銀杏時光

營業中

休息中

是日假期 行到太古 在接近lunch hour 尾段 要找午餐地點 但該區兩個商場都係人 雖然未至於百貨公司大減價時的狀況周圍的餐廳都係人 唔想等位 加上 商場d餐廳又貴貴地 又成日都食 我們決定要在商場外食。。。但是商場外選擇唔多 又無力氣行去西灣河or Quarry Bay記得有朋友post過 銀杏時光的相 地點和商場都係一個block的距離 就行過去睇睇先加上我們多年來都係銀杏館的fans見到門口post了 lunch hour 剩低30分鐘左右 無理咁多 入去碰碰運氣 職員又無話唔比我們入和 last order 好順利就叫了兩個lunch setlunch 有 salad 和 湯 可以多次refill 都係幾款大路的食材 mixed green 青瓜 番茄仔 corn and peas dressing 有好多款  是日餐湯是 忌廉粟米湯旁邊有個candy floss 機 自己整 吸引死隔離檯的兩個細佬 佢整個支 唔夠我們大 眼金金望住我地食 主菜 我們點了 香茅雞 和 青醬長通粉 本來以為雞or飯會好濃香茅味 點知又無咩通粉 整得似 沙律通粉 好refreshing

哈! 又是素食者的福音了。一有新的素食店出現，的確可以說是一個福音，而且是好是壞都是一個福音。因為又多了一群熱愛素食的人士為大家提供素食，另外就是茹素的朋友又多了一個飲食的選擇啊。從朋友的 facebook 專頁得到了資訊，說在太古開了一間做素食自助早餐的餐廳。趁不需要帶小孩的一天，我同太太一早來到太古城，尋找這傳說中的素食自助早餐。地址說是太古，其實是在基利路鰂魚涌社區綜合大樓旁的一列地舖。此店是《銀杏館》 的其中一間主題分店。冠名為《銀杏時光》(Gingko Moment)。是日間比較 casual，比較簡單，飯堂式的餐廳。說是全素食，但實際上，只是早餐時段提供全素食餐，中午同晚上，是提供西餐餐飲的。 每日的 7:30－10:30 早上，就是他們的素食自助早餐時段。平日$28，假日$38，加埋$7茶錢，即是$35平日，$45假日。此外，限一小時享用。 推門一入內，就是店中的小小售賣食品角落。出售不少有機食品，食材，酒，等等等等。 在前台付好錢，就會有服務的長者來帶位。不得不再提，《銀杏館》是一間社企。是一間幫助長者，支持仍然身壯力健的長者就業的機構，好讓一些依然想貢獻社會的長者，

銀杏時光這年頭,在火炭華麗耆素試過呢種社企餐廳,見到店內單張集團旗下還有幾間分店,而太古呢間是最具特式,因為有Live band架.終於今晚二人世界拍拖形式下膽粗粗去試下.門面都好大,如圖,一踏入店是賣有機及自家製產品,我比較喜歡自家製橙醋及醬油,一大樽,好壯觀既,顧客可以自由地去決定購買數量.一早訂位,7時入座,大約7點30分樂隊開始唱第一首歌,歌聲真係動聽, 音響設備都好完善,3位歌手是長者級,他們唱英文民歌,一聽就知是耳熟能詳的經典歌,感覺十分RELAX.每唱完一首歌,客人都會拍手致謝,氣氛很融洽及溫暖.因為打算留肚去食甜品,所以都只是order左以下兩款食物1)卡邦尼卷心粉(所有意粉都是店內自己手作的,面質比較實及粗,整體味道合乎標準的)2)小食併盤 (酸辣蝦,墨魚仔沙律,一口豆腐, 墨西哥片)原隻蝦及白色墨魚仔,好爽口,配合酸甜醬味道的確令人好開胃.一口豆腐表面附上黑色松露醬然後高溫炸熟,外脆內軟.墨西哥粟米片配自製沙律醬,好味又不會太酸.飲品-原隻西瓜沙沙$38,原隻菠蘿沙沙$68,今次未有機會試,待下次吧

