鐵板 (已結業)

呢間餐廳d食物真係好差..經過門口, 比佢既"蟹棒野菌牛乳鍋"海報吸引, 冇考慮到點解黃金晚飯時間都冇人等位就入左去。個menu d 食物大大件又吸引, 但係真身就叫人極之失望!! order左:1. 蟹棒野菌牛乳鍋-- 係幾舊數得到既菇菌+ 兩條迷你蟹棒係一大兜牛油味既湯入面浮下浮下, 好似比人食淨先拎唻咁!!2. 山葵吞拿魚沙律-- 個size同menu張相嚴重貨不對版!! 唯有怪自己蠢啦.. menu張相都冇寫比例..　講番個味道, 都.. ok既.. 比平時食開既吞拿魚腥囉..3. 韓風汁燒牛肉-- 呢個已經算係較為正常的菜式, 但肥牛仍然比一般的"un"4. 廣島明石燒- 帶子魷魚燒-- 燒餅唔單止唔熱, 我地仲懷疑個餅漿未熟! 食落去好"粉"既感覺.. 至於服務方面, 待應態度一般, 但係d高級0既都唔見得好.. e.g. 會當住客人面前話待應的不是、添茶時會係客人面前近距離伸手拎茶杯(註:當時客人正在進食)整頓晚飯都唔好食, 呢間餐廳我以後都唔會再去!!

千萬唔好去, d 野好難食, 又貴.去完剩係覺得好唔抵

星期二晚同朋友係apm食野.因為之後經過過幾次都未入過去食,所以就同朋友2個去試下啦.嘩!點知...服務真係唔好講...好慢囉,人又唔多;但都咁樣樣...野食中下,幾個價錢可以有好好多囉!張相個肥牛鍋就真係好過分...甜到呀...地方係幾靜都叫做可以坐下咁囉!

同男朋友睇完戲，行過見到唔需要等位，就入左去做飯啦。一入去，其實都唔係好多客，但唔知點解要落order的時候，d侍應硬係睇唔到我囉，茶飲晒就更加唔會加茶。到d食物上枱的時候，真係好鬼慶，個燒餅都唔熱，只係暖，其他食物更加係凍的（我order的是熱盤），究竟整熱d食物係唔係真係咁難呀！總之一句，呢間野我以後都唔會再去！

星期天晚上，本來打算去元氣儲印仔做會員，但由於正值晚飯黃金時間，店外出現人龍。於是，便打了退堂鼓。男朋友繼而提議去MosBurger吃晚飯，誰知又是大排長龍。最後想離開商場之際，路經Teppan門外，意外地發現不用等位，加上當時我實在太餓了，於是二話不說便選了這兒吃晚飯。可惜！這家餐廳卻令我很失望。一進餐廳，其實有很多"吉"位，但侍應卻偏偏給予了一個不太好的位我們，枱細又在路口位。枱的面積細少得根本容不下多於兩碟食物，最後，我倆決定只點兩個菜︰野菜雜錦鍋+卷物一碟(實際名稱已忘記了, 只記得有4件)。可能店內職員看到我們只點了兩個菜，他們留下了一份menu給我們，好讓我們加單。而店內的captain亦都可能看到我們穿著得不太光鮮，加上只點了兩個菜，便ignore了我們這枱客，水飲光了不幫我們加水。最過份一幕是我等了over 15mins 之後，看到很多菜式從廚房送出了，但我們點的那兩個菜還未做好，我便向職員查詢。那個待應的回應，簡直令我目瞪口呆︰我︰請問我叫o左d o野食幾時會到？如果唔o黎我o地就走o架啦。侍應︰你o地叫o左一陣咋嘛！我︰一陣？起碼過了十五分鐘啦！同埋隔離枱遲過我o黎

前幾日同班friends行開apm~又見肚餓....見到哩間野d野食好似好好味..最緊要係唔駛等位.咪入去食囉~我地一行三人~叫左個燒餅..咖哩飯..一d都唔彩虹既彩虹卷..重有其他小食..食物..都ok既..但係份量就細份左d..味又...服務都ok啦~因為我地都算係幾煩~d waiter又無黑面..不時有人加下荼..不過..埋單..就貴左d.

