長洲角酪

營業中

休息中

下一站長洲😎 相信要真正聽到呢句會有啲難，不過喺長洲站前打卡宜家就可以做到👏🏼👏🏼 🍁 甘露角酪 ($42)甘露係指楊枝甘露， 黃黃紅紅果肉配上用士多啤梨切成嘅楓葉，齋睇賣相已經好吸引😍 本以為乳酪會好漏，不過佢酸酸甜甜，連埋啲果肉，好清新👍🏼呢個週末長假期長洲真好多遊客，而呢間IG熱店更係塞滿左人大排長龍🙈🙈 不過💛店當然唔會見到人多爆滿就閂閘😌 而係會再努力啲招待各位支持者💕———————————————————————

難得去到長洲，要去最近人氣店，被藍色白色磚牆吸引，好似長洲站一樣，假日大排長龍，比想像中快，大約15分鐘，飲品到手。花雪角酪 $45每日限定20杯，一杯飲得的芝士蛋糕，藍白漸變色，有雪花圖案，感覺很夢幻，最上層有脆卜卜餅碎，濃厚咸香cream cheese，酸酸甜乳酪，加上淡淡檸檬香，有層次，有啲似木糠布甸。桃桃角酪 $36乳酪味道酸酸甜甜，質地唔會太杰身，入口順滑，用了新鮮蜜桃，味道天然，一邊飲食到啖啖果肉。

去得長州就緊係要跟下風去地鐵站打個卡啦🤣個日超級多人，行入去已經有30隻空杯係枱面😅我真係好鍾意mango，所以叫左杯芒芒角酪，出去行十幾分鐘啱啱好整好🙈上層係乳酪，下層係芒果粒同汁，仲有啲紫米🤓紫米既口感幾唔錯，飲起無咁寡，但食唔到啲芒果粒，有點失望😗酸酸甜甜既味道拿捏得幾好，不過飲到後面有啲甜，聽到店主話已經少甜左，可能我自己慣左酸少少既飲品😛佢既乳酪唔係話好有驚喜，真係去打個卡咁，不過都值得一試😌但個日間鋪真係塞滿曬人，要影張相都好難，所以環境扣左啲分☹️

芒芒角酪 $36藍莓角酪 $34簡直係長洲新地標😂老公睇到張相天真地問: 乜長洲有地鐵站？究竟佢扮傻定真傻？不愧為人氣飲品店，離遠已經見到人群!! 諗住見隊就排...排左大約10分鐘，點解條隊唔郁既😅原來果條隊啲人係等拎野飲...收銀處係右邊🤡 計埋我排錯隊，我諗大約等左30分鐘🤓最近愛上左yogurt既我，當然要嗌角酪酸奶系列😍 飲落真係好幼滑，奶味好香濃!! 好喜歡佢既質地唔會太杰，而且唔甜!! 本身怕芒果、藍莓會好甜，因為超市既水果味yogurt係超級多糖🤮問店員有無得微糖，店員都話本身飲品得好少糖，依點的確有啲驚喜😋 另外，芒芒角酪同藍莓角酪都同樣有粒粒紫米係杯底，咬落好煙韌，食到飲品更加飽肚😌 下次一定要試埋卷蛋，見到好多人食，但我實在食唔落了🤣

好多地方都有介紹長州角酪，好好飲 難得入黎緊係叫一杯試下，叫咗一杯紫米草莓角酪，好好飲 有得食又有得飲，紫米配乳酪好好飲，加埋士多啤梨，唔會好酸，啱啱好，去長州一定要試

🍴甘露角酪 42 蚊自家創既甘露角酪 有芒果🥭 紅西柚 鮮柚子 勁多果肉 柚子酸同乳酪好 match 正 🍴百香果角酪34 蚊🥛百香果新鮮 夠酸甜開胃 勁多百香果種子 正#酸奶 #乳酪 #黃店 #黃色經濟圈 #黃藍是政見好食是良知 #紅柚子 #西柚 #百香果 Score 平均分< 7.5/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻👍🏻Decor&Hygiene 環境衞生：👍🏻👍🏻👍🏻Value for $ 性價比：👍🏻👍🏻👍🏻Service 服務：👍🏻👍🏻👍🏻~~~~~~~~~~~~~#長洲角酪長洲新興街78 號地鋪~~~~~~~~~~~~

夢幻獨特配搭酸奶飲料🥤🍰✨呢間良心小店店面唔大，不過裝潢好有心機，幾有代表性🤩卷蛋非常熱賣，下午到訪已經售罄，隔日早上再訪都只剩角酪卷選擇😱想品嚐卷蛋嘅朋友要預早啲時間啦😉😝🍰角酪卷 $38 (6/10)碟豆花汁為外層塗上藍綠色，甚為特別卷蛋濕潤軟熟，但味道淡然內層為乳酪和草莓嘅組合乳酪味輕淡中有陣奶脂味，感覺清新，不過唔會好綿滑內層比例上多啲會更好整體口味偏淡🍼藍莓角酪 $34 (7.3/10)好特別！係獨有嘅味道藍莓酸奶攪勻後味道濃厚，口感少稠，有啲似milkshake嘅質地藍莓味自然唔假，清新度足夠中和滯感底層有粒粒煙韌紫米加持😋😋帶有紫米回香整體甜度輕盈📍長洲角酪長洲新興街78號地舖

