鍾廚

營業中

休息中

呢間酒樓點心非常精美，我帶著三位長者，星期日來飲茶，由於只是早一日打電話訂枱，知客小姐說訂枱已滿，所以要來取飛輪候。由於酒樓免加一，所以人多排隊，有着數排長龍都是有道理的。我們點了龍蝦湯脆雲吞、香煎蘿蔔糕、鮮蝦腸粉、栗茸南瓜酥（覺得特別好味又應節，似足南瓜，迷你得來又精緻，餡料用了少少甜味的栗子蓉)、麻沙糖不甩、义燒包和水晶海鮮餃等。點心樣樣都熱騰騰的，座位也舒適，四圍食客多，也有氣氛，這就是中式飲茶的樂趣。

午餐約左媽媽飲茶，一直喜愛鍾廚一人餐，貪佢百鬆蚊頭盤到甜品樣樣有啲，唔洗諗。媽媽早到我叫佢叫住野食先，點知就出事啦........原來已經冇左一人餐！！！媽媽話知我唔鍾意食咁多肉，叫左啲冇咩肉嘅，睇一睇張單，全炸野咁濟......媽呀！好油膩，好，油膩，炸得唔好，表面成層油，成舊浸入喼汁到大清洗！味OK但真係太油！四喜烤夫，冇冬菇冇冬筍，烤夫入味，但太甜。珍珠雞正常，足料。蘿蔔糕，少辣微脆，OK!灌湯餃個湯好飲，好濃且甜，似煲翅啲上湯，一口氣飲左半碗，建議先飲湯先吉開個餃，餃皮一破，內餡油就滲出黎，湯變油膩。都係炸，甜版鹹水角，裡面係一堆栗子蓉，好甜。甜品熱食已經比較甜，仲係炸點，甜度真係不能咁高！食左半件放棄。一人餐可以避免唔擅長叫嘢食嘅人亂叫野食，今次食到我真係有兩聲咳，一人餐返黎啦好嗎！？

今日同老友記去時代廣場鐘廚飲下午茶。鐘廚星期ㄧ至五的下午茶大,中,小點有六折優惠,普通的茶葉免茶錢。這麼超值,當然吸引很多客人。兩點鐘取票,等了半小時才能入座。這個是玫瑰香片茶葉,是要加$30。加錢都叫是因為喜歡他的玫瑰花香,加上香片濃郁的味道,非常甘甜。這碟秘制叉燒,$48,內質鬆軟,肉汁多,叉燒味芳香。這碟煙燻鴨胸,$38,肉類嫩滑,彈牙。這籠鬆軟叉燒包,折實$16.2,包如其名,包皮真是很鬆軟。格子紅白腸,折實$18.6,賣相精緻,腸身滑滑。龍蝦湯脆雲吞,同樣折實$18.6,味道就不過不失。鮑汁扣鳯爪,$50,鮑汁香,鳯爪肉一咬就離骨,但有點油膩。日式芒果脆米卷,折實$18.6,芒果味香,米卷脆口。狀元蝦餃皇,每售$11,味道不過不失。全單$300有找,還免加ㄧ,在銅鑼灣區,真是物超所值。

今日約了兩位朋友去時代廣場鍾廚飲茶，朋友來自觀塘所以約地鐵站較方便，近排打風落雨，最緊要不用淋雨，地鐵站上蓋非常安全。一早來到時代廣場食通天，這裏餐廳多數10至13樓，我11am去了幾間中菜餐廳，星期日午餐，間間爆滿，沒法訂枱，於是排了一張3小時之後的位置，行陣街2pm再來吃午飯。準時入座，有卡位坐舒舒服服，點了滑蛋蝦球炒河（加＄10轉炒飯），麻沙糖不甩、龍蝦湯脆雲吞、芝士蝦春卷、鮑魚燒賣皇、蜜汁叉燒腸、豉汁蒸鳯爪、狀元蝦餃皇、爆脆腩仔及白飯一碗。樣樣好食，又無加一，正！

