錦麗 (MOSTown新港城中心(4期))

營業中

休息中

今日入嚟馬鞍山呢個場，順便試吓呢間，睇吓係咪真係好食～錦麗。叫咗～火車站粉 特式小食拼盤同二杯野飲先嚟～火車頭湯河粉，先試啖湯，牛骨湯味帶小小甜，過得去，跟著食扎肉～有咬口彈牙，小小一塊扎肉都做得唔錯，牛腩～咬落去唔淋又唔韌，佢件牛腩個韌度真係幾特別，牛丸～比一般牛腩檔嚟得大粒，咬落去又唔同一般牛腩檔咁硬，佢哋果啲係淋得嚟又彈牙，真心不錯，真係即刻想學普通牛腩檔，叫佢嚟碗淨牛丸😂。小食拼盤～有蔗蝦，雞翼，豬扒同春卷 ～每樣二件小食無乜特別，正常口味～收貨。埋單～$182，淨係佢唔需要加一，已經加晒分。回頭度：8/10特別要讚門口姐姐，笑容100分，同埋今日星期六，又係揸車人事，呢個姐姐幫到手（揸車者會明），我又唔可以講得太明白！咁嘅服務質素都無加一，邊度揾？再講啲食物質素真係水準以上，真心不錯。以上純粹個人食後分享，絶無收取任何報酬或優惠，亦願意承擔所有責任。唯一要彈係,又係啲位用到盡，枱與枱太近。

一個魚柳早餐（似 super sandwich 戈種）一個豬扒早餐（有香茅味）金邊粉 轉沙嗲湯底+$3 其實係喇沙味 。金不換炒蛋 加咗香料 與別不同 。牛角酥牛油香 。特別一讚收銀/知客姐姐 好熱情 好招呼

宜家一人火鍋盛行，估唔到連主打越式湯河嘅錦麗都有出一人火鍋，唔知係咪12月限定，行過見到個餐牌都唔錯，幾吸引，又唔貴，最重要唔洗等位，就入去試吓啦。一個係胡椒雞鍋一上枱已經聞到好香胡椒味，不過食落又唔係好濃，唔會太難入口，啲雞幾嫩一個係牛肉湯鍋錦麗平時啲牛肉湯河粉都好食，個牛肉湯其實就完全係平時粉麵嗰個牛肉湯，好香牛肉味，有白蘿蔔又清甜，啲牛肉都幾淋。額外加嘅生牛肉額外加牛丸，好香玫瑰洛神花茶，幾香加咗油炸鬼，點湯都ok，一上枱嗰陣熱辣辣仲係好脆再加咗小食拼盤雞翼、豬扒、蔗蝦同春卷全部都香口脆口

尋晚收工去佐馬鞍山果邊同朋友食飯，因為我比較中意越南菜同泰國菜，所以佢就帶我去食最愛既檬粉環境：裝修風格以簡約為主，以白色、棕色為主，有少少懷舊feel又或者講佢比較還原翻系越南當地餐廳既感覺 咖哩牛腩飯 ：咖喱汁好香濃，唔會太辣，濃稠度適中摞離撈飯真系一流。肉既分量唔算少，牛腩軟嫩香滑，脂肪分布均勻。仲有咖喱最強搭配薯仔都煮到口感非常軟糯，食落口好似薯泥咁，加埋咖喱汁非常惹味。 軟殼蟹撈檬 ：軟殼蟹炸到金黃酥脆，醬汁酸酸甜甜非常開胃，青瓜絲、胡蘿蔔絲、芽菜做配菜入口爽脆。分量適中，一個女仔食就剛剛好，可能男士就會覺得唔系好滿足啦 越南滴滴咖啡：口感醇厚金香，有微微酸味，相當回甘。甜道落單果時可以同店員講，因為我個人比較中意飲齋啡，所以當時只要求添加最少既煉奶。

