銀座梅林 (已結業)

早聞銀座梅林既吉列豬排非常出色,奈何一直未有機會嘗試。是日情人節經過沙田,心想一於試下沙田分店的水準啦。等位期間,當然用電話上OPENRICE睇下食評,眼看尖沙咀店好評不斷,沙田分店卻劣評如潮,喊臉多過笑臉,心裡即刻打左個突.正想打退堂鼓之際,店員已經話就快有位,於是便抱著一試無妨的心態入去。與女友二人當然不會被安排坐卡位,但二人檯也不錯,環境亦算舒適。店員很快奉上熱茶與MENU,很有效率與禮貌。食物大多以吉列為主,眼見大部人都係一人一個定食,不過我同女友就想試多D其他野,於是只叫了一個豬扒定食(因為飯和菜絲是任添的),女友話D飯可以Share,真的太聰明.我地仲叫左梅林豬扒三文治,吉列大蝦,茶碗蒸。等侯食物的時間有點耐,不過慢工出細貨,似乎沒有令我們失望。吉列豬扒定食(大)一看之下,豬扒夠厚身,相信是這裡的賣點。一啖咬下,肉質不算鬆軟,沒有肉汁,挺乾身的,但試得出用的麵包糠是高級貨色,口感細緻, 沒有「拮口」的感覺。細看之下,發覺裡面的豬扒是層次分明的,不過還是要配合豬扒醬汁,才會完全發揮出這件豬扒的美味。漬物有點少,得幾粒日式蘿蔔,會唔會與塊豬扒有太大對比呢?況且令人詫異的是,大定

本身去山頭火點知要等位之後行去隔離見到係食吉列 最重要係晚餐竟然唔駛點等 因為BAR 枱有位, 我最唔鐘意等位0架 所以駛等位已經好心叫咗豬扒三文治同吉列黑豚豬柳定食(4件)再加一隻吉列虎蝦豬扒三文治幾特別, 吉列黑豚豬柳定食任添飯和椰菜絲味道 ok 呀吉列虎蝦 “啖啖肉” 好好味呀我覺得呢間嘅嘢食幾好味啊，而服務都OK啦唔係其他食評講到咁，下次會來再試下佢個吉列海鮮

行完街街, 想早啲食飯唔使同人迫又不用等位.可能尚早及啱啱行完街被帶到近門口角落2位枱,都熱熱哋友人要轉枱, 嗰個哥哥仔就帶咗我哋去入面原來仲好多枱不過都喺熱算啦都坐低咗唔想再移動, 睇吓食0乜先. 依"奇績"出現啦, 陣陣涼風從四方八面吹來眞爽熱氣全消, 原來個哥哥仔走咗去幫我哋開大啲冷氣仲問我哋夠唔夠凍細心點咗滑蛋豬扒飯同炸豬扒定食(小), 在等食期間頭先個哥哥仔竟主動比啲椰菜沙律我哋食住先,佢話先頭落單時聽到我哋話好肚餓但啲食物又冇咁快到認眞細心仲教我可以配啲0乜嘢汁GOOD.終於"開飯啦"滑蛋豬扒飯比想像中出色, 蛋夠滑, 汁野味, 飯夠香一個字正炸豬扒定食(小)冇0乜肥肉略為結實咗啲, 莫非隻豬做得運動多啲侍應 加水, 加菜絲, 加飯, 全部都係自動波,佢地自己埋來嘅, SERVICE有啲似日本FEEL一件又一件, 加飯又加飯, 明顯再冇空間只好收手, 好滿足.

叫咗個豚肉生薑燒, 味道麻麻, 下次都係試返吉列食物好d. waitress成日主動幫隔離枱加菜, 但係到我第一次話要加菜時, 等咗5分鐘先加到, 第二次話加菜, 直頭冇咗件事!!! 同同一個waitress講多次加菜, 佢都冇加到, 仲要唔記得自己頭先己經冇幫我加!!!