今日要去銅鑼灣買些日用品,又到鐘廚食午餐。午餐没有6折優惠,價錢就如一般的中式酒樓。很快就能入座。美味的鮑汁鳯瓜,值得一試。豬骨湯㡳湯飯。雞味很好。整體是不錯的選擇。

我們一家人，差不多兩個星期去一次飲茶，因時代廣場食滿＄350就可泊車三個鐘，以前為咗慳啲，等下午茶才吃，點心可有六折。但現在不等了，因正茶也不加一也不收茶錢，比其他茶樓以平，而他們的點心也不錯，只是人手短缺一點，加水加單埋單也很難也到人，最喜歡吃蝦餃和燒賣，是一個個點的，今次還叫了义燒試試味道也不錯，夠霖夠嫩，鹹水角味道好

雖然話係飲早茶。但其實都只係十二點前埋單啫。鍾廚並唔係一間好早開門既酒樓。主要食佢10至12點早茶。因為連星期六日都有早茶優惠。大中小點做六折，而且免收茶位。響銅鑼灣區真係超值。而且唔似普通賣卓頭既餐廳。呢度既大中小點都有好多選擇。兩個人叫左7 樣野食都係$132 埋單。當埋午餐食真係好抵。叉燒酥既酥皮唔會太油，但都好鬆化。叉燒分量適中，唔會太多爆晒出黎亦唔小。蔗蝦既蝦膠比較特別，係有切細粒左既蝦粒。話係瑤柱珍珠雞，無瑤柱亦無雞有蝦米、豬肉、咸蛋王。山竹牛肉有四粒，兩個人分啱啱好。龍蝦湯炸雲吞，雲啓皮既醶水味重。龍蝦湯有蝦味，但比較唏。排骨同金錢肚味道唔夠濃。金錢肚無左咬口既感覺，豆卜都唔夠入味。地方光猛、唔算坐得好逼。唔洗加一同埋收茶錢。而且無逼人埋單既感覺真係好好。對味道唔大要求既係一個好選擇。

上星期同父母試過晚飯知道早茶都係免茶免加一，今次就約老公、奶奶嚟飲早茶，早茶時間比一般酒樓遲，10點開始(岩晒我可以睏晏d)))，而且大、中、小點一律6折，非常抵食呢個價錢係銅鑼灣少有因為抵食，所以十點已經坐滿人，最好十點前來拎位野菌蒸魚肚有三大塊魚好入味滑雞銀絲卷睇賣相以為係鮮竹卷，入面有雞肉、粉絲等，味道和雞絲粉卷差不多，只是外層換了外層金醬炸鯪魚球炸得不夠脆豉味蒸排骨蒜味豆豉味夠特出，但是豬肉比較淋格子紅白腸紅色是紅米腸，很滑水晶海鷗餃皮薄餡料多，有蝦和白菜家鄉脆芋餅有驚喜，外型好似煎薄撐，好多芋頭粒配蔥粒，奶奶喜歡芋頭所以吃了很多，如果再煎脆一點就更好玲瓏野菌餃菌味很香濃三人吃了8樣點心，吃多少收多少，6折後每人約50蚊，超值!

早上父母到鍾廚飲早茶，發現這幾天時代廣場做推廣，晚飯還有85折優惠，便提議晚上到鍾廚試試燒鵝。晚飯和早茶一樣如選普洱都不用收茶錢，岩晒我地一家內裡中式裝潢配上西式卡位得特別，木椅的椅背也坐得舒適，完全不會有壓迫感。燒鵝皮很脆口，有油香而不膩，肉質嫩滑，用盤暖著吃十分貼心，但燒鵝浸在汁料太耐便略咸，建議快吃。甜豆醬油墨菜首次吃，甜甜咸咸很惹味，可能油墨菜吸油，整碟菜都比較油。西星斑蒸得剛剛好，肉質嫩滑，非常鮮味，長老們極力盛讚荷葉飯份量足夠六人分享，內有鴨肉、冬菇、雞肉等，飯很軟腍濕潤，我們每人添了二碗才分完因為有85折及免茶價錢非常實惠，最緊要父母吃很開心