60幾蚊有埋沙律吧， 比起附近50幾蚊嘅茶餐廳性價比算是高， 不過期望不要太高。沙律吧以沙律居多， 即是蔬菜多， 車厘茄菜，粟米， 吃不飽人嘅健康沙律吧。主菜叫了個雞飯， 非常之精巧， 即係份量好少... 餐廳白飯任裝, 吃完了主菜才發現吾飽... 唯有飲多碗湯。話就話係半自助午餐, 很久未食過唔飽嘅半自助午餐。 餐廳位置有少少偏遠， 如果減肥，又喜歡食蔬菜的都可以幫襯。 見是社企都值得去下， 店內裝修亦不錯。沙律吧有返啲麵包會好啲囉。

銀杏館已放在收藏名單一段時間，今晚終於有機會一試。我們點了二人套餐，一邊享受 Live band 演唱，一邊等待晚餐...先在沙律吧食D蔬菜開胃，對於喜歡食菜的我，蔬菜選擇可以多D就更好。跟著就係熱熱的洋蔥湯，非常足料，好有洋蔥味，濃度適中。厚切的三文魚，煮得剛剛好，外皮煎得非常香脆而同時魚肉保持嫩滑，yummy yummy Pizza 一上枱已香噴噴，好香的羅勒味，配合芝士蕃茄簡直一絕，必食最後餐飲，我們各選了香芧茶及咖啡。推薦咖啡因店主選用了瑞士頂級咖啡豆，有濃濃的咖啡香味，就算不加奶亦不會有苦澀味....就這樣邊嘆咖啡邊陶醉在經典的懷舊金曲，滿足地享受了一晚。

以前來過幾次，覺得食物不錯、沒味精，每日新鮮有機蔬菜，並且是幫老人就業的社企，在端午節時更送粽子給籠屋人，所以有機會就來幫襯。最近碰巧有幾位同學從遠方來，因為我們都是音樂愛好者，這裡週末晚上有六人樂隊唱我們的老餅英文歌，所以就預訂了13位晚餐。為了方便聊天，所以預訂了離樂隊較遠的位子。我們7點來到，寒暄不久，樂隊也開始上場了。於是叫了牛仔骨(一份2人吃的份量)、燒春雞、豬仔骨、鱈魚帶子寬條面、牛脷飯，每樣兩份，也添加了沙律吧和一瓶餐廳紅酒 house wine。樂隊算稍微大聲了點，但是蓋不過我們因為相聚而興奮的聲量，反而添加了歡樂氣氛。開始用餐。沙律吧的有機沙律蠻新鮮的，橄欖和另外配菜也可以，特製沙律醬頂呱呱；忌廉湯應該在製作時攪得均勻，所以滑、沒有塊，不錯。就要吃完沙律時，菜開始陸續來了。首先試的是當晚特別推薦的牛仔骨，一吃驚為天人！鬆而多汁，味道很好兼有原味。再貴的餐廳也吃不到這麼好的牛仔骨，薯蓉也香滑。牛仔骨值五星滿分，很值得推薦！再試豬仔骨，也很好，鬆而有汁有原味，薯角也有水平。但還比不上美國德克薩斯州聞名的豬仔骨(我在德州吃了兩年)。值四星。燒春雞，聽說是有機的，有原味多汁，

星期日帶小朋友去那裡吃下午茶自助餐。由於以前去過幾次，有一位侍應還認識我們，跟我們有說有笑，另外有一兩位的態度也很好，所以一向都有好印象。後來看到有食評說服務態度差，也覺得不以為然，還以為是顧客挑剔。當天的下午茶到5點是需要清場的，侍應在我們進門時已經跟我們說過，我們是打算在5點離開的。到了4:45分左右，有一位侍應拿著蠟燭台，大力放在隔壁和我們的幾張桌上，嚇了我們一大跳，心跳也快了。他一聲不響就走開了。我們就馬上離開了。我不知道那位侍應是心情不好，還是想提醒我們要離場。如果是提醒離場的話，大可好好的跟我們說，不需要用這種方法。如果是心情不好，也不應該發洩在顧客的身上。這是社企餐廳，很多顧客來應該除了食物外，也是因支持社企而來的，我看到的大部分顧客都沒有不合理的，平均素質比外面好些。這位侍應的服務態度，嚴重毀壞了有意義社企的形象。短暫的服務差，毀壞了整體的好體驗。希望管理層在這方面多注意一下。

