錦麗 (德福廣場1期)

營業中

休息中

24/7/2018 星期二晚上8：03pm 經過德福廣場錦麗越南牛肉河粉專門店，被長人龍排隊吸引。排了十數分鐘，有一人座位可以就坐。8：20pm, 向一男侍應點叫了Pho综合粉(牛丸、生牛肉、熟牛肉), 在我旁另一男顧客於8：27pm坐下落單另一综合粉。於8：36pm, 综合粉送到, 但卻给了我旁的男客人，因他有單據及九層塔香葉芽菜杯，而我卻什麼也沒有。我再次向男侍應反映，有否落單？但他反應是記得我落單叫了, 卻没有入電腦给厨房，又沒説漏單。我等到8:47pm, 真的想離開不吃了，此時卻有電腦單放在我面前，我本著 8:53pm, 我等了很久的PHO终於送到，可惜湯底油膩及不太熱，又沒有送來香葉芽菜杯？我要再叫另一女侍應才有。生牛肉偏靭、牛丸粗鞋、熟牛肉腩比較好些。我已餓到飢腸辘辘，便想盡快吃完離開。此時大约九点鐘，兩位女侍應卻分别逐位問客人有否食品加添？Last Order 時間。就算請我吃其他食品，我也不稀罕了！清水也不提供一杯，全部飲品要收費另叫。可幸没有收加一服務費，因真的没有服務可言！落單混亂、只憑侍應記憶去鍵入電腦系統。埋單只收八達通及現金。只此一次、不值回來光顧。

錦麗這家越南牛肉粉店，在港開業都有一段時間，至今仍然不時出現門外大排長龍，而且名氣也很大，小妹一直想嚐嚐這家店，卻一直苦等機會。機會等到了！今天到九龍灣接男朋友放工，順道到德福這家錦麗，來一個朝聖。😋男友今天準時6時放工，一見面就說要吃東西，結果7時不夠就到了錦麗，等了5分鐘就有枱。店內裝潢模仿胡志明市的市集，燈光很充足，竹騰做的燈，為店內增加越南味。男友點了錦麗綜合粉($62)，綜合粉內有生牛肉、熟牛肉和牛丸，當然還有越式河粉。我選了錦麗生牛肉河($60)，只有生牛肉和河粉。一碗正宗的越南粉，湯頭很重要，牛肉味濃郁與否，驟看湯的顏色已略知一二。錦麗的湯頭呈深啡，喝下去不難嚐到牛肉精髓，濃而不油膩。河粉不算太淋，軟硬度適中，亦有口感。配合枱面附上九層塔、青檸汁、辣椒及芽菜，令整個濃牛味道加上一點酸辣，令人開胃。特別想講講三種牛肉的食材。最令我驚喜是生牛肉，薄身而且半熟的狀態，入口造到即溶的效果，口感一流。熟牛肉是牛腩，厚身也算淋，牛味濃郁，但略略有點鞋口，火候的控制要留意一下。牛丸也算彈牙，而且不會太硬。接下來是魚香芒果米紙卷，皮薄，裡面有芒果、魚、生菜、蘿蔔絲、青瓜等，蔬菜很新鮮爽口

因為落雨又返返來九龍灣覓食 話時話錦麗呢間嘢都開咗一排 但係都未食過只不過佢隔離果間茶記真係麻麻 明明普通到不能再普通嘅茶記 就日日鬼死咁多人不過我地都有排一陣隊 但都好快有得入就正正坐咗係門口隔離果張檯聽聞係最好食的生牛肉粉 咁就梗係要叫一個啦 不過唔係我食 我叫咗個牛丸粉 兩個人都走青 哈哈呢度好得意 啲河粉係成團上😂😂 要話比大家知全部都一樣size㗎啲牛丸都好彈牙 幾粒加埋等於果團粉啦 啲湯就好似啲味精湯 食完要狂飲水 另外啲芽菜係無限供應㗎 不過對於我來講 可免則免啦 bf話啲芽菜味道怪怪的🤨呢個芒果卷 皮通透 但如果無咁多配菜 多啲芒果就好了

日日朝早返工經過德福廣場，離遠都見到呢間餐廳外面排滿人，今天出門早左，趁有點時間走過去八掛下，原來有新鮮出爐麵包買，外買麵包既人唔多，d 人龍係排堂食，好快咁我就買左個菠蘿包$7，麵包個皮焗得好香脆，麵包鬆軟，暖笠笠，好味！

