銀龍粉麵茶餐廳

銀龍就由彩德搬左過黎彩盈,住附近既我想食早餐就自然唔會行好遠去食第一次用餐就感受到乜野係誠意,就係銀龍上上下下都無既野,真係唔怪得之彩德會執叫左個常餐加凍朱,HK$47,早餐黎講都說幾貴,沙爹牛肉面火腿奄列奶油豬,先講個凍朱,無乜味,除左冰就係水,飲第3啖果下以為自己叫左杯凍水火腿奄列完全唔滑,無蛋味,火腿仲有陣怪味,奶油豬變左牛油豬,我一直以為奶油豬係用錬奶,但銀龍教識我可以用牛油,仲要係比我自己查,查多查少都得,真係火都黎,我諗又唔係真係忙到咁,講番個主要既牛面,真係食完都噁,牛肉係凍既(唔係在室溫果種凍,而係雪櫃岩岩拎出黎既凍),面煮唔透芯中間係硬既,真係咁都賣47蚊,如果我再去食,我就剁手,難怪D人話翠華好食,翠華同佢比簡直就100分啦,起碼D野係熟既先強烈建議大家除非必要(老人家不便落山之類)都唔好去幫襯,有一種天堂既感覺(你食完之後就發現平時食開既野有幸福既味道)銀龍,一直被模仿,從未被超越,講緊有幾難食!…查看更多

呢排朋友搬左過黎, 佢話呢間幾好食, 而且同山下比, 同一間鋪呢間會平d. 所以就黎試下. 夜晚唔想食得太飽. 所以叫左好清淡的蕃茄什菌米線. 雖然朋友話我做咩食到咁齋. 但我覺得佢好健康喎. 米線本身無咩味, 就咁食真係好"掛". 但加左蕃茄就唔會怕佢無味無道. 不過個蕃茄肉有點酸, 就快攪到變春夢婆婆(請自行科普IQ博士). 什菌有金菇, 秀珍菇同磨姑, 一d都唔hea架. 不過溫馨提示食蕃茄米線千萬不要著白色衫@@" 彈到成身都係. 朋友無咩胃口, 叫左個炸雲吞, 有六隻. (有隻佢一黎就食左). 原來雲吞有兩種料, 一種係蝦. 一種係菜. 個皮炸得好脆而且好薄. 雖然細細粒, 但裡面啖啖料. 蝦係原隻蝦. 而且好爽口. 而菜餃亦都係唔錯. 完全可以一次過滿足你兩種口味.  加埋佢地我碗米線咪唔齋囉. …查看更多

o個日下午3點幾仲未食午飯，就同老豆老婆同個仔去食番餐吧，食邊間好呢。。。。 大快活吧，味道唔錯，價錢又唔貴，但去到大快活就覺得。。。下午茶wo。。。我想食飯，對啲下午茶餐冇咩興趣wo。。。老豆就提議不如去銀龍啦，咁多分店，應該ok的，去到坐低，食咩呢，老婆話星洲炒米啦，阿仔中意食，其他叫咗咩就唔覺得喇，反正冇咩好食。。。星洲炒米到喇，開飯，老婆先食，話：好咸wo。。。老豆話：唔係呀。。。我食啖就覺得：根本係淡如無味。。。老豆話：哦。。。啲鹽炒唔勻姐，啲大師傅可能落咗場，碟米粉應該係啲師傅仔炒的。。。我就話：俾啲料我，我都炒得好過佢啦，啲料冇乜好野就算，但啲咖喱味淡到呢。。。食完就去周圍行下啦。。。。。行行下。。。唔係路wo，好口渴，出門口之前已經飲咗兩杯水，佢地放咗幾多羹味精呀！？早知去大快活啦！！！！！！！！！！！！！！ 冇下次！！！話就話 冇下次，不過有人話鮮茄什菌稻庭麵好食wo，下次去食再唔掂一定冇下次！！！蠢到呢。。。…查看更多

新年叫咗個外賣"下午茶",  叫了個$31下午茶"炸雞腿拼沙拉, 好快就送到來, 見佢咁快上來, 仲給了"小費".......點知一打開"正面:  背面:就 , 價錢就加, 份量減大半, 差差差!!! 好似有人用刀片咗D肉走咗, 與正常的雞腿差別得太大,肉跟骨D肉"無咗", 只有骨and皮. , 只有少少肉食一個$31+小費的下午茶, 應該無下次!!!!…查看更多

