錦壽築地 (已結業)

The restaurant is opened by a famous chef Master Kam and are frequently visited by celebrities. I tried sushi which is very fresh, and a few specialties such as 右口魚 and Lobster Sushi. The fish shipped in daily from Japan is wonderful. MTR Jordan

這家餐廳門外已經有很多食物照和明星照,應該很多明星也有來過。呢度係一間很有親切感的日本菜餐廳,服務很好,店員親切有禮。食物物質很好,沒有吃到過中伏的食物。我地點左一個刺身船,賣相一百分,海膽和三文魚腩都非常新鮮,外表已經看得出很有光澤感。壽司亦很好吃,鏝魚壽司很肥美,和牛壽司和拖羅壽司都很美味。還叫左一個胡麻豆腐野菜沙津,豆腐很滑,日式的胡麻醬令人好開胃。最後還有三文魚水潑,是限量供應的,好彩可以食得到,三文魚的魚油味非常香濃😋😋

今日放榜啦，又見到嗰仔入到想入嘅大學，就緊係老懷安慰，好開心啦，個仔咁努力讀書，見到佢咁開心我都開心，咁我嗰仔又鐘意食壽司，咁就決定帶佢去錦壽築地到食壽司啦去到就緊係叫刺身啦，叫咗一個雜綿刺身，有三文魚，甜蝦，海膽，北寄貝，赤貝，油甘魚等，全部都好新鮮唔少得嘅就緊係火龍卷啦，大大舊，又佈滿蟹子，炸得好脆嗰蝦，好好食仲叫咗生蠔啦，好鮮甜，又唔會好腥，都叫咗一打黎食架當然有叫呢到主打嘅特長三文魚壽司，真係舊三文魚可以包住舊飯仲有嗰炒飯，炒得好好呢餐真係食得好飽滿

今日同朋友屋企人一齊去咗行街之後就行到佐敦附近，大家都開始肚餓，就諗咗幾間餐廳食啦，但因為大部分人都想食壽司，於是就決定咗食呢間錦壽築地。我地就叫咗一個叉燒拉麵啦，豬骨湯湯底，味道好濃，溏心蛋好好食跟住叫咗嗰雜錦刺身，三文魚，甜蝦呢啲緊係唔少得，仲有魷魚，海膽，八爪魚等各種刺身，都好新鮮，海膽仲好鮮甜添仲有魚生沙律，表面佈滿哂粒粒嘅魚生，下面就係沙律，都幾夾仲有叫咗加洲卷同埋牛油果軟殼蟹卷好好食最後叫咗一個燒菠蘿，菠蘿好甜，當做甜品都唔錯

今日一個人出咗佐敦交收，交收完之後，見又出到佐敦咁遠，咁就諗住周圍行下啦，就行行下開始肚餓，就周圍睇有乜好食，見到間日本料理餐廳，就突然心血來潮想食壽司，就入咗去啦，之後先知呢間係叫錦壽築地咁我一個人，好快就有位，於是我就叫咗一個海膽花之戀壽司，又有三文魚啦，三文魚子啦同埋海膽鋪面，海膽好鮮甜跟住再配上三文魚子嘅小小咸，味道又唔會好怪，反而食落去都幾夾，好好食之後我再叫咗一個鰻魚炒飯，一個人黎講，我覺得份量好夠，油脂分佈得好好，唔會話太油又唔會太乾，真係好好食！鰻魚又唔話太少，都多嘅啲份量最後我仲叫咗一個三文魚水撥，好好食，三文魚水撥好多肉，滴啲檸檬汁更能帶出三文魚水撥嘅味道食完真係超級飽，非常之唔錯聽講仲有壽司蛋糕，下次朋友生日可以去呢到食！

✨ 今日家姐難得同我出街，佢出咗糧當然要搵佢請我食餐好㗎啦😏😏 講真，朝頭早已經同老母食到好飽，夜晚去到築地嘅時候已經完全唔肚餓。但係呢間日本野即使小妹我好飽，小妹我同家姐都可以清哂所有嗌嘅野食🤣🤣🤣🤣✨ 難得家姐請食飯，小妹我唔食呀，我都要嗌窮佢呀。今次嗌咗好多魚生同壽司。最好味莫過於特長嘅三文魚壽司。三文魚十分之肥美，鮮嫩。除此之外，我地亦都嗌咗魚生拼盤，真係飽到痴左線。🤤🤤🤤🤤