今日老媽子突然話想約外父外母夜晚食飯, 我記得時代廣場稻香集團間鍾廚呢幾晚做緊85折, 即時打去訂枱, 可惜今日係星期六, 枱已訂滿。😌雖然知道鍾廚枱已訂滿, 不過我同老婆都預早去碰碰運氣。我地兩個未到18:00已到鍾廚, 好好彩, 店員安排到一張枱俾我地, 只要我地20:15前能交枱說可以。😍我地即時入座再致電四大長老。我地坐的六人枱係窗口位, 人齊時天都仲好光。鍾廚係時代廣場, 呢幾層好多食店。我地6點幾入座時天仲好光, 真正天光食到天黑。😂鍾廚裝修同擺設都幾有古中國色彩。呢幾日時代廣場搞緊優惠活動, 所以晚市小菜有85折。😍叉燒唔太肥不過都好腍軟入味, 牙力唔太好的長老都食得津津有味。燒鵝同叉燒一樣用火熱住上枱, 所以可以保存一路食麵咁熱, 燒鵝皮脆肉嫩。唔錯。豬肺湯杏仁味好濃, 豬肺都好好食。材料好多。油麥菜用甜麵醬煮, 幾惹味, 不過如果想食清淡d就唔太合適。西星班魚肉好嫩滑, 唔太大條, 應該約一斤左右。荷葉飯份量超級多, 雞肉亦都唔少, 抵食。不需加一同茶芥, 仲有85折, 好抵食。

有無人知道鍾廚其實係稻香旗下其中一間食肆？呢間新派粵菜嘅菜色以無添加、無色素、無味精作為賣點，希望俾到客人好似喺屋企食飯嗰種親切嘅味道！雖然有家嘅感覺，但係鍾廚都不失獨特風味。粵菜融合新派煮法，好有心思，比起屋企食飯多咗份新鮮感。唔洗一定要過時過節先約屋企人出街食飯嘅，閒時想煮少餐飯，去銅鑼灣食通天夠晒就腳啦！橙味？係！真係橙味，你無睇錯。同樣係涼菜嘅好爽口，淡淡香橙味原來配合蓮藕可以變成餐前開胃小食，真心佩服呢份創意！傳統粵式炒蝦球大家不論係去飲宴定係做節都已經食過無數次，難得出街食飯當然要食特別啲啦！個一碟裡面有香草白汁同甜酸醬兩種味道，蝦肉粒粒都好夠份量，食落又夠晒爽口彈牙！咕嚕肉大家就食得多喇，呢個就夠晒特別！碟同肉之間擺滿咗冰，外層凍冰冰又夠脆，內裡肉質熱得嚟又夠軟滑，咬落去仲要超級多汁添。成個菜酸酸甜甜，醒胃又消暑！食完一輪，最後梗係要食返個菜啦，，XO醬味道夠晒濃郁，配埋椰菜清甜味道同粉絲滑捋捋口感，惹味得嚟又夠清新。就算係食肉獸都會胃口大開！

時代廣場内的鐘廚是稻香的一個分支。ㄧ如稻香的分支,都是價廉物美。鐘廚每個月都推介ㄧ個12人的套餐--鐘盛宴。今個月家中有人生日,套餐内包含壽桃,所以二話不說,選了鐘廚興生。和一般的稻香的酒樓有些不同,環境裝修都很時尚,坐得很舒適。除了傳統的茶之外,還可加錢點不同種類的花茶。這個是今個月的莱單。鐘家六小碟。XO碧綠爆雙蚌，香口!脆網海皇卷,看似炸雞肶，吃下嘗到海鮮的鮮香。南乳醬脆皮雞,南乳香口,雞味足。杞子百合泡翡翠,ㄧ般家常菜餚。整體不錯,但今天上莱很慢,最後應上十二個壽桃,但只來了六個,需要追單,才上足十二個,令人有點不耐煩。

