鋒哥廚房 (已結業)

朋友最近分左手，心情都比較差🤥所以約佢放工出黎食下野傾下計，希望佢可以快D走出黑暗，我地兩個都住元朗，所以就相約係元朗站等，之後就慢慢行去餐廳，可能好多野分享，一路行一路傾好快就到餐廳😌座位寬敞，舒適又不會過擠，大小不同的圓桌，整體我地都覺得質素唔錯，特別推介雞煲🥘雞煲搭配了洋蔥同莞荽，唔食芫荽既客人記得同店員講走荽，因為未打開蓋都聞到好勁芫茜味🤣不過我地兩個都接受到，醬汁相當惹味香濃，雞件大大件上晒色好入味🐓內裏充滿肉汁，食落好夠滑，真得幾好食，我地覺得淨係食呢個雞煲絕對值回票價

💁🏻‍♀️又黎到一個月介紹一次好西系列，今次餐廳係元朗鋒哥廚房，最近佢地唔搞羊腩煲，大力推出烤魚雞煲一條龍，呢個模式近年都好興，一個價錢可以食到多款菜式，大食同埋鍾意食辣既人真係不能錯過，聽店員講套餐出左一排都仲係好爆場，真係最好打電話問問先，如果唔係就有機會冇得食🙈💁🏻‍♀️火鍋配料、醬油自己出去攞，蔬菜類一兜兜放好，睇落都幾新鮮翠綠，有生菜、唐生菜、白菜、娃娃菜等，我就攞左娃娃菜，貪佢夠吸味，煮到最後可以吸哂辣油精華☺️💁🏻‍♀️烤魚原來係沙巴龍躉，平時係街市買一條都唔平，所以成本都幾高，整得好食都難，不過餐廳有經驗處理，肉質唔錯，我仲攞左午餐肉，烚到透徹軟腍，咸香動人，打邊爐加午餐肉真係好好食架🤣

📍鋒哥廚房 (元朗)元朗馬田路80號御庭居地下5號舖環境🏠餐廳分左幾個區域，分別有熟食區、蔬菜區、飲品區、雪糕區，全部都係任食任攞，不過當然要食得哂先好攞，唔好浪費食物，大家都好守規矩，冇出現打尖或情況混亂😌價錢💰晚餐分左3個時段，有早鳥優惠、黃金時段同宵夜時間 慣左早食飯既我地就5點入座，可以有優惠❗️兩個人最後埋單都唔洗$600，仲可以食2個鐘，夠哂時間食物叫左蜆、青口、脆肉鯇，貝類係我最喜愛火鍋料，好烚大約5分鐘左右就食得😊簡簡單單食到食材的鮮甜味，加埋自製蒜茸醬汁，正，脆肉鯇仲快，大約淥2分半至3分鐘，呢個時間我覺得係最爽脆🤣

無論冬天定夏天都可以打邊爐👩‍❤️‍👨有d以藥膳湯底做噱頭，有d以抵食任食做賣點，今日去呢間鋒哥廚房就係以後者取勝😉湯底有五款可以揀，有蕃茄薯仔湯、芫荽皮蛋、四川麻辣、沙嗲同豬骨湯，比起養生鍋我更喜歡呢d簡單又濃味既湯底☺️雞煲都幾貼近香港人口味，岩哂無辣不歡的朋友🥵雞腿口感又唔會太老太鞋，食落又香又滑，最重要夠入味，而且可以無限咁叫，未打邊爐都已經5成飽🙈另外想回本一定係叫海鮮，我第一轉就叫左鮑魚、生蠔同扇貝，鮑魚大隻有口感😚就算煮耐左就唔覺好韌，生蠔保留到海水味，好CREAMY🤪完全冇腥臭味