七時後吃晚飯，由於不想等位，所以進了此餐廳。以前經過此餐廳，覺得菜式頗貴，所以沒有嚐試。今天三人行，點了一個二人餐，再加一客麵、一個燒餅和一客甜品。當中最好的是飯類，天婦羅也不錯，值得再試。可是，麵的醬汁味道有點怪，加上該麵是奄列形式，蛋比較實，所以個人不太喜歡。另外，點了的幾款食物是炸的，炸得非常脆。雖然味道不膩，達到水準，但是真的很「熱氣」。吃得多會令喉嚨很乾，不舒服。最後就是甜品，雪糕不錯。又點了香蕉船。雖然餐廳以炸香蕉作賣點，但本人嚐過後，認為都是傳統的較為美味。不過，可見設計菜式的師傅也花了不少心思。值得讚賞的是服務員的態度。可能是人手不足，上菜的時間很慢。但當我提出很多要求時，他們都很樂意效勞。即使菜式要等，他們也很有禮貌地交待，又不時加水。我見他們手忙腳亂，也能回應我的要求。服務真的不錯呢!說真的，總結食物質素和服務，結賬價錢是比較貴的。

差不多最後一間未食過既apm食肆星期六人迫迫既商場竟然唔駛等位已經有不詳預感美式既日本餐廳格調味架有tabasco本來係幾得意價錢同其他同場餐廳差不多貴不過結果份量比其他仲少侍應仲普遍魂遊難怪少人食主菜鮮蠔銀雪魚一件正方形小魚扒兩隻小蠔..只能夠講煮得好熟好安全串燒雞腎有三串算係最收得貨既火辣彩虹卷唔多覺辣亦唔覺有彩虹喎上面全部都係三文魚生同出面果d彩虹卷唔多同食完一大輪七八碟之後竟然都唔覺得飽要最後再叫一個非常普通的牛肉拉麵先僅僅夠再加一個芒果拿玻倫千層埋尾可能之前太普通呢個反而好鬆脆有尐驚喜喎埋單二三幾比朗豪既串神一還不行啊商場開張一年幾看來也是時候食肆輪換了

好耐無打食評....因為真係好忙....但呢間o野真係太太太難食喇, 所以都不得不上一上o黎話比大家知!!叫o左三款食物, 咩咩牛肉漢堡, 煙肉青口串燒同埋炸鰻魚條第一樣上碟既係炸鰻魚條, 唔, 初頭食落第一啖無咩o野, 普通, 但之後好唔對路...因為個汁蓋過哂鰻魚味, 但唔點個汁, 又完全無味!!第二樣就上個煙肉青口....完全是垃圾製作...佢係似白烚青口加兩個僅僅叮熱o左o既煙肉捲埋一舊, 淡而無味!!最後個漢堡先精彩...佢個鐵板o既意思應該係燒焦o左個包, 完全唔係新鮮貨, 叫六成熟o既牛肉係好似烚o既牛肉片, 好薄片, 乾到喊...老麥都好食過佢!!唔明白佢個鐵板係唔係只燒個包, 唔燒牛肉!! 仲要我o地等25mins...真係搵笨!!題外話, 入到去見到個open kitchen, 望兩眼, 兩個師傅即刻停哂手@@ 好似好唔歡迎人o地望住佢整o野食咁...都算啦, 侍應都好似好出奇點解我同我朋友會望入去咁...同埋我o地已經比左10% service charges, 點解找錢仲要打散哂d coins? 至憎d食店咁做!!餐飯唔係貴, 但官塘真係大把o野食好過呢間o野~

