錦麗 (MOSTown新港城中心(4期))

營業中

休息中

今次去馬鞍山tea 一tea去左食錦麗tea我叫左個牛丸河牛丸有五粒味道都ok，清清地份量岩岩飽，價錢都算優惠下次會試食其他野整體評分：4/5味道：4/5環境：4/5

錦麗 7/10 70 The soup ok, it is  clear, not very strong MSG at least at the first spoon, with slight beef flavor and sweet,The cooked beef, is 牛腩, soft in texture, not break into small little pieces, with 牛脂香 quite goodBeef ball, with 牛脂香, have some tiny 脂肪？ 有咬口 The raw beef is the worst, don’t know what I have eaten, not in a smooth appearance, and it’s soft, but mo beef flavor. Similar to a group of 碎肉 in the mouth. The noodle is smooth, but not as the one I ate in So Tam  that noodle texture is

點個午餐，等的時間太耐了，職員只會講對唔住咁龜速同態度 死得啦 未試過等一份午餐等到想訓覺唔會再光顧了 时间太耐 真系太離譜了發神經先入尼間舖食退餐冇收錢 浪費晒我時間 唔抵

昨日係戶外做左半日嘢，無咩胃口，所以諗住簡單快食碗粉，飲杯凍飲降一降溫後，便趕住繼續戶外的工作。見到店內無咩客，得3枱，諗住應該好快出到餐就入左去。入座後，店員禮貌告之，顧客需自行掃枱面上一張QR code紙（是收據那種熱敏紙）進入網上系統，並自行落單，過程中有問題的話，可再叫佢。落單過程順利，我order左一個生牛肉河（小碗，走洋蔥）及凍蔗汁，共$45。蔗汁好快到左，諗住碗粉都好快上到，但問題就開始出現啦！我坐左約15分鐘後，聽到隔離個枱食客開始向店員追單，然後對面個枱客又係追單，但店內加埋我先4枱客，咁少人都要追單？😳開始心感不妙，跟住過左5分鐘後，我碗粉都未上，所以都叫店員幫我叫單。跟住門口帶位個位店員覆我話食物黎緊，就得，等多一陣。如事者，我再等多5分鐘，前後等左廿幾分鐘，終於等到碗粉到。一見到碗粉，當堂嚇親，雖然我知是小碗粉，但真心無諗過細碗成咁（好彩熱到無咩胃口），然後我只是order左走洋蔥，佢就連芽菜同蔥都走埋，變成得返粉及牛肉。因為趕時間，所以無出聲，諗住拿拿聲食完就走，點知連杯蔗汁都中伏，唔知係煲燶左，定係佢落左 d 咩材料，隱約飲到一陣苦味，自問不嬲好有衣食既我，

服務生抹布上有菜渣，凳都好污糟。等咗好耐才有服務生寫嘢。而家冇得賣撈濛menu上都冇提醒。第一次嘗試非常失望，以後都不會考慮堂食同外賣。。。。。。。。。。。。。

平時食越南菜都係食個湯河，但原來錦麗出左個小型湯鍋算係初體驗夜晚大約七點去到，唔需要排隊，店員好快咁安排我哋入座我哋企喺門口嘅時候就已經諗好我哋要嗌兩個小型湯鍋餐我哋嗌左個牛肉眼一人湯鍋，本身係配香茅咖喱湯底，但我地見佢可以轉牛肉湯底，仲要話係用10小時熬製，所以轉左牛肉湯底牛嘅份量唔算多，但勝在每塊牛都非常嫩滑，烚大約10秒左右就食得仲有一啲配菜包括粟米，蘿蔔，甘筍，生菜，金菇等等，湯底真係非常濃郁，味道一流跟住我哋嗌左個牛腩蘿蔔一人湯鍋呢個一人鍋就冇配菜，淨係喺鍋入邊有啲牛腩同配碗金邊粉大食嘅朋友可能唔夠呢個牛腩炆得非常入味，入口即溶，冇任何筋骨位湯底唔係濃郁嘅牛味，係屬於清甜清新嘅牛味，有另一番風味因為係湯鍋嘅關係，我哋要求店員加咗兩次湯，佢哋都唔嫌麻煩，好有禮貌幫我哋加值得一讚

