推介嘅係帶子壽司，帶子非常之厚身又好新鮮，真係100分！磯煮鮑魚都同樣新鮮！第二樣想推介嘅係龍蝦湯扁意粉，調味做得好出色。另外，鹽燒車厘茄豚肉串都好好食！我平時有啲怕車厘茄嘅草青味，但係呢個豚肉調味做得啱啱好，可以遮到個草青味。豚肉同車厘茄兩樣食材嘅口感加埋好正！我仲有點海老野菜天婦羅、鰤魚同鰆魚刺生，都唔錯。餐廳距離碼頭只係5分鐘路程，所以食完晚飯趕船返出市區都好方便！推薦大家入開長洲試下！…查看更多

最近去長洲諗住行下食下野，點知係其中一條街發現左一間日本餐廳。睇完門口餐牌見幾抵食決定入去試下。餐廳佈置簡潔，掛左啲老闆係日本影既相，有種去左日本既感覺，成個感覺好舒服。餐牌上有好多唔同選擇，包括壽司、刺身、小食同串燒等傳統日本料理。最後簡單叫左壽司、手卷、串燒同小食。魚生好鮮甜，最特別係啲飯既味道同出邊其他日本餐廳唔同，味道重啲幾特別。熟食黎講我覺得煮蜆係最好味，份量夠多又夠入味👍🏻除左野食，服務餐廳服務都好好。鋪頭都多客人，但唔會因為多人而需要等好耐先有野食。老闆仲會細心介紹食物（例如餐牌上冇既時令刺身）如果去長洲諗唔到食咩，不妨試下呢間新開既日本餐廳，會有意外驚喜…查看更多

令人滿意的美食體驗評分：★★★★★（5/5）再次造訪長洲嘅日式餐廳，仍然滿意，保持到水準。環境乾淨整潔，日本風情（櫻花deco🌸）。店員友好細心，提供專業的介紹。佢地會推介時令餐品，食材新鮮同師傅嘅廚藝，冇得輸。🥹👍🏻仲有酒精種類都幾多，sake、有酒精嘅沙冰等。好chill☺️食物依然精緻美味，尤其壽司新鮮口感細緻，燒肉和炸物保留原汁原味。整體而言，呢間餐廳提供令人滿意的用餐體驗。無論係環境、服務定食物質素，都令人愉快享受。推薦！！！…查看更多