銘興山西刀削麵 (大同新邨)

營業中

休息中

[ #大角咀美食 #caloriefoodie大角咀 ] • 銘 興 山 西 刀 削 麵 •🐿🦦-​大角咀抵食刀削麵 一共三種食法‼️分別係上湯、熱拌同埋店員推薦嘅冷拌🧊配料夠晒大份足料 連小食味道都唔錯整體性價比都幾高 平價晚餐之選🌟-🐥️ 花雕醉雞刀削麵 💰$62轉冷拌刀削麵 +💰$10 花雕醉雞嘅份量以💰$62嚟講係十分之多仲要咁啱有雞脾位食 酒香味濃郁 幾入味而且雞肉肉質都幾嫩滑 仲配上兩隻半邊醉蛋冷拌刀削麵加上青瓜絲、麻醬、花生、秘製醬刀削麵口感更有咬口 夏天果然係要食冷拌😗-🐥🐷️ 麻辣雞翼+麻辣豬頸肉雙拼 💰$80可以挑選辣度 我地揀咗小辣 都已經夠惹味只係喺小食上灑上麻辣粉醬汁 帶點蒜香味~雞翼預先脆炸 而薄切豬頸肉口感上都唔錯-🥖️ 黑糖糍粑 💰$45推薦甜品小食 糍粑口感煙韌 外層炸得好脆一咬開就滴出甜甜嘅黑糖汁 幾好食!!-🥤 阿華田脆脆 跟餐 +💰$8估唔到呢度都有阿華田脆脆飲 面頭有超多脆脆本來想試埋益力多菜蜜 但得紅磡分店有聽個名好似好特別 唔知好唔好飲 下次試🤣-📍 大角咀埃華街74號大同新邨大成樓H座地下H1A及H1B號舖-#caloriefoodie

今日兩點喺大角咀搵食，想試一間未食過嘅餐廳，平時少食刀削麵，所以入咗呢間餐廳，係openrice 見到4間分店。嗌咗碗花雕醉雞刀削麵$62，加$3包凍飲。有好多件雞，花雕味都幾濃，雞肉夠滑，就算係雞胸骨果舊肉都唔會鞋，但食多幾嚿之後就覺得有啲鹹。另外嗰粒醉蛋係糖心架，好香蛋味，又唔會太鹹。至於碗刀削麵，啲上湯有啲鹹，麵質就幾好，煮嘅時間啱啱好。整體尼講，調整一下鹹度就會好好。📍銘興山西刀削麵 (大同新邨) (大角咀)大角咀埃華街74號大同新邨大成樓H座地下H1A及H1B號舖

哩間刀削麵好抵食, 平民價錢份量大, 必食醉雞刀削麵/飯只係$62, 醉雞入味又多肉, 仲連埋隻醉蛋添,  陣花雕味真係好香! 豬手大大隻, 刀削麵每日店內鮮製, 麵質爽彈厚薄都均勻, 超大碗如果你係雀仔胃應該食唔哂!!小食同樣出色。麻辣手撕雞堆到高高的全部都係肉, 香辣惹味加埋脆卜卜咸香既花生, 令人一啖接一啖追住食。薑蔥鮮牛肉係厚身既滑牛, 夾埋薑絲黎食連豉油都唔洗點已經夠好味。包漿小豆腐外脆內嫩, 煎到香香的面頭仲加左D孜然粉更加香口。雖然華田係好common但唔知點解而家好少係出面飲到D又濃又夠凍既華田啦, 哩杯阿華田脆脆真係做到非常濃郁, 面頭D脆脆又好好味, 必飲~

