長洲鐵漢

營業中

休息中

💬 好耐冇入過長洲因為疫情期間好多人都會去嗰度玩又費事同人迫所以揀咗星期一去食完長洲著名魚蛋一路直行就會見到呢間串燒店店舖感覺上比較新而且唔係太傳統老店嗰種下午三四點都見到店入邊坐咗幾台客人見到門外餐牌嘢食都幾吸引種類都幾多所以就入去試吓店內空間唔算好大但係唔會坐得好迫所以就算食嘢傾偈都幾舒服-🍻店內裝修都幾得意 用咗呢一啲裝成櫈比客人坐又環保-🍢 最特色都係長洲炸奶皇包 脆卜卜亦有流心個人亦都好鍾意食炸燒賣同埋翠玉瓜朋友就鍾意食花枝丸🍜 撈麵我哋三個人食都覺得比較辣如果可以就咁完美相信會吸引更多食客-🍆 點咗燒茄子 落咗好多調味粉所以比較鹹如果蔬菜類少啲調味粉相信會比較好-最後嗌咗炸豆卜 因為我哋一共三個人見到佢圖片顯示有三塊所以諗住每人可以試吓點知最後原來只係得兩塊-🤔 串燒店喺長洲係比較特色亦都唔會咁容易同其他色店撞但係食物唔算話好特別不過不失

另一間好想係長洲試既小店就係呢間串燒店😍雖然夜晚長洲會有啲車仔檔 都有串燒食但呢間嘅特別之處‼️就係有炸平安包不過留意返 呢間收8點㗎 想食就早啲去啦😉——————————————————🍴脆脆平安包($28)平安包有分流沙奶黃定芝麻味倉庫妹👧🏼就揀左奶黃味包既外層唔會好厚 食落有啲似炸饅頭加埋奶黃味內餡 不太甜👍🏻連屋企人都話值得一試🤭——————————————————🍴椒鹽炸燒賣($15)🍴椒鹽酥菇($28)2款串燒都椒鹽味十足😛全部都炸得好脆 而且炸粉唔厚燒賣仲係魚肉燒賣嚟 唔係得舊粉個啲☺️炸菇方面 脆得嚟之餘 入面係勁juicy🤤直程係好似係台灣食嗰啲鹽酥菇🍄——————————————————🍴冰鎮咖喱魷魚蝦籽撈粗($45)平時喺出邊食開嘅咖喱魷魚🦑都無乜辣味但呢個辣味超岀🔥😂而且魷魚有冰鎮過既關係 好爽口👍🏻上碟個陣直程係雪櫃攞出嚟🧊不過個撈粗就硬左啲 煮淋啲會正啲

延續長洲閑情之旅.剛剛在熾工房食完炸雞🐓午餐.午後橫街人流並不如往.啲舖頭有好多並沒有開門營業！我哋在近碼頭惠康超市後街即是（新興街）見到一間食店名叫（長洲鐡漢）賣的是港人熟悉港式串燒.依度串燒有好多打卡本土特式.串燒長洲平安包.鹹蛋肉餅等等…….這店是在今年三月才新張營業.我哋見個招牌幾特式.賣點係長洲第一間嘅串燒店.所以一淤入去試吓佢哋嘅美食啦！入到去舖內發覺好像台灣啲小店.走懷舊鄉村路缐.用嘅係木枱.櫈都係用汽水盤疊高嗰種.幾獨特！點餐如下：1. 炸大腸 X1 $28元2. 日本牛肉可樂餅 X1 $18元3. 串串粟米串 X1 $38元4. 黎姿 X1 $28元5. 金菇肥牛卷 （辣）X1 $22元6. 雞腎串 （辣）X1 $15元7. 廣島蠔 X1 $38元8. 煉奶油炸鬼 X1 $18元9. 罐裝：可口可樂 X1 $10元10. 枝裝：竹庶茅根 X1 $12元📌長洲鐵漢 (長洲)長洲新興街65號地舖

一場入到長洲特登找一些美食。燒烤過的奶黃平安包十分好吃。特色串燒荔枝包豬肉，口感清新。但燒海鮮份量極少。燒茄子應該是用了蒸的方式烹調不是燒烤方式……店舖裝修懷舊有特色，手工啤酒的味道不錯。

幾年未曾踏足長洲，老店依舊仡立不倒，新店各出特色爭鳴。特色串燒，送上無限的驚喜。平安包是長洲傳統特色，脆炸更是別有風味。外層香脆，內裡流沙；一試難忘😋。金蠔是漁港風情，非常惹味。軟殼蟹外脆內軟，火喉控制得宜；暫時是食過最好食的一間⭐。臨走想再叫一份先去趕船，但已售罄；期待下次與它的緣份。其他港式串燒也不錯，價錢風儉由人。親民有豚肉秋葵卷，炸五花腩，十幾至廿幾一串有三件。食豪一些有香草燒羊架和廣島蠔。

