鍋心粥底火鍋 (積存街) (已結業)

第一次來食，因為看了推介所以期望很高，但食後覺得有點兒失望。我們一坐下就會有一些指定海鮮，例如蟹，蝦，蚌，多寶魚之類， 好老實講 海鮮表面看算新鮮， 食第一隻蟹的時候非常新鮮， 肉質鮮味 ，真是不錯 ，但煮第二隻蟹的時候，就完全相反， 肉質較削帶點腥臭味， 之後的海鮮都算新鮮 ，但去到鮑魚又再出事 ，在6隻鮑魚當中有一隻又是帶點腥臭味， 最大問題就是有一兩件帶腥臭味，最後的海鮮粥底就會全部出事帶點腥味 ，所以有點失望 ， 所以總括嚟講所有海鮮雖然接近九成新鮮，但有一成出事都會令成個粥底玩完。最後值得讚賞是服務員， 細心有禮詳細解釋烹煮方法，值得一讚。

好耐無來食既鍋心😍食過最好食的海鮮粥底火煱每位$200包左以下既食物時令海鮮兩款自選海鮮5款自選食物8款超抵食的！份量十分足夠！海蝦非常生猛落水時要夾實，好容易彈到熱粥小心！鮑魚大隻彈牙！新鮮美味！自選食物，有兩款是必點的1）自家製手打雞骨丸只有這里才可以食到每次來必點的2）蟹粉丸是蟹粉丸，唔係蟹籽丸咬落是會流出來的蟹粉😆第一次來食兒童🧒🏻餐，每位$100A餐 - 三款海鮮 + 6款自選食食物B餐 - 自選12款食物整體還好，但粥的味道不及以前。海鮮依舊新鮮！抱著肚皮滿足的離開。

食咗呢間野好多次 每一次都令我滿意而歸！ 可能因為食材新鮮環境乾淨 價錢又平靚正 所以每次book位都要book好耐 想要walk in 係冇可能 今次終於book到宵夜場 食材依然咁新鮮 服務都好好 仲有Timer 😍隔離會有張紙告訴你每一個食材要煮幾耐最適🈴️ 宵夜場係$200一位 本來已經送咗一隻大閘蟹 同埋一款海鮮 另外可以再加五款海鮮 八種食材 最後仲會將啲湯煮粥 鮮味十足❤️ 每次都食到超級飽 但係都係想繼續食👅👅 下次會再嚟😘

大圍既鍋心好難卜，通常要早成個禮拜先卜到。琴晚放工突然好想食，諗住碰下運氣睇下有冇位入去食，好好彩地有位！！！之前已經係深水埗間鍋心食過幾次，都覺得好正。今次第一次試大圍哩間。首先肉蟹好鮮甜；多寶魚佢比左個魚頭我地，我地都唔食魚頭既，所以由佢係個煲到煲出味；鮑魚大隻得黎唔un肉，好易咬開好鮮甜；大尾魷就有d失望，冇味既；聖子同花甲有d都有沙；張紙推介波菜豬肉餃，但我就唔係太鐘意食；黑毛豬梅頭肉係必叫！；可能我本身唔鐘意食丸，個雞骨丸雖然寫住推介，但我都覺得麻麻。個粥係精華！超級正。食左幾碗已經好飽，最後打包第二日食早餐，都仲係咁好味😋。總結，份量一定夠食，仲有得打包，海鮮整體黎講都算係新鮮，但好似冇深水埗個間咁好食。

鍋心已經幫襯過好多次，吾同分店都試過，食物質量基本間間都一樣嘅！鍋心確實做得出色，每人一口價$200嘅價錢，已經包左7款時令海鮮(2款指定加5款自選)以及8款自選火鍋配料，仲要8碟火鍋料全部大大碟(雖然都係以人頭計)，落手絕不小氣。我地揀左蟹...多寶魚...蜆...鮑魚...蝦...帶子... 仲有吾知咩蚌，全部都新鮮好味，尤其係個蚌同鮑魚...超正呀！😉另外8款火鍋料，當然盡量揀晒肉類啦！鍋心啲肉好吾錯，食得出吾係cheap野，豬牛雞都咁好食，特別碟雞真係幾嫩，煮得耐都吾鞋果下好野!👍👍除左肉類之外，當中有樣叫雞軟骨丸，我覺得又有口感又超好味，每次必點！7樣海鮮另加8樣火鍋料，十幾碟野一次過黎係吾會擺得晒，所以要慢慢幾樣幾樣咁食，最後食埋個精華靚粥，大食如我都飽到上心口了！🤣🤣🤣