久違嘅長洲郊遊,食完BRUNCH後周圍行下, 消化咗大半就去咗長洲角酪飲嘢。去到離島梗係都要幫襯良心小店。其實想飲好耐, 但次次都因為太飽/唔記得咗而冇飲到。所以趁今次HEA遊, 就點都要留肚去飲!今日係星期四,大概3點到都有啲人。我地見到側邊BAR枱有位就即刻一個坐低一個去ORDER🤭ORDER左兩杯好靚嘅Yogurt – 花雪角酪 & 甘露角酪。花雪角酪 嘅味道就係檸檬cheese cake味, 而甘露角酪入面就係芒果同柚子。兩杯YOGURT店員都叫我地攪勻先飲, 兩杯都勁好味，甜度啱啱好😍。

嚟到LONG J除左要食大魚蛋之外, 而家就當然要去飲下yoghurt lar! 有睇開IG foodie的你一定都見過呢間小清新的長洲角酪^^🙉around 5點左右到, D cake都賣唒嚕, 好在仲有yoghurt的! 叫左個百香果味, 入面係有真果肉GA! 飲落酸酸甜甜, 好refresh! 仲辰食到百香果籽, 幾有咬口.另外就叫左杯strawberry, 會放左D士多啤梨片係杯中間, 影相都好D~ 味道都自然有果香的! 🥰🥰

放假難得出外感受大自然，近年多左新式餐廳進駐長洲，其中尼間飲品店有特色既瓷磚做裝飾，岩哂打卡。而且吸引唔少年輕人前往，星期六lunch時間店面非常多人。叫左莓莓角酪($38)，角酪卷($38)。飲品店主打乳酪，水果口味選擇亦多，飲品賣相及打卡牆非常吸晴。成杯顏色都係夢幻既粉紅色，拎上手好治癒心靈，加上剛剛好有片心形既草莓係外圍，令到成杯飲品好有公主感覺。草莓味既乳酪非常香濃厚滑，而且乳酪屬於稠密口感，所以口感豐富。而且估唔到底下仲有紫米，仲同乳酪好夾添。鋪頭既卷蛋係售完即止，今次黎到已經賣哂大馬士革卷，可見非常受歡迎。而角酪卷用左蝶豆花既綠色黎作為外層，內層係濃烈既草莓乳酪，卷蛋非常鬆軟，而內層creamy，值得叫。整體，飲品消暑解渴，而且清新。難得精心設計鋪面及食品，支持。

全長洲唯一嘅潮流飲品店，專賣酸奶、梳打、果花茶，仲有捲蛋系列。店舖裝飾得好別緻，最吸引嘅莫過於”長洲地鐵站”嘅打卡牆壁。週末中午時間黎到已經人頭湧湧，但係都唔洗等好耐就拎到飲品。芒芒角酪($36)，上面係乳酪，下面係芒果，搞混後仲有一絲絲黃色嘅花紋，原來仲有紫米係底層添。乳酪非常濃厚，加上芒果嘅酸甜味非常夾，紫米為飲品添上口感，飲完之後飽足感十足。角酪卷($38)，一杯飲品點可以少得一件cake！依個角酪卷係蝶豆花的蛋糕捲上士多啤梨乳酪，賣相顏色一流，因為蝶豆花本身冇咩味，所以更能帶出濃郁嘅士多啤梨乳酪~黎到長洲，真心推薦大家黎長洲角酪試下，飲品同捲蛋都好高質，而店鋪處處都係打卡熱點，啱哂一班文青黎依度坐底吹水歎下好西~

去過長洲幾次，都經過呢間店，但就冇試過，今次朋友話想試就去左試，試左2款飲品，第1款係佢最出名既佢招牌寫既飲得既芝士蛋糕，同埋芒果甘露乳酪，佢賣相吸引，佢出面個個雪花係食得，啫喱質感，乳酪就係少少傑身質地，佢飲落又真係好似食緊芝士蛋糕，面頭有碎餅，就好似食緊芝士蛋糕餅底咁，甜度適中，好有驚喜，雖然都成40幾蚊但係值既。另外個杯芒果都係好飲佢係生果底，飲落係芒果味但唔會好濃，主要都係乳酪味出d，又唔會好酸既乳酪。真係試完下次一定會再飲

角酪有個好多人都影黎到此一遊既background🤣🤣🤣 今次我就無影啦叫左杯 柚露疏打，招牌野黎 幾清新🤣柚子味都幾濃本身想叫角酪飲 但係準備去食飯就下次先啦😈

每次黎到都要飲返杯乳酪，對上一次黎已經係幾個月前，當時就叫左杯莓莓角酪，個士多啤梨切成心形咁，好睇又好飲。今次黎到就同男友一齊飲百香果角酪+桃桃角酪。但呢2杯打卡就冇咁靚，變到全部白色好似奶昔咁。桃桃角酪比較甜，有桃味清香，不過因為果肉打到好碎，所以冇乜咬到桃肉，覺得有d美中不足而百香果如果咬碎左d核，就會覺得比較酸，個人唔係太鐘意飲呢杯，不過百香果營養價值較高，又可以通便，想健康d都可以一試。店內出名既除左有特色乳酪外，仲有個長洲地鐵打卡牆，好多人都會響度影相

今日放假就嚟到長洲玩下, 而家都冇得去旅行所以去長洲真係港人一個小放鬆, 不過人就真係多左D, 大家要好好保持social distancing lar!. 行到最旺個條街後一定會見到呢間藍色小店, 因為真係好hit勁多人!!! CAKE 都賣哂了, 想食真係早D到會好D~ 所以我地就只叫左yogurt drink!! 一杯係士多啤梨味, 入口係幾有texture嘅乳酪, 士多啤梨味都幾重, 但就甜左小小的, .另一杯就叫左百香果, 呢杯就好有驚喜啦! 入口食到百香果粒粒, 因為mix左之後會酸甜酸甜咁, 好refresh ar!!