差不多最後一間未食過既apm食肆星期六人迫迫既商場竟然唔駛等位已經有不詳預感美式既日本餐廳格調味架有tabasco本來係幾得意價錢同其他同場餐廳差不多貴不過結果份量比其他仲少侍應仲普遍魂遊難怪少人食主菜銀雪魚一件正方形小魚扒串燒雞腎有三串算係最收得貨既火辣彩虹卷同出面果d彩虹卷唔多同唔多覺辣亦唔覺有彩虹喎食完一大輪七八碟之後竟然都唔覺得飽要最後再叫一個非常普通的牛肉拉麵先僅僅夠埋單二三幾比朗豪既串神一還不行啊商場開張一年幾看來也是時候食肆輪換了

昨晚去到APM只係想食d小食hea一hea, 係門口見個meau同和民差唔多而又唔駛等位所以入左去試軟殼蟹壽司($42) - 好似加州反卷, 只係入面加左軟殼蟹串燒拼盤($48) - 牛舌, 雞軟骨, 雞腎, 墨魚咀各一串, 而雞肉就有兩串, 大致上味道都ok, 尤以牛舌最好3支朝日啤酒($30/支)服務唔錯又有禮貌, 味道ok之餘至緊要唔駛好似和民咁排長龍, 下次去APM又多一個選擇

同兩個朋友去食飯，諗緊白木屋定呢間好，後來被裝飾吸引左黎呢間。3個人點左暖味豆腐條、炸洋蔥圈、是日燒海鮮(咁上下啦，唔記得exactly個名，果日0既是日海鮮係魷魚筒)、牛肉鍋、軟殼蟹沙律、雞軟骨、牛柳粒鍋飯、3個甜品。d野食真係麻麻，一般鋪頭都做到0既菜式，佢地仲要貴過人喎，魷魚筒入面都冇洗乾淨，仲食到畀佢入面支透明骨"吉"住。牛柳粒又硬過頭，鍋飯... 隊晒埋一"pat"咁，食唔出佢花過咩心機去整囉，失敗！食左成五百幾蚊，雖然係朋友請客但都覺得好唔抵，下次唔會再黎lu~仲有，張椅真係好硬，坐得唔舒服...

剛剛和幾個舊同事在APM吃了一餐dinner，想給回一些意見這餐廳；看過之前的食評，和今晚我的經驗作了比較，應該改善了。 我們點了刺身沙律，dressing 好味！ 炸雞軟骨、燒日本蕃薯、燒牛舌O.K.，每款約廿多元; 問個waitress妹妹有什麽好介紹，她推介了Rib Eye Steak 及海膽炒飯；兩款都沒有令我們失望! 侍應生好young，說不上pro 但幾好禮貌，我們頗多要求的，都沒有顯出不耐煩，笑容唔錯！ 食物份量並不是大堆頭的，但價錢都合理！其實我覺得算便宜的了，今晚每人夾了$120，超飽了。

昨晚跟中學朋友去apm 食飯，八個人食"鐵板"，初時我都有d 期望，美日式既料理，應該好似和民咁卦...點知..."鐵板"唔熱，只係以"鐵板"為碟食物份量小...質素一般(滑蛋係流質狀的)食極都唔飽，點了四五輪...一次夠喇，唔會再去

好多時都會到APM揾嘢食，因為就腳嘛！前幾天再次到過這間名為「鉄板200度」類似西日式的餐廳；對上一次都幾個月前了，餐廳裝修過，多了幾張梳化位，我們一行４人坐了在一張大梳化上，都幾舒服。餐廳內的裝飾頗有點日本居酒屋feel，用了木枱同埋四方木椅。我們點了十幾個散叫的菜式，食得好滿足，埋單時三百幾蚊，唔算貴！(喺度要唔該個主管一声，因為我們帶了一個生日蛋糕到場，原本需要付cake charge 的，但後來都無charge 到，又幫我哋揾理臘燭；令到氣氛好好)。我經常都會出街食飯，以每位消費不到$100的同類型餐廳來說，相當唔錯喇！觀塘食客上