6
0
0
港鐵彩虹站 C2 出口, 步行約1分鐘 繼續閱讀
電話號碼
59318111
食評 (7)
等級1 2018-01-18
737 瀏覽
必食海鮮粥底火鍋,海鮮會以人頭計算,海鮮好新鮮,配料亦多選擇,又好味👍🏻👍🏻👍🏻員工姐姐有笑容又好禮貌。唔好係有時會漏order, 但比起一啲任食火鍋嘅大酒樓,呢度食物質素及員工真都好好,要多啲嚟支持支持。 繼續閱讀
(以上食評乃用戶個人意見 , 並不代表OpenRice之觀點。)
今日同朋友行經坪石邨唔知食咩好,原來呢頭都有好多大排檔,啱晒我呢D麻甩。呢度D餸夠晒大碟,價錢又唔太貴,都幾抵食。西蘭花炒帶子,估唔到帶子都幾大粒,比我想像中多,食落幾彈口。西蘭花同埋D菇,雲耳夠晒入味。魷魚肉餅味道唔錯有咬口,加上大量蔥花同埋豉油very good, 撈飯一流!呢個墨丸豆腐煲我超鍾意,個湯係好似細個去M記飲ABC雜菜湯果個味,由於太好味所以係咁飲。墨丸都幾多,好味彈牙,入邊仲有好多生菜,不過好可惜個豆腐好似變壞左......酸的......可能因為太夜了菠蘿咕嚕肉熱辣辣,啖啖肉,又係開飯既好朋友。最後食埋個雞,肉質好夠滑,加埋蔥花好香好好食。真係好飽喇! 繼續閱讀
(以上食評乃用戶個人意見 , 並不代表OpenRice之觀點。)
等級4 2017-08-01
566 瀏覽
$118任食粥底火鍋($118/一位)-粥底火鍋最夾嘅材料當然就係海鮮啦,每客都會有一份鮑魚、海蝦、硯🐚、魚🐟,仲有花蟹🦀添(圖中為三人份),份量都幾多,而且材料非常新鮮,食落肉質彈牙,味道鮮甜,$118淨食海鮮都抵哂!除左海鮮,仲有任食火鍋配料,有花雕醉雞🐔,豬頸肉,手打四寶丸等等,,醉雞食落酒味比較淡,但雞肉質香嫩,味道鮮味,以任新食配料黎講質素都算幾好,性價比好高😜!早一日預約仲會送多一碟牛肉添🐮,食落牛味都幾濃,口感香嫩。煮到最尾,當然要食埋個粥啦,司令嘅粥底已經包含左魚蝦蟹、貝類、雞、豬、牛嘅精華😍,食落口感綿密,味道又鮮甜,幾飽都要食埋去😂。 繼續閱讀
(以上食評乃用戶個人意見 , 並不代表OpenRice之觀點。)
等級3 2017-06-04
442 瀏覽
一行6人黎到大排檔食飯,老實講 喺咁熱既天氣下,要到一個無冷氣既戶外地方食飯真係需要有食到成身汗既準備,好彩今晚都算涼爽,加埋頭頂既風扇,情況無想像中咁差侍應強烈推介 話好抵食咁就叫黎試下啦白灼海蝦意外地好大隻 而且好新鮮薑蔥炒蟹共有兩隻 都ok 既果皮蒸鮑魚都好新鮮 ok清蒸海上鮮都係正正常常咁啦黑椒虎皮椒炒牛柳粒好濃味 都幾辣 係好味道架啫啫芥蘭煲d 芥蘭略嫌老左d 但都幾惹味另加$48 冬瓜盅料好多 好鮮甜 唔錯另外仲叫左辣酒煮花螺同豬紅唔記得影相 但都唔錯整體黎講 海鮮新鮮 食物味道唔錯但要等冬天先再幫襯 繼續閱讀
(以上食評乃用戶個人意見 , 並不代表OpenRice之觀點。)
等級4 2017-03-08
969 瀏覽
朋友試過粥底火鍋任食超讚,呢晚約齊腳黎試下, 加上又凍番, 打邊爐一流~~  地方有d地踎, 有風味,  個人可以接受, 全部都係室外位置, 所以隔離左右有機會食煙, 要有心理準備~~早1日book位仲送多碟牛肉, 個樣ok, 但本身唔食牛, 所以就comment唔到.118蚊任食2.5小時, 仲送每人6種海鮮(1次), 飲品就唔包, 同埋無加一,以食物質素黎講真係好抵食~~食物款式算多,但漏單都嚴重同人手都唔多夠, 要有心理準備要等多陣, 不過d亞哥亞姐都好nice~我地一行9人, 所以黎親都好大堆頭, 雖然價錢平, 但質素好高, 用料新鮮~每位送既海鮮(蟹,鮑魚,蜆,螺,扇貝,仲有1樣唔記得), 手打四寶, 手打豬肉丸, 豬肉片,響鈴, 魚皮都係推介, 其他食物都好食~CP值高, 趁未熱,又想再去~ 繼續閱讀
(以上食評乃用戶個人意見 , 並不代表OpenRice之觀點。)