鍾燴館 (已結業)

服務員算幾好招呼，叫咗乳鴿，好細隻但算好食、老虎斑，魚雖貴但算好食、椒鹽豆腐，普通，夠滑不夠脆、上湯娃娃菜，不夠軟身，長者不適、楊州抄飯，簡單一碟但好香好好食。埋單一千多元，總括黎講，食物質素算不錯，有機會會再黎，但座位質素確實有待改善。…查看更多

假日一家人陪媽媽到九龍城逛街，晚上行過見到呢間菜館就入去試試，估唔到鋪仔細細有驚喜，內裡雖然裝修一般，只有3張大檯及1張細檯，但感覺並不算壓迫，我們點了生炒排骨、椒鹽豆腐、清蒸老鼠斑仔、花雕蛋白蒸花蟹、紅燒乳鴿、大蝦煎米粉，下單後好快就上菜，各款小菜味道都好有水準，但服務就有進步空間，食完後還可慢慢吹下水。九龍城中菜選擇不多，這是心水之選，尤其是花雕蛋白蒸蟹及椒鹽豆腐，真是一試難忘，下次一定會再次光顧，非常推薦。…查看更多

今晚同親戚一齊去食飯一人12人，價錢同一酒樓差唔多，食物質素又好👍（忘了影相）最重要係服務態度超級好，反而搞到我哋唔好意思😊話說佢哋冇甜品供應，但係侍應主動話可以幫我哋過去隔離金滿堂外賣湯水仲有9折，到我哋差唔多食完老闆又好好禮貌走過嚟打招呼同講多謝😅。其實佢嘅價錢平均每人2百多d，唔算太貴，但係服務態度係令到大家非常滿意👍👍今時今日仲可以有呢種令人服務態度已經唔係好多食肆會做到，希望佢哋可以繼續keep到👍…查看更多

平時嚟九龍城一定係食泰國菜 點知比一我哋發現開咗一間小菜館 一於試吓先！裝修整潔舒服 很喜歡圓形的枱可以圍埋一齊邊食邊傾 有家的感覺特色小炒王非常香口！入面料很足 ，比較深刻係蝦乾同芋絲條的 愈𡁻愈香 送酒一流！潮式蠔餅 蠔仔肉大大粒，蠔餅炸得非常香脆好似薯片咁，點埋魚露一齊食 十分滋味油渣鄉下菜心 菜心吸收咗豬油渣油份後變得油潤鮮甜 ，食菜都忍不住一條接一條酸辣土豆絲 呢個係我好朋友都覺得炒得很好吃的一道餸土豆絲切得很薄，食起上嚟很爽脆而且調味得宜 辣辣地帶點酸 十分開胃菌皇炆伊麵菇菌也很足料 醬油唔會太鹹 炆得麵條又香又甜而且芽菜十分爽口 三樣嘢夾埋一齊食 滿足不過楊州炒飯 食到呢到仍然可清碟飯粒炒得粒粒分明 食得出應該有下鮮露之類的調味 連埋叉燒粒蝦一同入口 鹹鮮有致 酸菜魚 魚肉嫩滑 酸菜湯底酸香不會嗆喉底部有寬粉 曬湯嘅精華 粉條煙韌不爛 吃完呢餐很滿足很飽食糖水要留待下一次了…查看更多

經常都會係九龍城搵好野食，見最近開左間新野，一於試試佢，個人覺得有幾樣特別出色，小炒皇：小炒皇間間做法唔同，呢間加左炸到脆卜卜既芋絲，香口好好味，值得一讚，蠔餅：其實我好鍾意食蠔餅，但試過好多間一係太油一係太多粉漿，但呢間個蠔餅真係令我有意外驚喜，第一啖咬落去係鬆化再食落去d蠔係鮮嫩，一定要再返去食，醬油炒飯：最初係想叫個楊洲炒飯，但老板推介醬油炒飯，即管試試，一試上癮了，食左2大碗，好好味，另外乳鴿，酸菜魚都唔錯…查看更多

朋友生日🎂揀左中菜食，咁岩見到新開，好！一於試試佢👍🏻Book左5位，全店服務超級好，勁nice!坐得舒服又乾淨👍🏻首先叫左個bb鴿先，好香好脆，我自己本身都好鍾意食小炒皇，間間做法都唔同，呢間加入左炸芋頭條！好味開胃酥炸牛腩呢個我個人認為炸得過左火，但味道都唔錯，夠香口同特別麻辣烤魚呢個好正好好味！啲蔬菜吸晒啲麻辣湯，辣得過引酥炸蠔粒平時食蠔餅就多，今次試左呢個蠔粒，出色大愛香煎牛仔骨香口 正👍🏻👍🏻👍🏻成枱清晒老細好好，知朋友生日🎂出黎同我地飲左杯…查看更多

昨天約左三個朋友食晚飯，大家商量緊食乜嘢好，突然想起早幾日有個朋友介紹，佢話九龍城城南道開左間新菜館，味道唔錯，於是同朋友一齊坐地鐵去試下，岀左地鐵站行去都唔洗五分鐘，交通都好方便，菜館環境都算唔錯。剛剛同朋友坐低，樓面哥哥退刻攞餐牌過來招呼我地，問我地要唔要啲嘢飲先，我地先叫左两支啤酒，然後睇下餐牌有乜好食，樓面哥哥又過黎介紹啲菜式比我地，我地四個人叫左六個小菜，我朋友都算無介紹錯，食物嘅質素真係有啲水準，我最鐘意就係樓面介紹嘅東陂肉同小炒皇👍🏻，至於其他小菜味道都唔錯，以小菜價錢，埋單都唔算貴，招呼都算周到，下次都會再來試下其他菜式。…查看更多