長洲金冠茶樓

營業中

休息中

長洲好似好少飲茶食點心嘅地方，呢間金冠茶樓係第二次食，因為好近碼頭，落船後好就腳，所以就揀咗呢間嚟飲個茶坐吓～ 呢度非常懷舊，有架點心車響門口，要自己出去攞點心入嚟～ 店員態度幾好，幾nice。食物質素都可以接受，唔可以話好好味🤣叫咗燒賣、排骨鳳爪、牛柏葉，燒賣味道不過不失，排骨有啲梅，鳳爪正正常常，牛柏葉爽口。🍵不過叫水仙都係俾鐵觀音😂😂 茶味都甘香嘅～ 只係我好想飲水仙😂😂🤣總括嚟講，有舖飲茶癮嘅朋友經過都可以坐吓。

去到長洲想飲茶見到廣場位有間茶樓咁就衝咗去飲茶啦不過…啲嘢食又真係一般般我但係嗰刻心血來潮好想好想飲茶就冇辦法啦所以食咗少少嘢都冇再食啦不過呢度有樣嘢好特別就係個感覺好似返咗80年代左近因為佢哋係自己行出去拎嘢食㗎我諗而家香港都冇乜地方係咁樣依家好多都係點心紙落單所以你感受一下傳統嘅氣氛都幾好嘅不過下次嚟我未必會再食啦如果真係嚟到好想飲茶都可以過嚟食下嘅

搭船入長洲其中一個重要節目，就是在船上食飯。試想想，香港有多少交通工具准許乘客進食？就是沒有，除了渡輪！我小時候記得巴士也可以吃東西的，後來所有巴士變成冷氣巴士後，便沒有這支歌仔唱。在船上食飯，特別有風味，也能節省時間。可惜因為現在有限聚令，不能在船上食飯！大家也希望早日到4月21日，解聚令解除日。今天想介紹這間十分近碼頭的金冠茶樓。長洲另外有金冠大酒樓，是飲茶的地方，這間金冠茶樓對我而言是買义燒飯上船食的地方。這天我轉轉口味，不食平日多吃的义燒飯，叫了兩餸飯，但這兩間兩餸飯與外面的兩餸飯差得遠了，不但選擇少，而且經常是涷的。例如這天買的兩餸，我叫了荷蘭豆及麻婆豆腐。荷蘭豆鋪在面，到我吃時已經涷了，而豆腐又沉底，我差點食完飯才出現，賣兩餸的店員不夠體貼，不懂把兩餸均勻排列。因此我結論是它的义燒飯可以接受，兩餸飯便只能說勉強可吞嚥。餐廳另外一個缺點是沒有水吧，沒有奶茶咖啡，甚至連汽水也沒有賣。

長洲有兩間金冠，後街門面光鮮幾層高係金冠大酒樓，這間海邊的係金冠茶樓。衛生環境驚嚇程度爆錶，神級惡劣可怕！極具精神壓力，邊食邊膽顫心驚，實實在在的生活體驗，我不入地獄誰入地獄？地板、餐具、蒸籠、枱櫈、天花、調味料。蟹子燒賣、豉椒金錢肚、四寶雞紮、豉汁鳳爪、咖哩魷魚、豉椒排骨飯。蟹子燒賣，橙色的蟹子呢？太生猛跳走了？濕淋淋腍啤啤的肉醬，溶掉的口感有點恐怖。豉椒金錢肚，腍啤啤有少少爽，散發著牛羶味道。四寶雞紮，腐皮濕潤嚥韌，魚肚細細舊爽爽的，雞柳霉爛味濁，火腿結實略咸，芋頭我不吃的。豉汁鳳爪，甩皮甩骨程瘀啡色，賣相可怕，濃濁陰沉味道唔難食。咖哩魷魚，腍啤啤魷魚鬚，軟笪笪魷魚身，咖哩味是有的。豉椒排骨飯，霉肉排骨使人討厭，濕濕飯粒更令人討厭，咸味重的甜豉油不喜歡，求其食晒排骨就放棄。