🍜好鍾意食刀削麵🤤呢間都坐得幾舒服😌而且仲好扺食添👍🐣花雕醉雞刀削麵：呢個花雕醉雞個醉雞味好濃✅而且雞肉仲好滑添😋好鍾意佢刀削麵個質地好有咬口💯唔錯👍🍜溫泉蛋木耳牛筋腩刀削麵：牛筋炆得好腍😍呢碗又有牛筋又有牛腩❤️一次過滿足晒兩個願望✅個湯底味道夠濃😋好推介呀🥳🫔包漿小豆腐：呢個小食一定要叫呀👏豆腐味好濃✅上邊有啲好香嘅粉😋裏便個豆腐好滑添👍🍓荔枝啵啵蝦球：呢個唔知睇得💯仲好好食😋外邊炸到脆卜卜好似一個荔枝咁樣✅裏便係好多蝦肉嘅蝦球😋點埋個沙律醬👏冇得頂呀🥳🥬郊外油菜：每日都要食啲蔬菜😋係要嗌返碟油菜啦👍估唔到呢碟油菜咁大碟✅而且啲菜都幾嫩口❤️唔錯🥳☕️熱奶茶：奶茶控覺得呢一杯奶茶都唔錯👍我自己就鍾意飲奶茶偏奶味重嘅👍所以呢杯我就覺得唔錯呀🥳🧋阿華田脆脆：你杯阿華田脆脆味道好濃😋有夠凍💯夏天飲啱晒✅

今日去咗大角咀搵嘢食，原來銘興山西刀削麵喺大角咀開咗分店~必食花雕醉雞刀削麵，刀削麵較闊而且口感彈牙，花雕酒嘅香氣濃郁，酒香同雞肉嘅鮮嫩融合，份量都幾多！除刀削麵仲有熱伴揀，肥牛熱伴米線，肥牛片嫩滑多汁，入口即化，米線較軟入味，記得食呢間嘅辣椒油，非常香！新品仲有包漿小豆腐 ,炸到外層外脆內軟，入口嫩滑，值得一試！小食有麻辣雞翼拼豬大腸，豬大腸好多大件，麻麻辣辣，雞翼香脆而有小小麻辣香！另一款喺麻辣牛𦟌拼豬頸肉，牛𦟌肉質嫩滑，咬起來唔會有太多嚼勁，入口即化，豐富的汁液，咬下去時會釋放出濃郁的肉汁，豬頸肉就肉質較為嫩滑，口感帶嚼勁，同時保持肉質嘅彈性，麻麻辣辣咁。

最近搬家在大角咀附近， 有一間朋友介紹的正宗刀削麵平民美食， 環境新裝修下都感覺企理別緻！食物份量豐富！口水雞湯刀削麵刀削麵有上湯的，熱騰騰的上桌，湯底濃度剛好，配上口感的刀削麵，原來都是廚師👩‍🍳新鮮做的刀削麵呢！口水雞份量都好多，雞肉嫩滑多汁，調料都惹味剛剛好！包漿小豆腐店舖自家製作，好嫩滑的豆腐，即叫即炸外脆內軟口感不錯銘興山西刀削麵 大角咀埃華街74號大同新邨大成樓H座地下H1A及H1B號舖

💪🏻 花雕醉雞刀削麵 （$62）餐廳嘅醉雞醃得好入味，酒味好香，內裏嘅雞肉都滲晒花雕酒😋 而刀削麵都削得大小均勻，食落少少煙韌！💪🏻 麻辣手撕雞擔擔醬湯刀削麵（$55）手撕雞係去皮雞胸雞柳，所以比較低脂健康💪🏻 而麻辣醬汁正常發揮。而擔擔醬汁就唔係平時花生醬個種，係普通辣醬加少少肉碎。💪🏻 包漿小豆腐 （$45）豆腐炸得香口，豆味都夠香，亦灑上孜然粉。💪🏻 炸墨魚餅 ($45）炸墨魚餅食落都有咬口，有少少墨魚粒。味道：7/10性價比：7.5/10 食住瘦指數：💪🏻💪🏻💪🏻💪🏻💪🏻/5 (Gym Friendly)

今日去公司附近食中午飯咁啱見到呢一間刀削麵，就喺大角咀嘅街邊。見到啲人都OK多就決定入去試一試啦一坐低呢就叫咗個麻辣雞嘅刀削麵，一嚟到全部都係啲雞髀呀嫩嘅位咬落去都好林好正！60幾蚊有呢個價錢絕對要推介俾大家另外佢哋上菜都好快落咗單之後5分鐘已經送齊晒包括買嘢飲，真係冇得頂！啲座位都尚算闊落同乾淨都算過得去啦！都係嗰句呢一個價錢其實冇乜嘢可以挑剔啦！所以總括嚟講係lunch呢個價錢，再加上喺大角咀我覺得絕對可以推介俾大家！而我自己之後都會再嚟試吓佢嘅唔同面啦除咗口水雞仲有個藥膳雞都好似好出名期待期待！