放假難得去長洲一日遊 當然要plan好全日嘅美食之旅啦😋之前係ig見到呢間新開嘅特色串燒店 即刻bookmark左🥸餐廳好近碼頭好易搵 當日傍晚去到唔使等位即刻入座🥰餐廳環境走港式懷舊風 好有時代嘅味道串燒有好多選擇 大部分都好有香港特色 好啱胃口👍🏻全部都又靚又惹味 打卡定食飯體驗都係一流🥰㊗️脆脆平安包（流沙奶黃）($28)呢間串燒店主打嘅一定係呢串炸脆平安包🤩簡直係長洲限定啊 打卡嚟講好有gimmick 啊😍炸過嘅平安包外脆內軟 熱辣辣食內餡仲係流心的而且奶黃唔會太甜 果然炸嘅食物都一定好食！🥰🍜鐵漢撈丁 ($25)行左全日好想食返啲澱粉質滿足下 就叫左個招牌撈丁🤣唔好睇佢細細兜 其實好滿好足料㗎👍🏻撈麵麵質偏幼而彈牙 吸到唔少撈麵汁 醬汁味道特別又惹味 鹹香得嚟仲有啲孜然香🥰🐓雞軟骨串 ($15)🐔雞腎串 ($15)🍗辛辣明太子手羽 ($18)雞類串燒我哋就嗌左呢3款 果然好惹味啊🤩雞腎表面滿佈孜然調味粉 食落爽脆又香口雞翼入面塞滿明太子餡料 冇骨雞翼食落特別爽啊🥰香辣風味嘅明太子 配上油香滿滿嘅雞翼肉 正啊😋🦑酥炸墨魚咀 ($38)🥟椒鹽炸燒賣 ($15)🐄鹽燒牛舌 ($28)

中餐午唔想食西餐pizza意粉，不如試下風味串燒，素食者唔食海鮮，估唔到都好多蔬果選擇，仲可以加串脆脆平安包做甜品和打卡。長洲鐵漢裝修有特色，大概是日式居酒屋混搭港式情懷，外面可以立食。這店原來跟隔離另一間打卡名店長洲角酪係同一集團，講開又講那間長洲角酪已經在太子開了分店，所以都無特別想吃。入面就係走一種玩味情懷Style，唔係坐得好舒服果種。見到這個牌有寫住素食正野，我諗這幾個可以放心叫。點餐自己畫紙仔，十幾廿幾咁，好容易就過百。翠玉瓜 HK$15/串只能說出街食菜真係貴。腐皮角 HK$18/串我以為係腐皮，但食落又好似有魚蛋味，建議落單都係講清楚食素比較穩陣。椒鹽酥菇 HK$28/份OK啦，個粉有少少辣意。蒜燒原條茄子 HK$38/份我最期待的部分，素食主菜就要這樣才夠飽嘛。茄子可以揀辣或不辣，我揀左辣都唔算非常厲害，正常人應該都食到嘅。原條茄子切都無切有點無從入手，如果貼心一點會切開幾件方便人拮來吃囉。這餐起碼可以一次吃到幾款原型蔬菜，燒烤醬亦有風味，整體都滿意既。不過我無特別問醬汁是不是素食，希望無加古怪野啦。

去長洲見到好多人介紹呢間串燒店，就去打個卡，因為時間仲早就唔係好多人，成個裝修餐廳都好有心，所以見唔少遊客係咁影相打卡！講到必食 應該係印有長洲嘅奶黃包，外表係長洲必食嘅平安包，一咬開就流出奶黃，好正！燒茄子燒後都可以保持水份，味道剛好，都算唔錯！但唯一失望係個燒燒賣，作用燒賣外好者，滿心歡喜，但一咬就咬極唔開，入面乾曬水，好似食緊好好好硬嘅餅乾，真係令人失望！燒大腸算大粒，但有粒都係燒到乾曬水，好似食緊乾蕉咁

看完日落食埋晚餐先離開長洲，最後一站揀了去「長洲鐵漢」食串燒，小店主打長洲地道 Fusion 串燒菜式，有提供普通串燒，又有獨創多款特色串燒，包括黃金脆脆平安包串，串串金蠔，鹹蛋黃臘腸餅等等，好地道風味，食串燒最好就係配啤酒🍻食，小店仲有手工啤選擇，我哋揀了四款手工啤各有特色，自己最喜歡鐵觀音茶啤，好香鐵觀音茶味幾特別。個人幾喜歡冰鎭黃金咖哩魷魚🦑 ，辣辣地，超爽囗夠過癮必試。想推介蜜燒鹹蛋黄臘腸餅，燒得好香，食落鹹甜交織，味道比較濃郁，加埋鹹蛋黃，更好吃。其他串燒我都覺得燒得唔錯，牛舌，豚肉秋葵卷，腐皮角，雞軟骨串。

脆脆平安包(流心奶黃) $28/串呢間餐廳其實係一間串燒店，賣嘅串燒都好特別，下次有時間嘅話會入去坐低試多幾款😋 今次趕住返碼頭搭船，所以只係試咗最最最想試嘅脆脆平安包🤩 平時啲平安包多數都係蓮蓉、紅豆、黑芝蔴，呢到竟然有流心奶黃餡，仲要係即叫即炸🤤 咬開嘅時候真係要好小心同細細啖，如果唔係就會焫親🤭 平安包嘅表面炸完就好似炸饅頭咁脆卜卜，然後個餡唔算好流心，但係奶黃味好濃，估唔到炸平安包都幾正🤤 掛住食，咬開之後都唔記得影相😂