小毒毒豪食一人套餐❤️七款食物仲包一杯橙汁或紅洒🙂其實一個人都食吾哂🤣建議可以同朋友share， 環境亦都坐得好舒服潤燒妙齡乳鴿，燒得都幾香口！肉質吾會好乾身😉吾會好油膩！ 生拆蟹肉燴冬茸，十分足料～好似羹咁嘅質地，而且吾會太過咸😊蟹肉都幾多，食落帶啲清甜！仲有蛋白，冬菇，絲瓜，肉鬆等配料😊清清地蠔皇扣原隻四頭鮑魚🤤一上枱已經好吸引！鮑魚味香，富有咀嚼感～鮑魚汁稀稠度亦都適中古法蒸龍躉頭腩，魚肉份量都算係多，醬汁味道較為濃，龍躉肉質亦算新鮮，配一碗白飯就啱晒啦！🤗杞子百合浸菜苗，用咗白菜仔😉幾鍾意佢嘅上湯，浸過嘅白菜亦都好入味😃帶有淡淡嘅杞子香上湯波士頓龍蝦伊麵，龍蝦肉質尚算爽彈🙂伊麵亦都沾滿芝士上湯，好入味～伊麵軟硬度適中，而且份量都幾多，食完真係好夠飽🤣最後以陳皮燉津梨呢款特別嘅甜品作為結尾，有陳皮嘅甜品都係第一次食🤔味道亦都唔錯，津梨同陳皮亦夾得到，飲完有種潤喉感！

淮杞響螺燉翅群 $238——————————————整體得分：6.5分（10分滿分）——————————————🕳️食評：1️⃣口感 7/10入口幾粘幾潤，但係唔會太膩好難頂。幾鍾意啲螺肉同翅嘅口感，特別係啲翅。睇落好似好大塊嘅花膠，食落同亦好似花膠，不過會有啲少少魚翅嘅軟骨口感，幾常嫩口同幾肥美。2️⃣味道 7/10個湯一上嘅時候就已經聞到濃濃嘅響螺香味。飲落果然冇令我失望，非常濃郁美味。呢啲咁滋補養顏嘅老火湯，入面嘅材料真係一啲都唔簡單，其實個湯名已經講左九成材料出黎，再配埋雞腳你嘆，雖然餐廳會將湯渣隔開比你點豉油食，但呢個湯連啲配料本身已經好足味道，點豉油食反而會蓋過曬啲味。3️⃣抵食 6/10呢一個價錢黎講，份量大概係二人份，剩湯嘅話岩岩好裝滿兩個湯碗，而啲配料就多到成坐山咁，話比你知佢樣樣真材實料。飲呢啲湯真係需要付出多啲～.

位於銅鑼灣的鐘廚，原來是稻香旗下集團今天相約吃貨好友來吃午餐，喝茶可以慢慢談，齊齊講八掛嘢呢。二人點得滿桌都是，旁人看傻眼，但我們吃得相當開心。奶黃卷$27除了奶皇包，我也愛吃奶皇卷。卷卷的賣相，可愛有趣。微微扎實，微微鬆軟，微微膠質，奶皇糕夾著奶皇餡，味道不錯呢。可可卷饅頭$27兒時揀飲澤食，去喝茶的話，大多只選蒸饅頭，炸饅頭，蒸銀絲卷，炸銀絲卷等等，我很好養吧？！大個後，依舊對饅頭愛不惜手。可可卷內裡沒有流心可可醬，但有可可相間的漂亮紋理，沾一沾煉奶，好好吃呢。豆豆千層凍餅$30沒想到千層凍餅，原來是千層蛋糕。一層班戟皮，一層紅豆芒果餡，茶樓甜品的賣相也令人驚喜。花雕酒醉雞翼$55一客五隻的醉雞，份量不少。好友愛喝酒，認為醉雞翼不足味哦。鹽燒脆茄子$50看錯餐牌，原本想點煎茄子，呈上才發現點錯了。薄薄的脆皮茄子，鹹味充足哦。秘製蜜汁叉燒$55一客多片的蜜汁叉燒，二人分享大滿足。叉燒肉質扎實肉軟，甜了點，也不錯。山竹牛肉球$29一般牛肉球只有三球，這裡有四球，一人兩球不用搶啦。牛肉球嫩滑，底下的山竹份量十足。龍蝦湯脆雲吞$33口龍痛的我，好友想吃炸雲吞，我也是會陪伴的。雲吞肉少了點，