錦麗D野食ok，送餐速度也很快，可是服務態度差得很，不會再光顧。平時我都唔會用OpenRice，但係為左寫哩個評論，我特登開左個Account。穿藍色牛仔衣的男服務員(估計是經理)，服務態度非常惡劣。我和我家人在網上下單時遇到問題，我想找職員幫忙時，他說:「咩話？咩話？」態度非常傲慢。當時客人並不多，但他仍然以不情願的態度和我們說話。他更要和我搏嘴，態度急需有改善。我以後也不會和家人再到這裡光顧了。

今次去咗錦麗，簡直係食家嘅福音！我第一啖食佢個招牌綜合粉，即刻感覺到好多層次味道喺口裡面繚繞。啲牛肉夠晒嫩滑，牛丸仲出乎意料咁彈牙，完全唔似啲機器整到出嘅，呢啲細節嘅關注真係做到心尖尖👌。啲湯底清而唔缺味，仲有種淡淡嘅香草味，攪拌喺我啲河粉上面，致命吸引力！另外，我特別鍾意佢嘅蒜香雞翼，啲蒜茸好足料，每啄一口都覺得香味撲鼻，絕對唔係浪得虛名🍗。而家諗返起嚟，個口腔仲留住啲蒜香，真係一個好「過癮」嘅體驗。至於小食嘅馬拉盞時菜，就算唔使我詳細形容，諗到啲馬拉盞醬同爽口時菜嘅結合，應該都令唔少食客心癢癢啦。總之，錦麗嘅一餐，真係令人食指大動，食到盤煎盤净嘅境界！🥢🍜🌿

晚上不希望食得太heavy, 所以選擇入座這家越式餐館。店內食客不多, 店員引領入座後, 沒有半句話就走開。自行翻開桌面餐牌,  不欲折騰用手機落單, 還幸再呼叫店員都肯幫我們手寫落單。1. 胡志明綜合河粉 (店家推薦菜式)湯河粉配三種牛肉佐餸, 牛展軟腍, 肥牛口感過得去, 牛丸最出色, 有手打風味; 但 河粉份量實在太少 , 男士們一定不夠飽。2. 酥炸軟殼蟹撈檬軟殼蟹外圍炸醬極多, 咬落脆脆的, 建議蟹身儘量不要浸在魚露汁中, 馬上變腍欠口感。3. 大蝦扎肉米紙卷餐牌寫2件, 上碟切開是4小件。味道不過不失, 魚露甜酸汁的辣味幾重, 同行不能吃辣的友人有點微言。4. 椰香冰咖啡厚厚cream scone噴在咖啡杯面, 賣相搶分, 咖啡內加入幾粒糖漬過的椰子粒粒, 甜甜的, 咬落'索索'聲, 好有趣!

因為響應中電的省電行動，我離開住宅，關掉冷氣、電視、電腦、⋯⋯這麼酷熱的晚上，當然是去商場。逛完超市，肚子餓了，就吃完飯才回家吧。這店，集團經營，挺過了幾年疫情。第一次晚上吃這店。門口放了餐牌，一個人的套餐，一碗粉/飯，小吃，飲品。進店就坐，店員沒安排我面壁，很好。店裡人手緊張。操作是手機落單，極度討厭的安排，折騰一番，我還在懷疑是否成功落單時，飲品來了！繼續等待，綜合粉來了。我本來新要金邊粉的，不過手機按來按去，冇反應。綜合粉有牛腩（不太軟，有嚼頭）牛肉肉味一般、牛丸一般。差不多吃完綜合粉，油菜才送到。有意外驚喜，質量都好。加分。這店沒有加一。

😎馬鞍山 錦麗越式粉麵😎搵地方食晏，又好想食越式粉麵，於是見到呢一間餐廳就入嚟試一試。裝修好靚嘅舒服。叫咗一個胡志明綜合粉，有生牛肉、熟牛肉同埋牛丸。份量唔算好多，但係味道都幾好食，牛肉有牛味，唔會煮得老。火車頭河粉🍜份量比想像中少，但係呢一個係最貴嘅河粉，有少少失望，不過味道都唔錯嘅，係有少少貴。

