銀杏館-越老 (已結業)

之前就聽過朋友話呢間銀杏館係社企，食物又不錯，就揀左係星期六中午去試一試佢！一入去比我一種幾有格調嘅感覺，員工大多都是年長退休人士，每個都好好笑容，而且有耐性！我點了個香茅豬排撈檬，基本上所有套餐都包埋一個自助沙津吧，沙律吧有車厘茄、青瓜、薯仔沙律 、有機菜、每日不同嘅湯！沙律吧很快被清哂，但店員都好快就refill左！所有食物都好新鮮，洗得乾淨，食得放心！主菜香茅豬排撈檬黎啦，正正常常，沒有甚麼特別，反而個撈檬嘅汁做得幾好，酸甜度岩岩好！臨走時，仲見到佢有d自家製嘅陳年鹹柑桔賣！

老公想吃越式料理上open rice search 到呢間睇左食評之後正面而且主題是支持耆英就業加上離屋企只要5分鐘路程就係open rice book左位....可能餐廳以健康飲食為題,真係好淡口,如果大家想食得少油少鹽就好適合!收銀櫃前有一些自家製手工蒜頭醋,咸柑吉同埋素xo醬等產品出售我認為可以買返D呢D特色嘢送禮自用都可⋯由於出自幫助社會為前提我唔想寫得咁詳細~到此為止，可能我平常習慣麻•酸•辣既重口味所以食唔慣清淡

今晚一家人專誠黎到油麻地搵食,原先係打算食煲仔飯既,不過細妹身體剛剛病好,都係唔好食咁油既野啦,咁搵下咩食時,就發現呢間銀杏館. 之前係美孚時,我己幫襯過,佢地專門邀請一班年長DD既為服務員.不過我係佢地地上體會到的是活力,熱誠,對客有禮,以及認真.當我地一家黎到時,發現服務依家是高水準,十分細心.讚呀!!!!我地叫左三個食物,其中火車頭米粉真係好震撼,真係好大碗呀!!!!!同埋用料十足...正呀!!!!!另外真係一讚呢班長者,佢地服務時的細心,係無得頂呀!!!只係個頭望多望,佢地己經意會到你想搵人,就主動行埋黎問你有咩需要.雖然佢地係一班上了年紀的人士,但佢地認真的對待每一個客人,令到我地好感動!!!

知道呢間係社企，所以特登來支持下嘅，待應們都係老友記，但feel佢地都好outgoing做得好開心，服務態度好好，令到我地都食得好開心！ 講返食物，我同朋友叫左每位188嘅套餐，前菜包左5、6款小食嘅，有米紙卷、牛油雞翼、春卷之類，超豐富主菜叫左豬撈檬同咖哩魚，好大份！不過我覺得呢度油炸嘅食物，全部一咬落口會食得出一陣油味，個人唔太鐘意～但overall黎講味道都唔錯嘅～套餐仲包一碟有機菜，餐廳完全冇添加多餘嘅調味料落去整，就咁白恰，食得出菜嘅鮮味，唔係靚嘅新鮮有機菜邊夠膽咁做好正！最後甜品好似係椰汁芝麻糕(待應話甜品日日都唔同嘅，俾個surprise我地)，唔太甜膩，Yum!!呢度好似午餐有semi buffet, 可以任食有機沙律，我一定要搵日黎試下

<社福食店><越南菜>🧹🧹一間由退休人士擔任侍應的社福食店，以發揮社會資源作為運作宗旨，雖然伯伯嬸嬸行動略慢，不過銀杏館特意在這條社福餐飲支線做好包裝，要用吸睛度及食物留住顧客。▪️裝修好比置身於美國西部酒吧。拍照、打卡，品味越南傳統通通適合，以食物質素而言絕對合理抵吃。▪️◼️✔️越式炒特大大頭蝦HKD248餐廳當天沒有特大種貨源，不過一心想試越式炒作的我倆照樣下單，可能餐廳習慣處理特大品種，蝦肉煮得過時稍偏韌實，已經失去彈性，不過味道有驚喜。上台時散發濃郁魚露味，風味鹹鮮濃厚，十足在大熱天時品味開胃菜，加上越南當地香料，陌生感十足。▪️✔️越老椰香咖喱配原個法包（雞/牛腩）HKD108別於泰式，越式是以鮮味作為咖哩的主要脈絡。一種引人食慾的辛香味，開胃又不會有椰奶的濃膩感。配上大量蔬菜，吃完一整個也不覺飽滯。▪️🔝香葉蟹肉煮粉絲HKD108雖然只用蟹肉及粉絲作主要材料，不過吸引度十足。因為蟹肉的份量頗多，引致粉絲有濃郁蟹肉味，加上土產調味料，又是一道熱騰騰的開胃菜。▪️🔝越老DIY米紙卷（蝦肉+豬肉+扎肉） HKD78米紙夠簿，內層蔬菜配料非常多，以致運用上三種肉類

