錦川樓川菜館 (已結業)

晏晝同兩位同事食lunch, 點左醬爆茄子, 西芹魚條同埋麻婆豆腐, 每碟$25 送白飯一碗, 另外送例湯一大碗夠三個人飲. 三樣餸裡面係麻婆豆腐差左少少, 硬左少少. 茄子同西芹都好爽口, 魚條其實真係魚片啦.環境幾好, 舖晒地毯個位又坐得舒服, 亦都好清靜. 上菜很快, 唔駛等.

大王、大惡男、專食Cheap野兄、老闆娘同我，呢一班人坐埋，就當然係男人Lunch。原本大王提議泰豐廔，我多事幹提議來這裡試試，難得大家又無咩所謂。這裡裝修幾舊式，幾個男人食飯就正好，入型入格，好「槍火」feel。吃什麼大王已打點，我地淨係負責食，幾輕鬆。五個人就要了五個菜一個湯，分別是回窩肉、醬爆豬肚、煎黃魚、炒什菜及梅菜扣肉。菜色方面，水準一般，統統是老式滬菜館規格，即濃油膩醬，這還不要緊，但又加上重重的茨汁，真的除了梅菜扣肉之外，是統統給重手的下茨，非常的不喜歡。當中以梅菜扣肉及回窩肉比較叫不太差，前者雖然很油膩，但梅菜撈飯不錯，肉件就薄又硬身；回窩肉又是油膩，但麵醬都叫炒得幾夠味，肥肉都幾爽脆，不錯。例湯非常之「例牌」，窩底的節瓜也不錯；飯相當濕身，失水準。大王埋了單又唔肯收番錢，在此多謝他。但如想吃好一點，其實尖沙咀都有很多其他選擇。其中一個好處，就係周遭很多學生妹在用餐，幾開心架！

依間野開好耐成日經過都未食過，今次朋友介紹話唔錯，推介我們去試下。雖然話係川菜，打開menu都係一般京滬菜，但價錢比一般普通的京滬酒樓貴D。個fd一坐底就點了肉未四季豆同雲片白肉另外再叫了糖醋魚塊及紅油抄手。四季豆果然比其他方做得好，糖醋魚塊啖啖魚肉，配料又多而個汁甜酸度適中。而其他兩個“食送”就一般啦。最後叫了拔絲蘋果，初初食個件就好好食，外皮層糖膠好脆又唔太甜，食第二件時可能未隔清凍水，所以浸淋晒。

打從80 年中, 因工作地點在尖東, 我己是錦川樓的常客, 這裡的食物常在水準中, 好味, 辣度適中, 尤以雲片白肉, 四季豆, 紅油抄手最好味, 這裡亦常有自助遊客及旅行團到來幫襯. 自己雖轉了工, 工作地點也遠了, 但仍不時與家人及朋友到來吃飯, 現在的午飯時間, 免茶免加一不特止, 更有85 折添!! 不妨一試!!