呢間係一間越南牛肉粉專門店，有好多間分店，之前食過唔同既越南餐廳，粉類都係錦麗比較好食。今餐試錦麗綜合粉，生牛肉、熟牛肉、牛丸，三種牛肉雖然口感不同，但全部都有牛肉味，好吃!食物質素不俗，環境清潔整齊，只要對香茅、香料沒有特別抗拒，就會覺得係好好吃的越南餐廳。

今日去咗呢一間餐廳食嘢，叫咗個$106嘅套餐，嗌咗生牛河，春卷同埋一杯甘蔗汁。個生牛河黎到食咗唔夠5分鐘已經冇晒......完全唔飽，份量勁少。雖然味道尚可，牛肉都幾好食，但係份量真係唔夠，份量可以再多啲，始終都希望食完會飽，但宜家最慘嘅係食完番去仲要買番個杯麵......不過題外話，味道幾好嘅，之前食嘅其他菜式份量都夠，唔知係今次少咗，定係生牛河份量真係咁少，希望日後份量可以增加，起碼可以對得住個價錢......

今日叫咗外賣，呢個早餐價錢都幾抵食$48有金不換魚蛋金邊粉、牛角包、炒滑蛋同飲品～～金不換魚蛋粉大大碗，金邊粉同魚蛋都爽口～～鍾意佢魚蛋及金邊粉與湯分開裝，所以金邊粉唔會浸到林晒。魚蛋有三粒～～另外牛角包味道都算唔錯，外賣嚟到雖然林左，但係都OK～～蛋夠多，蛋味夠香濃，似落咗牛奶～～飲品方面叫咗阿華田，呢個反而好甜～～最後自己喺屋企加咗熱水，令到佢冇咁甜～～呢個價錢有咁多嘢食，而家真係算幾抵！～～

馬鞍山店 2130關門 點解2050就開始拖地 一路食飯 一路聞漂白水味 跟住食店同事叫人提早出去埋單 未食完個飯 但費事阻人收工 甘我行出去埋單一行出位 大住個肚 已經慢慢行埋到收銀位置 差啲跌親係地下 我大住個肚 差啲跌到地 好在我自己甘住張枱 冇跌左落地唔係我就原地call 白車 事後 有食客開口話你地地下太滑 食店同事於是睇住我番位 跟住個同事竟然同我講 「着波鞋係‘倩’d 」 如果知間野甘早拖地 我會選擇叫外賣 漂白水味環境 垃圾安排冇同情心既職員 跌親係你唔岩 絕對唔係間餐廳既錯

晚餐時段人不多。走進店內都是店外的廣告牌吸引了--越•法fusion.這個越•法fusion 就是法式燉牛頰肉。坐下來點了一份法式燉牛頰肉撈檬，還加了一份魚餅。一邊等，一邊想著味道是怎樣的，我想應該是煮得淋和索滿汁的。現實是牛頰肉都足夠，牛肉和紅蘿蔔都煮得淋，可惜汁僅僅夠，且稍稀。重點係可能我叫錯了撈檬，檬是凍檬撈了熱汁都會變凍，吃不出法式燉肉的濃汁香味，有點失色。不過就咁呷一口肉汁，也不見香濃的。至於小食，真係覺得唔抵食。請看圖，魚餅和沾汁的小碟比較，就見到魚餅有幾細件。細件不要緊，重點的是22元一份。另外，在等餐時，抬頭一看，大大的籐製燈罩上佈滿灰塵，有點嚇親。

估唔到錦麗個早餐甘好食喎，開左甘耐第一次，有驚喜😍😍😍😍😍😍扎肉金不換辣椒肉碎湯米粉$39配牛角包太陽蛋 加$ 6 有兩塊餐肉🤤🤤🤤🤤🤤非常濃厚的肉碎湯底，配米粉一定系絕配，下次可以lunch 再去試下推介🌟🌟🌟🌟🌟