一直對越南粉都情有獨鍾，錦麗是我覺得不錯的越南河粉店之一。今天我們一家2大2小，叫了「1人煮意」+「風味二人套餐」。酥炸軟殼蟹撈檬這個軟殼蟹炸得鬆化而且不油膩，配埋肉鬆，瓜絲，花生簡直無得輸。但撈檬分量略嫌少了，一個大食點的女士都未必夠飽。香茅豬扒香濃雞湯金邊粉金邊粉雞湯入味，稍咸，但豬扒大大塊，平穩過關。香茅咖哩牛腩飯這個牛腩飯有驚喜，老公一路食一路讚，牛腩鬆軟帶微辣，有炸起的薯角伴著更飽肚，而且出碟時熱騰騰的，份外加分。特色小食拼盤拼盤包括金絲網蝦春卷，越式蔗蝦，法式蒜蓉牛油雞翼，香茅豬扒，又是大件夾抵食，一家大細正好樣樣有得試。最值得推介是春卷及雞翼，可以考慮散叫。值得一提是飲品「自家薏米水」，味道特別，消新得來帶薑，正巧我對薑汁鍾情，所以非常滿意。至於服務方面，上菜實在太慢，除了我們，亦見有其他枱催食物，所以太餓的你，要先考慮埋這點。

馬鞍山好多食店， d員工服務員都冇笑容， 唔出聲， 好趕客。 但此餐廳員工有禮貌， 食都食得開心啦。今早試下越南餐廳食早餐， 以前唔開早市，冇早餐食的。 唔知是否疫情， 所以開埋早餐時段， 做多些生意。1）香茅豬排越南河比我想像中大塊，好林， 有香茅味， 美中不足只是冇切斷一條條豬排。·牛角包鬆軟·炒蛋有心思， 轉到成朵花咁2）西式早餐牛角包加3種食物我選煙肉， 炒蛋， 越南午餐肉。牛角包鬆軟·炒蛋有心思， 轉到成朵花咁（其實d餐廳唔會咁樣慢慢慢轉炒蛋形， 炒一堆比食客食米得囉， 可見餐廳有心機）。越南午餐肉唔知同普通中國， 外國， 韓國午餐肉有什麼分別， 不過有3小塊都好好。份量足， 夠晒飽配咖啡餐茶， 都係＄36， 抵食。最欣賞係員工有禮貌， 唔會像隔鄰餐廳咁對客人。一定要來食， 支持下馬鞍山有禮貌餐廳， 食物質素又唔差。最重要食得開心， 朝早都醒神d, 開心d.

錦麗晨光早餐 「F」 越式沙茶牛肉湯泡麵配牛角包及金不換炒蛋凍咖啡價錢: $39朝早送咗小朋友返學，我就去附近的新港城中心補給一吓糧草。「錦麗」嘅早餐，我都係最近呢個星期先試，先發覺遲咗去課金，因為覺得：1）性價比高，$40有找，有麵，包同凍飲，味道ok，個炒蛋高質；2）唔使排隊等入座，而且座位都舒適；及3）整體服務ok，落單同上菜都快捷

星期日同女朋友去了馬鞍山新港城嘅錦麗試下,見到門口人龍不多,好快入到去就有位。素聞呢間餐廳喺胡志明市好出名而且亦獲獎無數, 所以都抱有好大嘅期望！依家有個118蚊既2人優惠套餐，可選2個指定主食同埋送2杯指定飲品，我地揀左生牛肉湯河粉同埋咖哩香茅豬扒飯, 仲有兩杯凍既咸檸檬青檸梳打, 另外再加多左個小食, 加埋都係140蚊左右,性價比很高生牛肉湯河牛肉用了澳洲牛,肥瘦均匀,薄切而好味,河粉又夠滑, 果然越南河粉係唔同啲,湯底清甜得黎又充滿牛肉味,食粉嗰陣連湯一齊飲埋,十分美味咖哩香茅豬扒飯賣相十分之吸引,而豬扒好好大塊 成塊巨扒切開咗再拎去炸,外表好似一隻巨型八爪魚,再配合香濃嘅椰香咖哩撈白飯,好有驚喜,無諗過越南咖喱都咁好味但係我覺得咖哩有少少辣,如果冇咁辣就完美啦金絲網蝦春卷鬆脆！惹味！蝦又爽滑彈牙,本人誠意推介總括而言呢間餐廳係值得獲獎嘅,佢係實至名歸,可以一試再試！！