員工非常有禮貌 食物健康又好味！ 可以額外選擇環 少油 少鹽，而且用既都係有機菜 夠新鮮！環境有特色，有舊時 Bar 融入工廈裝潢既感覺 ！ 套餐按人頭收費及預份量 唔怕浪費又唔怕唔夠食！非常推薦

食物的味道是沒法改變的味道令人難忘的食物就是會再選擇敍會關係，提議之後達成共識食令間店。環境優美，裝飾有驚喜，燈光柔和，氣氛好員工態度個個親切，笑容滿面～唔似某啲餐廳黑面又厭世樣。食物份量多，每款菜式配搭得每一次放上枱的一刻食慾大增，舔脷流口水！跟餐附送的甜品，斑蘭糕好好味，入口的時斑蘭味濃郁，單叫的話，一個人可以食曬成碟都得。果然味道不變，環境不變，質素依然！張枱唔算好大，好快就攞滿曬野食，定係我地叫太多呢？值得推薦～

之前係油麻地果邊返工都食左好耐了,但轉左工就少食左估唔到隔左咁耐水準都keep到!! 枱凳用原木配合鐵藝風格令到有點越式藤和木做嘅感覺,但又帶點時尚.場內燈光偏向暗可能想營造氣~~黎到銀杏館就一定要食佢地嘅自助沙律吧啦,有機新鮮多款選擇,而且仲係任食食到飽曬添~越式雙拼湯粉是我嘅最愛因為可能我鍾意有得揀,今次要左炸豬扖同蘿蔔牛腩,豬扖非常有肉味不會太油膩.值得一謙蘿蔔完全無渣,唔當造都可以用咁好材料可見果然係良心社企.小食要了煎魚餅,可能今日場內太多客關係,魚餅上台食時有少少凍左無咁好味,但肉質依然有咬口唔會一啖啖粉漿; 椰青好新鮮好多汁好評!

今日放工約咗呀媽係附近撐枱腳,記得之前朋友推薦食嘅依間餐廳,一入去嘅感覺完全唔似社企餐廳裝修,好有心思打理. 特別係水吧果個霓虹燈令到成間餐廳好有格調.-        正宗手打竹蔗蝦5/5 食過好多間vietnamese 餐廳多數都會溝大量粉落去令到口感同味道唔好,但依到食到嘅都好有蝦味不油不膩!!-        越老特式大蝦3.5/5 蝦雖然不夠大但勝在夠鮮味,師傅用蜜糖和魚露提鮮煎封,令到蝦內仲有肉汁,如果數量多啲就更好..-        椰香咖哩農夫包4/5 我地揀咗牛腩黎配農夫包食, 椰香味十足,但我個人食得辣略嫌無咁重口味,不過應該適合多啲人~牛腩非常入味唔似得坊間連鎖快餐嘅肉咁.最後仲飲咗一個新鮮椰青用黎解下熱氣, 下次黎到會再試多啲唔同嘅嘢食~

今日在油麻地附近工作,一直以來都聽到不同在油麻地工作的朋友讚好「銀杏館-越老」是一間很不錯的社企餐廳,加上自己仍然記掛住去旅行時食到的地道越南菜,所以心郁郁咁想去試一次。作為一間支持長者就業理念的社企, 它的環境都配合十足,整間裝潢都很有懷舊氣氛。地方望落空間感好夠,旁邊的卡位亦夠闊,坐得好舒服。食物方面叫了比較地道的越式春捲撈檬,這是撈檬材料都落得幾多,春卷食得出內裡有由豆芽、粉絲、蘿蔔絲、肉鬆、蔥段等做成的餡,用料充足,再表面炸得夠鬆脆,內裡的有機菜亦很爽口,口感十足。而且食起上黎感覺都唔似有落味精,係除左春卷用炸之外,都算有機健康。建議大家可以試一試食撈檬加上個拌汁,真係幾好味。服務方面見到好多位長者都好好笑容,做得幾開心咁,見到佢地年紀咁大仍然可以咁有熱誠對客同服務,的確好難得。價錢都算係中位價,算係抵食,味道同服務又唔錯。作為社企,不論食物,環境,服務,甚至是長者們的精神層面,「銀杏館」都照顧得不錯,今次餐飯,的確令我印象深刻,我認為是值得各位一試的。

