影片
同媽咪去天水圍行下, 諗著食下野, 見到有人派傳單喎,15蚊個下午茶餐,幾抵丫...d野食睇上來都唔錯, 又有越式檬粉,又有肥牛炒一丁, 於是入去試下喇!間野好大, 又有大電視咁, 個feel 唔錯, 入到去除左想叫下午茶餐, 見到有好多越式小食, 炸春卷呀, 炸扎肉卷呀咁, 都想叫, 然後我本身好鐘意食米線, 見到佢又有喎, 於是就諗著叫個牛腩米線啦~媽咪就叫個下午茶餐肥牛炒一丁!!唔叫由自可, 一叫把幾火!!我:要個肥牛炒一丁餐丫, 有冇野飲架?侍應:加5蚊熱飲, 加7蚊凍飲我:熱檸茶啦唔該,想問下咩係炸扎肉卷?侍應:無果d架, 全部都冇(果度全部o既意思係越式小食..)媽咪:你無呀就唔係放嚮度啦...侍應:點知佢地我:咁呀..算啦算啦..叫個酸辣牛腩米線丫侍應:無牛腩..無雲吞..我:下....咁我諗下先(然後我叫了個香茅豬扒檬茶餐..)好快媽咪的肥牛炒一丁到了..個樣唔錯啦, 個碟都幾靚tim, 食落口..唔夠熱...但除左唔夠熱,個味道都可接受啦!食完呢個餐...我個檬先到, 因為唔記得落單..吹脤..有兩塊薄薄的豬扒, 夠熱, 好味(食晒), 個檬粉差..散收收..個魚露汁...淡...我食左兩啖唔食..垃圾..完了..不會再去!
繼續閱讀
食評 (2)