銀杏時光的自助早餐，有人話好亦有人話唔好，聽人講不如自己親身去試吓啦，其實都冇抱住希望，點知換黎嘅竟然係失望，＄35價錢一般選擇唔多係正常嘅，但所有食物都唔夠熱除左自己煎嘅雞蛋，而且盆腸粉好似食剩咁，成盤腸粉都唔夠十舊又無味，烚菜淋到無牙都食到，炒麵又油又咸仲唔夠熱添，湯通粉我無食過所以比唔到竟見，滾水都唔夠滾又唔熱，烚蛋唔係純白色但有超級非常輕微嘅茶色，唔講都唔知係茶葉蛋以為係烚蛋因為無香味唔好食，最有創意係自己煎蛋，希望餐廳會改善啦！

位於港島太古地鐵站附近的「銀杏時光」是『銀杏館』新開的第四間分店，主打經典西餐，早餐時段提供素食自助餐，而午晚餐照樣有肉類扒類供應。『銀杏館』成立於2003年，是香港首間推動長者就業的社企餐廳，以顧用長者經營的模式，為有經濟或心理需要的長者，提供合適的工作環境及就業機會，讓他們善用晚年、重拾自信。其業務甚為多元化，包括餐館、有機農莊、食品製造、餐飲到會、食堂、長者樂隊、銀髮士多及長者就業中介服務。 「銀杏時光」店內裝修以木材色調為主，配上木紋餐台及椅子，並有藤製層架及裝飾，日間主要靠落地玻璃採光，晚上則用小射燈照明，感覺自然舒適。早上推出的自助素食早餐HK$28，確實非常吸引！但強制性收取$7茶水費，合計相當於HK$35一位。早餐供應時間由上午7:30至11:30，1小時任飲任食。客人首先要到售票處購票付錢，自助早餐按收據顯示的時間開始計算1小時。而早餐食物種類，大概有沙律菜、長通粉、腸粉、炒麵、馬拉糕、南瓜三色粥、自助煎蛋、烚雞蛋、番薯、多士等等。而這裏的飲品只有三款可選擇，咖啡、鐵觀音和PIE水。 素食自助早餐（周一至五）每位連茶水費為HK$35 免加一，周六日及

I used not to believe social enterprise could be successful business as they do not normally have top management and marketing.Ginko, however, is my favourite social enterprise restaurant which serves good food in a reasonable price and helps contributing to society.They hire grey hair to be their staff, they are all smart, respectable and polite. I particularly likes their salad bar and tomato soup. They are in all-you-can-eat basis if you order a set lunch, together,its just like $6x-7x up!!!

我們一行四個大人兩個小朋友經朋友介紹來到銀杏館晚膳，因是星期六晚所以沒有套餐，需要單點，被告之每份主菜只需加28蚊就可以享用原價88的自助沙律巴和餐湯，但是一枱人只要一個人選擇吃沙律吧其他人即使唔吃都需要收費，但是我們表示小朋友唔吃沙律，可否只計大人，被告之只要超過三歲便要收取88蚊自助沙律吧的費用無論吃或唔知，後來唯有點夠六個主菜，因每碟的份量都唔少，而小朋友又食得唔多，所以最後都吃唔哂！食物的味道中規中矩，初初點了大蝦帶子天使麵味道不錯，之後就追加了一份雜菜天使麺，但是却好咸，羊架、燒春雞、豬鞍味道可以但用來伴碟的炸薯角卻也十分咸。試了手工柑桔啤酒，也是只有柑皮的苦味，沒有柑桔的甘味。