老公ORDER左炸海鮮SET, 我ORDER左3件豬柳SET, 真係只可以講, 冇乜特別, 唔係話差, 又真係唔係咁好~大家見我連炸豬柳都冇影就知啦~人係會越食越有要求, 當食過TST丼吉, 銀座梅林真係冇得比, 只可以話好大眾化~唔係咁好食, 但又要等得耐, 我應該如非必要, 都唔會幫襯~至於其他食評話D服務好差, 對住我地, 都唔係差喎~我地拎住佢個COUPON去食, 就送特飲+前菜小吃, 當日特飲係青蘋果SODA, 小吃係毛豆~相中細細杯, 綠綠地色果杯就係青蘋果SODA, 係全餐飯最好味的東西~

睇完之前既食評, 發現原來唔係剩係我體會到. 上月某星期六中午, 專誠到沙田試呢間餐廳, 一入到去剩番單邊位, 但見到張卡位抺緊枱, 就問帶位的可唔可以轉卡位, 佢敷衍答話有人訂咗, 有先再轉俾我地. 咁我地唯有坐住單邊位先啦. 叫咗炸蝦天婦羅, 蟹籽沙律同炸豬扒套餐. 食物質素真係唔錯, 但D服務就真係.........叫人斟茶叫幾次先有反應, 態度又好似唔想做咁. 後來見到坐卡位的係walk-in既客人, 佢亦無再安排我地坐卡位. 相信都唔會再嚟呢間分店食野.

第2次來食.第一次係12月頭, 此鋪岩岩開既頭幾日.果次既服務比今次其實真係好D. 可能初初有日本人睇住, 而且又少D人食啦.果陣D WAITER 加水, 加菜絲, 加飯, 全部都係自動波,佢地自己埋來GA, 個SERVICE似日本果陣.但唔夠一個月. D服務確係差左.叫左幾次先加水.菜絲唔知發生咩事. D WAITER 不停CALL入廚房, 都拎唔到D 菜絲出來.一拎出來, 枱枱人人都要, 所以分得好少.加飯竟然要等5分鐘, 仲要個WAITER停CALL入廚房先拎到.唔知廚房發生咩事.不過, D炸豬扒, 炸蠔, 同埋個炸海鮮定食依然好得.個炸豬扒唔乾身, 而且夠厚. 又唔鞋. 爸爸都食完一件又一件.炸海鮮定食包括一只蠔, 一只帶子, 一只蝦, 2件魚. 爸爸一向都怕食雪藏野, 但佢一D都冇投拆, 一件又一件, 仲要加飯, 明顯佢好滿意.炸蠔定食有5只蠔. 外脆內軟. 媽媽一路食一路話驚膽固醇高, 但結果食晒.食完之後, 媽媽仲問可唔可以散叫炸帶子, 因為佢食左爸爸半只帶子, 佢話超甜, 超大只如果D服務改善好D就好了!

我和老公本打算去火頭山食拉麵，但等唔到位，去咗呢間食豬扒飯。點咗一客細炸豬扒定食同一個滑蛋豬飯，等咗１５分鐘，碗湯一Ｄ都唔熱，Ｄ菜絲少過乜，算，佢地話可以ｒｅｆｉｌｌ，Ｄ豬扒好一般，冇想像中好食。碗滑蛋豬扒飯買相不錯但食落ｄ豬扒同蛋都只係暖，真失望！吃光了菜絲叫人添加，點知等了１５分鐘，叫了數次不同的人，都只是話末有菜住呀！咁請問樣叫做ｒｅｆｉｌｌ呀店長，最好笑係其他客人的全部定食都有菜絲喎。好小家囉。結帳成惠：＄２１６，ｓｏｒｒｙ Ｎｏ ｔｉｐｓ！

見少年食神介紹過銀座梅林的豬扒很好, 發現沙田開了一間, 便去試試!食物OK, 但服務就一般, 與銅鑼灣的丼吉相比, 還有些距離.

星期六我和老公到沙田銀座梅林午膳，本來對日式炸豬扒及日本餐廳的服務是有點期望的，可惜吃完這餐飯後，只有失望。罪一：我們早於星期四便訂了位，但去到餐廳之後，那個貌似店長/經理的男人安排我們坐狹小的雙人枱。我們看到還有卡位，而且看到有兩人坐卡位，於是要求一位女服務員安排卡位給我們，我們認為既然我們一早已訂位，餐廳理應將較好的位置給已留座的顧客，但那位女服務員只說那些正在卡位用膳的人是一早walk-in的，而卡位要留給那些將會來的三位以上的顧客。一般正常的餐廳都會將較佳的座位留給已訂位的顧客，但這間餐廳卻不會，而女服務員回答時的語氣很不客氣，好一副「你唔鍾意就走」的模樣。真的十分差！罪二：我們點了炸豬扒，配菜的菜絲真是少得可憐，只有一個雪糕球的份量，只消兩口已吃光。我們去過不少日式炸豬扒店，菜絲大多都給得很慷慨，只有這一家是給顧客兩口菜絲的！罪三：我們先後叫了三個服務員加菜絲，但他們只敷衍回應，聽過便算(總共等了十多分鐘)。最後就推給另一個忙個不停、最年輕的服務員，叫他幫手加菜絲。尤其是那個穿西裝外套的女服務員(應該是高級服務員，也就是回答我們卡位問題的那個服務員)應了我們兩次，但卻沒有行動

