長旺滷味大王 (葵芳)

係葵廣食完晏，行完街，走去盛芳街買滷味返屋企做晚餐。鵝肉飯（$57）鵝件約有六舊，有肉有骨，無咩肥膏。最上面仲舖咗一層啖啖肉嘅鵝片，有五片。底有半磚切件滷豆腐，仲有少量辣菜脯。整體份量多，味道亦不錯，鵝肉嫩兼有咬口，滷水味合適唔會好咸。滷什飯（$52）估唔到份量咁多，而且滷什款式亦多，有豬耳、豬大腸、豬腩肉、豬肚、豬脷、鵝腸、鵝腎、鵝肝、滷雞蛋、滷豆腐、辣菜脯，真係咩都有啲，啱哂貪心鬼嘅小弟。各款滷味嘅味道都唔錯，最緊要係無怪味臭味。獅頭鵝翼（$38）諗住兩盒飯啲餸唔會太多，所以加多隻獅頭鵝翼加餸。普通鵝翼$18一隻、$50三隻，獅頭鵝翼一隻就已經要$38，係玻璃廚窗望到的確大好多，既然係咁，有大食大。一隻獅頭鵝翼斬開有六件，仲要件件都大大舊，味道比鵝件稍稍偏咸，肉質十分有𡁻勁。

係葵廣食完晏，行完街，走去盛芳街買滷味返屋企做晚餐。

鵝肉飯（$57）
鵝件約有六舊，有肉有骨，無咩肥膏。最上面仲舖咗一層啖啖肉嘅鵝片，有五片。底有半磚切件滷豆腐，仲有少量辣菜脯。整體份量多，味道亦不錯，鵝肉嫩兼有咬口，滷水味合適唔會好咸。

滷什飯（$52）
估唔到份量咁多，而且滷什款式亦多，有豬耳、豬大腸、豬腩肉、豬肚、豬脷、鵝腸、鵝腎、鵝肝、滷雞蛋、滷豆腐、辣菜脯，真係咩都有啲，啱哂貪心鬼嘅小弟。各款滷味嘅味道都唔錯，最緊要係無怪味臭味。

獅頭鵝翼（$38）
諗住兩盒飯啲餸唔會太多，所以加多隻獅頭鵝翼加餸。普通鵝翼$18一隻、$50三隻，獅頭鵝翼一隻就已經要$38，係玻璃廚窗望到的確大好多，既然係咁，有大食大。一隻獅頭鵝翼斬開有六件，仲要件件都大大舊，味道比鵝件稍稍偏咸，肉質十分有𡁻勁。