第一次食粥底火鍋，同4個朋友一齊去食到捧住個肚走人均都只係$200（唔計飲品），仲要揀左13款料落去打邊爐（店員會提供5人份量），食完海鮮後，店員另外提供芋頭同南瓜，睇住一鍋一開始好稀既米水到最後變成濃稠既蟹黃色粥，個粥既鮮肉同埋海鮮味食到停唔到口🤩推薦既火鍋料：- 鮑魚（大大粒）- 蟶子（鮮甜）- 肥牛（個人唔鐘意多肥膏 呢隻「肥牛」唔多肥膏 岩岩好）- 午餐肉（每塊都好厚身多肉 好有驚喜）- 花膠仔（養生首選）- 嚮玲

23號訂枱食17:45-20:30，同兩個老人家去食，因為住得近所以平時都會過黎開餐，今次係食過質素最差既一次，鮑魚同蟶子唔新鮮，阿媽個隻有臭味食唔到落口直情要換過隻，已經做唔到個海鮮要新鮮既水準!最離譜係個經理聲稱個場滿座，將我地安排坐樓上，隔離有兩張大枱二十幾個人，個班男男女女gathering有老有嫩，驚死人地唔知佢地做醫院咁，講野把聲又尖又刺耳仲要放大喉嚨笑，同職員經理投訴係無人理會，成班人一啲羞恥心都無，大大聲聲話自己做醫生護士個啲，有錢就去包場搞食飯點嘈都無人理你地，早知聽阿媽話起身走人唔食就算，19:30就捱唔住要埋單走人，要兩個老人家陪我受噪音滋擾食足全程真係好不孝。

和男朋友去石門間一樂小鍋食粥底火鍋，點知人太多，滿坐，我們又無訂位。只好轉戰到最近的鍋心。鍋心8:30場，都滿人，可是店員跟我們說可早點排waiting, 一晚總有幾台客放飛機。一心想去食粥底海鮮火鍋，於是試下排waiting 囉。結果真是有位。一上來就是蟹一隻。蟹都算是新鮮美味，但體積較細。其他海鮮都很新鮮，唯獨是我們覺得份量很少。另外，有隻名叫竹蟶的貝類，好似聖子但又唔係聖子。咬落去，好漿住個口，好奇怪的質感。店員服務有禮，我會比讚

這間粥底火鍋性價比極高，$198有5款自選海鮮，另外還有8種其他火鍋配料可供選擇。店家很貼心，所有海鮮的蒸煮時間都已經列明清楚，枱上還放了一個計時器給食客使用。一開始先放肉蟹，黃黃的蟹膏佈滿整個蟹殼，粥底𣊬間變了淡淡的黃色🤤。肉蟹：花甲：多寶魚：鮑魚，大蜆：大尾魷：這裡的海鮮全部都非常新鮮，而且有既定的烹煮時間可以參照，所以可以嚐到海鮮最原始的味道，根本不需要任何技巧！配料方面，首推雞骨丸！就像把雞軟骨擠成球狀，所以非常有咬口👍🏻👍🏻五花腩片是另一推介，肥瘦適中，比牛肉更為滋味！最後就是把米飯加入粥底中，因為粥底是以各種海鮮的精華，還會加入豬油渣、冬菜及粟米等配料，所以非常鮮甜。

琴晚同事last day, 我地就約左去食呢間鍋心邊爐, 咁我地就四個人啦一入到去果陣見到間野好細, 但因為我地book左位 所以都有卡位坐 咁野食係一個套餐全包 有海鮮 肥牛 d野真係幾高質 又新鮮 埋單都係二百蚊左右 性價比好高