係德福行街順便整個下午茶先～依間嘢好多分店～今次就試九龍灣店啦海報寫到咁勁～原來中伏了可能因為下午茶抵食所以滿座～等咗10分鐘就有位下午茶套餐：迷李錦麗熟牛肉粉配越南滴漏咖啡～份量嚟講下午茶剛好～越南風味牛骨湯底超濃～香葉味濃配上生芽菜、生洋葱、葱花、黑椒粒、青檸汁～湯底美味可惜熟牛肉太硬～舊舊都好難咬～正常都應該煮淋D～而唔系飛水就算越南滴漏咖啡好唔好飲就見人見智～越南咖啡粉好香～可惜煉奶過多～甜到有D過份

錦麗綜合粉根據店內指示, 食粉前首先要品嘗湯先, 然後再加入撕碎嘅香葉、芽菜、青檸汁,再開始食粉睇完一大輪指示, 終於飲左第一啖湯,好味到飛天呀!!!湯底應該係用牛骨焎製而成,味道清甜, 忍唔住飲多幾啖呀!牛丸切半,有三粒, 彈牙爽口, 仲有肉汁tim, 好出色生牛肉, 浸到半熟, 肉質鮮嫩熟牛肉, 有如清湯腩咁, 大大舊, 啱晒我呢啲食肉獸呀!法式牛油雞翼一黎到, 已經聞到濃濃嘅牛油同蒜蓉香味, 流晒口水~咬落外皮滿滿牛油香脆卜卜, 雞翼炸到肉質剛剛好, 肉嫩多汁自己一個都可以食到4隻呀!!!

香港食Pho既餐廳愈來愈多，唔知係咪同越南旅遊業愈來愈興盛有關。多左人對越南食物有興趣，而我都係其中一個越南pho fans德福開左間專食牛肉pho既餐廳🍴今日特登黎試下！佢同其他越南餐廳唔同既地方係 佢只賣牛肉pho，所以一於嗌個全餐，試哂佢既生熟牛肉同牛丸。每張枱都痴左食用說明根據佢既食法 先試一試湯頭。好鮮甜 加上淡淡牛肉清香之後加埋配料就可以食用。生牛肉半生半熟 剛剛好 好嫩滑 好香牛肉味，熟牛肉就好似牛腩，同牛丸一樣 不過不失。而河粉亦都好滑 整體都唔錯

這是我在香港吃越南菜最似越南feel 的一個錦麗門外 好多時候都有少少龍今天6點多🏃🏼‍♀️⋯⋯不多客人：可以直入有bar 位坐不滿 也坐下來吃要吃碗他們自稱屢獲殊榮的牛肉湯粉靚仔哥哥叫我可以先喝一口湯係噃⋯⋯頭啖湯一定要先喝其實最特徵的是河粉這裡的河粉真正一流湯稍微咸些 總結很好吃😋不好坐但仍然不失為本港坊間一碗非常好吃，喝😋非常足料河粉特別了不起的一家越南小吃店做到精彩 不過要我屈屈質質坐得委屈比較介意最後：只有一種河粉🇸🇬

同老公行完mega box ikea 返出去德福搵野食，見到錦麗即刻入去。之前試過觀塘分店唔錯，可惜太迫要搭枱。九龍灣分店唔太迫，坐得都算舒服。叫咗一個綜合粉、一個牛丸粉、一杯椰汁涼粉。牛丸好多汁、好味，一碗有5粒，湯底好甜，正！杯椰汁涼粉椰奶香味夠，涼粉幼滑，值得推介！

放工趕住喺九龍灣德福MCL戲院睇戲，所以就想係個商場裏面搵間餐廳食個light dinner 。最緊要快，但又最好唔好咁頹（no M記🤭） ，朋友就推介左呢一間餐廳，原來平時lunch Time排隊排到好full 㗎，今次可以順便試吓。「錦麗綜合粉」$62相對其他粉來講好抵，有齊三樣材料生牛肉、熟牛肉同埋牛丸，湯底好鮮甜，河粉嘅面質都煮到適中仲叫咗兩個小食share，唔想咁oily，淨係叫左米紙卷，唔錯「大蝦扎肉米紙卷」$27「魚香芒果米紙卷」$25返工area嘅大商場（而且人流咁高）裡面，呢間餐廳嘅價錢完全係抵食