油麻地越老的裝潢十分特別，實際上我也不知道應該怎形容～是一種工廠風？還是懷舊風？由門口到水吧都有霓虹燈，入面雖然偏暗，但感覺格外有情調，如果是星期三晚去還有Live聽，最特別是由侍應到歌手也是長者，因為這裡是一間專為長者提供工作機會的社企餐廳！這晚和朋友到這裡，有幸聽到現場表演，真是一個意外收獲！餐廳內坐無虛席，看到好多人都點了紅酒靜靜欣賞表演，今晚的歌手主打英文歌，說真的我有很多首也是第一次聽，但「舊歌是寶」，首首都好好聽，歌手Robin也說這些歌已經好少人會唱，今晚真的很難得。唱到一些耳熟能詳的，大家也會特別活躍，氣氛十分好！我們點了幾個侍應伯伯推薦的菜，伯伯好風趣，一直跟我們聊天，看得出他真的很享受這裡的工作～有時候世界真的很奇妙，如果我不是之前巧合地去了銀杏時光，也不會知道有這種社企，也不知道有人會為一班長者提供機會，成件事真的很有愛！今晚我們點了個小食－金蒜牛油雞軟骨，份量很大，味道也不會太咸，香口小食送啤酒一流！特別一提側邊的小蕃茄，十分清甜爽脆！！我未見過咁mini的蕃茄仔，勁可愛！侍應伯伯說這是他們自己的有機農場種的，有機菜唔易種～要食到佢真係要夾天時地利人和！主菜就點

之前去過銀杏館長沙灣店食西餐，今次決定去油麻地食佢地的越南菜～雖然餐廳位置比較難找，沿著彌敦道行，就看到「越老」大大張海報貼在平安大廈入口，但入到去有點迷惘，唔知應該點行，最後帶住探險的心情選了樓梯。　　行上一層就看到餐廳的藍色大門，店內整個裝潢是七、八十年代感覺，懷舊中帶點型格，而餐廳的員工繼續是聘請了長者，個個都笑容可掬，看到他們收拾時，下意識會想幫忙，其實到銀杏館也是種特別體驗，。　這裡的午餐是半自助式午餐，除了主食，還有沙律吧和餐湯可以無限添吃。但因為我是接近下午茶時間去，沙律吧已經所剩無幾，所以我決定轉戰餐湯，是日餐湯是青紅蘿蔔素湯，原本以為素湯會是淡而無味，怎料味道十分清甜！湯渣還有些木耳絲，咬落十分爽口！　　主食選了赤烤豬肉湯河($68)，其實它原本是撈檬，但今天想吃熱食，所以就改配湯河（撈檬轉湯河/湯檬需加$10），另外還加配了迷你炸春卷（加$8）。　　赤烤豬肉湯河份量幾大，烤豬肉滿滿一碟上枱，豬肉不會烤得太乾身，有點像醬烤豬肉，味道帶少少甜，感覺都幾Juicy，而湯底不會太重味精，起碼食完唔會好口渴，成碗粉個味道其實同越南當地吃到的有八九成相似，喜歡吃越南菜的朋友可以

好嬲, 本身已經好早訂左位同媽媽慶祝食生日飯, 其實之前都食過一次係唔錯, 所以今次再黎,點知前一日先打黎同我講話果晚包左場比唔到餐廳我地, 我啞左...包場唔係一早知架喇咩?點解可以安排到咁?! 除左好嬲都唔知可以講咩...如果只係為左包場生意既話, 咁我地呢d小市民又唔係生意喇咩?仲要前一日先打黎通知, 又要臨急臨忙去搵過第2間餐廳, 今次經歷真係好不愉快!

得閒係要約朋友出黎食餐開心飯既！朋友叫我揀，咁就訂間想試好耐又係我最愛既越南菜吧！上去餐廳既路有點「嚇人」，擔心去錯地方，最後，都順利到達！餐廳既設計風格👍🏻！有駐場歌手自彈自唱唱懷舊金曲👍🏻👍🏻！ 服務員招呼一流又有禮👍🏻👍🏻👍🏻！食物又好味😋😋😋！真係值得一去再去！同啲哥哥仔（服務員）傾開，話公司因為多客會安排多啲員工返工，公司安排唔錯！值得一讚！👍🏻👍🏻👍🏻我哋一行四人叫咗個set, 食物份量足又好味！

兩點幾去到，都幾多人喎佢出面仲有任飲的湯和沙律叫左蕃茄蟹雜錦湯河，紅卜卜，好多大大舊蕃茄好正仲好大碗，兩個人食都得呀，最後都係食剩，哈哈仲有好多蝦米，個湯好濃扎肉好好味呀  好香胡椒味 ~ 正 香蒜牛油法包幾脆口，不過就唔太香蒜容味麻麻好食金薯蝦卷唔錯呀，好脆脆的薯仔，好香口，我覺得呢個幾好食串燒就唔好食既，好乾，肉又鞋，又無醬汁 員工都好好人呀 , 幾好服務有禮 !