鐵皇日式鐵板燒 (已結業)

好耐無食過咁好食, 而又正中的日本菜, 咁嘅價錢, 可以食到一級的料!!!!! 佢嘅日式鐵板燒仲好過尖東0個間x菊, 我食咗A4和牛, 煎大蝦, 煎鵝肝, 三隻鮑魚仔, 牛肉薄燒, 炒菜......A4和牛和牛肉薄燒超香柔柔,煎大蝦和鮑魚仔超有口感又入味!!!其實炒菜唔係太好食, 一般般, 只不過想食d菜~ 可以睇住師傅哥哥一邊炒, 我地一邊食, 好過癮~ 我一定會再去, 因為我好想試吓個炒飯, 師傅哥哥仲話下一次去, 整個A5和牛同煎鰻魚俾我食, 一定好正!!我地一行3人, 每人平均食咗$450~ 佢依家整咗最低消費$200~ ok嘅~正中日式鐵板燒wow~

今日同祖兒去左元朗行街街、行到體育館附近見到有間舖好多人等位。咁跟住行去睇下有咩食la~....原來係日式鐵板燒....祖兒提意話試下好唔好食、我當樂意la~...因為行過門口已經有好香既燒烤味( 當時就算佢唔講我都會入去食la~ ^__^ )、等左一陣剛好有兩個位、好~~入去試下先。 首先講下環境先、整潔、衛生、冷氣夠。佢抽風系統做得好好、店內絕對無煙霧迷漫。枱面好清潔、一d油淋淋都無。(讚)另外冷氣充足、對住個鐵板食野都唔會覺得熱。(讚讚讚) 我地兩個人點左個多春魚、牛柳、金姑牛肉卷同三文魚炒飯。 多春魚 - 大大條、夠口感、加上小小汁，絕對好食。(祖兒係佢人生入面已經食過超過一萬條多春魚、佢都話呢間好食) 鐵板厚燒牛柳 - 用料新鮮、外面有小小脆、咬落去的時候勁多肉汁...正(可見師傅真才實料) 金姑牛肉卷 - 牛肉吸收左金姑的鮮味、金姑又吸收番牛肉既香味、絕對係最佳組合(唔知點形容、真係好好味) 三文魚炒飯 - 三文魚新鮮彈牙、用料十足、睇住師傅煮既時候已經流晒口水。(咁大個仔第一次食到真正既三文魚炒飯、超滿足、本人心水推介) 總結:師傅

是日師父大壽包了場，一行十人去了這新店試試少見的鐵板燒店子裏雖然地方不大，但可以看見大廚在自己面前即時整，真係ok喎叫了些食物一齊分享肉類︰牛肉粒，肥牛，羊X，鵝肝...海鮮類︰大蝦，八爪魚...蔬菜類︰豆腐...飯類︰三文魚飯...仲有其他野食架，不過唔記得了...牛肉粒同肥牛都好好味，燒得剛剛好，又唔會太生太熟個羊真係幾推介架~唔騷喎~好入味~我最鐘意係個鵝肝!!!!!YUMMY!!!!雖然一碟得四件~不過真係好得喎~大蝦都好食~我諗係我師父摯愛喎~八爪魚上個時大廚話這個會有點辣~有真係幾辣喎(本人不太吃辣)~燒豆腐就真係麻麻~日本既豆腐都係甘薄既??三文魚飯炒得得均勻，幾足料~食完之後，大廚仲示範玩火呀!!!!!!!!!真係超勁超型囉!!!!!!!!!我覺得好OK喎~HAAAA