鋒哥廚房好食：8/10服務：7.5/10衛生：7.5/10性價比：8.5/10已經唔記得第幾次回頭幫襯鋒哥，之前冬天佢有出羊腩煲套餐，已經覺得質素幾好，食物種類多，所以BOOKMARK左開返晚市要再黎多次XD上次黎我地係食羊腩煲，今次就係食雞煲，價錢好似都差不多，人頭大約$300左右，以同區黎講，唔算好貴，甚至我覺得性價比係高Tim，因為除左火鍋任食，佢仲有海鮮、串燒、雪糕都係冇上限咁叫XP湯底我哋揀咗有機蕃茄薯仔湯，好清甜同埋蕃茄味好濃，非常足料，絕對可以當湯咁飲，叫左扇貝同埋蜆，淥完出嚟比想像中大隻，非常新鮮，好爽甜，餐廳整體黎講都好高質，一定會再回訪

《元朗高質火鍋店》#鋒哥廚房 #元朗美食 #麻辣雞煲👉🏻元朗美食多籮籮，淨係食火鍋都有10幾間，作為港島人既我又唔熟路，行完山就上網check下邊間好評多，就發現呢間鋒哥廚房，位於馬田路附近，如果由朗屏站出發可能都要行15分鐘，不過好食又唔怕遠既🤣👉🏻我地晚上7點半去到，餐廳都差不多坐滿一半，去到8點直頭full哂，我地星期六去，所以價錢就$308一個食2.5小時，如果想平d，可以5點食到7點，就$258/位，見到店員密密手冇停過，都知有好多客人，不過佢地收碟送餐都幾快，同埋主動性都夠，唔洗次次叫佢地都主動幫手😊👉🏻我超級喜歡食魚，呢到烤魚烤過後，外皮脆脆的，辣油滲透晒入魚肉，有朋友食唔到辣都話接受到，我仲夾左其他材料，凍豆腐、魚腐、豆卜、脆肉鯇、牛丸，樣樣都幾好，特別係豆卜索哂d汁，超正🤪

鋒哥廚房 $298/位（平日）——————————————————約一班朋友最好就揀任食，唔洗煩，所以就揀左間有得食烤魚、雞煲同邊爐既火鍋店，地方好大，我估都超過50個位，我地揀左星期四黎，不過冇諗過平日都咁多人，接近全場full哂，不過好好彩店員嫌快就安排到張檯比我地，如果唔係一定有排等(〃'▽'〃)——————————————————我本身麻麻地食魚，一來多骨同埋怕腥，但試左麻辣烤魚感覺又幾好，完全唔腥，可能辣味都比較重，除左魚，我地仲點左生蠔、蜆同蝦，仲有一般打邊爐配料如：芝士腸、午餐肉、芝士丸、響鈴，生蠔以為煮完會大縮水，點知完全冇，仲好好食，有蠔味又夠滑，未食哂照encore多份ヽ(^o^)丿——————————————————飲品方面可以任食啤酒，我地加加埋埋都飲左10幾杯，唔會餐廳會唔會蝕錢，不過成餐飯都食得好滿意好滿足(○^～^○)

「我成日都會睇YouTuber介紹香港各區有咩美食、好玩地方，最近唔少人都有拍呢間鋒哥廚房，男朋友就黎生日，佢最鍾意打邊爐，所以今次就預早book位，同佢簡簡單單慶生日，鋒哥廚房有兩間分店，我就揀元朗呢間近屋企，睇片介紹都唔錯，仲有任飲生啤💯🉐真係不醉無歸」「用餐環境幾乾淨舒適，大大個牌寫住Michael Kitchen，離遠就見到，火鍋配料都係自己係自取區攞，食物分哂類，有夾同埋衛生都唔錯」「唔好講咁多，食左烤魚先，我自己仲加左粟米、豆卜、冬菇一齊煮，超吸味❣️食完條魚再食配菜就岩岩好，我同男朋友都係芫茜控，好開心烤魚上有大量芫茜，好夠味」「火鍋部分：我地仲揀埋芫茜湯底，double芫茜❤️‍🔥海鮮就揀左青口、象拔蚌，好夠清鮮，冇沙同埋彈牙」