食過幾次粥底火鍋，但這間的確是我食過最超值最抵食的，今次已經是第三次食了。海鮮料好豐富，有蝦、蟹、多寶魚、鮑魚、貝類等，指示很清楚，寫明每種海鮮要煮多少分鐘。另外，還可以自選多款的火鍋配料，首推手打雞骨丸，非常好食。最後吃到好飽，剩下的粥都吃不完。

1月1 要食餐好既。。。。12月31先book枱，已經冇曬6點個輪，所以我地食8點半個輪8點半準時到，等左幾分鐘就到我地,年紀大真係食吾到任食反而食呢d 質素好啲既會仲開心。。。。8點半可以食到11點。。。慢慢傾下計呢度既海鮮係超新鮮既。。。。經過廚房見到佢用魚缸去養住d 海鮮。。。d 蝦擺到上台仲勁生猛，會跳跳下咁，最出色一定係海鮮，由其係鮑魚超好味。。。仲有其他配料好似d 牛肉豬肉都好好味，雞軟骨丸係出面冇既 好特別。。。正呀

在2018年尾聲，跟好朋友食個粥底火鍋， 真心覺得好窩心！食店面積不大，坐位有限，所以要預先訂位。分兩個時段入坐， 我們選擇6點， 到達門口已見到很多食客在排隊等入座， 非常熱鬧。呢個火鍋餐，已有肉蟹和太白蜆，從餐單上揀5款海鮮及8款配料，海鮮揀了鮑魚，帶子， 花甲， 蝦及魷魚，配料揀了肥牛，黑毛豬， 手打雞骨丸，花膠仔， 勝瓜， 魚皮餃，蘿蔔片及花枝丸， 再加南瓜，芋頭粒， 粟米， 食完鍋所有食物就可以加粥，再放已炸的豬油渣，芫茜及菜脯。.開始食已經忙到唔得閒影相喇，最後食埋鮮味粥底，大家飽到捧住個肚走。 用料夠新鮮， 海鮮好鮮甜， 令人回味無窮！土耳其檸檬水，酸酸甜甜好開胃，好夾食火鍋飲， 覺得特別好飲 ！食完呢餐好好計劃來年大計！有圖有真相👆， 有咩食 一目了然。

今日一行三人, 去左鍋心食海鮮火鍋。分左兩個時段，18:00 同20:30我地食18:00都已經有好多人。一坐底就落左海鮮先。本身已經有沙白同肉蟹，我地再㨂左海蝦， 多寶魚，鮑魚， 帶子同大尾魷。配料我地叫左魚皮餃， 蒿筍，油炸鬼，雞骨丸，豬肉丸，魚皮， 八爪魚卷同埋花膠仔。啲蝦同鮑魚， 上枱仲郁緊， 超新鮮， 鮑魚勁大隻，多寶魚好滑。海鮮overall 都好滿意。配料啲丸好正， 雞骨丸好有口感， 一定要試。其他配料都幾好。啲枱有啲迫，環境麻麻。三個人Total 648， 好抵食。有張紙教你幾煮幾多分鐘，仲比埋個秒錶你。南瓜同芋頭加埋入去啲湯底加啲粥再煮。

好彩一早訂左枱，門外塞滿人，我地唔洗等好耐就有位，有張紙仔比你畫，我地選左5款海鮮+8款配料，跟住依牆上指示，將海鮮於指定時間燙熟，果然超新鮮粥底火煱點食法:1.先品嘗海鮮(鮑魚，元貝，蟹，魚，蜆……)2.加入南瓜&芋頭粒3.再品嘗肉類食材(特別推介雞骨丸)4.混入粥膽(煲好既白粥)煲滾5.隨個人喜好加入配料(蔥花，冬菜，菜蒲，芫荽)就攪掂個粥好鮮甜，咩都唔洗加都好好食，好食過蒸海鮮果d好多😋份量足，價錢仲好實惠，埋單每位$21x，一定會再來。