Happy Friday 收工約兩位朋友試新嘢!! 就近近地去咗有人話元朗開o左間新嘅鐵板燒度試一試, 8點幾一去到, 見到舖內都已經爆滿, 可能因為舖子小小, 得11個坐位o既關係喇! 之後問d 待應幾點有位, 一問之下就知道到9:00 就有位了!! (後來才知原來可以打電話book 位的!!) 她亦都幫我們電話留位, 之後我打陣機再回來開餐. 9:00 再回來, 我們一坐下, 看看餐紙, 原本想點吃帆立貝, 但原來今日得大虎蝦, 鮑魚仔, 桶蠔. 鍾意食蝦的我們, 就點了 , 炒什茹, 鰻魚飯!! 我們一邊傾計, 一邊看看師傅為我們煮o既食物, 其他客人都一齊等的, 我看見其他客人點的食物都很吸引, (例如: 牛仔骨, 牛肉薄燒, 多春魚, 鮑魚.....) 看見他們一邊看師傅煮, 一邊食, 有些客人一邊一邊點頭, 示意好味!! 終於到我們的大蝦上碟喇, 大蝦加埋d牛油味!! 好好食!! 之後再上鵝肝! 一口一淡!! 正!! 羊架3件剛好一人一件(本身我唔好係鍾意食羊o既, 但個朋友好鍾意食, 當我一試之下, 咦~~又唔錯喎)! 都好好味!! 魷魚鬚辣得來好惹味! 安格斯

無意中發現元朗西鐵站附近新開了一家小型的鐵板燒, 今日難得約了幾個月沒有見面的老朋友食飯, 便找他試試新野...book了七點半的枱, 但我遲了半個小時, 餐廳的老闆細心地打了兩次電話來確認我的到達時間, 我說了遲到的原因, 他親切地說會等我...那晚我點了大蝦, 鮑魚, 和牛薄燒, 金姑牛肉, 炒飯... 我的朋友對吃很有要求, 他對大蝦及鮑魚讚口不絕, 而我則對和牛薄燒情有獨鐘... 以這個價錢, 能吃到酒店級的質素, 還能看到師傅的表演, 實在物超所值!!相信鐵皇這家小店, 會將成為我的飯堂呢~~

日式鐵板燒~在香港幾間龍頭店吃過~也認定了要吃這些就來這些地方吧~~~偶然的一個晚上~在步往西鐵站的路上發覺這間在轉角位燈火通明~而且有信心地用上落地玻璃摺門的店舖~內裡就只有一個鐵板unit~大約只有8-10個座位~很像早前在fb大熱的餐廳game setting~~~接過傳單後就離去了~在家閒閒地拿起單張來看~~反正是夜都決定在元朗找吃~就在五點左右打電話試試訂唔訂到~~~電話另一邊的男孩聲音態度很差~~覺得我在打擾他睡覺~每一句都聽得出他是睡著跟我對話~句與句之間再加插索鼻水的聲音~~~我簡直覺得有點不受尊重的感覺~~算了吧~~~過了近2小時~由於大比OT的關係~在離7pm還有10mins時致電到店舖說要改遲10 min~這次是女孩子的聲音~但態度好不了多少~”下~遲幾多分鐘話~?!?~”與大比會合後~第一句就說了聲~~想不去了…但電話還是通過了~~還是試試看吧…可能時間尚早~店裡人客還不多~預留了正中的位置~但店方安排有點亂~計過訂位人數之後又著我倆調過2個位~好讓其實客人組群排列到~ok..反正還沒點上食物~~沒奉上茶水前就已經問道要唔要點汽水烏龍茶~~我想要杯熱茶就可以了~

第一次抱住同男朋友試新野的態度去左一次，入到去都見到有好多人坐係度食野(後來先知原來全部都係等野食，我叫個炒飯足足等左我20分鐘)，咁見到有位，所以就入左去食，我地叫左一個鐵板牛柳、一個三文魚炒飯同一件牛油多士，d牛柳一點都唔吸引，食左覺得無咩特別，碟三文魚炒飯仲衰，d量又少，又唔好食(我煮仲好食過佢啦)，仲要將我地的份量分比其他人，賣相又差(用膠碗黎裝d炒飯)，而且唔平囉～件多士的煮法令到我好反感，我覺得同佢用黎抹鑊o個條布無咩分別～埋單的時侯仲要收加一服務，張餐牌都無寫到話加一，埋單總共埋左$100.1(一毫子都計～正常都應該四捨五入啦)，我同男朋友食完之後，大家都唔夠飽，仲要走去麥當勞食包，我以後都唔會再去呢間餐廳，簡直係垃圾～茶餐廳仲好食過佢～