雖然這次光顧的不是即將結業的西洋菜街分店，但香港的店鋪租金真值得令人關注。其實連鎖式集團經營並不等於差，相反在經過設計的步驟下，會變得有保證。這次的特惠茶市公仔麵餐包括：午餐肉公仔麵、火腿煎蛋、凍奶茶。在歐洲數月嚐過一次港式奶茶，可惜味道與香港茶記有一段距離，現在重拾它的感覺的確不能言語。這裡的茶味濃，奶味相對淡了一點，但比例十分適合我，對於我來說，只要不是太薄便可以了。至於麵和火腿煎蛋則中規中矩，畢竟只是用來填飽肚子，奶茶才是主角。多加$5要了一份厚多士，牛油分量下得慷慨，多士厚度也很好，只是不夠熱，牛油未能完全融化，有點美中不足。集團經營下服務水準相對地高，過來收拾一下也會說聲"唔好意思"，雖然服務不是用餐的重點，卻能在我心中留下好印象！西洋菜街分店在農曆新年後也要結業，面對昂貴租金，連集團式經營也要迴避，過多一陣子，香港只會剩下金鋪嗎？…查看更多

第1次食果陣已經火都黎d野食又黎得慢都算,因為間野客比較小漏單都唔只,叫左幾次都未入單叫左3樣野食,有兩樣都已經食完過左半個鐘有多都未黎,食餐食到咁敏真係未試過個經理愛理不理咁,態度唔好第2次食又係咁第3次,屋企人想落去食先食多次試下d員工面孔唔同曬轉曬人態度好過上兩次主動d,語氣又好d但對今次d野食真係無野好講一個元貝北菇粉絲雜菜煲(最難食最無奈),一個西蘭花花枝炒帶子,一個銀魚雙色肉餅元貝北菇粉絲雜菜煲根本就係個煲入面加d熱水放左幾樣菜,蝦毛仔,粉絲同3舊北菇,元貝更加得3/4粒無錯,數量就係小到我數都數得出有幾多北菇根本無味,粉絲食落去好似食緊粉咁d菜係成個煲最正常.西蘭花花枝炒帶子除左帶子,其他都可以銀魚雙色肉餅係3樣野食最正常而我送飯食得最多ge就係銀魚雙色肉餅上面ge蛋黃無拎電話落去,所以無影到相食左3次都咁樣,真係忍唔到要上黎寫食評…查看更多

今日有小小事入彩德，呢個都算係幾新既屋。唔知係唔係太新既關係，入到個商場差迷路。由於係新屋既關係，大部份既食客都係建築工人。之後，翻轉再翻轉個餐牌。都可以唔知食乜好。最後，就試下個常餐啦。鮮茄什菌稻庭麵即係日本既稻庭烏冬，其實個烏冬都算係爽口彈牙既。茶記裡面都算係難得好食既烏冬，只係覺得個份量太少啦。唔知係唔係因為太好食，食極好似唔多夠喉呢？而個蕃茄湯都好有茄味，唔係開水整出黎既味道。而且什菌既份量都幾多，都算係乜都有既。整體上都幾有睇頭，食得過既。吉列豬扒及雜菜餅吉列豬扒都幾可口，食落唔會太韌既。我比較欣賞個雜菜餅，個餅係用左好多菜既配料整既，再加上薯仔。感覺上好似食薯餅，而且口感唔錯。炸粉唔算多，食得出足料既。凍奶茶其實同平時飲既都差唔多，茶味算係幾濃。只不過叫左小冰都仲係咁多冰，不過呢杯奶茶都幾好飲。多唔多冰已經唔係重要啦。呢餐都唔錯，雖然差唔多四兜野。但都唔算太過份既，始終食物既來貨成本升左好多，咁既價錢呢個時候食個常餐都合理既。…查看更多

間野岩岩開,,,冇乜人去食,,,見到報紙,,,小巴車身賣哂廣告...咪中午去試下囉,,,入到去...個個侍應講歡迎光臨!!!心諗,,,咦幾好喎...坐低左,,,先睇睇餐牌...好難想像依間係屋邨既茶廳廳...我唔敢講話住屋邨既食唔起...唔理...叫左個普普通通常餐A...牛肉麵好淡...奄列超少火腿...杯奶茶飲到底...有茶葉碎粒...真係好普通...蜜桃蜜柚子蜜可能集團比較有錢...唔介意開業比較少人...但係,,,侍應就只係客人入黎比較有禮貌...落單跟單完全不耐煩...問多句都嫌煩...屋邨商場既茶餐廳 炒粉炒麵都要40幾蚊...唔飲跟餐野飲轉奶茶個D要加3蚊...凍飲6蚊... 唔包餐湯... 冇餐包...我唔好去淘大食椰林閣... 別府...台式奶茶D收銀打住機問你飲都仲好禮貌過依間野D侍應囉=_=...依間野再唔訓練下D員工...唔洗做落去啦...by woody…查看更多