一直聽聞大角咀有一間性價比超高正宗刀削麵，今日終於由老公帶路朝聖🏃🏻‍♀️店內環境光猛，上菜速度都好快手，而且每一碗麵份量夠晒大，論價錢計CP值真係冇得輸！🔸花雕醉雞刀削麵首先要介紹大大碗既刀削麵 - 即叫即煮既麵條由每日店內新鮮麵團做成，所以口感彈牙有麵香😍花雕醉雞刀削麵係必食推介，嫩滑雞肉配上秘製花雕酒調味醬汁，每一口都充滿花雕獨特既甜甜酒香，旁邊仲配有溏心蛋將滿足到大大提升🥰🔸麻辣豬頸肉刀削麵老公每次必點✨一塊塊豬頸肉上鋪滿花生、蒜粒同辣椒醬，豬頸肉爽口唔油膩，配埋刀削麵食超級惹味！老闆仲好貼心地拎埋成樽辣椒油俾我地加料，嗜辣呀麵即刻被吸引到，蒜香加上辣勁令人食唔停口🤤🔸包漿小豆腐同樣係店舖自家製作，咬開裏面係嫩滑豆腐，即叫即炸更能保持外脆內軟口感🔸藤椒魚皮魚皮爽脆份量多，同藤椒、花生、青瓜絲一齊涼拌非常惹味，啱晒悶熱夏天！

呢間刀削麵鋪之前我番上份工個陣lunch成日幫襯😂每次黎必點嘅一定係花雕醉雞刀削麵😍因為佢花雕酒味好香, 雞肉超滑的,還有雞蛋!加埋大大碗的刀削麵其實已經好飽! 刀削麵麵質滑溜, 有湯麵, 冷拌麵同熱撈麵可以選擇! 個人比較喜歡湯麵,湯底本身味道已經香濃😉另外,我仲叫了咗麻辣雞扒刀削麵同幾款小食😜雞扒真係勁大碟，仲唔會炸到乾晒😍炸春卷即叫即整, 非常香脆! 小酥肉同墨魚餅都同樣唔錯，份量仲夠多！最後呢度跟餐除咗可以飲一般茶餐廳飲品之外, 仲可以加錢轉飲豆味香濃嘅壹品豆漿, 真係幾好🤩

有冇人同我一樣 鍾意食麵多過食飯🙌🏻當知道大角咀新開連鎖刀削麵店當然要捧場一下啦🤭✨金沙骨伴刀削麵（涼伴）$65再加豬頸肉$10呢度嘅刀削麵係有分涼伴或者熱伴喺依家咁熱嘅天氣底下 當然選擇涼麵啦食完都覺得透心涼啲啊刀削麵嘅份量好多 好似食極都唔完不過配上芝麻醬青瓜麻辣肉碎配搭一流 再加上啖啖肉嘅金沙骨同豬頸肉即時滿足感攀升☺️✨口水雞刀削麵$62口水雞份量好多 肉質方面一啲都唔鞋呢個價錢性價比相當高熱湯嘅刀削麵有另一番風味✨麻辣牛筋腩$62牛筋腩相當惹味牛腩同牛筋都係好腍又係大大件 不過腍得嚟唔怕咬唔開✨荔枝蝦球$45呢個名顧名思義係荔枝咁既外表紅卜卜 但裏面就係蝦球出面脆卜卜 內裏軟熟 口感一流✨包漿豆腐$45一碟有10件 份量都唔算細㗎本人最愛豆腐 包裝豆腐係炸到外面脆身內裏軟綿綿🤤熱辣辣咁先係最好食✨阿華田脆脆 （套餐+$8）小朋友有口味嘅我🤣小朋友絕對要叫嘅阿華田呢杯阿華田相當濃味 再加上脆脆口感特別豐富🤗