上次係佐敦行街行到攰了 隨意在街頭找個日本料理店進去填飽肚子原因有兩個 第一係同行唯一的女性強烈要求，二是聽一些日本料理愛好者說,隨意一家日本料理店做的東西都不會太差.. 佐敦這個店是在二樓，一樓只有門牌號，核對了幾次先敢入去（門面實在太像酒店了） 出電梯後左邊就是店舖，一點鐘依然要排隊，門口貼滿了tvb明星的大頭照，還有細個睇的獎門人。原來這個店是獎門人裡面的做辣辣壽司🍣的！ （當時就腦部辣辣壽司🍣邊個食） 出品：真係一個正字，無論擺盤抑或是味道，跟東莞那些連鎖相比，一個天一個地重點是性價比超高，圖中的單品每一個都不超過100港幣！這個價錢吃到這樣的出品，抵食！

爸爸媽媽結婚周年紀念，我帶咗佢地黎食日本野，今次係第2次黎，有訂位，我地準時到。佢位於樓上舖，都算幾大，而且中間有個簾間隔，方便想包個房既客人👍🏽刺身係食日本野必點，不過呢度既刺身係散嗌，無乜乜盛合個d，完全係中意食乜就點乜，然後幫你放到靚一靚😍刺身好新鮮，三文魚甜蝦同赤貝真係好鮮甜，好正😋點咗一個大芒果蟹籽沙律，沙律係用生菜底，芒果都好甜👍🏽三個人每人一件挪威特長三文魚壽司，三文魚唔算好薄，嚿飯都ok唔算好大，推薦比中意三文魚既朋友😋仲嗌咗一個鐵板牛舌，牛舌好大片好厚，但要係熱辣辣既時候食，凍咗會有d膩！呢間日本餐廳推薦！一定會再黎，但建議多d人一齊黎食得多d唔同類型👍🏽😍

一間值得係香港食既日本料理，絕對唔容易搵得到， 可能你會覺得當地既美食係返香港食永遠都會差D， 就好似你係外國地方想食返港式既味道你都會覺得總係差咁D， 但我作為香港人當然要支持返本土美食啦， 今次去左呢間性價比甚高既日料理小店， 無論生食定熟食都水準幾出色，店主聽講係日本御廚既徒弟， 而且仲好親民tim！唔單止製作認真，仲顧客至上， 呢點已經嬴盡口碑啦！ - 忌廉蟹肉薯餅 夠香口，一嗌落已經感受到忌廉同蟹肉係口裡既相互作用， 果種滿足感瞬間爆升到頂點呀！ - 牛油果軟殼蟹卷 （４件） 裡面全部都係包住軟殼蟹，外頭炸到金香脆口，完全係一種魔鬼既誘惑， 當然配埋超清新既牛油果，兩者相輔相成，加埋鮮甜到爆既蟹子做埋點綴， 又點叫人地欲罷不能呢？

好耐無係lunch食過日本野啦🇯🇵同事係openrice到搜尋見到 錦壽築地好似唔錯 因為由公司行去要15分鐘以上而我哋好怕熱 ☀️🔥 猶豫左陣一於去試 🚶🏻‍♂️🚶🏻‍♀️•Lunch set 壽司定食 $88 包麵豉湯同飲品起初同事睇menu怕份量好似好小 唔夠飽 壽司嚟到嘩一聲💁🏻‍♀️因為個手卷好大舊飯🤣估唔到哩個價錢有咁鮮既海膽 2隻咁大既蝦🦐🦐其他都好新鮮 絕對唔係劣質貨🦑🐟👍🏻唔食生冷野既同事都order左原條鰻魚飯$98比想像中肥大肉厚 味道適中 唔錯唔錯✔️不過冷氣就唔係好夠 所以有多把風扇係到打風 有待改善❄️