星期日去開沙田市廣場, 下畫兩點幾, 老公話想試下哩間餐廳的炸猪扒..........點知換來一肚子氣!因為已經係兩點幾,接近三點, 所以唔駛等位就入座.坐低一陣, 研究完個餐牌後, 老公叫左個似係部長/經理的男人來落單. 我老公要猪柳旦大碗飯SPECIAL SET, 我就要炸猪扒定食(大). 點知哩個部長/經理好似顧住用個HEADSET同同事講野, 聽唔到我話要大的炸猪扒定食, 問我要大還是要細, 我只好重覆一次"大呀!". 隔左一陣, 佢又行過黎問我地, 你地叫的炸猪扒定食係咪要細? 我只好再重覆~ "大呀!"..........我覺得佢落單時咁心不在焉, 好唔PRO囉!進食期間, D侍應唔會主動幫我地加茶, 加椰菜絲. 我老公叫左D侍應2,3次幫我加椰菜絲, 點知都係無人理我地, 最後我老公叫那個貌似係部長/經理的男人幫我加菜, 我先有得加菜!其實哩間D炸猪扒是不錯的, 我地另外叫的炸薯餅都幾好味, 但係哩度的SERVICE真係太差了, D野好食都無用! 唔明白哩間日本過江龍D服務會咁差囉! 我O係日本旅行, 就算係高島屋D百貨公司上面的平價炸猪扒餐廳, 佢地D侍應會主動幫客人

由等位開始～晚上六點半左右！攞飛等位，點之一望入去睇到，入面吉枱多過出面等位！我好唔明咁問佢地點解？原來係有人訂左！要等佢訂枱時間過十五分鐘先可以叫枱？我話全部都訂枱呀？佢話係～！之後我同佢講...你地好應該主動打電話比訂枱客人...係咪真係黎，之後佢無理我，我忍唔住同經理講。之後佢先肯去打電話問留枱D客黎唔黎，真係有四五枱唔黎！ 佢地真係好聰明(食評中不可具侮辱或挑釁性之字句....)入到去叫野食，我同佢講我太太（大肚）唔飲得綠茶，叫佢比杯湅水我。佢話無湅水，一係叫原裝一支膠樽水。=.=...我O左咀，最衰係我真係見到佢地有一壺冰水係度，我問佢做咩有都唔比我？佢就話只提供食咖喱定食先有冰水飲，嘩又比佢吹脹左～！一間街邊茶餐廳都有嘅服務，居然呢度係無超失望～叫左個兩個餐，等半個鐘預左...因為即炸我都唔祈望會咁快出到。等我食完之後埋單！比左錢後等找錢，都要等成二十分鐘！滾左...我話服務差都算...埋單都咁耐...你地無錢找呀？之後我連續叫左佢地幾個伙計話未找錢！等佢地全世界都知我係未找錢～！！...

食物:炸豬扒定食(大)時間約晚上6時，店裹有5枱客人。今天沒有金豚，故選擇黑豚為晚餐。因坐近門口，能清楚看見出菜位，厨師很快巳把我的晚餐準備好，但店裹的侍應好像很忙，我的晚餐在出菜位待了超過4分鍾後，終於有一位好心的侍應發現並把它端到我的桌上。雖然菜絲及白飯可以添食，但菜絲的份量出奇的少(比一個嬰兒的拳頭還少)約只有尖沙咀店的三份之一的份量。食了兩口己食光，別的店會有侍應主動上前詢問要不要加菜，這裹沒有發生。到飯也食光了還有朱扒在碟上，亦沒有人上前問是否需要加飯。等了一會，只好揮手叫侍應加菜及飯。另外餐桌上應有一小碟用來放朱扒汁，侍應有在鄰桌放上小碟，不知昰否得罪了他們，這些上小碟就是不放在我的枱上。我唯有用湯碗蓋盛醬汁。最後結賬時，侍應跟我說"有優惠劵，你要不要？"食物的味道是不差的，但服务就....我只好說"不用了，我想我不會再來。"