開左幾日通宵趕project，都冇好好休息過，今日收到老公msg話放工接我去食放題雞煲😻超開心👇🏻👇🏻👇🏻👇🏻我地都好鍾意海鮮，呢到海鮮選擇種類真係好多，應該係我地食過最多既一間，點左鮑魚、海蝦、番薯蜆、東風螺、水魷等等，鮑魚肉身飽滿，食落好彈牙好正😽蜆肉大隻，味道鮮甜，水魷淥一陣好快就食得，海鮮質素唔錯～👇🏻👇🏻👇🏻👇🏻麻辣雞煲職員話要等5分鐘先食得，一路等一路已經聞到香味，真係流哂口水😻一打開蓋就傳來陣陣麻辣味，唔會好攻鼻，雞件配埋醬汁超惹味，滑嫩唔柴口，食完成餐飲飯雖然好有罪惡感，不過間唔中食一次放縱下😸

元朗馬田路有間食雞煲都幾出名 - 叫鋒哥廚房😌係天水圍新北江都有分店，環境幾大光線充足，主打任食海鮮、雞煲同火鍋，不過可惜麻辣烤魚只可以點一次🙈價錢跟入座同離座時間去計，共有三個價錢，最平$158/位，最貴都只係$198/位，可以食足120分鐘，而宵夜時段就食90分鐘，不過我覺得都好夠時間😆首先一黎就上沙巴龍躉，超級大條直頭大過個煲🥘紅油一直咁滾住，愈煮愈辣，惹味到我連魚尾都唔放過🤣真係食淨得條骨，魚口感實在且無腥味，唔洗10分鐘我地已經清哂條魚！之後就到雞煲，醬料味道同魚個個差不多，不過雞煲比較乾身一d，有點麻辣炒雞既感覺，好似大排檔既小菜咁😍除左惹味仲有鑊氣！

有返晚市都差不多一個月，我估應該冇岩岩開返咁多人，當然要即刻book任食同老公撐枱腳，去左屋企附近間鋒哥廚房，有得任食海鮮，而且仲有獨家任飲惠比壽同健力士生啤，岩哂我地兩個酒鬼👻7點去到黃金時段，$198一個，先上一份麻辣烤魚，烤魚係沙巴龍躉🐠魚size相當大條，好在我地做完gym完好餓🤣魚肉厚實，吸哂湯底精華！味道帶點麻味，唔算好辣，可能我地本身都比較重口味食完烤魚，我地揀左皮蛋芫荽湯打邊爐，當然要叫返海鮮黎食，叫左肉蟹，都幾新鮮，有手掌咁大隻，encore左幾轉，食到超飽，我諗明天都唔洗食早餐，非常滿意一餐🤤

鋒哥廚房火鍋，係我近期食過最高質高性價比嘅火鍋。首先$258食到雞煲+羊腩煲+火鍋三樣嘢，味道質素仲要吾失禮，我同男朋友都真心覺得好滿足👍🏻👍🏻👍🏻先上嘅係鮑魚雞煲，真係有鮑魚架！雞煲汁香濃好味，少少辣吾過火非常過癮。更要讚嘅係雞件件都大舊多肉，肉質肥美嫩滑，真心好好味！火鍋揀咗沙嗲湯底，淡淡沙嗲味感覺無咁heavy，但又唔會淡到無味，非常好。火鍋附上海鮮（蠔、鮑魚、蜆、蝦），海鮮都算新鮮，仲有高質肥牛。肥牛同豬都係任叫，質素中上，牛肉新鮮味濃。其他配料自己拎，要推介佢哋嘅丸類，好食😍😍仲有雪糕同熟食任食，呢個價錢食到咁多嘢仲要咁好味，下次必定encore❤️❤️