來到長洲，想掃下街，揾啲街頭特色小食，行行下見到一個好有氣勢的店名《長洲鐵漢》便停步看看，原來正好有很多特色小食，所以便進店內試試。我們叫了幾款串燒，當中賣相最有特色的就是脆脆平安包，一串有2個炸包，外皮炸得金黃香脆，並印有紅色的平安二字，都幾有gimmick 㗎。

☑️脆脆平安包（流沙奶黃） - $28平安包係長洲特色，黎到呢到緊係要食個，平安包仔一串2件，好有特色，係得長洲鐵漢呢間串燒店有，除左外表吸睛，味道都真係吾錯。個包皮炸到好脆，而入面奶黃流心都真係好流心，一咬就爆汁，奶黃調味都好正，好食過一d酒樓🆗蒜燒原條茄子 -$38呢個差d,冇市區串燒店甘好味。佢雖然叫蒜燒茄子，但係都冇咩蒜蓉，所以都冇咩蒜蓉味。佢有辣有唔辣，叫咗辣所以有啲辣粉，但都吾太辣，吾夠惹味☑️風琴豆卜 - $15平時都會喺麻辣燙/車仔麵先食風琴豆卜，因為佢索湯汁一流，而燒烤嘅風琴豆卜就有另一番風味，表面燒到好脆，食到佢本身嘅豆味，但佢都係吸湯好食d🤣

上次去長洲之前都做左少少功課，呢間串燒店🍢係其中bookmark左嘅一間，原來就係長洲角酪🥤隔離，仲好近碼頭⛴⚓️所以一落船就去左呢度醫醫肚先😋店舖雖然走懷舊風，仲放左好多以前嘅藝人相，但環境都好乾淨，打卡好有時代嘅味道📸🐖鹿兒島一口豚肉 $18性價比最高⬆️唔好睇佢細細粒，入口好juicy😋外脆內軟，燒得剛剛好🍜鐵漢撈丁 $25見到個名即刻想叫，果然無失望，撈丁夠彈牙，調味都超惹味，食完一啖又一啖🤭🍄雞髀菇 $12呢個超驚喜🤩$12就食到超大塊菇菇，平衡下食左咁多肉嘅飽濟感👍🏻🦪廣島蠔 $38唔好睇佢細細粒，入口依然爆汁，唔會燒得太乾而硬左🫶🏻🐄金菇肥牛卷 $22 正常發揮，不過肥牛略嫌燒得太耐🕒失左應有嘅肉汁 可以skip😿

呢間鋪喺角酪附近，去完角酪買野飲，仲可以拎埋入去飲。因為唔算特別肚餓，只係叫咗少少燒物加小食。1. 小食：🤩冰鎮咖哩魷魚平時食咖哩魷魚都係熱食多，第一次食冰鎮版，食完好有驚喜。一開始以為變凍咗啲魷魚無咩辣味同埋會好硬，點知都keep到辣味同埋彈牙，底嘅白蘿蔔都炆到幾霖，索到啲咖哩汁。如果夏天想食咖哩魷魚，又怕好熱，可以試下呢個。2. 燒物最尾叫咗五串串燒，最令到人深刻嘅都係脆脆平安包同埋臘腸餅。🤩脆脆平安包（奶黃）個感覺好似食緊舊流心奶黃嘅炸饅頭，外脆內軟，咬完之後啲奶黃流哂出黎，同埋好有長洲特色 （最好攤凍小小先食）。🤩臘腸餅平時屋企人蒸臘腸我都唔會食，但係呢塊臘腸餅比我想像中好味，好似食緊一塊好juicy嘅豬肉乾咁，一咬落去啲肉汁唧哂出黎，不過有少少咸。其餘都有食嘅三串，分別係霜降一口牛、鹽燒牛舌同埋台灣直送雞腿燒，三串嘅味道都唔錯，不過無太大驚喜。

星期六到來，午飯時間過後想吃點小食，本來想食魚樂但沒開門，走走吓便來到最近比較吸睛的長洲鐵漢吃點串燒，因剛吃完午飯所以沒點它們的招牌串燒平安包，點了一個串串金蠔（$68.-二粒）二串台灣直送雞腿卷（$38）一串炸雞皮（$12）和一串鹽燒牛舌（$28）和一份金沙鮑魚（$45）。上菜時間很快，叫的食物轉眼到齊，先品嘗串串金蠔，說實話我從沒吃過這麼差的金蠔，皮不脆肉又霉，不知道是蠔放久了還是怎樣！炸雞皮就正正常常，香脆可口！鹽燒牛舌這個我都不知道是鹽燒還是黑椒燒，整個牛舌表面都是黑椒，而且牛舌還有點硬😵‍💫最後台灣直送雞腿卷，這個皮脆肉嫩，只嫌如果能有些味粉供應更佳。風沙鮑魚炸蒜香口，小鮑魚切件炸起不錯。整體來說不過不失，未必會再光臨！