畀＄38就可以嘆到個下午茶buffet，2.5小時任食，仲要免加一，真係超抵！ 呢個buffet主題係玩懷舊地道風，每款食物都好有港式情懷，好似碗仔碗、咖哩魚蛋蘿蔔、芝麻糕、燒賣、豉油皇炒麵、糖水等等一共12款美食。呢間社企向來主打素食為主，但下午茶buffet就葷同素都有，滿足哂唔同人嘅口味。呢款咖哩魚蛋蘿蔔，咖哩汁夠香濃，帶微辣，魚蛋入味又彈牙，蘿蔔清甜無渣。而番茄雜菜湯長通粉，加咗大量番茄、西芹同紅蘿蔔等等材料去煮，味道同羅宋湯好似，由於係素食，所以味道就相對清甜，唔似坊間加咗肉嘅咁油膩。 呢到嘅碗仔翅雖然無加肉絲，但加咗粉絲、木耳絲、筍絲既關係，口感都幾豐富，個埋醋一齊食，夠哂地道！ 豉油皇炒麵，面條炒得乾身香口，唔會太油，雖然配料單薄，但灑上咗芝麻所以味道都算豐富。鍾意混醬嘅你哋仲可以去自助醬汁區到加甜醬同麻醬添！ 仲有懷舊餅乾食，好似瑪莉餅同字母餅，成功吸引到唔少大人同小朋友添食。 呢到有棉花糖機畀客人自己DIY，唔少大人細路都排住隊出去試，名符其實有得食，有得玩。嚟到呢到，會發現大部分嘅員工都係長者，原來老闆娘以前係做社工，當佢接觸到好多關於長者患有抑鬱症嘅個案後，明白到

同2小朋友一行五人進餐，食唔出味精，好新鮮好味道，叫了燒雞，聯合國炒飯，青炒時菜，仲有一些餐前小食。好多懷舊金曲，英文歌特别正，下次一定再去。記住要訂位，通常七點開始就有live 表演，氣氛好好，個人建議一路食一路點菜，如果小朋友坐唔定或者有些人不喜歡太嘈雜環境就考慮下先啦。

在中上環返工時都時常幫襯銀杏館, 環境食物不及高級餐廳,但熱情有心的社企理念勝過一切, 給人多一份飲食意義, 醫到肚同時又幫助支持長者就業, 在香港真的需要多一點這份愛心企業...不單純謀利亦可以長期發展,現在連太古都好了分店,不得不支持支持! 店舖設計優閒, 以木材為主題, 半自助餐式加一道主菜, 湯水沙律住食, 主菜款式多, 以健康為中心.我嘗試了焗海鮮飯, 即叫即焗, 很清香的芝士, 不會感覺肥膩, 有蝦魚柳squid等等, 正!很值得支持, 最後溫馨提示: 能吃是福, 節約是德,愛護地球

以前去過幾次荔枝角店，隔涉左少少。今次搬入中心地帶，方便好多。星期六1:30pm, 終於有時間嚟，又有位。平日見有好多office 人幫襯食妟，今日就有老有嫩。離下午茶時段重有成粒鐘，太耐了，支持社企，無所謂啦，入座去。裝修跟舊鋪大不同，今趟有部局好多，冇以前的亂感覺，雜貨擺設好清晰，坐位同佈置簡潔。餓了，點菜。素咖喱，味道不錯。但份量上（或者價錢上）應檢討下。咖喱多，飯太少。係咪要加飯先？人少食唔哂。要考慮平衡下份量同價錢。卡幫尼夠creamy.如果唔夠芝士味，可以去沙律吧攞芝士粉。主菜跟沙律吧。沙律款式唔多，但新鮮。出奇地香草青瓜（dill蒔蘿），香草一d都唔手軟。食物份量質素唔差價錢方面。以平日午餐計，就貴左少少($70起），唔係一般打工仔必選，偶一為之無妨。服務方面，舊鋪好d，以前親切d.可能係大家對銀杏其望太高，想像太多罷，見部份食評對服務態度反應一般。。。未夠兩點已經排哂龍，等下午茶了。假日$48有四款熱四款沙律有湯。星期一至五，$38。一般茶記西多士或者公仔麵都差不多$30。都係無緣食你個下午茶。。。坐多陣，埋單，俾番個位人家吧。支持社企