鋒哥廚房推出嘅烤魚雞煲火鍋，係好正。第一次初體驗1）一入去侍應非常專業，首先要估齊政府啲要求先比入，仲溫馨提示我哋：“記得唔好㩒登出，否則會違犯 599 㗎啦“。2）侍應好用心講解個次序同收費。3）商量過後決定唔食烤魚食雞煲。侍應先上咗馬來沙嗲串燒 (食到沙嗲汁都 jam 埋落啲雞度)。個雞煲雖然望落去好油，但啲雞件同個雞煲啲汁味道好配合好好味。又有好多肉，之前食過一啲雞煲係有小肉或勁多碎骨。呢度個雞煲好食 4）今期主角係龍躉，所以叫咗個皮蛋芫荽湯底，然後去攞龍躉肉，鮑魚扇貝，青口，蜆，海蝦，九肚魚，急凍蠔。全海鮮宴咁款，算直值回票價，抵食 5）因為海鮮宴太吸引，所以只叫咗 10/12 碟安格斯牛頸脊。每款啤酒都飲咗一杯，始終1664/Hoeegarden/藍妹係最好飲。6）最後攻陷埋甜品，雪糕雪條就滿足晒自己啲食慾。7）價錢係 ($328+$20) 再加一服務費：$382.80一位，食足2.5小時。第二次為母親節今次今埋個重慶烤魚煲，走辣 (因為我哋唔食辣)，條魚烤得好味，個湯好惹味，(個人建議：如果多人 (4位) 食會好啲，咁個胃會剩下空間嚟食雞煲同海鮮宴）。利申：我食烤魚食到有三

天寒地凍，夜晚冇堂食難得閒日放假，中午過嚟試下星期一至四，每人$258+1呢度係可以先食羊腩煲之後食雞煲，再轉打邊爐關不過我哋兩個人同埋雞煲成日都食到我哋就主要食羊腩煲前後我哋加咗幾次羊腩羊肉夠淋，枝竹同冬菇都好好食部份海鮮只會有一次，例如鮑魚而蝦同蜆可以任食另外鯇魚腩，菜，牛肉水魷牛柏葉等等就可以任食呢度包生啤任飲可惜可能因為來貨運輸問題好多都冇哂，幾乎得返一款黑啤唯有下次再試總括嚟講都係抵食嘅~

🥢天氣凍除左打邊爐之外，又好想食羊腩煲，仲想食埋雞煲，大家意見都唔同，好頭痕呀！你會揀邊樣食呢？🍻位於元朗的「鋒哥廚房」就可以滿足你三個願望啦！只需要$258就可以食勻羊腩煲、雞煲再加打邊爐無限任食！✅每位贈送鮑魚海鮮拼盤一客✅任食羊腩煲✅任添惹味雞煲✅免費再更換免費火鍋湯底✅任食安格斯牛頸脊✅任食Dreyer's雪糕✅任飲8款生啤 (1664、Asahi、三得利黑、白啤、Hoegaarden、Erdinger黑啤、Murphy's、Paulaner😱仲可以食盡店內所有雪糕、汽水飲品、炸物、火鍋配料、連海蝦，蜆，脆肉鯇都可以任食。（疫情關係：原本自助吧的食物改由人手落單，更方便衛生。）💥係咪好誇張呢！真係超超超抵食！最難得係味道對得住價錢之餘，質素好性價比極高！欣賞小店面對疫情，也沒有半點怠慢客人，反而更積極有熱誠！🐑飽魚雙冬枝竹黑草羊腩煲每人一隻誠意十足既鮑魚，爽彈好味！肥瘦相間的羊腩非常軟腍，皮薄肉嫩，入口羶味不重，一口肉一口汁，如果喜歡濃味就再點上腐乳醬，咸香又惹味呀！🐔香辣雞煲（小辣）炒香過的雞件，又滑又入味，帶有小麻不太辣，調味不會過咸過辣，配菜的連藕片吸曬d汁，非常爽甜惹味