今日一放工就去九龍灣呢間餐廳，想食個快dinner。好彩晚市呢就唔係好多人，仲有不少空座。而且餐廳非常好好人，就算朋友未到都可以即時入座，坐住等同睇menu. 「錦麗綜合粉」$62相對其他粉來講好抵，選擇困難症嘅朋友又唔洗煩啦咩材料都有（生牛肉、熟牛肉、牛丸），湯底鮮甜，河粉滑之餘，面質煮到軟軟地「大蝦扎肉米紙卷」$27再配個米紙卷就夠啦🤪一間越南餐廳好唔好食，我覺得都可以睇個米紙卷水準黎判斷，冇令人失望，皮都算薄，包得唔錯，內裡材料配答口感都ok

九龍灣都有唔少東南亞野食。今晚約咗個friend食呢間幾出名既「錦麗」。平日夜晚唔算太多人，唔使等位就獲安排入座。餐牌選擇分3大類:牛肉粉、小食、飲品。我地叫左生牛肉河粉、錦麗綜合河粉。好鍾意飲佢個湯，多幾淡都唔會覺得口渴。配料（如：芽菜、辣椒、青檸）另外用一個小碗裝載，要吾要自己有得揀！ 啲粉既份量幾多，大胃王實like！略嫌牛肉唔夠多，食起黎唔夠個引～小食方面，我地order 咗春卷同埋大蝦扎肉米紙卷。OK wor，2個人2款小食剛剛好！而飲品就叫左特飲（唔記得嗰名），好爽好清涼，係甜咗少少姐。喺呢個商場食飯價錢中上。難得搵到滄海遺珠，無論價錢、味道、服務都令人滿意。如果俾錢加埋信用卡payment就更加方便。會再幫襯！

行過德福本身諗住食文華，見到咁鬼多人就心知不妙於是就近近地試下格離既錦麗雖然錦麗都要排隊，但相比起文華條隊就真係短好多綜合河粉大蝦紙米卷今次同朋友食就叫左兩個錦麗招牌綜合河粉同一個紙米卷河粉既配菜係分開好適合啲唔食芽菜青檸薄荷葉既人綜合河粉有牛丸，牛腩，薄牛肉。三樣入面最出色既係牛丸本身我唔係咁鍾意食牛丸，覺得好鞋好乾。但錦麗既牛丸咬落係有汁爆出嚟，牛味好出，正!!紙米卷就揀左招牌既大蝦紙米卷，27蚊2舊其實有啲貴不過食落口又幾好味又多配料，係值呢個價位既

其實九龍灣我中午放飯既時候食過2間既越南牛肉麵。貴夾飽到嘔不過就無特別,😅 一間係megabox, 門面裝潢都好靚, 價錢都有少少貴, set lunch由$58-$9x不等, 一間係其士商業大廈對面, 細細間, 日日放飯時間都九百幾人等位, 價錢公道$5x-$6x。不過同我係屋企煮既肥牛加河粉差不多味道, 又唔係唔好味既(梗係啦, 我自己煮喎, 打死都話唔錯啦xddd)今晚要去睇戲, 所以快食個晚餐先。一入去"錦麗"裝潢設計好簡潔同埋間隔好闊, 唔會太迫。我點左綜合粉（生熟牛肉牛丸）牛油雞翼4隻！綜合粉一到店員就提醒先飲啖湯，非常濃郁湯底，又唔會油膩，好味。河粉滑而厚身。生熟牛肉有驚喜好新鮮。反而牛油雞翼就太過油，炸粉好厚不過好熱辣辣雞肉都幾滑身最後一提係店內好細心教埋越南風味食法，唔知又岩唔岩你呢😎😎

未試過服務差到要特登寫食評，利申本人自問幾好禮貌。我地四個人去食呢間，要你同人搭一張細圓枱，反而兩個人就俾卡位。咁都算，我地沒問題但服務態度就好有問題，叫人就當你透明，表現不耐煩，言語粗俗。味道就不算差，但又未到唔食唔得。希望呢間野以後會有所改進，好好咁審核員工，否則都唔會再考慮光顧。不過如果真係要去食，食牛肉河就好 春卷麻麻小米糕諗都唔好諗雞翼就正常水平米紙卷都還好整體價錢合理，但服務水平已經將平均分扣曬