平日食壽司都會食嗰啲大型連鎖店，因為覺得有保證又唔使特別諗... 今次就上openrice見到呢間日本餐廳，好似幾多好評，又坐得舒服，於是決定試下... 點咗個雜錦壽司拼盤、特長三文魚壽司、 軟殼蟹牛油果手捲、蟹籽沙律同埋燒牛舌，全部都好好食！ 下次會再試！我自己鍾意嗰個雜錦壽司拼盤，因為可以試到唔同嘅壽司，當中北寄貝、甜蝦同埋三文魚都非常好食，食得出食材嘅甜味，好新鮮！自己本身麻麻牛舌，因為煮得唔好嘅餐廳，牛舌會一陣怪味... 不過呢一間就處理得好好，有好濃嘅牛味而且燒得好香口！ 至於個蟹子沙律就好大份，裏邊嘅蟹籽份量亦都好多，食完之後真係好清新！唯一美中不足嘅係唔知係咪嗰晚冷氣有問題，我哋坐嗰個位基本上係吹唔到冷氣，所以有啲熱... 不過侍應服務好好，有禮貌，keep住幫你斟茶同埋收碟，下次會再幫襯！

細個成日都睇獎門人，由細睇到大，都好想食節目入面既壽司，而辣辣壽司遊戲個大廚就係呢間鋪既主廚!趁週未就同埋朋友一齊去呢間日本餐廳食野~餐廳水吧位 都幾多設備~清酒配壽司 壽司有玉子壽司 三文魚壽司 鰻魚壽司 油甘魚壽壽等等 呢set壽司都已經填飽左我地個肚五六成吞拿魚刺身 超好食 我地都好鐘意食吞拿魚灸燒刺身 有三文魚 平目魚 帶子等等 味道都幾好 燒得幾香 唔錯唔錯~食物質素好高 當然價錢也成正比 呢間鋪好多藝人都食過 水準絕對有保證!

佐敦出名多美食！今日揀左食日本嘢，黎左呢間錦壽築地試下。 .店內環境算舒適，座位闊，唔逼因為得兩個人食，所以叫得唔多叫左幾舊壽司, 一份刺身, 一鍋烏冬.好喜歡食吞拿魚嘅朋友🤣.壽司揀左吞拿魚, 魚夠新鮮, 入口油香感好強, 啲飯夠實唔鬆～刺身都揀左吞拿魚, 刺身用冰盤鎮住, 保持新鮮, 刺魚部位脂肪比高, 似腩位, 入口即溶, 兩個人爭住食 .牛肉烏冬熱辣辣，湯底夠香濃, 有肉味, 牛肉偏稔, 但保持到咬口～ .平均水準中上～會再幫襯！！

今日就單丁一個人，係佐敦遊走啦，無野又唔知做乜好，又開始肚餓喎，於是就搵野食啦，跟住就見到呢間錦壽築地，食日本嘢嘅，我又想食就入咗去入到去我就叫咗一個雜錦鍋燒烏冬啦，就好似一個壽喜燒咁，有溫泉蛋，金菇，菜，豆腐等，仲有炸蝦啦，都幾多下，之後就再叫咗15件特長三文魚壽司，長到可以包住舊飯，一啖食一件，另外仲叫咗一個蔥拖羅蓉卷，點少少豉油都幾好食，最後以兩隻日本新鮮生蠔作結，今餐都幾滿足唔錯嘅一餐，下次叫埋啲frd一齊黎食

香港人不嬲都鍾意食日本野, 而且既日本餐廳真係多過便利店今次就輪到試呢間啦, 錦壽築地隨便叫左幾樣野食魚生飯蟹子同刺身都新鮮, 唔錯黑松露鵝肝炒飯第一次係日本餐廳食到呢款炒飯, 幾驚喜佢炒得幾好食 鵝肝超多 蛋亦唔少 咬落淡淡肉 真心抵食 性價比超高 飯一粒粒 但又無炒到好硬身 抵讚！壽司叫左3款, 蟹籽壽司最特別, 口感好, 味道獨特 玉子還好 唔算煎得硬甜品揀左意大利雪糕, 有4種味, 好食 有雲呢那 朱古力 芒果 椰子椰子超正 好多椰肉係入面