今天過來馬鞍山工作，天氣太熱，在商場內找速食唔使煩，見到這店未算多人，一位直入。喜歡這間隔分明，一位到來，感覺有自己空間。午餐由$60-$70 包風味飲品，並不是一般的咖啡或茶，加$8還可有升級飲品，而想飲椰青都只是$20，另外主菜未夠飽肚的話，還可加$18追加越色小食，豐儉由人，彈性處理。店員落單後立即奉上點菜單，5分鐘後便奉上飲品。玫瑰龍眼茶~風味飲品系列中，筆者點了這個龍眼茶，明目嘛！希望稍後工作醒神點味道帶甜，故此筆者到自助勘水處加了一大杯熱水，其實用料充實，細細隻杯子內有5粒龍眼肉及三朵玫瑰，如換上較大的杯子會比較適合。雞絲札肉香濃雞湯金邊粉~濃濃的雞湯，不是味精的感覺，餐後並沒有口渴之感，反之雞絲可能用作熬制烹調時候雞味盡出，雞絲此時反而平平無奇，淡淡的，未夠味道。故此需加點點辣椒魚露才能吊出味兒。值得一提的是這塊札肉，粗粒的胡椒粒在這札肉內，令這塊札肉加添神韻，為雞絲爭一口氣😁😁金邊粉太碎，最後用匙羹盛著吃。未算太濃味的一碗湯粉，加點點辣椒、魚露，店員再主動地拎這支”是拉差” 辣椒醬，我才知道這醬是美國製造，筆者一向以為是泰國出品。辣椒醬上寫著:加點是拉差，粗菜變佳餚。妙

作為馬鞍山居民，一諗唔到食乜就會去錦麗食，因為佢坐得都算舒服，生牛肉湯河好食，啲湯好入味好好飲，仲有個app可以儲分用來換免費飲品及小食，如果飲品是換的，人均消費一般在80元以內都算合理，佢仲有個套餐，加多廿元左右已有飲品及小食。

由於疫情關係，而家好多食肆都提早關門，今晚到9點先去食飯，又真係有啲夜，難得經過錦麗見到佢未收舖，就入左去食。平時都好多人排，而家有大把位。我地叫左一個生牛肉湯河同一個牛丸湯河。生牛肉唔靭，個湯底好好味好濃郁，不過我個人就覺得有少少鹹左啲。我最欣賞嘅係佢地嘅牛丸，因為真係好有牛味同好彈。但如果個河粉份量能夠再多少少咁就perfect喇，真係有啲食極都唔飽嘅感覺 。唔知有無人同我有一樣嘅感覺，定係我實在係太大食😅

去馬鞍山探朋友，早點食午餐，原來有優惠喎😁買一送一。點了兩碗综合湯河，就有四碗👍🏻👍🏻又可以減少同太多人聚集，又有著數，不得不介紹給大家。另，餐廳好貼心，免費送上熱檸水，增加免疫力，共同抗疫😘😘😘

二人行去吃錦麗PHOLE，順利入座卡位，其實餐廳食物選擇不算太多，但粉絲一定會叫錦麗綜合粉，這次我們還點了炸手作蝦餅。湯粉落單後，店員會送上一杯配料，包括辣椒絲、香葉、芽菜和青檸檬，建議湯粉熱熱的上枱時立即放下去！錦麗綜合粉：綜合份包含生牛肉、熟牛肉和牛丸，其實所謂的熟牛肉就是牛腩。生牛肉軟綿綿，記得上枱時立即放入湯裏浸熟至變深色；熟牛腩比較煙韌，因為較厚身和帶點筋；牛丸只有三半粒，咬落很多汁，重牛肉汁在口內慢慢滲出，非常好吃！炸手作蝦餅：一碟有四件，蝦餅非常厚身，咬開會見到有很多蝦肉且口感彈牙，本來並沒有附醬汁，不過以往在別的地方吃蝦餅一定有醬汁配合，於是便問店員，店員隨即拿來帶辣的泰式醬汁，這樣就令蝦餅更加好吃。綜合粉的湯頭非常重牛肉味，不用多說，看見相片便知道一滴都冇得留低啦！推薦！