花雕醉雞🐔$55鮮嫩嘅花雕醉雞，香氣四溢☺️雞肉被特製嘅花雕酒同香料浸泡😉每一口都散發出濃郁嘅醇厚嘅酒香😛肉質鮮爽，幼滑多汁🤤熱拌手撕雞刀削麵🍜$55份量都真係幾多😎嫩滑又Juicy嘅手撕雞肉😚入口即化，鮮嫩爽口😌調味亦恰到好處，鹹甜適中😉搭配軟彈爽滑有嚼勁嘅刀削麵😝加上簡單嘅調味，更增添層次感同鮮味🤤手工韭菜豬肉餃子湯上🥟$48/10隻餃子件件都好飽滿😛皮薄餡厚，餡料豐富😚響湯汁嘅浸泡下更加滋味十足😬韭菜鮮嫩清香，口感細膩綿密😌荔枝啵啵蝦球🦐$45真係勁似荔枝🤣荔枝嘅外觀，但裡面係包著爽滑嘅蝦肉🦐蝦肉肉質爽嫩，彈牙可口😇入口外層微脆，內裡相當軟滑😊凍檸茶🍋跟餐+$3阿華田脆脆🍫跟餐+$22

今日中午大約12點45分左右到達叫外賣，等外賣期間見到一個食客食完埋單，枱上有一盒仲有好多嘅花生，見到店員執枱時將盒花生冚好蓋，連同其他碗碟收走，放好啲碗碟之後拎返盒花生出嚟，四圍望，覺得無人見到就若無其事將盒花生放咗喺出餐位，我相信佢之後會將嗰盒花生重用🥲花生呢啲咁唔值錢嘅嘢都會咁做，其他食物我都唔敢想像🫣為咗幾蚊嘅嘢做衰間舖，我就唔會再幫襯銘興任何一間分店希望員工或者老闆會睇到，自己檢討下

今次我哋嚟到九龍區一間好有人氣嘅中式餐館🥢！舖頭喺幾區都有分店，呢度價錢抵食💰，唔怪得咁多附近街坊，而且外賣單都唔少🛍️。呢度仲有自助吧，可以自己攞小菜。.🥟手工韭菜餃子湯($48/十隻)份量夠足，呢個價錢已經食得飽飽😝！餃子韭菜味好香，我哋就鍾意配湯♨️，感覺熱辣辣，好開胃。.🐔花雕醉雞刀削麵($62)醉雞好夠嫩滑！口感好得嚟，花雕味道超級濃郁🫧，甜香酒味好吸引。刀削麵食得出手做嘅感覺，每條都有啲些微差異🫦，咬落夠口感、夠彈牙。.🥚涼拌皮蛋($35)好惹味！皮蛋本身香濃嘅味道，配埋香辣嘅醬汁🤤，好啱配唔同嘅主食。.🦑香炸Q彈墨魚餅($45)夠晒香口！外面炸得香，裏面夠彈牙💥，而且好有墨魚香味。

🔸 口水雞刀削麵    $ 62刀削麵一大碗，麵裡有菜遠同埋蔥花，口水雞就另碟上，係斬件嘅雞髀肉，肉質仍然好嫩滑，味道比較辣，亦都好有鹹香雞味。刀削麵係原舊麵粉直接削成麵條飛入滾水烚熟，所以麵質相當紮實 好有嚼勁，刀削麵浸喺湯裏面耐咗都唔會發漲，呢種北方特色麵食值得一試。味道：8/10性價比：7/10🔸 溫泉蛋木耳刀削麵套餐    $ 65套餐係湯麵，另加$10可轉冷或熱伴刀削麵。有12款餸可以揀：鮮牛肉、雞翼、豬耳仔、豬大腸、豬肚絲、牛筋腩、東坡肉、豬軟骨、魚蛋、墨魚丸、雞扒、豬扒。 我就揀咗牛筋腩， 有兩大枚牛筋同一枚牛腩，三大件都炆得超腍， 咸甜適中好惹味，另外放咗好多黑木耳同埋有隻溫泉蛋，可以話餸仲多個麵。味道：7/10性價比：7/10風味小食 👍蒜泥牛𦟌   $6513片薄切牛𦟌，好香牛肉味，薄薄地好易入口，面頭撒咗一片濃濃嘅白蒜泥，樣子好似沙律醬，食落就知蒜頭味好勁，有啲辣口，如果唔食得太辣，其實淨食牛𦟌都好和味喇。😋薑蔥鮮牛肉   $65一大盤牛肉，可能最正係用嚟送酒嘅，啲牛肉好鮮香，滲咗好多蔥花同埋花生米， 牛肉片厚厚地咸咸地，咬落唔會好韌， 一大碟美味嘅靚牛肉，最啱就